堅信號上海生煎皇 (青衣城2)

最喜歡中菜的細膩與創新。最近超想食上海生煎包，於是點了一大堆，這裏的包爆汁皮薄，眾週知質量相當穩定好食，咬下去湯汁飽滿，肉餡不油膩，脆包口感令每口咬下都食到肉餡。然後小龍包也有多種口味，無論是原味、蟹粉、亦或辣子雞肉味也非常出色。灌湯小籠包皮薄多湯汁，展現功夫。新出的金箔蟹粉小籠包則以蟹粉的咸香為主，金箔點綴增添華麗感，味道細緻高雅。而辣子雞肉小籠包帶有麻辣香氣，辣度恰到好處，微微刺激味蕾卻不掩肉香。之後的蟲草花花膠雞湯底非常濃鬱配上麵食就更好不過，加上花膠量多，非常滋補。最後的手工冰粉清涼爽口，搭配葡萄乾甜而不膩，健康感完結了這餐。…查看更多

突然之間見到好想食生煎包即係諗起堅信號多次到訪都沒有失望金箔粉蟹粉小籠包🥟第一次見金箔蟹粉小籠包小籠包粒粒飽滿，皮薄到透光咬落去湯汁四溢，鮮味十足堅信號生煎包鎮店之寶，正宗皇牌🎖️外皮煎到金黃酥脆，底部非常脆邊滿滿肉汁即刻爆出，豬肉好嫩滑孜然雞翼擔擔麵孜然雞翼微辣開胃擔擔麵湯底濃郁，有香濃花生加入肉碎，口感更豐富蝦仁蟹粉拌面滿滿金色蟹粉，打卡一流配上蝦仁一起拌面，非常鮮香堅信號上海生煎王青衣青敬路31-33號青衣城2 1樓197號舖…查看更多

放工到青衣城「堅信號上海生煎皇」，試了幾款招牌菜，體驗上海風味！胡麻醬雞絲粉皮清爽開胃，醬香濃郁，雞絲細嫩，加上青瓜絲，非常適合夏日。胡椒豬肚雞湯暖胃，湯底濃郁帶胡椒香，豬肚與雞件份量足，可惜枝竹略硬，若煮軟些會更完美。上海排骨炒飯粒粒分明，排骨入味，飯香撲鼻，鑊氣十足。招牌生煎包果然名不虛傳，外脆內軟，肉餡鮮甜，咬一口爆汁，令人滿足！炸菇紫椰菜豬肉小籠包同樣驚喜，湯汁豐富，紫椰菜添新意。甜品選了十勝紅豆燒仙草，紅豆香甜綿密，仙草滑嫩，清新收尾。飲品柚子蜜梳打清爽微酸，解膩又過癮。整體性價比高，食物質素不錯，環境舒適，下次會再為生煎包而來！📌堅信號生煎包📌胡麻醬雞絲粉皮📌炸菇紫椰菜豬肉小籠包📌上海排骨炒飯📌胡椒豬肚雞📌十勝紅豆燒仙草📌柚子蜜梳打…查看更多

堅信號上海生煎皇．生煎包爆汁、蔥油雞滑到震！呢間喺青衣城嘅上海菜——「堅信號上海生煎皇」，真心高質！平時食上海菜，好多時都係得個「鹹」字，但呢間無論係小食、主食定飲品，樣樣都做得夠哂心思，價錢又合理，值得回頭！飲品：豆香濃郁，解膩一流我哋試咗兩款飲品，「單戀豆乳仙草凍」同埋凍豆漿。先講個仙草凍，豆乳味超濃，唔會死甜，仙草凍滑溜溜，飲落去好清爽，尤其食完濃味小食之後飲一啖，即刻解膩！凍豆漿都唔錯，豆味夠香，甜度適中，同出面嗰啲稀溜溜嘅豆漿完全唔同，真材實料。招牌小食：生煎包爆汁！紅油餃子香辣過癮嚟到堅信號，一定要試佢哋嘅「生煎包」！一咬落去，個包底煎到金黃香脆，入面啲肉汁多到「爆晒出嚟」，肉餡又鮮又嫩，仲有少少蔥香，真係必食！另外「灌湯小籠包」都唔輸蝕，皮薄餡多，湯汁清甜，記得趁熱食，否則個皮會穿㗎！「紅油韭菜餃」都值得一讚，餃子皮夠煙韌，韭菜餡好香，紅油唔會太辣，反而帶少少甜，好開胃。至於「蒜泥白肉」，蒜香味勁濃，白肉切得薄薄哋，肥瘦均勻，撈埋啲蒜泥同醬油，送飯一流！主食：蔥油雞菜飯、排骨炒飯大份夾好食講到主食，我哋試咗三款，款款都掂！首先係「蔥油雞菜飯」，個雞真係「滑到震」！份量又多，蔥油香得嚟唔會太油，撈埋啲菜飯一齊食，簡單但好滿足。「上海排骨炒飯」就啱晒大胃王，個飯真係「巨量」，排骨炸到外脆內嫩，仲有少少蒜香，炒飯粒粒分明，唔會太油，食完成個飯都唔覺膩。最後係「上海排骨擔擔麵」，個湯底花生味好濃，帶少少麻辣，飲落去好順喉，麵條夠彈牙，排骨同炒飯嗰款一樣咁香口，成碗麵連湯都可以飲哂，正！今次食左乜：飲品：1.單戀豆乳仙草凍(凍)2.豆漿(凍)招牌小食：1.堅信號生煎包(2個)2.紅油韭菜餃(2件)3.灌湯小籠包(2個)4.蒜泥白肉主食：1.蔥油雞菜飯2.上海排骨炒飯3.上海排骨擔擔麵餐廳：堅信號上海生煎皇地址：青衣城2 1樓197號舖…查看更多

