在水一坊

開心一笑，每人（個人）最低消費hk$30 或正價飲品一杯。點會叫唔到呀？睇清楚未？一行2大2細（3歲都計一位，好的👌🏻因為佢都叫座一個位），叫了兩個正餐已經超過$120⋯⋯不可以❌。因為遊戲規則不是這樣。好的，叫了個小食超過$30就計。叫了正價餐加杯啤酒都超過$30都唔計一位。咁即係點？ 玩文字…不是全單計，是每位（不輪年紀）要每位單叫一樣餐單上的食物或飲品超過$30，記住記住不是人平均收費。唔好再玩埋晒啲咁嘅文字遊戲，真係中文差啲都睇唔明。講下食物，平均五至十分鐘出一個餐，坦白講食物一般，不是非常差，係一般。見到佢同個客講落完order即叫即做，跟order 次序做，開心笑左。我哋比隔離嗰台先落單，佢哋嚟咗我哋都未嚟。咁叫跟次序做呀？另外，唔通我入你舖頭食杯麵??? 吉列豬扒蛋包飯👍🏻，嗰塊黃色係飯面好似一張paper 咁，完全唔似用蛋煮出嚟，得一個厚度。做餐廳難，唔收加一，本應比個讚，不過水喉水都無杯….一個飯，二個麵，一個少食…埋單二百零蚊，無咩好講。離開時長洲時，都見一些隔離甜品舖，有d咖啡店☕️都係寫人平約收費$xx ，唔好意思，我覺得比較合理囉。最後，多謝留給我一個愉快的長洲經歷。…查看更多

從來都未食過咁難食嘅蛋包飯🤢 叫咗個漢堡扒蛋包飯 佢一攞上枱已經嚇親賣相超級核突完全唔係蛋包飯應有嘅樣貌蛋包飯連蛋都冇 得塊蛋皮包住啲飯 🤢啲飯本身已經超難食漢堡扒更加係不知所謂總之完全唔建議食呢間嘢！‏‏‎ ‏‏‎ ‏‏‎ ‏‏‎‏‏‎ ‏‏‎ ‏‏‎ ‏‏‎ ‏‏‎‏‏‎ ‏‏‎ ‏‏‎ ‏‏‎‏‏‎ ‏‏‎ ‏‏‎ ‏‏‎ ‏‏‎‏‏‎ ‏‏‎ ‏‏‎ ‏‏‎‏‏‎ ‏‏‎ ‏‏‎ ‏‏‎‏‏‎ ‏‏‎ ‏‏‎‏‏‎ ‏‏‎ ‏‏‎‏‏‎ ‏‏‎ ‏‏‎ ‏‏‎‏‏‎ ‏‏‎ ‏‏‎ ‏‏‎‏‏‎ ‏‏‎ ‏‏‎ ‏‏‎…查看更多

小島休閑風情 食物美味 值得推介日式咖喱蛋包飯 味道不錯又有手工啤酒 台式飲品佐酒小食 章魚小丸子 大阪燒魷魚卷 我都覺得很美味個人覺得佢炸物很出色😋👍🏻👍🏻👍🏻 …查看更多

難得來長洲 打算試下新野。因行得耐 又唔想吃中菜。見個環境唔太差 咪試下。只係服務好。但野食真係唔掂。蛋包飯冇味 豬扒又冇味。也要 70多元叫左個雜錦烏東。。。心想 我自己整還好食唔足料 加上價錢唔算平 都係成65蚊 加埋野飲成70多元。。…查看更多

假日好去處，當然係要到離島放鬆心情一下，是日到了長洲郊遊，沿途發現多了很多自家特色小店落船第一站～～‘’在水一坊‘’一間綜合了日式、西式美食嘅小店，吉列豬扒香口鬆脆，飯用上了日本珍珠米，有口感香軟。餐廳室內環境唔算大，但勝在舒適，有格調，配上音樂，足以令人有種離開繁華喧鬧，放鬆心情享用午膳，值得到此一遊…查看更多

