堂小二

食物選擇少， 連基本魚旦都無得擇辣唔辣！ 價錢又貴，份量又少 ，腸粉得2條每條分五件俾你～ 收$30！仲要鞋到好似食厠紙咁！就連豉油都唔多滴 ！ 燒賣唔知蒸左幾耐，又淋又散 魚旦，白色架喎！ 用清水白灼架？ 雞旦仔，硬到界損嘴。其實食物難食已經衰，連埋個打工既都咁衰！ 問多句個店員又唔鍾意，態度晦氣、唔答人、無禮貌，再唔係扮聽唔到你問嘢，再問佢就不停咁串客話本身自己講嘢無尾音！總之受過一次就夠，希望佢早啲換過其他有質素嘅食店，唔好再有人受苦！ …查看更多

第一次幫襯，落單叫咗三個格仔餅，阿姐話要等15分鐘，咁我行開買啲嘢再返嚟拎，過一陣返到嚟見到阿姐起緊第三個餅，睇佢手勢已經覺得古怪，點解要係咁壓個餅呢？包埋第三個之後交俾我，打開一睇，見到三個餅都扁晒同爛嘅好似俾人咬過咁，然後我返去打開俾阿姐睇，問佢係咪有問題。阿姐話因為部機「癡咗」，機邊癡實咗個餅所以搞成咁，仲反問我係咪想要個唔爛嘅？好似我有問題，專登去為難佢咁。假如知道部格仔餅機有問題，點解仲要賣俾客呢？真係一臉問號！講埋味道，一咬落去，淋過毛巾蛋味欠奉，花生煉奶醬偏少，食落乾爭爭，冇飲嘢都幾難吞落口。如果佢特色係做厚底格仔餅，應該要解決會變淋嘅問題，但驟眼見阿姐一起個餅又冇做到吹凍佢嘅步驟就直接包入袋，難怪最後賣相就好似我個仔用過嘅尿片咁差！三個格仔餅$66唔係特別貴，又唔係特別平，都知道依家生意難做，仲要喺商場鋪位，但食物質素都應該要兼顧好，唔係市道咁差仲點會有回頭客，我就唔會幫襯第二次，希望呢間小食店可以改善一下！…查看更多

一直都好愛港式小食，作為香港人，當然要支持香港嘅食物，唔係只支持外國入嚟嘅食物！！！👍🏻👍🏻之前試過好多間雞蛋仔店，有啲都幾好食，有啲好失望，不過最近因為嗰間媽咪麻麻哋，所以想搵第二間試吓。🤣🤣今次第一次試呢間，以為開喺商場裏面冇乜驚喜，以為好似普通連鎖店咁，原來都唔錯。雞蛋仔味道都唔錯，第一次食呢種味道，佢嘅味道真係好似蛋糕，甜甜地，好似蛋糕咁，幾好食！不過好可惜外皮一啲都唔脆，太可惜！…查看更多

普通經過諗住食小食， 點知有個唔好嘅經歷食物一般員工態度唔好好似俾錢買難受又等得耐，之後唔會再去員工永遠係黑面都算， 我俾錢買嘢食唔係要食埋你個態度 如果有心再經營落去真係要改下服務態度…查看更多

係屯門v city 內有一個好似food court 既地方（只係似， 但不是food court) . 有間細細既店買格仔餅🥰。 我係格仔餅lover ， 當然要試下，同時亦見有魚蛋做特價， 所以都試埋。 （5⭐️最高）格仔餅（3⭐️）特點係厚身。 但其他部分都有失分。😔口感方面：咬口唔夠脆，好林身， 似食蛋糕多D。 醬汁方面：花生醬太少， 牛奶唔夠香😞。 性價比低， 食完有一點空虛🤨。希望下次試， 會可以改善😌有優惠價的魚蛋（3⭐️）值得一讚係口味有四種： 原味， 咖哩， 辣同蒜泥， 我買了一份好少見蒜尼， 蒜味唔會太重， 但魚蛋咬口就一般。 …查看更多

