坐忘

真係耐唔時都會想食嘅 Comfort food 之選💛 坐忘主打無添加、無味精、多蔬菜、少油食物，店鋪着重「美味，健康，良知」的理念~天后店搬咗出大街間舖感覺上大啲坐得舒服咗啲~ 食物水準依然不變~Yum~ 店鋪名物一定係豬軟骨野菜咖喱飯~ 個豬軟骨口感軟嫩入口即化，完全唔肥膩❤️ 同時仲配有好多蔬菜令成餐飯更加 balance~ （每次個蔬菜未必一樣，但都有4~5 款㗎~ 想食得再健康啲嘅仲可以揀15款蔬菜咖哩飯~）個飯底都好有心思係蕃薯南瓜粟米生薑飯，帶點微甜又有口感而且同個咖哩汁底勁夾！上次試埋個椰香烤雞野菜咖哩飯，個咖哩底會更加濃郁但食落唔多覺有椰香，感覺似係butter chicken 多啲？極懷疑自己篤錯咗（因為兩款都係同一頁）~下次再去求證下先簡單又舒服嘅一餐有點家的感覺~…Read More

朋友介紹咗好耐呢日終於有機會試😋朋友原來以前食過，都話咖喱飯最好味。佢揀咗慢煮豬軟骨咖喱飯，煮到好軟身同入味。我就揀咗廣島蠔雜菇咖喱飯，上菜等咗一段時間，仲諗點解其他嘢上曬個蠔飯要咁耐🤔嚟到食落去成個咖喱汁都有蠔味🤤煮曬著去上菜嗰陣店員話今日啲蠔幾大隻，都係唔細粒嘅個飯裏面混咗粟米同埋應該係南瓜？另外加咗醬油溏心蛋同7款野菜溏心蛋有溏心，但就無乜醬油味野菜就係白煮野菜，正常飲品我地飲咗國寶茶同蜂蜜檸檬水埋單$209，晚餐嚟講夠曬飽有突最鍾意我個廣島蠔咖喱，想encore…Read More

最近同朋友去咗天后英皇道嘅「坐忘」，一間以日式咖喱飯聞名嘅人氣小店。要喺出面排隊，冇得拎飛，仲要人齊先入得座。餐廳環境有啲細，坐位略為擠迫，但整體乾淨企理，氣氛都幾熱鬧。野菜豬頸肉咖喱飯 ($78)咖喱醬汁濃郁香滑，帶點微辣同甜味，配上粒粒分明嘅飯。豬頸肉燒得軟嫩，油脂同瘦肉比例啱啱好。野菜包括紅蘿蔔、西蘭花同翠玉瓜，爽脆又健康，平衡咗咖喱嘅濃味。整體份量都幾夠，抵食！雜菇茄子牛肋咖喱飯 ($77)牛肋肉炆得幾好，肉質軟腍，吸收咗濃濃嘅咖喱汁，味道好豐富。雜菇同茄子嘅搭配有層次，菇類帶點咬口，茄子入味，咖喱嘅濃度同野菜豬頸肉款差不多，適合鍾意牛肉同菇類嘅朋友。豬軟骨七小時煮咖喱飯 ($75)招牌必試！豬軟骨慢煮七小時，軟腍到入口即溶，咖喱醬汁同樣濃郁，帶點甜味同微辣，配上野菜同飯，層次好好。相比其他兩款，依款嘅豬軟骨係MVP，食完令人「坐忘」咁回味無窮！店員態度還可，雖然忙碌但服務都幾有效率，會主動幫忙添茶同收拾枱面。由於餐廳比較細，坐位安排得密密咁，食飯時可能會覺得有啲逼，但整體而言都尚算唔錯。…Read More

烤雞沙律烏冬青芥胡麻汁，烤雞好新鮮烤製，食起上來脆脆嫩嫩，有好香雞味。烏冬係幼烏冬，非常之有咬口，加咗沙律醬同一堆菜，非常之清新好味。呢個dish 味道唔錯，食過翻尋味，非常之值得食完再食。…Read More

