坤記粥店

食過咁多次，真係第一次食到咁受氣！叫咗碎牛魚片粥，有幾片魚片都唔熟，咪同阿姐講，阿姐係咁質疑我有冇撈勻碗粥、跟住另外一位男職員再加多句（佢唔識野）。我食過咁多次，之前都唔係咁。阿姐跟住好唔情願咁幫我整返熱碗粥。 睇嚟我真係要同佢哋兩位講返一聲，我唔識野，真係多謝你幫我加熱呀！佢哋兩位嘅語氣、態度可以再差啲就完美啦！…查看更多

今天下午，我和老公去坤記食飯，真係食到開心！位於新界屯門鄉事會路10號地舖，環境唔錯，又唔會太擠迫。首先，我點咗皮蛋瘦肉粥，粥底滑溜，皮蛋同瘦肉嘅味道配合得正。接住，我試咗艇仔粥，真係好滿足，海鮮新鮮，味道濃郁。最後，仲叫咗炒麵，麵條炒得香口，配料亦唔少，令人食得津津有味。每一樣食物都令人感受到廚師嘅用心，真係唔枉我哋特意上嚟。下次一定要再嚟試下其他菜式，期待再嚟！#坤記 #屯門鄉事會路10號地舖…查看更多

及第粥粥底綿滑，豬膶、粉腸、豬肚、豬肉和肉丸每款有兩小件。肉臟處理得十分乾淨，醃製的調味料令粥的味道更有層次。豬膶粉腸粥炸腸的布拉腸粉口感柔嫩有彈性。油炸鬼很香，配上豉油、甜醬、麻醬、辣醬和芝麻，真的又邪惡又好味。炒米粉外表平庸，但很適合和粥一起配搭，而且鹹度剛好。_在這裡，店員下單會用好多專有用語，比如狀元=及第粥、凍水=綠豆沙，很有趣。_小店營業時間由早上10時半至晚上12時，是宵夜的好選擇。到訪當天，遇到很多食客會堂食中式糖水，或外賣粥品回家享用。…查看更多

幾位員工對顧客呼喝喝，有位輪椅人士入去食嘢，啊姐係咁鬧坐牆邊嘅客人坐埋邊。問佢嘢又寸人。雖然無期望好好待客，但又唔使鬧人。食物ok,但如果要比人鬧又無必要食，本身以前係附近讀書，由細食到大，但而家轉哂啲職員真係好惡，就無必要幫襯。以前啲員工好好㗎，叫多咗嘢食會問你食唔食得哂，要少一樣嘢食咁。而家問一句就已經要被人話就算啦。本身有少少情懷都比員工打碎。我走時仲有兩位伯伯比員工占話緊。可能今日天氣好熱，大家都躁底。…查看更多

坤記粥店相信好多朋友都認識，因係香港都有好幾間分店，而且裝修都比較老舊，感覺比較街坊鋪，話說夜晚未夠鐘去玩射箭前約老友係屯門食個飯先，佢突然話想食粥，提議黎坤記食，咁就求求其其黎食一餐啦。店內唔算話好大，都有好幾張枱，晚上未夠7點都有唔少食客同外賣，睇黎生意都唔錯，環境就比較老舊，枱與枱之間都比較迫d，而且店內都有d小飛飛，所以唔太方便影個環境啦，睇下餐牌就決定食d乜啦。艇仔粥配料有魷魚，碎牛同花生，魷魚比例較多不過比較碎d，碎牛份量正常，花生就少d，粥底味道比較淡口，可能無落味精喎，想調味就自行加d鹽或胡椒粉啦。菜乾豬骨粥老友揀既，佢食得好滋味。炸兩老友叫左走豉油，油炸鬼正常啦唔會好腍，腸粉唔會1pat野咁，叫做ok啦。豉油皇炒麵炒麵幾爽口，豉油皇味就唔算濃，我通常會再加d麻醬同芝麻食。蔥花蝦米腸蔥花同蝦米比例唔太多，蝦米都唔算靚，比齋腸貴8蚊，我寧願食齋腸。街坊老店價錢當然就比連鎖粥店平d，質素就一般啦無乜特別，叫中規中矩，街坊間中食下都唔錯既。…查看更多

見好耐無食有味粥，下午去了屯門坤記2人叫了豬紅艇仔粥，炸兩，抄麵，再加一條油炸鬼😅，食完再過屯市行下，但沿路已覺好口渴，已經飲了一杯水都解吾到口渴，返到屋企再飲左3杯不同的飲品都重口渴，都吾明做咩落更多味精😵‍💫…查看更多

其實一直以來成日幫襯，係好食但外賣係趕客，唔比入去叫，只可以外面等，一大堆人，陸陸續續有人等唔到走，等好耐終於有侍應出嚟寫單，我咪叫，佢叫我排隊，我話根本無隊，跟住佢指周圍圍住嘅人….請問點分！走得～～…查看更多

希望佢可以係外賣果方面可以改善一下，整一條隊係等叫外賣，另一邊等攞弓賣放工時間個個衝去門口去叫。叫完又企係門口。點你叫左定等叫…叫人點叫外賣呀。希望貴店改善一下囉。…查看更多

呢種舊式粥店係香港嘅特色，算係上一代嘅香港飲食文化，不過好味嘅粥店真係買少見少，粥店除咗粥之外最重要嘅就係腸粉炸兩，可惜好多粥店的炸兩都係唔脆而今次呢一度嘅炸兩真係唔錯，千其唔可以叫半份，一定要叫原條，佢就會用新鮮油炸鬼，即刻即叫即做，到上枱嘅時候就一定係脆口嘅！紅豆沙味道唔錯，口感都唔錯，食到一粒粒紅豆，同時有綿密嘅感覺，紅豆味香濃，而且唔會太甜艇仔粥，用料算多，重點係個粥底做得唔錯，唔會好水，米量足夠！…查看更多

