城仔記小廚

📍城仔記小廚經過大埔墟熟食中心人山人海唔知揀咩食好有個超級熱情既姐姐直接叫我地坐低試下呢間餐廳所以就嗌左個奶油豬🐷🐷奶油豬 （$35）本身對呢個奶油豬完全無期望但竟然比想像中好食熱辣辣烘到好脆麵包搽左牛油同蜜糖甜甜地好好食😋😋😋唯一挑剔係以熟食中心黎講一個奶油豬賣$35真係好貴😕…查看更多

城仔記，多年來都唔係第一次食佢，不過早餐係第一次，我已經7:50am去到，8:10先出餐，本身諗住比足夠時間你煮，應該唔會差得去邊，而且朝頭早冇乜客，點知⋯⋯唉⋯⋯先講咗叫乜，早晨西式扒餐 ～要豬扒/餐肉炒蛋，凍齋啡走甜。茶記最正常不過嘅西早。 炒蛋～有半煎蛋feel，上面望落去嫩滑，下面係煎蛋，不過勝在夠熱。餐肉～正常，厚度都正常，唔係手工嘢。豬扒～咁基本嘅嘢，俾足時間你做，你落炸爐都算，你比塊柴我？！有人會話街市檔你想點，又乜乜乜，喂做廚應該對自己出品有擔帶架，比塊柴出嚟？齋啡～例牌黑水。戴返頭盔先，我覺得好唔好食≠你覺得好唔好食，好唔好食因人而異。…查看更多

今日到大埔街市買料打邊爐，午餐順道喺街市嘅熟食中心食。由於時值新年期間，重有接近一半嘅餐廳其實重未營業。今日就去左城仔記食。可能受新年因素影響而令材料短缺，食物供應只有包類同是日快餐。我哋叫左蝦仁滑蛋飯同干炒魚柳河。落左單約五分鐘後，侍應同我哋講無河粉，話可以轉烏冬。我哋同意，但最後原來要加一蚊。店方無同顧客講相關食物無得供應，轉類似食物又要加錢，做法非常奇怪。其後先送上嘅係蝦仁滑蛋飯。蛋質地係做到滑，但芡汁味道偏淡。蝦仁肉質尚算脆身，不過有腥味，似係唔新鮮。炒烏冬方面，味道唔係靠豉油或蠔油等調味吊起，反而落重味精。魚柳係新鮮炸起，不過有啲咗火，且粉落多左，質感偏硬。賣單計數98蚊唔算貴。然而考慮到服務同食物味道，實在唔係太值得。…查看更多

話說今早去食早餐諗住快快手食完就走啦佢25分鐘先出到一個沙嗲牛肉麵 味道都正常嘅但係飲品仲要漏單 追咗幾次單 好似聽完就算咁等多10分鐘 遲過我黎嘅客人 都已經食完走咗我都係追唔到杯凍檸茶總共等咗35分鐘 我會凍檸茶都未到 決定走我走嗰時個水吧喺得閒到可以吹水…查看更多

印象中好像沒試過在大埔新街市這裡食過早餐，只在午市及晚市會光顧，所以問我早餐有什麼好吃的話，我也數不出來！是日相約親戚吃早餐，而之後緊接有其他節目，為方便他泊車而決定在新街市食早餐吧！大家不想飲茶食點心，又不想一清早食豬扒麵，隨意的就揀了這家城仔記小廚！逢去茶記都多點常餐，這次也不例外！由於早兩天才吃公仔麵，所以是日沒選沙嗲牛肉公仔麵，取而代之是叉燒意粉+火腿奄列+牛油多士！另叫了杯凍檸茶～～轉奄列及叫凍飲都要另加錢啊！多士夠牛油香又夠脆，奄列有足夠火腿絲，又帶蛋汁，不會煮得太老～～叉燒意粉，叉燒質素普通，質感不會太韌太粗糙，過得去！湯意粉的質感滑溜，不會糊糊的，湯底亦不會過鹹，味道ok！親戚分別食沙嗲牛麵及豬扒公仔麵，他們都覺得ok。沙嗲牛麵的沙嗲夠味而牛肉軟稔，豬扒亦鬆軟易咬～～凍檸茶的茶底則不夠香濃，沒有回甘味～～整體來說，食物不難吃，但也算不上特別出色好吃，是可接受的程度啊！…查看更多

估唔倒無人介紹過哩間餐廳, 所以無影到門面同環境相, 好彩都影左個餐牌交差雖然賣既野同一般茶餐廳一樣, 但好特別既地方係, 佢係同隔離舖頭聯營左只要幫襯哩間店, 就可以坐佢提供既枱, 享用隔離出名既麵食不過唔只隔離出名, 店員介紹奶油豬係必食推介, 既然只少要叫杯野飲, 店員都話加多幾蚊就可以食埋, 咁就試試佢啦果然奶油豬真係外脆內軟, 牛油同煉奶既比例, 唔會太甜, 同一般既奶油豬, 多左一份鬆軟感, 真係perfect match但不得不提既係杯凍奶茶, 茶底夠味之餘, 唔會感覺到奶味, 正常既甜度都飲倒佢既甜味, 完全唔會分成3個味道各自傳遞, 三為一體既味道, 真係唔係每一間餐記做得到…查看更多