堅信號上海生煎皇 (欣榮商場)

坚信号生煎皇🍳 土瓜湾隐世生煎 + 秋日蟹粉笼包直接食到扶墙走🤤 今日三人行冲咗土瓜湾呢间开咗好耐嘅「坚信号上海生煎皇」，一坐低见到枱头张menu有秋日限定金箔蟹粉小笼包，即刻手指一弹order咗！ 坐低未够10分钟，个川味口水鸡半只先上枱——鸡皮滑到好似啫喱，肉嫩到一咬就散，个麻辣汁香得嚟唔会死咸，辣劲仲带少少麻，捞埋碗白饭简直系天菜🍚！隔离枱阿叔见我哋狂捞饭，仲笑住讲「呢个汁捞饭先系灵魂」，果然识食👍 跟住生煎包同灌汤笼包一笼笼上——生煎包底脆到咬落「卡嚓」声，热气腾腾嘅肉汁嗵嗵声爆出嚟，要兜住个碟先唔会漏到满手💦；灌汤小笼包个皮薄到透光，啲汤鲜甜到想连碟都舐埋！最惊喜系个金箔蟹粉小笼包，咬开个瞬间蟹油香扑面，鲜味浓到以为自己坐咗喺太湖边食新鲜拆嘅蟹肉咁🦀，金箔仲bling bling咁衬得个包高级到唔似系茶餐厅价位～ 仲叫咗个麻辣鱼肉烧卖，鱼肉弹牙到好似食紧鱼丸，麻辣味渗到入晒馅入面；上海粗炒够镬气，面条弹牙唔会黐埋一旧；孜然鸡翼外皮脆卜卜，肉汁锁到满满，孜然香够晒惹味🍗！ 三个人边食边叹，足足摆咗大半张枱嘅碟，最后要攞个胶袋打包剩低嘅生煎包先走。呢间店真系隐世宝藏，平靓正到想每个礼拜都嚟帮衬！秋日食蟹粉系列真系Fall Must Try🍂，想食嘅记得早啲嚟，晚咗可能要排队架～ ？…Read More

一向我都很喜欢吃坚信号的生煎包，真系冇得输，又多汁又薄皮，个底又好香脆。之后见到餐牌有芫荽小笼包，又想试，但感觉不过不失，都是生煎包好味好多。开头还以为小笼包里面有芫荽，原来都是铺上面的。…Read More

坚信号不嬲出名食生煎包，今次过嚟食佢呢个云吞鸡汤饭，发现都唔错，个汤底好够味，见佢都有啲金华火腿喺里面调味，做汤饭其实都好唔错，而且个啲鸡件都有7，8件，仲有两粒云吞同埋娃娃菜，跟餐会送一杯绿茶。唯一有样嘢可以改善一下，就系个汤锅可以有个蜡烛之类嘅嘢heat住佢，等我唔使食食下就好快冻，同埋啲鸡都有啲碎骨，食时要小心，仲有个鸡似系煲咗一段时间，开始有少少鞋，但整体都可接受嘅，白饭就好大碗，女士食一个餐都已经好够饱。…Read More

坚信号喺全港有多间分店，相信大家对呢一间舖头点都有啲印象！今次嚟到位于土瓜湾附近嘅坚信号医肚，发现佢哋而家嘅价钱都仲系非常经济实惠，仍然保持一贯嘅水准咁好味！🉐🉐主食我哋分别叫咗 云吞鸡配白饭🐔 同埋 秘制猪扒菜饭 🐷，云吞鸡汤味道非常浓郁，拎啲鸡汤配饭一齐食超正！另外佢哋嘅猪扒非常有惊喜，腌得非常入味而且肉质好腍，我同朋友都大赞呢一个猪扒！佢哋另外有好多唔同嘅小食，可以用优惠价加配，加配价钱只系$10起，实在太抵啦，所以我同朋友都忍唔住加咗好多款🙈🙈我哋分别嗌咗酸辣汤🌶️、红油韭菜饺（2件）🥟、坚信号生煎包（2个）、灌汤小笼包（2个)、卤水溏心蛋🥚，其中佢哋最出名嘅生煎包 同埋 小笼包，我系最推荐嘅！尤其是系小笼包，小笼包皮比起好多好出名嘅舖头皮更加薄，更加多肉汁，有意外惊喜！另外我哋发现佢哋呢度都仲有甜品可以选择，我就拣咗十胜红豆烧仙草🫘试一试！饮品方面，我哋今次就试咗宇宙清爽梳打🥒（青瓜乌梅梳打）同埋 单恋豆乳仙草冻！…Read More

坚信号亲民上海菜 必吃爆汁生煎包虫草花花胶鸡配白饭到店必吃！养颜花胶配上香醇金鸡汤底，滋补养颜养生之选，花胶汤含丰富骨胶原且补而不燥，男女老少皆宜食用，鸡肉亦岀奇地嫩滑，鸡肉味香浓，汤底非常鲜甜，赞坚信号生煎包必饮推介，生煎包煎至外皮香脆，内里肉汁满泻，内馅鲜味香浓，令人一试难忘灌汤小笼包小笼包外皮厚薄适中，肉质肥瘦均匀，汤汁鲜味十足秘制猪扒上海粗炒本店名物之一，秘制猪扒！猪扒肉质嫩滑且煮腍，绝不粗糙，味带甜度，粗炒口感弹牙，有韧性，色泽均匀，不错酸辣汤面甜酸酸胃，配上香菇、木耳、笋丝，富有口感红糖糍粑糍粑炸至外脆内软绵，质感软糯，爆浆红糖甜到适中坚信号上海生煎皇 (欣荣商场)(香港)📍香港土瓜湾马头角道33号欣荣商场地下8-10号舖…Read More