士林棧 (已結業)

如果想係大角咀食台灣菜，士林棧係一個唔錯既選擇，佢優錢相宜、而且食物質素唔差。一個客飯套餐$76有飯/麵+小食+飲品。我同男友今晚都特別肚餓，所以叫左個生菜豬軟骨鍋、刀削麵、肉臊茄子。重叫多左個脆炸芝心雞扒菜飯同牛家盛會。生菜豬軟骨鍋豬軟骨炆到好軟超入味，軟骨都好軟，保留了一點脆脆的口感，膠質超重。大大碗刀削麵，蕃茄湯清而味濃，剛好熟的麵質，軟硬度適中。肉臊茄子茄子炸過後依然保持柔軟，又相當容易吸收醬汁，加上肉燥汁夠香，係非常惹味嘅一道小食。脆炸芝心雞扒 一啖啖無骨的滋味雞肉，釀左芝士係雞排內餡，新鮮炸起勁熱辣辣，芝士同雞排味道幾配搭。牛家盛會（牛𦟌、牛脷、牛筋、牛肋條）每款都有兩件。牛肉就各有特色，牛𦟌軟身好稔，牛筋口感煙韌彈牙，帶有重重的膠質感，牛肋條同牛脷都唔錯。…查看更多

今日朋友黎搵我食午飯, 所以我就帶佢去左呢度開餐我喜歡呢間餐廳無添加味精午飯時間冇晚上咁多人, 晚上成日都坐滿晒, 因為小店坐位不多都幾逼我喜愛就是牛家盛會陽春麵, 今次依舊點這個, 我朋友就點了牛家三兄弟陽春麵牛家三兄弟陽春麵$50有牛筋, 牛脷, 牛𦟌和牛肋條湯底超好味, 食完唔會好口渴牛筋夠軟帶少許黏性, 牛脷, 牛𦟌和牛肋條都好林好入味牛家盛會陽春麵$55有牛筋, 牛脷, 牛𦟌朋友第一次食都讚好味同埋餸都好多, 份量幾大碗夠飽…查看更多

到大角咀做嘢，唔想去大街嘅連鎖餐廳，所以行咗入內街睇下有無小店支持下，天時熱想食米線見呢間Lunch入都多人又有米線就入咗去食。坐低打開openrice原來呢間都有好多美食推介，本身想食米線嘅我見到有菜飯忍唔住轉軚，試咗個芝心雞扒，因為外面少見。脆炸芝心雞扒芝心雞扒嘅做法同我想像中有少少唔同，呢到個做法係雞扒橫切夾住個芝士好似三文治咁而唔係我諗嘅酿個芝士入去，所以食落好普通。個飯超大份，女仔食可以叫少飯。…查看更多

貢醋豬軟骨陽春麵($45)-豬軟骨嘅份量好多，仲有一隻溏心蛋同菜附送，湯底係牛𦟌湯，味道好濃，令陽春麵更加好食。招牌牛𦟌陽春麵($47)-牛𦟌好軟，咬完好似係口中溶咁，而且牛肉汁嘅鮮味出曬黎，真係好出色！珍珠奶茶(+$9)-好大杯，甜度剛好。…查看更多

见openrice好评如潮，在大角咀原本以为是正宗的台湾菜，点了个筋肉双雄，湯好难饮，肉又麻麻地，真的怀疑自己走错地方，真的是中伏，一点点的台湾味道都没有，完全是靠好食评骗人来吃的，下次不敢来了…查看更多

其實我係一個米線控🙌🏻，一星期起碼食足三日米線，呢間士林棧簡直係值得推介👍🏻👍🏻食過返尋味。其實佢主打係食台灣牛展牛腩嘅，今次特登我冇叫但係叫咗豬軟骨米線。一上枱，個碗大到嚇親我，豬軟骨鋪滿晒成個碗，肉質鮮甜，軟骨仲好有骨膠🤤🤤米線不會太淋，加上滷水汁，有好入味，側邊仲有木耳絲小棠菜做配菜，食落感覺一點也不膩🍜🍜 脆炸芝士雞扒🧀，濃郁嘅芝士夾係滑lulu嘅炸雞扒入面，味道香濃有淡淡的芝士味，食落好有層次感😌回味無窮😛店裏面仲有好多其他台灣嘢食，最好叫定多啲朋友嚟試吓，下次黎我一家要食埋個牛🐂🐂…查看更多