星期一晚巿都坐到8乘滿座，幾枱嘅客同一時間落單，廚房好似有少少打仗的情況。佢哋食物即叫即煮，可能佢哋要做起隔離枱客比我哋先點餐嘅嘢食，先輪到我哋嗰枱。等咗差不多20分鐘我哋嘅嘢食先到。點咗兩款小食：章魚燒、炸魚薯條～ 主菜：咖喱日式漢堡蛋包飯、漢堡煎蛋飯配黑椒汁。每樣嘢都熱辣辣，幾好幾好，唔錯。但我略嫌黑椒汁鹹咗啲，建議佢哋再調教下醬汁嘅味道，唔好太重口味。會再去搵食！…查看更多

去長洲食到捧住個肚走is a must，認同不？💁🏽‍♀️ 喺禁堂食既情況下，我同鐵飯腳戰鬥到最後一刻，5:30pm仲努力搵小店🤣 想食既餐廳冇開，唔緊要～ 長洲是個掃黃好地方💛 最後揀左喺我地附近既在水一坊，老闆娘好好咁俾我地order下午茶set，亦都好高效率咁預備好食物俾我地👍🏼➿ 下午茶拼盤 ($45)日式咖喱薯餅 • 芝麻雞翼 • 多士 • 牛油粟米鹹食正常發揮～➿ 黑糖比利時窩夫 配曲奇雪糕 ($48)窩夫🧇本身帶甜味，加黑糖漿一齊食就偏甜呢～ 不過伴碟既透明珍珠微微煙韌又帶點爽口既口感比較難忘～➿ 冬瓜茶普普通通，唔會過甜～➿ 紅芭樂綠茶係小店既「是日果茶」🌟 芭樂味道好濃郁，飲落覺得好真材實料，記憶點最高！等食期間，鐵飯腳周圍望，反而呢度都有幾多特色手工啤🍻 連少見既花臉啤酒都有，任何食品加配$18就飲到～ 如果有多d時間，佢一定忍唔住叫左🙊…查看更多

叫左幾樣嘢食，得個湯麵係正常，其他都難食到爆，冇下次。雖然店員態度幾好，但d嘢食真係唔掂，難食過大家X，我冇諗過山長水遠來度，可以食到d咁低質素嘅，早知買小食或者食大排檔🥲冇相，因為趕住食完就走，去買其他嘢洗一洗番個口，嗰d汁得個鹹字😕 完全冇黑椒味，成碗嘢超級單調，得塊扒，汁，白飯，半隻溏心蛋，就完了。真係.......去買頹飯都冇佢咁頹、仲要呢個價錢。我都唔想專登打食評，但真係好難好難食，太傷人心…查看更多

事隔一年，重臨長洲。一到步，當然是醫肚！ 長洲很多「好西」，所以打算食少少野，再留肚食其他。見到有個期間限定嘅「肉醬漢堡肉加天使麵」，相片賣相每我流晒「口水」🤤🤤再叫一個大阪燒。天使麵嘅賣相同相片嘅一模一樣，唔知係咪太肚餓，一食落口「驚艷了我的舌頭」！好好味！醬汁份量多，足以撈晒成個天使麵，加上漢堡肉嘅肉汁鮮嫩豐富，我一個女仔食晒都唔夠喉！而大阪燒嘅配料亦十分豐富！ 男朋友都大讚足料好味！😝😝店面無太多華麗嘅裝飾，但位置係出名嘅甜品店允升對面。唔知下次個「期間限定」仲有無，講起都想食🤤🤤🤤🤪…查看更多

叫左吉豬咖喱蛋包飯，啲咖喱汁又浠又少，飯就多但汁少有咩用？塊吉豬啲肉又霉又薄，炸粉完全唔脆，啲色水賣相差到極致！另外章魚燒基本上得粉漿，難食到嘔，一定絕對唔會再幫襯！…查看更多

🍾用餐體驗今日放假同朋友難得去長洲行吓，喺長洲行咗幾個圈，入夜肚仔都開始餓，見到呢間餐廳個名都幾有詩意，就入咗去試試🤭我哋揀咗坐喺靠近門口嘅位置，望住長洲夜晚嘅寧靜街景食飯，感覺好舒服🖼環境餐廳空間感好足夠，我同朋友揀咗靠近門口嘅位置坐，貪佢可以自成一角，又享受到長洲夜晚嘅寧靜🥰🥰主食：🤍鰻魚便當 $68呢間餐廳嘅鰻魚真係好足料，鰻魚嘅size大大舊，亦都係無骨咬落去啖啖肉，配埋鰻魚汁撈圓轆轆嘅日本米飯真係一流👍🏻👍🏻🤍海鮮大阪燒 $45呢個海鮮大阪燒都好驚喜，入面嘅海鮮份量好足料，以前食過一啲大阪燒粉會好厚，口感會比較差，但呢個大阪燒完全無咁嘅情況，厚度係比較薄身，海鮮又好足料，一個人食晒成塊都唔會覺得好膩，值得一讚！…查看更多