最近開始食d清淡小小既野，特登黎到人氣族粥鋪坤記。佢位於V city隔離，喺屯門出名嘅粥鋪。呢度嘅粥款選擇有好多，仲可以雙拼同埋有生滾粥。除咗粥仲有腸粉小食同埋糖水。最近朋友仔讀營養，話魚非常有營養。咁我哋一家三口就一人一碗魚片粥。食得出係冇咩味精，同啲連鎖粥鋪好大分別。食粥都係想健康姐。怕唔夠飽，我哋仲叫咗個牛肉腸粉，個牛肉好似融入腸粉咁，又好夠滑，讚好。最後叫多咗個炒米粉，佢就傳統族譜嗰種炒米粉，一定要加辣醬先好食😋最後買單都唔使$100，好抵呀😆…查看更多

久違了的中式早餐！早上8點幾只有幾位食客，可能加上疫情關係，外賣多。我點咗: 豬紅艇仔粥 + 炸両粥底清淡，唔會係漿糊粥，唔錯，配料豊富油炸鬼係脆嘅，芝麻自助任加，可惜唔香。甜醬_麻醬_都係任你加！可惜唔好味_係敗畢。…查看更多

早兩日戇居居睇電視， 見倒炸兩出見在前。 心底裏面去咋兩嘅慾望， 不其然湧見上心頭。 （講白啲， 我要食同好想食你.） 朝早瞓醒， 係心裏面都比平日柸咖啡阻一阻我同炸兩幽會。 （因為去粥鋪冇咖啡飲。 ）咁我又念， 唔叫飲料， 食完再去飲咪得囉。 😁 終於成功咁到達粥鋪， 我應該有成年冇食個呢啲咁高澱粉質， 同要喪落醬架野食。 疫情未過， 鋪內有圍板格開客人同要格位坐。 一坐低， 姐組攞住張紙巾行埋來講-哥哥仔抹咗啲汗先慢慢叫。 😳攪咩咁好心， 唔通少咗人來食， 有時間對客仔好啲。Anyway, 個心都感到溫暖嘅。 最後叫左艇仔粥炸兩😍😍， 忘了叫多花生。 😁 不過咁耐冇食都好正， 熱辣辣， 花生趣， 仲有碎牛肉同水魷魚加豬皮。 目標炸兩出現， 就準備麻醬甜醬芝麻侍候。 （自己加醬真係爽， 仲要加多啲。） 脆卜卜嘅油炸鬼， 比熱辣辣嘅粉皮包住， 同芝麻麻醬甜豉油甜醬一齊之後， 重現出久違嘅味道。 我為左食你地我食左青瓜同生果先黎食， 都係值得。 總括來講， 依然好食， 今早食完大滿足。 感恩.…查看更多

我自一星期前開始患了感冒，到今天仍然是感冒未癒。今天因事要到屯門工業區，任務完成後，到「坤記」買碗「下火」（皮蛋瘦肉粥），小小的一碗粥，非常足料，不論皮蛋或瘦肉都很多，粥底很綿滑。邊吃邊盼望自己可以快點痊癒。坦白說，正常情況下，一碗粥未必夠飽。不過對一個病人來說，份量也就剛剛好。如果不是病未癒，大概我會再要炒麵或油炸鬼。這小店是V City附近唯一（以我所知）的粥店，充滿人情味。店員似乎都是老員工。…查看更多

同男朋友睇戲前打算食啲light啲嘅野 留肚睇戲嗰陣食爆谷😆所以男友就帶咗筆者去間佢由細食到大嘅粥舖✨餐牌粥舖應有嘅野佢都有 價錢都算合理啦✨豉油王炒麵 $13炒得好乾身 但筆者略嫌乾到過咗火味道就喺合理範圍啦✨及弟粥 $32配料好多好豐富 而味道同口感都好好豬肚：好爽口豬肉丸：分唔到係咪自家製啦🙈 不過係一口size 好入味豬潤：口感好嫩好粉 火候掌控得啱啱好豬肉片：好滑都好有豬味粉腸：口感都係粉粉爽爽咁嘅整體嚟講個粥係非常好食嘅 用料新鮮火候亦都掌握得好好✨豬潤腸粉 $25腸粉漿唔會太厚 亦都幾滑而啲豬潤同粥嗰啲一樣 口感同味道都非常好 唔會太過熟✨牛脷酥 $10牛脷酥屬於正常水平啦 無咩特別✨凍豆漿 $9抵讚嘅係唔會太甜 但其實連豆味都唔香唔濃 總結嚟講就係無乜味埋單$89 初初諗住食light啲但原來都好飽hahaha不失為街坊醫肚嘅好選擇😗…查看更多

收工老公話一定要食粥，咁食下呢間啦。講真，好普通，但係屯門市中心唯一一間非大型的連鎖粥店，食下囉⋯⋯ /1️⃣柴魚花生粥$25，味正常普通，都好足料，好多魚同花生🥜2️⃣炒麵$13，冇乜料，齋面一個，芽菜蔥都無條！純澱粉質+高鈉！3️⃣布拉齋腸$12，好味，唔會太鞋🤤不過主要都係食啲醬汁姐🤤4️⃣海大綠豆沙+豆腐花$23，好足料，透心涼！綠豆沙口感綿密，豆腐花豆味濃郁，超級好味！😋😋😋 大推呀！…查看更多