堅信號上海生煎皇 (福榮街)

营业中

休息中

中午同同事近近哋去咗福榮街「堅信號上海生煎皇」食晏，呢間我唔係第一次幫襯，由隔離舊舖食到新舖，次次都好鬼多人。呢日又係等咗兩張枱先入得，不過好彩好快就有位😊。餐廳有做午市套餐，價錢都OK嘅😉，人均$5X-$6X包主菜、小食同飲品。食物選擇唔少，基本上海食物都有。不過我同同事嚟親都係食嗰幾味🤣，好食嘛！主菜份量超大份，男仔食都夠飽。堅信號厚切豬扒菜飯($60)，🐷厚切豬扒個樣好似唔同咗❓，唔係一般嘅酥炸排骨，反而係介乎叉燒與豬扒之間。豬扒肉質唔韌，味道甜甜哋，幾特別。🍚菜飯夾起先知勁多，每人食半份已經飽，哈哈。如果菜飯多啲菜粒就好。芝麻醬五彩冷麵($54)，我嚟親都必食呢味，份量又係超多，推到成座山咁高🤣。五彩包括雞絲、火腿、蟹柳、青瓜絲同甘筍絲，賣相幾吸引。麵質夠乾爽，唔會畀麻醬漿住。麻醬汁略嫌淡咗少少，好彩有五彩搭救🌈。堅信號上海生煎包，生煎皇嘅生煎包果然出色😋。生煎包好大隻又夠飽滿，入面真係爆哂湯汁，熱辣辣要小心燙親啊。生煎包底部煎到脆脆的，所以包皮同餡肉都好食！我認為一人食一隻唔夠喉囉😛。原來餐枱貼咗張品嚐生煎包嘅建議食法🥢。麻辣無骨鳳爪，無骨鳳爪啱晒我呢啲怕噒骨嘅人，鳳爪有四至

一直睇到啲人宣傳話呢間嘅生煎包好好食所以就過咗去深水埗嘅分店試吓已經過咗食飯時間去 但八點幾去到都係好多人 好彩都唔係等咗好耐位除咗生煎包必食之外然後見到有新出嘅酸菜魚都嗌左黎試吓麻辣酸菜魚嗌咗小辣 但比想像中辣但佢辣得黎幾過癮 再加埋酸味 個湯飲到停唔到啲魚都好嫩滑同埋啲酸菜都幾好食入邊仲有啲紅薯粉 吸晒啲湯汁既精華 京蔥牛肉片菜飯啲牛肉片炒得好惹味 好岩送飯再配埋清淡既菜飯 營養好均衡雞絲粉皮啲芝麻醬好香 雞絲份量都幾多 好開胃生煎包一開頭見到枱面有溫馨小提示 提醒小心爆汁彈到其他人 好搞笑但原來真係真嘅一啖咬落去爭啲辣親個口要咬開細細啖慢慢飲咗啲汁先食到秘製厚切豬扒粗炒啲豬扒好入味 甜甜地煎得好香 啖啖肉粗炒好有鑊氣 調味啱啱好 唔會太咸仲嗌多咗涼拌茄子 啲醬料好香

上星期去左位於深水涉既生煎包專門店，明星既店，相信都唔會太差既。先講下環境方面，店鋪唔算好大，不過位置都舒適，唔洗同隔離既人痴太埋，特別係宜家呢D時勢，有得隔番開D都食得放心D。野食方面，當然唔少得叫生煎包啦，仲叫左一個酸菜魚。本來以為酸菜魚，只有魚，原來底下仲有D薯粉，份量仲幾多。可能本身唔太食得辣既關係，我同女朋友2人都覺得幾辣下，最尾真係無辦法食得晒。生煎包方面，話明係生煎包專門店，當然都有番D水準，裡面湯汁超多，一唔小心都會爆汁出黎(店鋪亦好細心有晒提示應該點樣食，呢個加分)。所以鍾意食生煎包既朋友，記得黎試下。

