堅信號上海生煎皇 (欣榮商場)

堅信號生煎皇🍳 土瓜灣隱世生煎 + 秋日蟹粉籠包直接食到扶牆走🤤 今日三人行衝咗土瓜灣呢間開咗好耐嘅「堅信號上海生煎皇」，一坐低見到枱頭張menu有秋日限定金箔蟹粉小籠包，即刻手指一彈order咗！ 坐低未夠10分鐘，個川味口水雞半隻先上枱——雞皮滑到好似啫喱，肉嫩到一咬就散，個麻辣汁香得嚟唔會死鹹，辣勁仲帶少少麻，撈埋碗白飯簡直係天菜🍚！隔離枱阿叔見我哋狂撈飯，仲笑住講「呢個汁撈飯先係靈魂」，果然識食👍 跟住生煎包同灌湯籠包一籠籠上——生煎包底脆到咬落「卡嚓」聲，熱氣騰騰嘅肉汁嗵嗵聲爆出嚟，要兜住個碟先唔會漏到滿手💦；灌湯小籠包個皮薄到透光，啲湯鮮甜到想連碟都舐埋！最驚喜係個金箔蟹粉小籠包，咬開個瞬間蟹油香撲面，鮮味濃到以為自己坐咗喺太湖邊食新鮮拆嘅蟹肉咁🦀，金箔仲bling bling咁襯得個包高級到唔似係茶餐廳價位～ 仲叫咗個麻辣魚肉燒賣，魚肉彈牙到好似食緊魚丸，麻辣味滲到入晒餡入面；上海粗炒夠鑊氣，麵條彈牙唔會黐埋一舊；孜然雞翼外皮脆卜卜，肉汁鎖到滿滿，孜然香夠曬惹味🍗！ 三個人邊食邊嘆，足足擺咗大半張枱嘅碟，最後要攞個膠袋打包剩低嘅生煎包先走。呢間店真係隱世寶藏，平靚正到想每個禮拜都嚟幫襯！秋日食蟹粉系列真係Fall Must Try🍂，想食嘅記得早啲嚟，晚咗可能要排隊架～ ？…查看更多

一向我都很喜歡吃堅信號的生煎包，真係冇得輸，又多汁又薄皮，個底又好香脆。之後見到餐牌有芫荽小籠包，又想試，但感覺不過不失，都是生煎包好味好多。開頭還以為小籠包裏面有芫荽，原來都是鋪上面的。…查看更多

堅信號不嬲出名食生煎包，今次過嚟食佢呢個雲吞雞湯飯，發現都唔錯，個湯底好夠味，見佢都有啲金華火腿喺裏面調味，做湯飯其實都好唔錯，而且個啲雞件都有7，8件，仲有兩粒雲吞同埋娃娃菜，跟餐會送一杯綠茶。唯一有樣嘢可以改善一下，就係個湯鍋可以有個蠟燭之類嘅嘢heat住佢，等我唔使食食下就好快凍，同埋啲雞都有啲碎骨，食時要小心，仲有個雞似係煲咗一段時間，開始有少少鞋，但整體都可接受嘅，白飯就好大碗，女士食一個餐都已經好夠飽。…查看更多

堅信號喺全港有多間分店，相信大家對呢一間舖頭點都有啲印象！今次嚟到位於土瓜灣附近嘅堅信號醫肚，發現佢哋而家嘅價錢都仲係非常經濟實惠，仍然保持一貫嘅水準咁好味！🉐🉐主食我哋分別叫咗 雲吞雞配白飯🐔 同埋 秘製豬扒菜飯 🐷，雲吞雞湯味道非常濃郁，拎啲雞湯配飯一齊食超正！另外佢哋嘅豬扒非常有驚喜，醃得非常入味而且肉質好腍，我同朋友都大讚呢一個豬扒！佢哋另外有好多唔同嘅小食，可以用優惠價加配，加配價錢只係$10起，實在太抵啦，所以我同朋友都忍唔住加咗好多款🙈🙈我哋分別嗌咗酸辣湯🌶️、紅油韭菜餃（2件）🥟、堅信號生煎包（2個）、灌湯小籠包（2個)、滷水溏心蛋🥚，其中佢哋最出名嘅生煎包 同埋 小籠包，我係最推薦嘅！尤其是係小籠包，小籠包皮比起好多好出名嘅舖頭皮更加薄，更加多肉汁，有意外驚喜！另外我哋發現佢哋呢度都仲有甜品可以選擇，我就揀咗十勝紅豆燒仙草🫘試一試！飲品方面，我哋今次就試咗宇宙清爽梳打🥒（青瓜烏梅梳打）同埋 單戀豆乳仙草凍！…查看更多

