坤記粥店

食过咁多次，真系第一次食到咁受气！叫咗碎牛鱼片粥，有几片鱼片都唔熟，咪同阿姐讲，阿姐系咁质疑我有冇捞匀碗粥、跟住另外一位男职员再加多句（佢唔识野）。我食过咁多次，之前都唔系咁。阿姐跟住好唔情愿咁帮我整返热碗粥。 睇嚟我真系要同佢哋两位讲返一声，我唔识野，真系多谢你帮我加热呀！佢哋两位嘅语气、态度可以再差啲就完美啦！…查看更多

今天下午，我和老公去坤记食饭，真系食到开心！位于新界屯门乡事会路10号地舖，环境唔错，又唔会太挤迫。首先，我点咗皮蛋瘦肉粥，粥底滑溜，皮蛋同瘦肉嘅味道配合得正。接住，我试咗艇仔粥，真系好满足，海鲜新鲜，味道浓郁。最后，仲叫咗炒面，面条炒得香口，配料亦唔少，令人食得津津有味。每一样食物都令人感受到厨师嘅用心，真系唔枉我哋特意上嚟。下次一定要再嚟试下其他菜式，期待再嚟！#坤记 #屯门乡事会路10号地舖…查看更多

及第粥粥底绵滑，猪膶、粉肠、猪肚、猪肉和肉丸每款有两小件。肉脏处理得十分干净，腌制的调味料令粥的味道更有层次。猪膶粉肠粥炸肠的布拉肠粉口感柔嫩有弹性。油炸鬼很香，配上豉油、甜酱、麻酱、辣酱和芝麻，真的又邪恶又好味。炒米粉外表平庸，但很适合和粥一起配搭，而且咸度刚好。_在这里，店员下单会用好多专有用语，比如状元=及第粥、冻水=绿豆沙，很有趣。_小店营业时间由早上10时半至晚上12时，是宵夜的好选择。到访当天，遇到很多食客会堂食中式糖水，或外卖粥品回家享用。…查看更多

几位员工对顾客呼喝喝，有位轮椅人士入去食嘢，啊姐系咁闹坐墙边嘅客人坐埋边。问佢嘢又寸人。虽然无期望好好待客，但又唔使闹人。食物ok,但如果要比人闹又无必要食，本身以前系附近读书，由细食到大，但而家转哂啲职员真系好恶，就无必要帮衬。以前啲员工好好㗎，叫多咗嘢食会问你食唔食得哂，要少一样嘢食咁。而家问一句就已经要被人话就算啦。本身有少少情怀都比员工打碎。我走时仲有两位伯伯比员工占话紧。可能今日天气好热，大家都躁底。…查看更多

坤记粥店相信好多朋友都认识，因系香港都有好几间分店，而且装修都比较老旧，感觉比较街坊铺，话说夜晚未够钟去玩射箭前约老友系屯门食个饭先，佢突然话想食粥，提议黎坤记食，咁就求求其其黎食一餐啦。店内唔算话好大，都有好几张枱，晚上未够7点都有唔少食客同外卖，睇黎生意都唔错，环境就比较老旧，枱与枱之间都比较迫d，而且店内都有d小飞飞，所以唔太方便影个环境啦，睇下餐牌就决定食d乜啦。艇仔粥配料有鱿鱼，碎牛同花生，鱿鱼比例较多不过比较碎d，碎牛份量正常，花生就少d，粥底味道比较淡口，可能无落味精㖞，想调味就自行加d盐或胡椒粉啦。菜干猪骨粥老友拣既，佢食得好滋味。炸两老友叫左走豉油，油炸鬼正常啦唔会好腍，肠粉唔会1pat野咁，叫做ok啦。豉油皇炒面炒面几爽口，豉油皇味就唔算浓，我通常会再加d麻酱同芝麻食。葱花虾米肠葱花同虾米比例唔太多，虾米都唔算靓，比斋肠贵8蚊，我宁愿食斋肠。街坊老店价钱当然就比连锁粥店平d，质素就一般啦无乜特别，叫中规中矩，街坊间中食下都唔错既。…查看更多