壹八壹冰室 (已結業)

我們是在加拿大回來探親，在 Eight-One-Eight Hotel & Serviced Apartment 住了四個星期，在這冰室吃了四次：早飧，午飧，下午茶，及晚飧。應該可作公道食評。咖啡，Cappuccino 及奶荼不錯。沙爹牛麺OK，但配即食麺有点不對，$68 一碗應該是蛋麺。腸粉不夠熱。紅豆冰 OK，但不是超棒。黑毛豬叉燒溫泉蛋配絲苗白飯不錯，义燒鬆軟又好味。京都豬扒配絲苗白飯很好，值得推薦。最令我心服是情人節 special set dinner.  八度菜式加香嬪，一口價 HK$988 plus tips。不貴；每一式都是精心傑作。乳鵨有点乾，但乳鵨多数是有点乾的。大師傅厨藝高超，可惜 Menu 菜式不多，沒有很多選擇。…查看更多

Staycation 早上試埋酒店另一個間餐廳做早餐它不是自助形式的早餐，而是外表富七、八十年代裝潢色彩的茶記，入面除左港式食品，仲有一些西式食品今次叫左個Egg Benedict 和 朱古力雪糕配多士（估唔到早餐就可以食雪糕)唔錯雪糕好食，唔知係我食唔慣定佢烤得太乾，塊多士真的好～硬～淨，好彩有雪糕軟化下佢，整體都係唔錯既價錢其實偏貴，但有staycation 優惠加持，都叫可接受總結：食物、環境唔錯，價錢略貴，但去得玩，就豪少少都不為過既～…查看更多

這間餐廳位於一間酒店之內，以至對這餐廳的期望，比茶餐廳較高。已經光顧這家餐廳有一年多，餐廳內環境不錯，有卡位。本人較喜歡坐近窗口、有落地玻璃的位置。一邊欣賞風景，一邊談天，享受一個下午或週末。喜歡的食物有蕃茄牛脷焗飯、肉絲炒麵、滑腸粉、碗仔翅、腿蛋三文治、牛油花生醬西多士，還有熱奶茶。可是，大約於二零二零年十一月中，不單止餐牌更改了，原來也換了新廚師！更甚的是所有我喜愛的菜色全部消失了！我嘗試新廚師的海南雞飯，無雞味，醬汁味道較淡。咖哩雞飯，全是雞背脊、雞皮。…查看更多

餐廳環境有別一般茶記，是個酒店高端版。服務很好，殷勤周到，上菜速度正常。早餐現做，高出預期所想。奶茶又大杯，茶味香濃，而且奶味充足，入喉滑溜。炒蛋很滑，酸種麵包🥯油潤味美，烘得香脆。波波腸重口味，富多種香料的食味，腸衣微un。大菇和小茄也多汁，做得不多油，很滿意。食後感：只是早上起來還很飽，吃了一半份量便放棄。其實應該打包才對😂酒店餐廳大又衞生清潔，男店員一腳踢，碟子蠻重，真不簡單，無甩漏無得彈。…查看更多

多謝好姊妹K小姐帶ee食正野！位於西環呢間181酒店附屬 壹八壹冰室 The Tea Room環境舒適，服務周到，晚市小菜都係$68起。我地兩個人叫咗 #京都豬排 🐷#欖菜炒四季豆 🌱#瑞士雞翼 🐥，埋單加埋一$280。媲美茶餐廳價錢，酒店格局+服務、茶餐廳價錢，仲要免開瓶費！🍾 真係邊度搵？如果用埋AE白金卡仲有半價優惠，分分鐘平過食魚旦粉😂😂😂#thetearoom #壹八壹冰室 #181hotel #oneeightyonehotel #saiwan #hkig #hkfoodie #eatwithandie #gotravelwithandie @ 壹八壹冰室 The Tea Room…查看更多