去咗深水埗堅信號生煎包食有散點餐牌亦有午巿套餐鋪內設計簡單 ，竹木色為主，光猛精神午飯時間係座無虛席架套餐都多選擇架，仲有素食揀添簡單清楚嘅自助落單紙，雖然無附註相片，但張枱同店內牆身都會有搵到大部份嘅食物相呢期promotions 不過無叫到枱面墊枱，望到吸引架點咗兩客套餐，跟餐加配咗豆漿，應該唔係自榨，室溫剛啱溫度入口，滑溜有豆味，唔係假甜張住口架落單無耐就奉上跟餐小食生煎包兩粒。話晒主打，都好期待，又諗咁快手上菜，係咪凍晒架側面睇都好厚度翻轉面係燶燶地，煎到脆晒咁上面有芝麻 蔥花（唔啱食可以叫佢走架）， size 細細粒似小籠包咁咬一小口，皮薄煙靭，唔係成吋厚粉包（往時係會真係包咁嘛）。再吸啲湯汁，係小小豬湯味咁，唔油身，但真係小心熱同埋會溢出再大啖咬，望唔望到個肉啊？係粉嫩紅色，瘦油比例好好，口感鬆軟適中，唔會死實實硬肉或者一pat肉漿咁，亦無油冧冧感，最重要係暖暖地慢食好好入口，食完一個係會想翻食多一粒有教到點食法，聞一聞，咬一口，啜一嗓再大啖咬第二個餐小食跟雞絲粉皮，一人量，睇落好少咁，但實際係啱啱好右啲粉皮半透明，唔係粗切。青瓜絲同雞絲量有啲偏少配麻醬無得輸嘅，可惜個皮好

好耐無去啦, 見佢有個晚市超值套餐 4個course 都係$70幾蚊咋，真心抵!勁多選擇好難揀啊! 最後糖醋排骨飯跑出haha 仲有菜飯好開心, 好大個飯,細食仔建議嗌少飯haha,個排骨無咩骨,似豬軟骨d friend, 啖啖肉, d汁仲好好送飯, 搞到ko左咁大個飯… 小食方面就揀左麻辣鳳爪，都幾入味, 好開胃, 而且仲要無骨架, 懶人最鍾意最開心就係有碟菜啊 平時都真係好少有菜食 d生菜好新鮮,正仲包杯綠茶, 不過涷豆漿都係加$2 咋 why not!! 下次嚟要試下佢同小丸子crossover個包, 好可愛啊!

今次試左佢個酸菜魚，雖然佢話係一人份量，但兩個人加d小食都夠食由於比個魚吸引左，就點左兩個生煎包only haha個魚酸辣有得揀level, 好惹味, 送飯超正,加錢可以揀上海菜飯好開心。 個底有幾多粉皮，唔係平時嘅薯粉就有少少失望啦不過都好食嘅,沾到d湯, 等我仲叫左個雞絲粉皮 少少撞左, 不過佢配埋d青爪絲都幾refresh 兩種食法。然後個生煎包一如既往都係好juicy 我諗下次要外賣半打慢慢啪先得跟住都係叫左杯豆漿，唔會太甜，中和下d酸辣味 haha

服務有禮，我帶住一個BB一個細路入去食，有盡力幫我安排合適位置，落單有聽清楚顧客要求。食物方面按其特色發揮得不錯，我叫了兩份的晚餐，配搭自由，而且選擇也算不少。厚豬排是首選必食，厚得黎有肉汁夠味，不會煎到過火位。外婆扣肉都整得好「淋」，似是花了時間。生煎包好食，但食的時候要小心，堅多汁，一不留神會噴到周圍係。其他的食物都不錯，以其他同類說是上海鋪的都算做得好，而且價錢合理，在疫情其間有抗疫優惠，相當實惠。鋪面雖然不算大，但睇得出有心打理。