好耐以前係大角咀返工既時候係行出旺角其間意外發意有呢間台式餐廳呢間餐廳唔算非常起眼但門口有大大隻字寫住士林棧所以比多少少眼力其實都好易搵到本身自己都比較鐘意食芝士於是就叫左一個芝士雞扒麵方面可以選擇米線/陽春麵或者菜飯而湯底方面就有清湯同蕃茄湯選擇我簡左清湯而朋友就要左蕃茄湯最欣賞呢到D豬扒係碎上而且無骨食起上黎方便好多唔洗驚咬到骨每一啖都食到芝士呢到既蕃茄湯底既味一啲都唔假飲得出係真材實料 仲會飲到啲蕃茄溶添另外黎到呢到基本上每次都一定叫香芋珍珠飲呢到既香芋珍珠永遠唔會飲到粉而且真係有香芋味唔會得個樣朋友係碗麵未到既時候已經飲完大半杯可想而知杯飲品有幾好味香芋珍珠加芝士雞扒係黎呢到既必食有時都想試下其他食物可惜捨棄唔到好好既芝士雞扒支持小店 物超所值…查看更多

好多Like來試下，珍珠紅豆冰可以一次過滿足兩大願望，所以首選，珍珠軟糯，紅豆也很多，又大杯，健康之選。芝士控見芝士又係必點，芝心雞扒和五味豬扒是不同的脆醬，不同感覺，食芝心雞扒有食KXC炸雞感覺，但芝士融出來的邪惡感實在教人興奮! 雞扒很多汁，也很夠味，芝心雞扒略重口味一點，但都係上佳之選。五味豬扒應該係五味粉，但五味粉不太重，最愛點大大量的泰式雞醬，變成泰式豬扒，都好味。可能我點芝心雞扒陽春麵，所以另上，另上簡直係必然，若有店炸物放湯真係可以叫佢收檔。陽春麵很健康清新，是牛展湯又有菜木耳，係好健康細心的配搭。士林古早牛展菜飯，牛展很大件很厚但很腍，入口即溶，醬汁撈飯也很正，上佳之作。菜飯還有少許肉碎，變成肉燥飯，外店已經要加3大元了，這裡都不跟你計較，好吃就是!…查看更多

呢間台式餐廳位於大角咀，球場對面唔顯眼嘅內巷！大概晚上7點，只有一枱客人。台式飯、麵 約40幾至50幾左右，加7蚊有台式飲品。+$7 荔枝綠茶 屬正常甜度。+ $7 熱珍珠奶茶茶味夠，珍珠口感煙韌！一入餐廳已見招牌小食無骨醉雞卷 $37 總共有11件。採用雞扒扎住浸酒，每個醉雞卷都藏有杞子。雞肉嫰滑，酒味香濃。脆炸芝心雞扒菜飯 $50雞扒炸得外皮脆卜卜，雞肉仲keep 到嫰滑！流心嘅芝士漿流晒出黎，多種口感，幾惹味！牛家盛會 刀削麵 $58（牛𦟌、牛脷、牛筋、牛肋條）呢碗紅燒牛麵 勁足料。所有配料都炆到超稔，超入味！特別係牛脷同牛肋條！牛肋條一d 都唔鞋口，正！刀削麵份量都幾多，口感幾滑但唔算彈牙！…查看更多

話說我哋已經好耐冇食台灣菜，而且對上一次去台灣都已經係三四年前，所以我哋決定今日懷舊一下。首先出場嘅，就係呢一個無骨醉雞肶肉，佢有兩個重點，第一就係有我鍾意食嘅醉雞汁，第二係無骨啖啖肉好正！之後就係呢個柚子雞扒，本身嘅雞扒好好食，再加上甜甜地既柚子，令到個雞扒絕對意想不到咁好味，好容易入口開胃！之後就到你一個梅香豬扒，佢係酸酸酸酸地，配搭菜飯一流。而且佢係煎得好香，最鍾意食香口野，都襯返台灣嘢食。最後呢一杯紅豆冰珍珠，純粹係過下珍珠癮。…查看更多

