堅信號上海生煎皇 (慈雲山中心)

走到堅信號旁邊，已經傳來陣陣生煎包香氣。隨即，外賣了6個招牌生煎包（$44）作茶點。店員亦推薦我們嘗試期間限定嘅‘’豬太郎芝士生煎包‘’，裡面是芝士粟米豬肉餡的！和招牌生煎包不同的是，豬太郎生煎包有著淡淡的芝士香，和豬肉餡料可說是相得益彰，都可一試！即使隔了10多分鐘，包底仍然是焦脆焦脆的，十分可口，讓人欲罷不能！雖然價錢較貴（$32@2個）。下次會用openrice優惠（$15@2）回購豬太郎生煎包。…查看更多

想吃很久了 终于有天早上来吃了 这个套餐是看评价慕名而来的 确实没有失望 麻酱放的很多 拌着非常香 颜色也很赏心悦目 是一款很适合孩子口味吃的套餐 蛋微微溏心 生煎要放一会儿再吃 很烫口！总之是一顿很漂亮的饭…查看更多

朋友住喺呢一附近，過嚟搵朋友嘅同時就嚟一齊食晏。我哋兩個人嗌咗兩份餐一個係上海菜飯配生炸排骨另外一份係酸菜魚麵。佢哋嘅午市套餐都好抵食，有搭配埋一粒生煎包同埋一個糖心蛋。門市好乾淨企理，位置多，唔使等位，服務態度好好啲店員都好熱情。個生炸排骨外表炸得好脆入邊啲肉好嫩，我鍾意搭配佢嘅辣醬，搭配起身幾好食。同埋菜飯好香都係用佢哋嘅辣醬搭配菜飯一齊食。朋友話佢嗰份酸菜魚啲麵好筋道，好入味。一上枱就聞到香味，查實如果中午嚟食就真係幾抵食㗎。…查看更多

今日外出training 去到黃大仙 一個唔熟識嘅地方🫣晏晝有成個幾2個鐘lunch time上網搵吓附近有咩食 碌吓碌吓 橫掂咁多時間再成就解鎖埋慈雲山呢個地方堅信號好耐以前旺角立食過 慈雲山分店有堂食 而且環境幾舒服 過咗學校lunch time時間 相對無咁多人叫咗個set lunch🔹️胡麻醬五彩涼麵無特別叫多醬 但都夠撈成碗麵鍾意食麻醬嘅朋友呢個必點 仲可以多醬添份量都好夠🔹️灌湯小籠包2隻都係嗰恰 小心辣咀 小籠包湯好熱 要攤一陣先食到皮夠薄 肉亦大大嚿 熱豆漿好好飲 好重豆味☺️食晒成個set 好飽 下次再試埋生煎包先…查看更多

平時一向間唔中會食生煎包同小籠包嘅我，可以講話唔太特別鍾意食，不過自從食過呢度嘅生煎包同小籠包之後就改觀，即叫即蒸熱辣辣，抵讚！最估唔到嘅居然有小弟至愛嘅滷水豬手，佢哋叫”古法扣豬手”，超淋不特止，仲超入味，用筷子都夾得開，媲美去親台灣旅行都必食嘅”阿水獅豬腳大王”，最後係不得不讚嘅經理同店員，服務好似置身於米芝蓮餐廳一樣，每次見有客人來臨及離開，熱情嘅經理都好殷勤哋招待！響我心目中呢度已堪稱為慈雲山服務最好嘅餐廳！希望長做長有！！！…查看更多

好耐之前都食過堅信號，今日經過慈雲山中心，見到有堅信號就再試下啦😋🍜四川擔擔麵 $54 好香濃嘅花生味，配上口感極好嘅麵條，濃郁嘅湯能夠掛上麵條，正！🥟紅油韮菜餃子 跟餐小食，皮薄餡多，清清地嘅味道都唔錯🐥雞絲粉皮 +$18 細細碟可以試下個味都幾好，青瓜絲好新鮮好fresh，清新嘅味道配上麻醬雞絲同粉皮，好味🐓川味口水雞 $72 雞肉嫩滑多汁好Juicy，口水汁有葵瓜子係入面，令到成個口水汁都變得好香，配埋菜飯好岩餸飯食，呢個口水汁亦都唔會話好辣，唔食得辣嘅朋友都可以試吓🐙爆章生煎包 $28 新產品，入面係有章魚嘅肉餡，配上燒汁木魚，好似食緊章魚燒咁，味道好有衝擊力，生煎包入面依然仲有熱辣辣嘅濃湯，不過個人來講比較鍾意食原味多啲…查看更多

