地茂館甜品

同朋友傾計可以來食糖水估唔到價錢實惠又好食$28紫米露小丸子 有椰奶味紫米都好香小丸子有小小硬杏仁茶&28更有杏仁味道啊好熱好香冬天飲會好正星期六下午來唔多人可以慢慢食傾計環境座位比較逼…查看更多

叫咗佢哋兩款招牌：凍紫米杏仁茶小丸子同埋凍椰汁西米露小丸子。上台嘅時候賣相都幾吸引，紫米一粒粒睇落幾飽滿，小丸子圓碌碌咁浮喺上面，影相確實幾靚。但係一入口就覺得，但杏仁味好淡，紫米咬落去仲有少少硬，唔夠軟糯；椰汁西米露個甜度就啱啱好。兩款嘅小丸子都係普通水準，冇話 Q 咁誇張。但真係到唔到網上話嗰種「驚艷」嘅感覺。可能係期望太高嘞。…查看更多

之前都嚟過呢度食糖水，今日喺沙田同男朋友行街，行到攰攰地想食糖水搵個地方坐吓就搵返呢間糖水舖嚟食 成日都要搵一輪先搵到🤣🤣個Menu應該大同小異，因為食過豆腐花，所以今日就想嗌一個熱一個凍嘅甜品 嗌咗芒果沙冰小丸子加涼粉同埋一個招牌食開嘅鮮奶燉蛋白，因為$28實在太抵勁快上台呢個，質素好穩定淡淡嘅奶香又唔會太甜，凝固得非常之好加咗個涼粉， 佢分開上有半碗袋啲呢個沙冰等一陣，都幾大碗好靚仔，小丸子口感一流，軟綿綿充滿糯米味 佢個沙冰好似棉花冰咁，呢碗嘢如果加涼粉都係$35超抵整體而言食得滿足，亦都唔會細細碗唔夠喉…查看更多

今日同屋企人食完飯，突然好想食糖水，諗起好運中心有間糖水舖未試過，就入去食吓。 叫咗三樣嘢：**星洲靚喳咋**桑寄生蛋茶**同**香草綠豆沙** 個喳咋料算足，但椰汁味唔夠香，普普通通；桑寄生蛋茶茶底幾清甜，不過隻蛋煮得過咗火，蛋黃硬咗少少；最好食係個香草綠豆沙，綠豆煲得夠綿，甜度啱啱好，食完幾舒服。 整體嚟講，味道正常，冇乜特別驚喜，經過想食碗糖水可以試吓，但唔使特登去。價錢都算合理，三樣加埋$75，算係抵食嘅！…查看更多

講到香港甜品界嘅經典，地茂館一定榜上有名！今次試咗佢哋嘅芒果西米丸子🥭一上枱，呢碗芒果西米丸子就好吸睛😍！大大粒嘅新鮮芒果肉鋪滿碗面，金黃色澤好誘人，睇落就充滿住夏日氣息。粒粒西米晶瑩剔透，圓滾滾嘅糯米丸子軟糯煙韌，咬落去 Q 彈有嚼勁，口感超豐富！芒果嘅香甜同西米、糯米丸子完美融合，每一口都充滿幸福滋味🥰。無論係炎炎夏日想降降溫，定係夜晚食完飯想食返碗甜品，呢碗芒果西米丸子都絕對唔會令你失望！…查看更多

食完晚飯又想食糖水特登前來沙田好運中心地茂館，地方不算太大，只有七至八張枱，繁忙時間需要排隊但流量算快好快有位. 它們除咗馳名的中式糖水外也有時令甜品。我地叫左：白果腐竹糖水， 好多白果，重豆味不太甜芒果豆腐花， 不過不失，豆花夠滑芒果小丸子西米露加雪糕， 小朋友好鍾意，丸子Q Q，芒果甜，椰子味雪糕特別👍腰果露， 好少地方食到，腰果打到醉曬仍然香滑不膩口，又唔甜，夠熱岩我口味品質仍有九龍城嘅水準而且價錢大眾化。 唔錯嘅選擇…查看更多

係沙田搵糖水舖難，專心做傳統糖水嘅鋪更少見。呢間我都係第一次幫襯，佢保留到食物原形味道，最鐘意桃膠蛋白杏仁茶，杏仁茶濃度剛好，唔太甜，蛋花都打得靚。芝麻糊濃度足，不過芝麻糊食到中途就會好「漏」。但係都好食嘅。糖水姨姨都幾nice，有講有笑。會再嚟試埋其他。…查看更多