出名嘅平民生煎包嘅餐廳好似印象中得兩間，之前試過其中一間，今次就試埋呢間堅信號。見到餐廳入邊嘅片段，老闆係特登去上海跟師傅學整生煎包再返嚟香港開店。生煎包果然係招牌菜，皮薄餡靚多汁，即叫即整，所以上菜嘅時候都係熱辣辣，熱都唔可以即刻食用。一咬落去，底層濺到好香脆，知裏面嘅肉汁就會爆出黎，口感非常豐富。另外仲試咗上海粗炒，味道不過不失，感覺太過油膩，同埋味道比較普通，唔算話好出眾。控油抄手都唔錯，個皮都幾薄幾滑，雲吞入邊嘅肉都唔算話太過吝嗇，唯獨是個紅又醬汁就是我決左少少特色。

一入到深水埗呢間餐廳，見到成間鋪頭都係櫻桃小丸子個位永澤同學個頭， 用永澤同學個頭黎埋生煎包，真係有趣好啦既然周圍都係「永澤同學」，咁我就即管試下食佢啦！呢度既生煎包表皮固然十分香脆，咬落去肉汁出曬黎，而且仲係新鮮滾熱辣，食個陣記住小心辣親啊，認真抵讚跟住黎一碟雞絲粉皮，呢度用既係有別傳統既日式胡麻醬，好似酸酸甜甜咁既沙律醬芝麻醬，用黎襯粉皮同雞絲都好開胃下。由於我個人好鍾意食埋曬d鹹酸野，食呢味糖醋排骨菜飯就啱曬。啖啖肉之餘仲要酸酸甜甜到令人食指大動，好啱餸飯。店內親切既店員姐姐又為我們端上呢味雪菜黃魚濃湯拉麵。首先麵既份量多，然後黃魚脆香而且鹹度適中，而且有兩大棵碧綠菜心，最後襯埋啖清清地既魚湯，不俗不俗飲品方面我就叫左大大杯豆漿而我老婆就飲左杯桂圓紅棗水，整體都幾滿意。最緊要係真係抵食，我地兩個人叫咁多野，加埋都只係二百幾。去邊搵？

係深水埗D2出口行5分鐘就到，見到人流極多而非常有特式，梗係要試下啦。一入到黎，就有新鮮出爐生煎包，今次兩個人黎，試左個套餐，果然非常好食。飽非常熱而多汁，有好香濃既芝麻，好有層次，而且好有肉質鮮嫩，中意食生煎包既朋友一定要試下。叫咗個萬事套餐，有雞翼！豬扒菜飯、鮑汁生菜、熱辣辣嘅生煎包，加埋只係$79 ，仲有杯豆漿。一個人食一定夠晒食，而且非常豐富。最中意係同其他鋪頭吾同，佢地有特式，坐得舒服，而且到處都充滿小丸子嘅特色，就梗係吾執輸去試下。最值得一讚係店員服務態度極好，知道我哋的立即同我哋轉位。另外，我朋友點左個雞絲粉皮，非常新鮮，吾似一早整定，中意食既朋友千奇吾好放過。整體來說，係用心之作，而且味道吾太咸。下次經開深水埗係必食。

最近見到堅信號上海生煎皇推出左永澤同學包子，因為個樣太得意，唔可以唔去食下！包子真的跟照片一模一樣，完全乎合商品說明條例，吃起來仲幾有咬口。吃可愛包子之餘，也順便試試幾款素食上海小菜，個純素咕嚕肉又真係同真既一樣味喎。生煎皇原來已經開左好多間分店，這次也是去我家附近的深水埗店，最近搬左過隔離鋪位，全新裝修又光猛又闊落，好坐過舊鋪位好多。堅信號一向好素食友善，宜家無左素食生煎包，但就有一系列素食麵和小菜，我之前食過擔擔麵都幾好食既，今次試下新出的咕嚕肉。最近推出這個超級得意永澤同學套餐，一套兩個包，上面有永澤同學的厭世樣子。新鋪頭裝修都幾靚，而且配合永澤同學套餐，店內掛滿卡通旗子和公仔卡牌，好似主題餐廳咁樣又幾正。店內堂食座位都幾多，有卡位坐仲有個較為隱秘的小間隔。小丸子迷一定要來拍照，尤其是喜歡side track人物的朋友。 甜酸菠蘿咕嚕肉(全素) HK$44這個咕嚕肉可以用優惠價配白飯或軟夾包，不過我唔太食澱粉質，所以齋食咕嚕肉就好開心。咕嚕肉份量唔算多，每舊肉都有個幾厚的炸粉殼，食起來脆口，配埋個酸甜汁係幾好食。 京汁茄子 HK$24 胡麻醬拌茄子(奶素) HK$24點解有兩個茄