星期三下午，我在「新蒲崗」食完甜味感覺比酸味強勁，外層明明似是酸味「紅桑子」，但是內餡卻偏偏是甜味「栗子」餡料的小型「紅桑子栗子慕絲蛋糕」，見時間尚早，所以乘坐「屯馬綫」前往「屯門」。結果我又從港鐵「屯門站」出來，發現接駁的建築物又是商場「V City」，「V City」裡面適合光顧的食店不多，結果我又在上次光顧過的台灣飲品店旁邊，發現到「堂小二」這間小食店。「堂小二」沒有安排提供堂食，所以我只購買了一份外賣撈烏冬食品「照燒雞扒撈烏冬」，配搭外賣飲品「冷泡烏龍茶」。我購買後立刻乘坐港鐵返回「鑽石山站」和「新蒲崗」享用「牛腩飯」晚餐。我在享用完「牛腩飯」晚餐，回家之後才開始享用「堂小二」的「照燒雞扒撈烏冬」跟「冷泡烏龍茶」。我最初以為「照燒雞扒撈烏冬」裡面，會有很多甜味的「照燒醬」醬汁幫忙撈烏冬麵一起享用。但是「照燒雞扒撈烏冬」實際製成品裡面的醬汁實際份量原來不多，令「照燒雞扒撈烏冬」實際製成品裡面的口感變得有點乾燥，有點令我失望。而且「照燒雞扒撈烏冬」裡面的「雞扒」肉質隨時時間一過而冷卻，「雞扒」的實際口感也變得有點硬，跟我期待已久的彈牙雞肉口感有點距離。反而「堂小二」製造的「冷泡烏龍茶」實際製成品味道有少許清甜，相反「冷泡烏龍茶」飲品裡面的澀味感覺不算很多，「冷泡烏龍茶」實際味道和口感給我頗大驚喜，都比「照燒雞扒撈烏冬」優勝得多。相反看來「堂小二」的「照燒雞扒撈烏冬」「雞扒」口感偏硬，甜味「照燒」醬汁又不多，有點令我失望，作為我晚餐裡面的「雞肉」食品，味道和口感效果感覺都只是一般而已。「堂小二」最令我感到失望是無法提供堂食，明明食店裡面有堂食櫃檯，可惜現在風頭火勢，食店想提供堂食又要登記資料、又要量度體溫、又要限制時間，結果令不少食店打退堂鼓，包括「堂小二」在內。或者下次我如果再來「V City」光顧「堂小二」的話，我或許會改為購買「自選三餸撈麵」，然後在「V City」附近找公園坐下慢慢享用，順便再喝一杯味道算是清甜的「冷泡烏龍茶」。…查看更多

😋又係一個未食飯🍽嘅時間，但係又😋想食啲野🍽....去🚶左屯門VCity堂小二🤩試試先：咖哩雜錦炒烏冬🍜：腸仔🍖、獅子狗🐶、魚彈🐟，烏冬🍜、咖哩汁🧂；來一個即炒🍳，睇住店員即炒🍳，睇見到流口水😋，先講烏冬🍜彈牙嫩滑，咖哩味🧂唔太重，有少少辣🌶，炒出嚟唔係乾身👍，正🤩💯，其他雜錦料🍜唔多講都係個啲味道😋，都係好食嘅。🤩👍10星🌟為滿分一定有8星🌟☂️以上為個人意見☂️🙇‍♂️(如有意見分歧者煩請見諒)🙇‍♂️…查看更多

我食過佢前身果間，今次第一次幫親，睇番佢哋menu, 應該係換湯不換藥，依然有我喜歡的半筋半牛肉麵，但今次想試下新野。點了鹽酥雞球拌麵，加珍珠奶茶。鹽酥雞新鮮炸起咬落有肉汁唔乾夠juicy，拌麵唔係爽身果款，似阿宗果啲，好淋一餅野，唔係我杯茶，肉燥唔多，好少，好淡味，menu寫加辣要加2蚊，唔知係咪特別炮製，但我無加到，加普通辣椒油算數。珍珠奶茶完全中伏，茶無茶味，得奶味，叫少甜但又好甜，頂佢個肺，無下次。…查看更多

每次經過都覺得好香，所以成日忍住走左過去幫襯，但明明覺得雞蛋仔好香，但今次買左鹽酥一口雞，Order完佢會拎去翻炸先出，雖然都算熱辣辣，但食落我都覺得可以再脆口啲，炸得唔夠耐，另外雖然望落個碗好大但啲炸雞好少份量唔算太多，但食落都夠過下口癮既，我諗我下次經過都仲會幫襯，因為佢地好多野選擇，雞蛋仔下次真係要試下，因為我見到都多人叫！不過題外話，我個炸雞買左返公司後，坐附近同事係咁話好香，係咁黎偷食，所以係吸引既！…查看更多