行過見到大大個宣傳牌 「堅信號外賣預點大抽獎~贏旅遊禮券！即日起至2025年8月17日！」立即幫襯下佢地生煎包先～食餐飯 買個機會 值搏🤣✅堅信號生煎包每一隻生煎包都達至金黃焦脆程度！好厲害同時隻隻包都唔穿唔黐底 外脆內軟一口爆湯餡料夠飽滿 湯汁多到快有一匙羹 鮮甜美味✅ 灌湯蕃茄小籠包外皮薄得嚟韌度剛好透出包住嘅鮮肉同湯汁一啖放入口 湯汁馬上湧出蕃茄味帶點甜味 肉也染上顏色變了粉紅肉肉按喜好醮香醋和薑絲2款招牌菜式都很滿意✅ 韭菜煮肉水餃～ 餡料好香，湯底可以，清清地✅酸菜魚 一碗挺多冰鮮魚塊 配寛料 芽菜 雲耳 萵筍 等配料 非常豐富…查看更多

## 食評：放工後的上海外賣放工後，我老婆叫咗app外賣，揀咗上海菜飯，搭配回鍋肉，真係非常惹味，微微有啲辣。雖然有啲油，但送飯一流，完全唔會覺得膩。佢嘅上海粗炒都唔錯，豬扒非常嫩滑入味，但粗炒略嫌味道淡，需要配搭佢嘅辣醬，呢個辣醬真係畫龍點睛，令到整個菜式更加有味。生煎包爆汁，食嘅時候要小心，否則會射到四周。而雞絲粉皮就冇乜特色，但整體上都不過不失。雖然喺app上嘅價錢比堂食貴，但因為有優惠，整體上其實比堂食便宜。總體而言，呢餐外賣非常滿意，而且份量充足可以打包到下餐，下次再試其他菜式！…查看更多

早鳥快閃優惠（中午12:30前落單）B. 上海排骨菜飯（$45）配熱苿香綠茶（$0）加配堅信號生煎包2個（+$15）生煎包熱烘烘，咬開有湯汁，勁熱，真係要小心辣咀。餡料足，食到最後包底微脆。上海排骨應該係即炸，豬扒份量適中，一塊連骨豬扒切開四小件，厚度正常。外層薄薄嘅炸漿香脆。豬扒肉質紮實有咬口。菜飯份量適中，珍珠米，中間混和適量菜。係 openrice apps 買餐飲券，$47當$50用，慳咗$3。…查看更多

水準變差了一個月幫襯四五次吧哩次係最差豬扒很硬很乾🤮甜品+1蚊以為有好嘢點知🤢65-70蚊一個飯竟然可以咁差過到年都執笠㗎喇仲要八十個字？唔通夾硬寫差你哋？…查看更多

最近我光顧了連鎖上海餐廳堅信號，選擇了兩個晚餐套餐，分別是秘制豬扒菜飯和胡麻醬五彩冷面。套餐包括前菜，我們選擇了兩隻紅油韭菜餃和涼拌小雲耳手拍青瓜。紅油韭菜餃內餡鮮香，搭配微辣的紅油。而涼拌小雲耳手拍青瓜則清爽可口，搭配醋香和蒜味，十分開胃。秘制豬扒菜飯的豬扒外焦內嫩，豬肉的鮮香與菜飯的形成完美搭配。胡麻醬五彩冷面色彩繽紛，各種新鮮蔬菜的搭配，讓這道冷面更具層次感。我們還各加了$15選購了2隻生煎包和2隻小籠包，。生煎包外皮金黃酥脆，裡面充滿了香濃的肉汁，口感無比驚艷。小籠包皮薄多汁，配搭薑絲陳醋點綴。此外，$3的涷酸梅湯和涷豆漿都讓整個用餐體驗更添清新。…查看更多