繼鐵牛後，又一間性價比高台式餐廳!!見openrice分數極高，決定一試。2個人叫左2個下午茶餐，一個小食。分別係牛𦟌陽春麵，香炸豬扒飯，無骨醉雞卷。2個人食大約80蚊，仲要包飲品👍👍👍牛𦟌麵既湯底濃郁，非常香牛味，而且牛𦟌非常軟身，有入口即溶感覺，唯獨事麵偏'淋'，整體非常好!!!! 😋😋😋香炸豬扒飯: 因為不是酥炸關係，並唔會係豪大大個種會爆雞汁，屬於乾身，但非常香口。不過個飯就麻麻，好'淋'，好後悔冇配麵/其他。至於醉雞就非常清新，加入杞子既原因，味道帶甜，食多幾件都唔會膩，而且冇骨，非常方便😍😍😍唯一挑剔就係酒味唔夠，中意重酒味朋友應該麻麻。…查看更多

同朋友行經大角咀，行到又攰又肚餓就隨便搵間餐廳食午餐，去到呢間叫士林棧嘅餐廳，估唔到呢間賣台灣菜餐廳都幾好食同抵食。店入面唔算大，不過枱與枱之間幾寬敞，坐得都幾舒服。餐紙上寫明無添加味精。下午茶餐幾抵食，三十幾蚊已經有一碗陽春麵、米線或者菜飯，仲送熱飲或者豆漿。不過我同朋友想試下呢度嘅招牌菜，所以叫左筋肉雙雄麵同埋五味脆豬扒米線。筋肉雙雄麵，個名好得意，原來係牛𦟌同牛筋，份量都幾多，大大碗，牛肉同牛𦟌有好多舊，生菜都有唔少，牛𦟌幾多肉、牛筋爽口彈牙，牛肉味幾香濃，湯底唔錯，唔係味精湯。五味脆豬扒米線，揀要番茄湯底，又係好大碗，配料都好多，有菜、芽菜同木耳絲，番茄湯味道唔錯，酸甜度適中。豬扒分開碟上，豬扒外皮香脆，入面肉質嫩滑，配甜辣醬汁，食落幾惹味。天氣凍所以我同朋友都揀秋冬暖飲，桂圓薑茶，朋友話味道唔錯，薑茶唔會好辣；我叫嘅蜂蜜檸檬，蜂蜜唔會太甜，幾滋潤。幾有水準嘅台灣菜，而且價錢唔貴，下午茶餐仲幾抵，下次黎開會試下下午茶餐。…查看更多

兩個飯一個選擇是菜飯，一個是白飯。飯上都有些肉燥，肉燥入口軟綿又濃郁，撈飯都好正！牛肋條菜飯(牛展汁) $49牛肋條好濃郁，牛味重，部份位置入口像牛腩，厚肉又有些彈性，另一位置近筋位，有些軟綿，整體味道同口感也不錯。牛肋條伴隨一些湯汁，湯汁濃稠度適中，可以倒少許在飯中撈飯，感覺不錯。不過湯汁喝起上來，有點兒似肉骨茶！梅貴豬扒白飯(牛展汁)$48看餐牌說，梅貴豬扒是豬扒中的和牛，這麼特別當然要一試！豬扒分量很多，厚度適中，逐塊吃都覺得很滿足，而且豬扒很酥軟，很容易咬開，而且味道濃郁，再配飯一起吃，感覺很好！…查看更多

見今日Monday blues，諗住同同事食好D，就山長水遠行左20分鐘過黎，為左一試閒名不如見面既魯肉飯。點知D飯好好硬，唔知係米既問題定係未熟熟。D菜飯唔係菜飯係白菜蓋飯。D魯肉係五花腩。建議可改善。 百福豆腐可以唔成舊。珍珠奶茶不俗，桂圓紅棗茶不俗。豬扒OK！…查看更多

早前到台灣旅遊,一住便是十天,相當懷念當天的日子,回到香港後一直也不是太自在,可能因為要工作吧這天朋友說一起吃飯,便來到旺角這家士林棧這兒只是一家普通小店,不過地方頗企理,感覺不錯先來一杯地道風味珍珠奶茶,味道不太甜,茶味香濃,剛剛好再來一個梅林豬扒陽春麵,豬扒香脆之餘又不太油膩,肉味相當濃郁陽春麵相當彈,口感一流藍乳雞塊,藍乳味道濃厚,入口脆口,我和朋友也相當愛吃黃金南瓜是今天最喜歡的小吃,入口也是相當脆口而不油膩,每條的味道也是相當新鮮,超好吃的小食…查看更多