芒果系列係招牌!!芒果超甜好正🥭🥭🌟芒果紫米露小丸子紫米露好香，而且唔會蓋過芒果嘅清新香味，個質感濃稠嘚嚟口感十足!!🌟芒果豆腐花小丸子豆腐花口感嫩滑細膩，芒果嘅分量超足又香又甜，加上小丸子嘅軟糯，呢個搭配真係絕配。🌟芒果涼粉小丸子涼粉嘅口感有啲硬，有啲帶微苦但係好下火，都唔錯!!仲有傳統嘅甜品，聽講都好正可以下次再嚟試下🤩🤩…查看更多

係沙田食飽晚餐之後打算食番個糖水做個結尾，明天繼續努力工作😆點知8點左右行到過去已經好多人排隊🧐所以最後決定外賣返屋企食😊👍🏻外賣就好快有啦，大概10分鐘內已經拎得😄😋蛋白燉鮮奶返到屋企都仲係熱既😊我覺得口感比較杰身，真係好足料，而且有好香濃既奶味😊😋椰汁紫米露呢個都係叫左熱既，儀家天氣轉涼都係食番碗熱野好啲😊呢個紫米露唔會太甜，配合埋好濃郁既椰汁底，非常之夾☺️舔舔脷指數👉🏻6😋/10😋滿分 可以一試😋…查看更多

飯後甜品🤗🔹芝麻杏仁茶招牌糖水 芝麻糊+杏仁茶嘅結合 杏仁味很濃 係現磨嘅 順滑細膩 入口暖暖的 食落去特別舒服 又養生😌🔹芒西小丸子椰奶底很濃 芒果西米小丸子都好足料 小丸子煙煙韌韌 適合芒果愛好者…查看更多

晚上8:30經過，見到店舖門口開始有人龍排隊，所以都想試吓。店舖面積細小，座位比較迫夾，所以都唔會預坐得舒服同埋坐得耐。大約等咗15分鐘後可以入座。餐牌都係提供一啲中式糖水及甜品，價錢中等，大約20幾蚊一碗。最後決定凍嘅椰汁紫米露、椰青凍西米露及雷沙湯圓。大約等咗5分鐘便上枱，由於紫米露唔算太凍，但又出奇地比較黏，好似糊仔，口感奇怪，味道正常，唔太甜，應該熱食比較好食。椰青凍西米露相對上比較好食啲，果凍有椰青水味，比較真材實料。雷沙湯丸正常，黑芝麻餡，四粒$20價錢比較貴總結而言，唔使排隊可以一試，但唔會再去食多次，排隊更加唔使講…查看更多

今次試呢道榴槤雪糕小丸子配涼粉的甜品， 值得推介畀榴槤愛好者！榴槤雪糕滑順香濃，入口即化，帶來濃厚的果香令人陶醉，小丸子粒粒彈牙，同雪糕都形成咗好好嘅配搭！！！再搭配左涼粉則為整體增添了一層清新的口感，冰涼的涼粉在舌尖輕輕滑過，讓人感受到一絲清爽，再平衡了榴槤濃郁口感。這道甜品不僅色彩鮮豔，還有豐富的層次感！！！無論是作為下午茶還是宵夜，都能帶來愉悅的享受。每一口都令我都分驚喜，真係不可錯過的美味！！…查看更多

夜晚食完飯之後食糖水經過見到一間糖水舖有一條小人龍咁就決定過去望吓啦咁呢間地茂館呢就唔止一間分店嘅同埋佢中式西式嘅甜品都有但係裝修風都係以中式為主咁同朋友一個試咗芒果西米露另外亦都嗌咗蛋白燉蛋同杏仁茶芒果西米露就普普通通不過不失但係佢蛋白燉蛋超級滑而且桃膠杏仁茶桃膠煙靭杏仁味10分濃郁…查看更多

榴槤仙草小丸子 $38榴槤蓉好大舊，有一絲絲榴槤肉，唔係好聞到榴槤味，不過食落係好香金枕頭榴槤味。仙草口感比較爽口，小丸子就軟糯，西米都食到一粒粒唔係煮淋曬。夾埋一齊幾好味😋。見到仲有得加榴槤雪糕，應該會更加濃味。不過我今次就冇加到。原本係想食楊枝甘露，見到有榴槤系列就揀咗榴槤。店內裝修好整潔，座位都多。同埋見到好運中心都翻新過，靚左同埋多左好多新餐廳。#地茂館 #沙田 #沙田美食 #好運中心 #榴槤 #榴槤控 #榴槤甜品 #仙草 #小丸子 …查看更多

椰汁西米露,料多汁足,椰香撲鼻,清涼解膩。雪糕亦非常順口,口感細緻,不膩不甜,令人難忘。整體而言,餅店糕點精緻美味,定能滿足不同客人的口味。我誠意推薦大家前去一嘗。…查看更多