偶爾經過天后，會發現這間新晉人氣食店很多人排隊，一直都很想試試，正好今次經過是午餐剛開始的時段，不需要等太久便可以入座。餐店標榜無味精及全天然健康日式美食，並強調以自家製醬汁調配，更可因應食客要求轉成素食、禁五葷及無麩質材料，怪不得深受食客歡迎。餐單上的菜式選擇挺多，最後經店員介紹後，點選了以下兩款來試試:胡麻湯豬軟骨烏冬吸引我選這個菜式，是因為🐷豬軟骨採用慢煮方法製作。作為麵食的主要材料，這個豬軟骨份量十足，肉質豐厚，特別在中間軟骨部份，經過 7 小時的慢煮熬製後，變得軟滑入味，入口即化，跟一般食店相比，這個豬軟骨基本上不用咀嚼，就好像把滿滿的骨膠原吞進口中，感覺相當養顏。其次，湯底以白芝麻烹煮，味道濃郁，配上彈牙的稻庭烏冬🍜，每一口都充滿芝麻香味，加上溫泉蛋的滋潤，一碗麵可以有多重口感，相當滿足。不過，可能由於湯底較濃，個人覺得會有點偏鹹，但整體質素仍是不錯。雜菇茄子牛肋咖喱飯這道🐮牛肋飯選用日式咖喱汁調配，味帶辛香，但不會很辣，加上茄子🍆、雜菇🍄‍🟫、四季豆🫛等野菜，整個菜式的肉菜比例都很平均，也顯得十分健康。主菜的牛肋肉同樣經過長時間的燘煮，肉質很鬆軟，飯粒微微帶黃，跟咖喱特別匹配。餐廳食客雖多，但店員的服務態度依然不錯，還很耐心介紹食品，非常親切，所以有機會會再到訪試其他期間限定菜式。…Read More

午飯時間經過，見門口餐牌寫啲餐幾吸引，便入去試吓，分別叫咗豬軟骨七小時煮定食，睇下落份量足，配菜有沙律菜，食落豬軟骨炆得超腍，豬軟骨好有膠質，入口即溶，沙律菜可以解膩，個汁用來撈飯好野味，好食定食嘅碗湯，飲落無嘜味，似飲水咁豬軟骨丼諗住睇吓同豬軟骨七小時煮定食有咩唔同，但其實味道同配菜都一樣，食唔出有咩分別，只係無咗碗湯整體來講，食物味道唔差，價錢可接受，枱與枱之間較迫，但服務真係差，食食吓，頭頂部冷氣機滴水，已跟店員講，店員只係把枱拉開少少，就走開咗😧，明明有其他空枱，都無諗過幫我地換，唔知係咪因為覺得我地都食咗一半，還是真係唔想做……但問題都沒解決，唉！費事食餐飯同人嘈，唯有自己快速啲食完走人算😓…Read More

正午時分到達餐廳。門口接待的男員工只係問「齊人未」，未有講過有時限。入內坐下，送上餐牌的女員工亦未有表示用餐有時限。到用餐了大約五十多分鐘，當時我碟上還有兩片肉未吃完，尚有半杯茶未飲完，那個女員工便衝過來向我們說「你們已經食到超時」。我覺得莫名其妙，因為沒有人曾經提過有限時，而餐牌上或餐廳的牆上也不見有限時的提示。不過我明白香港人做生意最緊張「翻枱率」，所以我示意我正努力食完兩片肉及杯茶便可以。怎料只過了一會兒，這個女員工便走來要收拾晒所有的杯碟，甚至連我未飲完的茶也要收走。一心要趕客的態度。這樣差劣的服務態度，食物再好也冇用。還標榜自己是日本人開的店，搵鬼信。…Read More

接了女兒下校車，陪我去這裡吃飯。女兒鼓起勇氣問一位女服務員借紙筆，對方陰陽怪氣回應，我們餐廳怎會有A4紙？！Fine，没有就没有，何必這般態度對一位小朋友。接著我落order。服務員提醒我每人最低消費60。可是我看門口明明寫著繁忙時段才有這樣的要求。於是女經理過來，再次同我講，只要是開門，就是繁忙時段！當時是下午兩點，環顧四周，我很難理解她口中的繁忙。我翻來覆去看菜單，試圖選擇多一些食物，可女兒在學校已吃過飯，這裡沒有甜品也沒有小食，就算點兩杯飲品也不夠60人均，我也實在沒理由再打包個晚餐回家。於是打給工人姐姐，請她來接走小朋友。等待工人落樓下來接需要時間。一位男士再次過來施壓，還警告下次這種情況只可以外賣！這是一間每日路過的街坊店舖，卻是一經踏入絕不敢再回去。…Read More

呢間係天后新開既美食店，叫坐忘，之前好多人排隊嚟食午餐既，今日我就早少少就到店，避開人龍，唔使等位，找到一個靠近門口既座位。睇一睇個餐牌，好多食物都好新奇，呢間應該係日本fusion既食店嚟。點咗個豬軟骨七小時煮定食，等一陣就上餐，份量都幾多，沙律菜好多，撈埋d沙律汁食好好味。豬軟骨味道一流，口感豐富，大慨有五件，好啱口味，佢個汁撈飯食更加滋味。唯一要挑剔既就係每樣食物都唔夾，好似個湯，比較清淡，同個豬軟骨既味道唔夾，個沙律菜又係同個豬軟骨唔夾，但每樣分開食就冇問題。[米饭]口味：🥚🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…Read More