之前聽講呢間餐廳以永澤同學為主題，覺得幾得意，一直都想試下，難得今日同老公去深水埗買電話野，順便黎試一試一入到黎，見到周圍都擺左永澤同學既裝飾，真係好cute呀，好似去左日本咁！首先，我地一定要試試堅信號既招牌菜—生煎包生煎包的表皮煎得很香脆，肉汁非常多，食的時候要小心熱！總括來說，生煎包好高質雞絲粉皮份量剛好適合兩個人，芝麻醬味道很香，夠開胃雪菜黃魚濃湯拉麵拉麵嘅份量非常多，黃魚調味香濃，麵質彈牙，而且有兩大棵碧綠菜心，整體很健康糖醋排骨菜飯糖醋排骨係好考功夫既菜，味道不錯，酸酸甜甜，好輕易就食左一大碗菜飯熱豆漿和桂圓紅棗水我地兩個食左咁多野，兩人加埋都只係二百幾，好抵食另外，呢到嘅侍應很有禮貌，服務態度很好

二人限聚令，同朋友食飯只可以兩位。所以都好耐冇出街食。今日早收工，出咗深水埗買嘢，好耐冇出街更加好耐冇食上海野。路過入咗到堅信號，6點前仲係午餐時間，抵食好多，我見左兩個餐。堅信號秘製厚豬扒菜飯雞絲粉皮配豆漿堅信號上海生煎包（2件）迷你蟲草花雲吞雞茉香綠茶一個餐嘅份量剛剛好，最驚喜係「迷你蟲草花雲吞雞」，蟲草花用料上乘，是比較粗身嘅，而且仲有一隻雞槌，兩隻雲吞，飲完個湯成個人都暖暖的。堅信號上海生煎包（2件）質素依然有保證，咬開就爆超多湯汁，超好味。

曾經好鍾意食呢間生煎包，不過裝修之後都無食過，今次同呀媽黎食lunch，仲有折！😍叫左1個set lunch，黑醋骨菜飯，仲有個小食，所以叫左雞絲粉皮，仲有個野飲，再加左2粒必食既生煎包！因為見到新出既永澤同學包包，所以叫左都份，好得意呀！一粒奶王一粒紅豆，奶王偏甜，包好鬆軟，個樣好搞笑，打卡一流🤣🤣🤣黑醋骨有4大件，菜飯好食，2個人share會好d，因為d女仔都食唔哂d飯。雞絲粉皮好大碟，set lunch都幾抵食。不過主要推介生煎包，個底真係好夠脆，入面勁多湯汁，加埋豆辦醬好好食！👍🏿👍🏿👍🏿

行完深水埗，見到成個藝人紙牌在店外，滿心歡喜以為........一試，怎樣知道中仆。叫了一個他的招牌菜，堅信號生煎包四個，怎樣知道....皮厚堅固。完全唔好食，喺有肉汁，但係完全唔好食。表面眼見白雪雪，怎樣知道😳😳😳食第一個，以為得一個是煎得差少少你看，燶到冇朋友，根本食不下。三十元，OMG 😓😓😓😡😡😡只有杯豆漿尚算可以，飲得，他的招牌菜差到冇朋友。本來肚餓，想叫多一個面，也不會再俾錢佢賺。不要貪明星效應，嘗試。