🔅脆脆蝦多士（$18/3）呢個係堂小二既招牌小食，點可以錯過呢～岩岩炸起熱辣辣，新鮮蝦膠厚身彈牙🦐多士香脆可口。點埋秘製沙律醬，簡直係畫龍點睛！🔅XO醬豉油王煎腸粉（$25）唔止有XO醬同腸粉，仲有好多炒蛋粒香蔥做配料，非常惹味😙🔅三餸撈麵（$28）簡左炸墨魚頭、台灣腸片、芝士獅子狗、芝麻醬配公仔麵🍜真係好抵好抵食！份量多到可以做埋正餐！中途留意到唔少人都食緊我地呢一款撈麵，可見幾經濟實惠😜✨店內仲有好多唔同小食都值得一試嫁！而且價格相宜，慳到個荷包之餘，仲食可以飽飽tim🤩…查看更多

今日經過見新開了間小食店 就打算試下啦但有少少失望叫左個碗仔翅都幾大碗的 但正常 未話好好食叫左個XO 醬煎腸粉 都係外賣 但番到去發現係脾左香蔥蛋腸粉吾係好香 又吾夠味偏少少油…查看更多

平時lunch唔知食咩好，行過呢間店，食下小食都唔錯！😝雞蛋仔同碗仔翅睇落好好味！雞蛋仔咬落好香脆，好濃郁嘅雞蛋味！😋碗仔翅料好足！味道唔錯！😊lunch食碗仔翅同雞蛋仔都非常飽！😍…查看更多

.🔻堂小二唔知有冇人同小編一樣🙊每次做完運動都特別肚餓然後一定要食返啲好邪惡嘅嘢平衡返😂.蝦多士($18/3件)🦐Order完之後會即刻翻炸所以一定會熱辣辣脆卜卜😚😚蝦滑超彈牙 祕製沙律醬汁酸酸地仲有少少辣😋😋好好味喔🤤🤤.格仔餅($22)🧇小編應該有成年幾兩年冇食過格仔餅🤣呢間店嘅格仔餅勁厚😳😳花生醬加煉奶係不敗嘅味道就唔算驚喜一個女仔食晒一件會勁飽🙈…查看更多

我時不時都會係vcity 遊街，有時買餸經過，口痕有d餓，又唔想等餐廳位，多數都係係街咬個包就算（幾唔健康😅）咁岩上星期經過，見到有間小食店《堂小二》有熱食！價錢合理！有位可以坐❤️埋嚟即食，食唔晒打包比仔仔卡邦尼煙肉腸粉$23好大份，有中英合壁味道，唔知點解個外貌令我諗起蒸排骨😂味道ok, 如果個汁可以再cream d，芝士味再濃d就更好啦. 酥炸魷魚$28抵食之選，街邊要$25，vcity 堂小二都係$28咋，而且炸得香脆可口，粉漿岩岩好，唔會過多食粉咁，調味適中令人唔住一口一口咁食落去，份量十足成碗滿9成重有泰式酸辣醬等等特式醬可以配，必試. 蝦多士$18店員話蝦多士係招牌，所以我都點咗試試佢，同樣炸得好好好香口，味道都唔錯，食得出蝦肉，不過對我個人嚟講就油膩咗d, 記得趁熱食，凍咗就無咁好味嫁啦🤗…查看更多

平日經過V city都會見到呢一間小食店，見到都有唔少人幫襯，同埋佢嘅雞蛋仔都係即叫即整，小店嘅人手都好充足要等候嘅時間都唔算好耐，而且小店隔離仲有兩個座位俾你可以慢慢食，絕對好過企係街邊，雞蛋仔做得幾出色，蛋香味好重，蛋漿嘅比例都非常之好，唔會整到太淋！至於個魷魚鬚呢都非常唔錯，又係即叫即整嘅所以呢都非常新鮮，仲keep到個表皮脆脆地，估唔到商場入邊嘅小食店都可以做得咁出色，而且價錢都唔算太貴，除此之外仲有煎釀三寶望落都非常吸引，非常值得大家一試！…查看更多