堅信號上海生煎皇 (福榮街)

营业中

休息中

朋友話想食生煎包，咁啱我哋喺見到呢間嘢見佢裝修都幾好幾光猛咁我哋就入去試吓， 賣相同味道都幾好， 生煎包都唔係太油膩， 所以都唔會食到成口油😬如果鍾意食生煎包朋友都可以試吓㗎都唔錯

堅信號上海生煎皇， 今次到深水埗分店。店內用qr code落單，我點了秘製豬扒擔擔麵$70、 韭菜煮肉水餃$44、 堅信號生煎包(2個) $23、蒸銀絲卷配煉奶$20、 凍豆漿$14、熱豆漿$14。 🔸秘製豬扒擔擔麵🍜 ～ 豬扒入味，擔擔麵味道可以。 🔸韭菜煮肉水餃🥟 ～ 水餃餡料好香， 湯底美味。 🔸堅信號生煎包(2個)🥠 ～ 口感爽脆不油膩， 一口超爆汁，肉餡鮮嫩。 🔸蒸銀絲卷配煉奶🥖 ～ 軟綿綿熱辣辣的口感， 配上煉奶，邪惡又美味。 🔸凍豆漿 ＆ 熱豆漿🥛 ～ 豆漿味道唔算好濃， 淡淡的。 喜歡食堅信號的生煎包， 湯汁豐富又美味。 🏷️溫馨提示～ 整個用餐體驗均屬個人分享意見， 只作參考😊。

心血來潮想食小籠包和生煎包，2點幾路過見餐廳唔多人於是入去坐下。見到佢做緊promote蟹粉系列食物，鍾意蟹粉同小籠包的我於是叫了個蟹粉瀑布小籠包拌麵，但碗麵得一個蟹粉小籠包，於是又order多籠普通的小籠包，再重贈劵點多個這裡招牌的生煎包。生煎包確實好食，底部煎到脆一脆，入面都多肉汁，而且熱辣辣，食嘅時候要小心。小籠包無咩特別，比一般港式酒樓的好，但又未去到生煎包嗰隻好好食。蟹粉瀑布小籠包拌麵，就是麵上面有啲蟹粉，再加多個蟹粉小籠包係頂。蟹粉小籠包好食，蟹粉都唔錯，但麵食落冇咩味。如果這個價錢，我下次應該會直接點一籠蟹粉小籠包。

在深水埗買完嘢 經過見到無咩人就入左去食·🔸上海排骨菜飯（跟餐 有杯野飲）依間嘅菜飯真係好好味🤤平時唔多食飯嘅我 都有想添飯嘅衝動😂排骨嘅炸粉和肉比例都幾平均 唔會搞到個皮超厚 搞到好油好漏 所以整體唔錯👍🏻·🔸堅信號生煎包（4隻）皮薄餡正 細細隻 個底煎到黃金色 脆脆的 裏面都幾多湯汁 真係好好食😋·有個優惠六款涼拼菜 任揀兩款$22🔸涼拌青瓜（拼盤）🔸麻辣蓮藕片(拼盤）冰凍嘅麻辣蓮藕片 估唔到又幾好食😋🤭

朋友誇讚咗好耐，自己終於第一次食佢嘅生煎包！外賣4隻仲有特價，$32幾抵。紙盒有氣孔，唔怕蒸汽焗濕個包，真係細心。過咗15分鐘先開吃，依然好正，皮薄肉香，底部煎得金黃香脆。太興奮忘形之下，一口咬開，滿滿的湯汁擠到老遠，好彩無人目擊😆，好好味呀！酸辣湯都唔錯，芡底稍厚，但無一舊舊，而且材料豐富，酸、辣味平衡。而家好少地方煮得出好味的酸辣湯；呢間，得。從門口看，餐廳裡面算乾淨企理，下次要試埋堂食，趁熱辣辣應該更正。

粗炒無畀豆瓣醬，小籠包無畀紅醋，依啲係差唔多必然，我唔夠膽講話人人都一定要，如果咁應該係app購買時畀人選擇要定唔要，但app內無得揀就應畀埋，外賣最弊去到餐廳攞外賣時包裝已經包到實一實，根本唔會打開嚟為咗睇呢啲咁小嘅事！希望餐廳睇到改善下依個問題。

老公曾經係青衣城分店食過話好食咁就試吓啦，期望越大失望越大生煎包皮比較硬，優點唔油膩多汁菜飯無菜飯既味，唔明點解用珍珠米排骨唔明點解要用黃薑粉醃？上海style?另外嗌左個蜜椒雞排，有黑椒味無蜜味，但雞排都幾滑整體感覺似食緊港式茶餐廳連鎖店份量唔多正常，咁少都食剩就知請我都唔會再食