平時時不時就會去中央圖書館自習，終於俾我發現咗一間有抵食又平又好食嘅餐廳！呢間主打係咖喱飯，如果dinner去嘅話可能會排下隊，但係turn Over都好快嘅。同friend一齊嗌咗一個豬軟骨咖哩同埋黑芝麻牛肋骨咖喱。真係都幾正下😆佢哋嘅飯唔係齋白飯係會加咗少少粟米嘅同埋佢哋嘅份量都幾大下一個女仔食，可能都食唔晒。如果喺圖書館學咗一日去食返一份咖喱飯真係好滿足㗎。❤️同埋佢跟餐嘅飲品都唔算貴，可以嗌下！…Read More

今日同朋友去呢間餐廳食飯，一入去就感受到店員嘅態度極差，全程用呼喝嘅語氣命令客人，好似指揮士兵咁，完全冇基本嘅禮貌。安排座位時更係毫不客氣，唔止我嗰枱，隔離枱都係畀佢呼喝，令人感覺非常不受尊重，完全破壞咗用餐心情。 食物方面同樣令人失望，我哋叫咗一份沙律，配料有蓮藕、茄子等，但一入口就發現鹹到難以接受，尤其係蓮藕同茄子，完全掩蓋咗食材本身嘅味道，食咗幾啖就要不停飲水沖淡。成80幾蚊一碟，完全係又貴又難食。整體而言，無論係服務態度定食物質素都極其惡劣，完全唔值呢個價錢。以後絕對唔會再幫襯，亦唔推薦任何人去受氣！…Read More

坐忘既食物全部都係自己新鮮製造，慢煮豬軟骨飯既豬軟骨好霖，啲豬軟骨入口即化，食落係一種日本高級食材嘅感覺。野菜咖哩雞肉撈烏冬，烏冬質地有巑崎手打烏冬既美味，雞肉都好嫰滑彈牙，咖哩汁唔會太辣。野菜都係煮得好新鮮。呢間店整體食物食得出他們的廚師都有用心製作，食品美味，難怪會愈做愈多分店。#坐忘…Read More

之前到過這店舊舖（在電器道）試過，舊舖附近環境比較差，試過他們十五種蔬菜咖喱飯，當日味道一般般，咖喱唔似咖喱。他們現舖在英皇道，附近的環境好好多，又係點了炒十五種蔬菜咖喱飯，今次的體驗不同了，個飯熱氣滕騰，啲瓜菜炒得很香，有after taste，正，個咖喱汁比之前進步很多，是清新的咖喱汁 （之前是不是咖喱的咖喱汁），濃淡適中，好好味道，飯質也很好，整體令人吃完有難忘的感覺，可以給99.99分。…Read More

呢間坐忘聽人講好味😋所以決定黎試下😙今次我點左個柚子香烤雞親子丼定食😗真係有驚喜呀😍 烤雞肉嫩🍗 聞落去仲有陣陣柚子清香🍊 完全唔會油膩👍 個醬汁酸酸甜甜好開胃🤤 親子丼嘅蛋配埋洋蔥撈飯簡直係絕配🍚 滑溜溜咁一啖接一啖😋配菜都唔馬虎㗎🥗 都算多菜🥒 麵豉湯夠熱又唔會太鹹🍲樣樣野都超足料💯環境舒服夠靜🎋 服務又貼心💁‍♀️ 價錢以夜晚黎講都算平💸 質素對得住個價錢👌  一定會再encore嘅😆總括來講 呢個定食抵食又高質🌟 鍾意日式料理嘅朋友真係要試吓💖 尤其係個柚子雞 真係食過返尋味呀😝…Read More

同朋友假日行銅鑼灣一帶到晚飯時間見到呢間專食咖哩🍛仲有素食選擇排隊10分鐘左右就可以入坐🐽豬軟骨野菜咖喱飯🍛豬軟骨好諗好好食😋仲要份量非常足夠伴菜都唔馬虎呢個價錢嚟講都叫大件夾抵食🥦15種一日野菜咖喱飯🍛好開心係一間素食friendly 餐廳冇數到有冇超過15種菜😗但朋友都話好飽個咖哩汁配菜都好好食唯一嘅缺點係冷氣唔夠可能因為我坐角落頭越食越熱🥵…Read More