朋友因為屋企裝修的緣故，住進了181酒店，他説樓下餐廳可以一試，於是今天Lunch選了這裡開餐，眼見餐廳客人不多，選了卡座（惡夢也開始了😓）選了銀芽肉絲煎麵及凍飲，落完單凍飮很快便到，等了又等，等了20多分鐘才上桌（以客人不多的情況之下，確實很慢），賣相不錯，味道亦無問題，問題在於麵很碎麵不是用幼麵烹製，較硬身。在進食過程中，不停有啲小昆蟲咬我隻腳（可能來吃飯的男客人穿西裝，女客人穿絲襪吧）我穿短褲唯有咬我😅，我無唸過酒店有甘多野咬，看來有需要改善一下了…查看更多

今日兩人去咗食181冰室主要是因為有張白金美國運通信用卡有五折優惠。我們叫了一個差不多最貴的波士頓龍蝦蒸飯還有炒黑木耳百合。半價後波士頓龍蝦蒸飯約$200黑木耳百合約$50，但係龍蝦比較細隻覺得$200還是太貴。反而黑木耳百合都ok. 這間餐廳在酒店一樓平時應該不是很多人去所以應該不用等位。如果有五折優惠我想我以後也會再去。另外有金必多湯大約$40，金必多湯五拆後20。都真係非常抵。我部車泊在樓下也應該小機會抄牌。…查看更多

酒店一邊嘅入口係地精品店，令一邊嘅入口在海旁，服務員好有禮貌咁呢我哋去搭lift，去到2樓就係酒店大堂，右手邊就係呢咁冰室啦，感覺好乾淨，服務員領我們去窗邊的檯，可惜那天天氣唔係幾好陽光比較少，但係都有海景睇，餐廳播住譚詠麟、張國榮、梅艷芳、林子祥...都係啲八九十年代嘅金曲，好配合個裝修食物都幾多種選擇，有點心、小菜、炒粉麵、仲有甜品。首先來個「避風塘糯米蟹」，造型好靚，但料比較少，咬到一半先有餡料，好似炸麵包咁，ok喇，不過下次試其他唔會再點「咕嚕蝦球」酸酸甜甜好開胃，蝦唔乾身又爽口，$98蚊5隻蝦，好心俾多隻喇，橫掂雪蝦都唔係好貴啫🤔「生炒牛肉飯」飯炒得香又乾身，飯係一粒粒嘅，牛肉唔係一塊塊係一粒粒嘅，有啲鞋口，不過都合格嘅現在只要你like佢的fb或IG就送你「雪糕紅豆冰」，我鍾意隻高身杯好懷舊，雖然係送的都好多豆，唔錯呢間餐廳好好坐，跟朋友聊天、估歌仔可打發一個下午，所以加一收費都係抵嘅👍🏻👍🏻…查看更多

開業時來過一次，坐在靠窗的位置，窗外是維港風景，可惜被行車天橋略遮擋。今次換了卡座沙發的質感很好坐得舒舒服服值得表揚設計師的創意。這次來到發現店外的廚櫃里多了下午茶茶點，有精緻的中式波羅包也有西式的藍莓西餅，聽說今天已經售出很多份了。下午茶時間沒什麼人，東西很快上菜夠熱，咖哩醬是店家自己制作的比一般茶記的濃厚，而且辣度偏低，沒有加入太多牛奶吊味，清清淡淡的，是一份一份現煮的，味道合格，奶茶比上次好喝。整體不錯。…查看更多

由細到大都鍾意冰室食物啱口味價錢大眾化唯一係環境多數較噪吵自從新酒店內的冰室開張真係幫襯無10次都有8次地方企理舒服小時候最愛坐的硬冰冰卡位這裡把它變成梳化好貼心冰室內播著70、80年代的金曲所以爸爸媽媽特別喜歡中午經常高朋滿座見到服務員無停手又不失專業真係好佩服佢地食物方便試過炒粉炒飯同小菜獲氣好夠有些在外面從未食過倒如很少用蝦鬆炒四季豆，炒得好好食仲有最愛的無骨口水雞同黑蒜鮑魚雞煲蒸飯份量好大又多選擇無論屋企聚餐定同朋友相聚都好適合最近仲有得儲印仔，儲夠某一定數量印仔可以換飲品或小菜以後要多點幫襯☺️…查看更多