行咗 3 個多鐘饑腸轆轆，揾到間啱食就快快坐底，5 條友就係揀自己個餐都諗嚟諗去，店員又無嫌我哋麻煩叫咗嚟又改變主意再諗過 😅😅好彩過咗繁忙時間，我都唔好意思！終於個個都揀定，由於太餓，所以都淨係快快影咗自己個餐就狼吞虎嚥 🤣🤣🤣可能大家都肚餓，我哋都覺得份量細。 。 。呢個 comment 可能對店家唔公平 😅 還好比我哋個藉口食埋對面個芒果糯米糍 🙈朋友食雞扒揀咖哩汁就話個汁偏少，我試咗羹咖喱飯好香，唔怪得佢投訴！雞扒跟咖哩汁係無蛋跟，要燒汁先有喔！唔知幾時先再入長洲玩囉……查看更多

難得和爸媽入長洲，玩完一整天，晚餐來到了這一家「在水一坊」。一進門，店面不算很大，一邊是廚房，一邊是餐桌位置，但坐得還算舒服。感覺是家庭式經營，只有男店主和女店主（？）兩人，女店主負責替客人點餐，態度有禮，也有耐心替我們介紹不同手工啤酒。點了炸雞、漢堡咖哩蛋包飯及牛排便當，全部味道都很正常，雖然不算驚為天人，但是是家庭的味道。咖哩是日式的，甜甜的很香。我主要吃的炸雞不是十分脆，因為是浸在咖哩中，但可接受。包住飯的蛋皮有點薄，存在感不高。飯的份量都十分之大，最後有點吃不完。點了德國小麥手工啤酒🍻很好喝，跟餐+$48 有一大枝（500ml) 可以接受。麥味十分濃得來又易入口，是曬完一天後最好的飲料了！熱柑桔檸檬水也有驚喜，酸和甜味很平衡，不像是用水溝醬開那種淡淡的味道。…查看更多

入長洲玩到中午開始覺得肚餓，附近幾間原本想試既餐廳都滿座，見到呢間裝修唔錯既日式餐廳，覺得試下無壞啦，都係醫肚姐。漢堡扒蛋包飯 其實個漢堡扒係唔錯的，兩塊都係厚身足料，有豐富牛肉口感，仲有食到洋蔥，食落好有層次感。但個蛋就真係薄左少少，接近得一張A4紙咁薄，d蛋太少自然就唔太食得出有蛋味，反而食落有少少甜，唔知係咪廚師知道隻蛋太薄，要加糖吊吓味。值得一提係上菜時間真係耐，等咗超過40分鐘先嚟到，呢點需要改善一下。…查看更多

我哋一入去就見到有一個哥哥態度唔好，可能我們三家人一齊入同有小朋友，門口哥哥好似唔係好想我哋入去咁！我哋之後都入到去，但冷氣完全不足夠！所有小朋友都投訴！之後我哋都算，因為假期時間多人，明白既！我哋之後叫食物，我哋叫左2個waffle 雪糕 ,waffle 唔錯，雪糕一般，不如想像中creamy!另外一個多士雪糕，多士不是太厚，雪糕一樣麻麻地！另外有其他沙冰飲料，不過沙冰上的雪糕係溶左，有少少失水準！總括食物質量一般，不算好，但係服務上負分！伙記每一次比食物我們都投訴，第一次話我地帶外來飲品，第二次話我們小朋友，第三次話我們唔夠30$最低消費！首先但係天氣咁熱34度，入黎食下午茶，冇可能冇其他飲品，除非我唔入嚟食！另外最低消費應該下單前提醒客人，同三歲小朋友都計真係冇言！食完後，應該不會回來，因為多人嘅話，入去有困難加熱！…查看更多