堂小二

食物选择少， 连基本鱼旦都无得择辣唔辣！ 价钱又贵，份量又少 ，肠粉得2条每条分五件俾你～ 收$30！仲要鞋到好似食厕纸咁！就连豉油都唔多滴 ！ 烧卖唔知蒸左几耐，又淋又散 鱼旦，白色架㖞！ 用清水白灼架？ 鸡旦仔，硬到界损嘴。其实食物难食已经衰，连埋个打工既都咁衰！ 问多句个店员又唔钟意，态度晦气、唔答人、无礼貌，再唔系扮听唔到你问嘢，再问佢就不停咁串客话本身自己讲嘢无尾音！总之受过一次就够，希望佢早啲换过其他有质素嘅食店，唔好再有人受苦！ …查看更多

第一次帮衬，落单叫咗三个格仔饼，阿姐话要等15分钟，咁我行开买啲嘢再返嚟拎，过一阵返到嚟见到阿姐起紧第三个饼，睇佢手势已经觉得古怪，点解要系咁压个饼呢？包埋第三个之后交俾我，打开一睇，见到三个饼都扁晒同烂嘅好似俾人咬过咁，然后我返去打开俾阿姐睇，问佢系咪有问题。阿姐话因为部机「痴咗」，机边痴实咗个饼所以搞成咁，仲反问我系咪想要个唔烂嘅？好似我有问题，专登去为难佢咁。假如知道部格仔饼机有问题，点解仲要卖俾客呢？真系一脸问号！讲埋味道，一咬落去，淋过毛巾蛋味欠奉，花生炼奶酱偏少，食落干争争，冇饮嘢都几难吞落口。如果佢特色系做厚底格仔饼，应该要解决会变淋嘅问题，但骤眼见阿姐一起个饼又冇做到吹冻佢嘅步骤就直接包入袋，难怪最后卖相就好似我个仔用过嘅尿片咁差！三个格仔饼$66唔系特别贵，又唔系特别平，都知道依家生意难做，仲要喺商场铺位，但食物质素都应该要兼顾好，唔系市道咁差仲点会有回头客，我就唔会帮衬第二次，希望呢间小食店可以改善一下！…查看更多

一直都好爱港式小食，作为香港人，当然要支持香港嘅食物，唔系只支持外国入嚟嘅食物！！！👍🏻👍🏻之前试过好多间鸡蛋仔店，有啲都几好食，有啲好失望，不过最近因为𠮶间妈咪麻麻哋，所以想揾第二间试吓。🤣🤣今次第一次试呢间，以为开喺商场里面冇乜惊喜，以为好似普通连锁店咁，原来都唔错。鸡蛋仔味道都唔错，第一次食呢种味道，佢嘅味道真系好似蛋糕，甜甜地，好似蛋糕咁，几好食！不过好可惜外皮一啲都唔脆，太可惜！…查看更多

普通经过谂住食小食， 点知有个唔好嘅经历食物一般员工态度唔好好似俾钱买难受又等得耐，之后唔会再去员工永远系黑面都算， 我俾钱买嘢食唔系要食埋你个态度 如果有心再经营落去真系要改下服务态度…查看更多

系屯门v city 内有一个好似food court 既地方（只系似， 但不是food court) . 有间细细既店买格仔饼🥰。 我系格仔饼lover ， 当然要试下，同时亦见有鱼蛋做特价， 所以都试埋。 （5⭐️最高）格仔饼（3⭐️）特点系厚身。 但其他部分都有失分。😔口感方面：咬口唔够脆，好林身， 似食蛋糕多D。 酱汁方面：花生酱太少， 牛奶唔够香😞。 性价比低， 食完有一点空虚🤨。希望下次试， 会可以改善😌有优惠价的鱼蛋（3⭐️）值得一赞系口味有四种： 原味， 咖哩， 辣同蒜泥， 我买了一份好少见蒜尼， 蒜味唔会太重， 但鱼蛋咬口就一般。 …查看更多