家住附近，發現酒店內新開左間以懷舊做主題的冰室，試業期間仲有8折（暫時見去到10月31日），所以約埋成家人一齊去食個晚飯。由於前兩日訂左枱，員工貼心地安排了一張長枱給我們7大3小，一邊是梳化位，非常舒適。仲有BB椅和BB餐具提供，相當適合一家大小黎食。至於食物方面，等候時間都合理，落單後不久已經逐一上菜。已經碟碟都熱辣辣，新鮮即炒。本人推介沙翁明蝦球的鬆軟香口，無骨口水雞亦做得十分精緻特別。飲品方面都見到很多冰室常見的例如黑牛，什果冰等。本人叫左杯雪糕紅豆冰，真係好有童年回憶。飲返出以前d冰室整出黎既水準，食到有碎冰同軟淋淋既紅豆，好好味！餐廳外面還有個麵包櫃，會有新鮮出爐既麵包賣。整體服務和食物都十分好，值得再試！…查看更多

以前日日 lunch諗食咩諗到頭都爆，自從轉左新工，發現西環都真係好多嘢食好多選擇！今日就同同事去附近「壹八壹酒店」試吓佢間冰室。開初同事提議去酒店食飯，大家都驚會唔會好貴㗎？點知價錢同普通餐廳差唔多，但係質素就好好多！環境又舒服乾淨，試過lunch之後，我都諗住星期六再約班姊妹過嚟食晚飯。我地三個女人仔食lunch，所以試得唔多野，我一黎就睇中「西炒通粉」，同西炒飯嘅煮法差唔多都係茄汁底，佢用嘅腸仔質素唔錯，都算幾多餸。我地仲叫咗「鮮蝦荷葉飯」，一打開塊荷葉...四個字 - 香氣撲鼻酒店級數真係唔可以同出邊茶檔比，又落鮮蝦又落蝦乾，口感好之餘又香好多！我地仲叫左一個前菜一個小菜前菜係「冰鎮涼瓜」（唔記得影相，就已經食晒）小菜係「蜜桃醋香骨」，兩個都好味，送飯一流。新張期內8折優惠，埋單每人差不多100。我覺得間餐廳最正係坐得舒服，d侍應服務態度又好友善。無論同屋企人再嚟食晚餐或者同班姊妹星期六日冇掟去時過嚟Hea下都唔錯…查看更多

九月尾開始在街上見到這間冰室的推廣，同事去過食午餐，主要是炒粉麵，感覺非常良好，乾炒牛河有鑊氣，特別是有八折新張優惠。趁十月底前仍然是優惠期，今天和大家再去。除了炒飯外，另外兩個小菜份量細，擺盤有下功夫，始終是服務公寓的餐廳，比一般冰室有心思。可能新開張，午飯時間入座率大概只有4成，聽到隣座的食客說特意由中環過來和朋友午聚。環境比一般冰室寬躺，播放廣東懷舊金曲，不會太嘈吵，仍然可以和同事傾談。洗手間當然比外面的冰室企理多。值得一提是紅豆好抵，8折後只需$20。…查看更多

一田附近新開酒店有間新冰室，收工去試新野，上二樓大堂，用舊款鐵閘霓虹燈，卡位有點像花樣年華，牆身掛七八十年代的香港舊照片，配以當時的流行曲，感覺不錯，年紀相若，很是投入叫了個雞扒炒一丁，好味，雞扒煎得挺香，份量大；加個雪糕紅豆冰，有兒時感覺，好過大家樂，豆又多員工很殷勤，全是年青人，有個韓國旗子標示的女員工，白話下單也不成問題，厲害。埋單有八折新餐廳優惠，價錢來說，在酒店，這樣的環境下很實惠，沒有八折也值得再來。…查看更多

環境舒適、座位寬敞、食物味道不錯、懐舊金曲，超乎一般茶餐廳水準。可以預約留位，在屋企附近，有8拆優惠，未試過的不防一試，抵食又好食，下次再來試吓下午茶，希望保持水準。…查看更多