湊完小朋友番學仲有啲時間先去番工天氣又凍想食得飽肚啲就入左堅信號剛開舖冇咩人坐得好舒服早餐款式都好多選擇叫左個D餐 四川擔擔麵配蒸銀絲卷（1條）送熱飲，我就+3蚊要左杯熱豆漿。擔擔麵份量都大碗，味道剛好唔會好咸好辣。如果花生醬濃點再更加好味銀絲卷點左煉奶真係好好食…查看更多

小籠包可以再大隻啲，而家個餡係十蚊銀咁嘅size 有7分牛肉今次比較韌而且冇入味醃得未夠時間or肉質太渣，相比起第一次嗌嘅時候差咗好多作為大蔥配菜雙色椒，依然都好都有7分糖醋排骨今日非常好有四件很出色嘅醋汁肉有瘦有肥，係有心機煮嘅 9分…查看更多

灌湯小籠包果然就如其名，皮薄湯汁多，咬一小口啲湯汁就流晒出嚟，大家食嗰時真係要小心啲，唔係會好易辣親😂肉餡亦都相當出色，食落唔會好「漏」咁，唔錯！蒜泥白肉賣相幾好，醬汁稍微有少少辣，味道都幾惹味，如果有飯或者麵，搵佢唔送麵幾好😂😂炸蘿蔔絲卷炸得好香脆，外皮非常酥脆，蘿蔔絲亦都好多好豐盛，作為上海特色小食非常之推薦飛常堅兒童餐（雞扒）今次帶埋小朋友嚟，加上原來堅信號有推出兒童餐，咁唔洗多講啦一定要叫，最特別係佢用飛機餐盤，小朋友見到實會好雀躍，餐入面有秘製雞扒，補充小朋友能量，配上肉燥意粉，唔怕小朋友唔食啦，配菜仲有粟米粒及八爪魚腸仔，好可愛，套餐仲會奉送玩具，有得食又有得玩飲品方面叫咁杯普通豆漿同豆腐花豆漿豆腐花豆漿就好濃豆香味，值得一試！…查看更多

今晚同太太行過見到冇乜人，都係六點幾，見到有好多位，攞咗幾袋嘢，要求坐咗四人位。店長經理話可能要搭枱。我諗我食完就走，有咁多枱，你有客咪搭枱囉！點知，有兩個客入嚟，周圍有好多枱，職員係要搭我張枱！😓😓…查看更多

晚餐最怕排長龍，見到呢間無咩人排就果斷入座！酥脆嘅黃魚同拉麵分開上，甘就唔會影響到魚嘅香脆，魚炸味道濃郁，湯底少咸，要飲多啲水中和返晚市入座快，上菜速度也快，服務滿意…查看更多

之前幫襯過堂食同外賣，感覺都正正常常。今次打算再食生煎包個陣，發現餐廳竟然聯乘咗個人都幾鍾意嘅茶飲品牌─天仁茗茶，推出一系列用茶做主題嘅食物同飲品，fusion得嚟好似幾有新意，一於試埋新品。人蔘烏龍雞脾肉小籠包 $42/4件．怕人蔘味都可以試試，唔重藥膳味．顏色幾特別．如果有多啲烏龍茶香會更好櫻花蝦蟹籽大蝦香片茶湯飯 $62．茶湯飯融合咗日式茶漬飯同韓式拌飯嘅感覺．大蝦有三隻，肉質正正常常．感覺係用咗香片茶嘅緣故，整體味道都偏清淡，適合追求健康口味人士．店員提醒記得以打圈方式圍住飯倒茶湯，盡量唔好倒向中間嘅配料，以免沖淡味道櫻花蝦磯燒鮑魚香片茶湯飯 $68．磯燒鮑魚算幾易咬，如果多幾粒更滿足．配料同茶湯同大蝦個款相差無幾豆漿豆花四季烏龍奶茶 $18/套餐價．飲到烏龍茶香，幾清新．值得一讚每啖都飲到豆腐花．飲品為固定甜度，如有低糖選擇更佳除咗聯乘美食，另外都嗌咗兩款恆常menu有嘅食物，幾推薦大家試吓。秘製豬扒蔥油拌麵 $78．豬扒份量唔少，秘製烹調後帶有蜜味，大有叉燒風味，鬆軟香口．拌麵蔥香強烈生煎包(4隻) $42．入口香脆．餡料幾香，內有鹹香湯汁，趁熱食一流…查看更多