‼️超 多 分 店 嘅 上 海 抵 食 店 ‼️•① ［ 生 煎 包 // 灌 湯 小 龍 包 ］ ｜「 生 煎 包 」爆哂汁，堅好食ʕ ◦`꒳´◦ʔ入面個餡大大啖肉～「 灌 湯 小 龍 包 」就相對較遜色，不過都好食嘅(っ˙༥˙🍊ｃ)。｜ 𓋪9/10•② ［ 秘 制 豬 扒 上 海 粗 炒 // 四 川 擔 擔 麵 ］｜「 上 海 粗 炒 」份量多，不過相對比較油膩，味道中上～豬 扒 都正正常常，冇乜特別。「 四 川 擔 擔 麵 」就真係幾好食，辣味好香同埋花生好入味ʕ๑'ㅅ'๑ʔ‧˚|𓋪8/10•Ging Sun Ho King of Bun (Fuk Wing Street) (Sham Shui Po)G/F, 98 Fuk Wing Street, Sham Shui Po

好耐未去過生煎包專門店今次路過就決定去 #堅信號上海生煎皇 #堅信號估唔到佢除咗生煎包之外，佢其他嘢都幾好食我叫咗個秘製豬扒湯麵套餐($80)，包一個小菜和飲品豬扒味道就像叉燒，超好食又Juice而小菜我選擇了青瓜，也不錯，而飲品是凍綠茶(＋$2)而佢嘅生煎包 (＋$12)就偏小，作為小食就啱啱好而且好多汁，一咬就爆曬汁感覺還是不錯的

究竟係 "冇料扮四條" !? 還是撞啱廚師放假 ? 又或是我入光顧嘅時間不正確？點了三樣菜式 , 三樣都不好吃 , 這算是怎樣 ....堅信號生煎包 : 希望越大失望越大 , 熱度不夠，生煎包太乾 , 咬下去沒有爆汁，味道上正正常常，但未達預期，作為一道招牌貨真係有點大失所望 ~胡麻醬五彩冷麵 : 我雖然點冷麵 , 但不代表著冷麵要有雪藏氣，味道上飛起其他上海店略遜一籌，失望 ~外婆紅燒肉 : 紅燒肉完全不夠腍，亦未算是入味，肉質超硬，非常失望 ~本篇完 ~

於深水埗揾食，路經堅信號上海生煎皇，喜爱生煎包的我，入了這閰從末吃過的食店，內裡尚算整潔。但卻要電話點餐，極討厭電話點餐，幸店員說能以纸點餐，一人吃得不多只點吃了生煎包和雞絲冷麵。生煎包確實夠熱，小心燙口，包底確脆，除去本人喜好口味，餡料沒有肉味，當然也不鮮味，只可吃到皮脆，卻吃不到生煎包包皮的綿密和空氣感，相對整個包皮是硬，對我這些老派來說這不是包。雞絲冷麵麻醬太稀也不香，像超市般的日式麻醬雞絲變雞粒，伴菜青瓜等太濕導致整個麵水份多，整份麵的味道失去了上海式冷麵味道。香港飲食業淪落只因媒體過份渲染一些只學了些調理皮毛就開檔做生意，只要給錢做宣傳，以打手寫食評就可成皇成神，從不理會品質可言，只要在最短時間在綱上曝光，在最快的時閰開最多分店，卻無視食物出品質數，將厨藝工序時間食材簡化，全部只是有其形冇其味没靈魂的食店，全是飲食業店的致命點。相對這裡食物出來說，這一餐绝對物非所值。

黎到深水埗，試下上海菜....堅信號生煎包一望就知係皇牌，上菜時聞到陣陣芝麻嘅香氣，咬咗一小啖，就有勁多濃濃嘅湯汁流出黎，熱辣辣，煎包勁脆，皮又唔會太厚👍🏼👍🏼本身都鍾意食小籠包，呢個質感值得一試，果然係店舖嘅招牌菜上海粗炒炒麵好多配料，椰菜花、冬菇，食落好有油香雞絲粉皮呢個涼拌好開胃，粉皮唔會太扁身，每一條都好分別So far so good

膳食到達後發現份量嚴重不足，且食物品質可用淡而無味來形容。小籠包沒有給予任何調味料外，外型只可用粉碎來形容。當時本人立即致電，當時有一經理接聽電話，對話過程中經理根本無心聆聽，只不斷重覆：「我幫你唔到！我地已經好忙！你鐘意就投訴啦！」本人對此感到十分無奈，亦希望各食客慎重選擇餐廳。

食物預咗普通，最慘係全程聽到廚房入面一位女子不停大聲叫囂、訓話員工。前台同事已經好好，保持禮貌克制，唔會即時同佢鬥大聲對答，入到後台先回應佢。請呢啲人係咪想趕客？！

平時食開祥興記呢間望落好似差唔多做法最近仲出咗款「爆章生煎包🐙」即係章魚小丸子咁嘅 估唔到都幾得意 相比起$12/2件就貴成倍😅再另外講暗號「堅信號12歲生日快樂」，即可以$12叫2個堅信號生煎包，我講左12週年快樂😂姐姐好認真話錯左一個字要再嚟過😂😂不過個生煎包同祥興記真係差幾皮…個底硬好多，個餡亦都冇祥興記多汁，肉都冇咁鮮甜同少咗款式，反而爆章比較好食另外再叫一碗酸辣湯就算，非常多料不過就非常稠，好彩佢冇豬紅，大部分我都食到，味道都係冇層次又唔辣，老公叫咗秘製醬汁豬扒點知係甜嘅好似叉燒咁，配擔擔麵食完全唔夾🙈忠告下次想食生煎包只會食祥興記 👍🏻米芝蓮推介