堅信號親民上海菜 必吃爆汁生煎包蟲草花花膠雞配白飯到店必吃！養顏花膠配上香醇金雞湯底，滋補養顏養生之選，花膠湯含豐富骨膠原且補而不燥，男女老少皆宜食用，雞肉亦岀奇地嫩滑，雞肉味香濃，湯底非常鮮甜，讚堅信號生煎包必飲推介，生煎包煎至外皮香脆，內裏肉汁滿瀉，內餡鮮味香濃，令人一試難忘灌湯小籠包小籠包外皮厚薄適中，肉質肥瘦均勻，湯汁鮮味十足秘製豬扒上海粗炒本店名物之一，秘製豬扒！豬扒肉質嫩滑且煮腍，絕不粗糙，味帶甜度，粗炒口感彈牙，有韌性，色澤均勻，不錯酸辣湯麵甜酸酸胃，配上香菇、木耳、筍絲，富有口感紅糖糍粑糍粑炸至外脆內軟綿，質感軟糯，爆漿紅糖甜到適中堅信號上海生煎皇 (欣榮商場)(香港)📍香港土瓜灣馬頭角道33號欣榮商場地下8-10號舖…查看更多

之前也都係食咗幾次，食物質素Ok，不過就餐環境嘈雜，服務態度麻麻哋。今次去食，都係類似情況。多咗背景音樂，更顯吵鬧。而之前有位收銀嘅男職員態度差劣，今次去就並未改進。希望加強員工培訓，提高質素。…查看更多

今日參觀完牛棚，午飯走到馬頭圍道33號堅信號上海生煎皇，見到不少學生哥幫襯。🧑🏻👨🏻‍🦱👩🏻👦我們點了①雲耳青瓜和②灌湯小籠包做前菜。小籠包熱騰騰的，一咬落去湯汁直飛對面友人，真係唔好意思😅！🐔蔥油雞+菜飯雞肉嫩滑好食，皮不算厚但為了健康，都係割愛唔食好啲皮！🐷秘製豬扒+菜飯豬扒不是平常餐館果隻，今次望落去有點似叉燒，脂肪不多以為一定會食到柴皮！點知食落又幾好喎，肉質漲滿夠腍，味道又幾好，真係唔好睇外表啊！🤗點了咖啡和檸茶，份量充足！學生接連入來午膳，因為有優惠啊！😃😃…查看更多

琴晚行過見到呢間開左好多分店嘅生煎皇土瓜灣都有分店環境唔錯 、舒服牆上有宣傳掛相 牆身鏡面設計 延伸空間牆身燈帶造型設計 延伸到天花（感覺似 井字過三關）堅信號生煎包底脆厚 皮薄咬落多汁 肉大件似食緊加大版小龍包金湯麻辣酸菜魚辣味較重，岩哂鍾意食辣嘅朋友紅油韭菜餃（2件）少辣嘅紅油 配上皮薄餃食多幾舊先夠喉秘製豬扒擔擔麵（走辣）甜甜的花生醬味湯底 麵條吸收湯底味道份量很足仲送左杯熱紅茶😚很貼心凍柚子蜜梳打分開上 比客人自由調較上菜速度都好快點餐後 服務員姐姐貼心地執走餐牌 等枱面多d空間—————堅信號上海生煎皇(土瓜灣店)土瓜瀊馬頭圞道33號欣策花團10號鋪…查看更多