之前食過元朗分店，今次喺慈雲山分店見到下午茶都幾抵食，同埋上次無試到生煎包，所以決定試吓😃🥟上海排骨菜飯$46+$14堅信號生煎包(2隻)+$8洛神花蜜(凍)排骨同菜飯都係badboy比較喜好嘅嘢食😋排骨炸到金黃色好吸引，食落都唔會乾柴，肉質緊實口感幾。生煎包滿載湯汁，湯汁鮮味十足，可惜badboy貓脷無辦法趁熱一啖擺落口，流咗唔少落碟🥲。洛神花蜜酸酸甜甜唔錯。舖面雖然望落比元朗分店細，但其實空間大啲，唔會同隔離枱拼攏，用餐舒適啲，加上店員比較好客👍🏻…查看更多

生煎包、四川擔擔麵、京蔥牛肉飯推介👍🏻食晒先打，所以冇野食相upload上黎🤣明明間野就好食，但唔明點解冇人讚🤷🏻‍♀️ 所以就幫手俾下comment~個生煎包係爆晒湯汁，個包既皮底又夠脆，口感好正！四川擔擔麵個湯底夠濃郁，味道層次豐富，而麵質硬度又啱啱好，一流！京蔥牛肉飯啲餸份量夠，啲牛肉又夠嫩，啲汁都好夠味👍🏻👍🏻 講真50幾蚊呢個份量加質量出面真係好難搵得到，冇得輸！其他野食未試就唔太清楚，下次再試其他～…查看更多

很久沒有吃過堅信號了，抓住沒有堂食的尾巴，享用到外賣優惠價買生煎包。生煎包（4個) $28底皮香脆，面皮鬆軟，肉餡滿滿又多汁，唯獨是取餐5分鐘後進食已經凍了，另外四個隔天煎翻熱食反而更美味。小籠包(2個)$20同一時間進食，小籠包仍是暖暖的，皮薄又多汁，而且餐盒很貼心附上了薑絲，也加了蒸點心的底墊，防止小籠包癡底。…查看更多

見外賣八五折，叫幾個小食蒜泥白肉豬手呀，豬手冇一件係有肉三件都係骨。蒜泥白肉份量少到一啖就可以食晒落肚，唔誇張，下次落樓下三哥買好過。呢間野外賣有八五折都唔抵食。…查看更多

第一次喺旺角食嘅時候仲覺得幾好食， 之後集團式經營後。。越嚟越唔好食 分店越多，感覺再難食， 見喺慈雲山新開畀多次機會去佢，一樣唔好食， 酸菜魚啲魚 黐埋一舊舊， 好明顯解凍無做好， 呢個價錢 我寧願食茶記都唔食佢…查看更多

下單50 分鐘都未出到餐, 當中已催了單兩次。但其他walk-in 買餐的都比我快取餐另外每個餐都要收$3 外埋盒費, 同一些巧立明目的加一服務費無異。各位要買外賣的朋友請務必注意。食物質素極不穩定, 我試了三次的上海粗炒, 味道依次是9 分, 7 分, 5 分。而且有點特別的是我最初點的上海粗炒是帶強烈的辣味, 我還以為是該店獨有風味, 但當我第二次點餐的時候便回覆正常的味道, 但味道也只是普普通通。公平地說, 我還未試過堂食, 可能堂食的食物及服務質素會好一點吧。…查看更多

堅信號周圍都開咗好多分店，馳名生煎包，今日下午過嚟買過外賣試吓堅唔堅好食，四個生煎包，外賣價$28，打開見刭外皮膠膠哋，包底煎得幾脆但硬身，咬一口都幾juicy不過肉質好鞋，食落真一般。…查看更多

眼見有下午茶食，叫咗招牌生煎包四隻$30，添加豆漿一杯$2，再叫一碗酸辣湯$10，問題係酸辣湯只有2條筍絲，2條豆腐絲，水汪汪，不夠熱，到4只招牌生煎包上枱，又係得個（暖）字，完全不能接受，生煎包個皮好「假」味道一般，員工招呼ok，食物上枱時間超快，可想而知食物水準（好極有限）唔食唔會損失！😅…查看更多