今次嚟咗試下呢間風評不錯嘅食堂，正！入面嘅生煎包啊，一啖入口，簡直神仙都要讚好兩聲！外皮秋香，煎得啱啱好，咬落去伴隨住「吱吱」聲嘅係咩？係皮底微微嘅焦脆同埋一股湧上心頭嘅滿足感嚟。啲肉汁啊，夠哂味，鹹鹹甜甜，好似喺迷迷糊糊中，一下子就提起精神咁。轉個彎嚟講下麻辣鳳爪，這個就啱晒鍾意刺激嘅朋友。呢個麻辣味噌，真係辣得精彩，好有層次咁，唔係嗰種一味嘅辣。鳳爪腍酥，吸滿咗湯汁，咬一啖好有嚼勁。至於韭菜餃呀，嗱，真心係做得幾好食嘅，韭菜味足夠，鮮蝦爽口，食落感覺得到材料嘅鮮甜。加埋啲湯汁呀，簡直係完美！仲有最後嗰碟糖醋魚，賣相就已經食指大動，個醋香撲鼻而唔會過於咬鼻，魚肉鮮滑，酸酸甜甜一啖又一啖，邪呀！有機會我一定會再嚟，試多轉嘅啲款！🍽️😉🌟…查看更多

每一個月來土瓜灣一次都會去，第一時間先食新鮮熱辣生煎包，一口咬落去要好小心，細啖d因為入面湯汁好熱，然後飲入邊嘅湯汁，熱辣辣個皮好脆，如果好肚餓，可以連續食四個拉麵份量岩岩好，秘製豬扒好大件好軟身，唔會硬，通常我拎返屋企再食，因我好為食樣樣都想食今次點多兩個小龍飽，最鐘意又熱又多汁多❤️…查看更多

1個人叫左兩樣野小籠包，唔錯，未到話超出色，但呢個價錢，性價比高，皮薄餡靚味又夠， 8/10分四川擔擔麵，可以話係每一間上海菜必須，佢個湯底唔錯，好有花生醬味，但係個面質就好一般，好淋，個人唔太喜歡食好淋既麵，扁頭嘅肉碎都係還可以啦。整體7/10分值得一讚嘅係，喺入去嘅時候啲員工好大聲講一聲堅信號歡迎光臨😂😂而家喺香港都好難搵到…查看更多

今次嚟到堅信號道食佢嘅馳名生煎包, 另外再嗌多咗一個蔥油雞飯, 首先馳名生煎包一碟兩隻, 唔算大隻 , 個底有少少香脆, 包皮軟硬適中, 裏面肉肉都好多汁好juicy, 果然正品 另外蔥油雞好香好滑冇乜脂肪, 應該都幾健康 飯係上海菜飯, 唔係好多油, 都唔錯 😀…查看更多

昨天晚上9:50 ，即關門前10分鐘，和女兒到土瓜灣堅信號，經理告知堂食已截單，但仍可以買外賣。買了兩個套餐外賣，經理和店員非常有禮，讓我們坐在店內慢慢看餐牌。離開後，已離開了堅信號兩條街，其中一名女店員追上來，原來我攞漏了一包雞翼。這種態度非常難得，所以上來OpenRice寫食評。以下是食物評分：雞翼5/5擔擔面4.5/5抄手5/5口水雞5/5青瓜4/5小籠包4.5/5豆漿4.5/5整體食物不錯，服務態度很好，離我家也不遠，會再回來幫襯。…查看更多

這間堅信號出名食生煎包，但次次都唔記得試，今次又吃了其他。小食+主食+飲品=$69，午餐少少偏貴。小食點了小籠包，有2粒。食落去肉汁不算多，味道普通，午餐有2粒可以食要求就不可太高啦。主食點了京蔥牛肉+上海麵。京蔥牛肉的份量都幾多，味道很正路，蔥比較多。上海麵有點粗，但韌度有點不足。湯底偏淡，自己再加一些調味或一啖肉一啖麵又一啖蔥就好夠味。午餐時段都不爆場，覺得同價錢有關。附近大約都是$60以下，當然價錢定價高少許，客人又會少些，座位就會舒適啲。…查看更多

我最近嘗試了堅信號上海生煎皇的外賣服務，他們的食物讓我非常滿意！🤣🤣首先，我點了他們的傳統生煎包，這是他們的招牌菜之一，口感非常不錯。外皮酥脆，內餡鮮美，真的讓我感到非常驚艷，內餡鮮嫩多汁，生煎包的餡料味道十分濃郁，口感也非常好。整體來說，我對他們的生煎包非常滿意。🤪🤪除了生煎包之外，我還點了他們的清炒蒜苗。這道菜的味道非常鮮美，蒜苗的清香和淡淡的蒜味非常好地搭配在一起。我還點了他們的拍黃瓜，這道菜的味道非常清爽，味道也很好。新鮮熱辣不錯哦😚😚😚…查看更多