圓鐵板燒

上星期的一個平日晚上打算幫襯這間圓鐵板燒因為他們的食品質素可以和價格合理. 但因為女侍應的服務態度太差所以轉去其他餐廳用饍. 明白客人多的時候需要等枱是正常的,但這位女侍應（之前有另一位銀髮的女侍應服務態度不錯, 但她這兩次都不在）可能因為人多比較忙所以心情唔靚,即使見到我們在等待她安排座位或需要登記等枱但她只管視而不見而繼續企响鐵板燒枱隔離等出菜直至我們再叫她,她才好不願意地慢慢行過嚟話“冇位呀”然後打算轉身走. 我們問她這是什麼的服務態度, 她邊轉身行邊回答“係咁㗎啦！”老實講, 即使食品質素有幾好和價格有幾合理都好但有這樣的侍應的話客人是不會回來的. 難怪香港人經常去內地消費因為上面的服務態度非常好.我們消費時不需要受氣.下次經過如果仲係這位侍應的話我們不會幫襯.Last week, on a weekday evening, we intended to dine at this restaurant due to its reasonable food quality and prices. However, because of the poor service attitude from a female server, we switched to another restaurant. We understand that waiting for a table is normal during busy time, but this particular server (though another elderly female server had previously provided good service, she was absent these times) seemed irritated by the crowd. Despite seeing us waiting for table or registration, she ignored us and continued standing by the iron plate grill station until we called her again. She then reluctantly walked over, muttered "No seats," and tried to walk away. When we questioned her service attitude, she retorted "That's just how it is!" while turning around. Honestly, even if the food quality is excellent and prices reasonable, with such service, customers won't return. No wonder Hong Kong people often dine in mainland China, where service attitudes are far superior—consumers shouldn't have to endure rudeness. We won't patronize this place again if the same server is on duty next time.…查看更多

之前裝修無得食等佢開返即刻嚟dinner坦白講抵食大份勁飽味道又唔差，3個人都係500幾蚊埋到單👉🏼美國安格斯肉眼牛扒海鮮二人套餐（$328）啱啱喺鐵板上面燒好嘅牛扒Juicy又唔un,熟成度掌握得非常好只要點少少海鹽或黑椒牛嘅肉味即刻出晒嚟另外龍脷魚扒小元貝蝦仁同安格斯牛扒係同一個餐嚟架即係一個餐有齊牛，魚，元貝，蝦，仲有白飯，湯同埋鐵板炒油麥菜，仲包飲品呢個餐只係300幾已經飽到呢龍脷魚扒好香又嫩，小元貝同蝦仁個汁較得比較濃但食完又唔會口渴油麥菜比鐵板炒完又唔會好油成個餐超下飯👉🏼鐵板羊柳配紅蝦（$148）羊柳唔羶，不過有少少un,但接受到紅蝦就不過不失味道唔算鮮，但肉質尚可服務：👍🏻👍🏻👍🏻環境：👍🏻👍🏻👍🏻食物：👍🏻👍🏻👍🏻👍🏻📍圓鐵板燒大角咀海庭道18號奧海城2期1樓大食代內✨️套餐選擇幾多款嘅，不過環境因為food court關係，有啲嘈同有啲開揚…查看更多

今次已經第二次來這間餐廳食飯，環境舒服坐得不錯，第一次來的時候不記得影食物相，我一家三口坐在吧檯上看著廚師鐵板燒炒菜煎和牛同幾隻大蝦和香姑，看著都非常美味😋😋 有湯有燉蛋有飲品有套餐！我今日同老公坐普通枱食兩款不同肉，再次點食和牛同肉眼扒、有鮑魚、有扇貝、有油麥菜、有芽菜、菜脯煎蛋、同有煎豆腐全部非常好食🤩🤩！ 兩款牛扒中間蒜頭炒得非常好食😋好爽口😋 餐廳咖啡非常香同好飲不會有苦澀味😍😍我問了用什麼牌子啡啡豆，完來係他們師傅將咖啡豆炒完再磨！我第一次知道原來可以這樣🤩！…查看更多

Yet to have a chance to try. Booked a table on Sunday evening. Changed the booking from 7:30pm to 7:45pm.When we arrived at 7:38pm, the waitress said she gave our table which was originally booked at 7:30pm to some walk-in customers. We were waiting for another 20mins… no sign of any available seats, and the waitress was totally ignoring us, so we left. Shouldn’t a booking in the system meant anything? Knowing the walk-in customers wouldn’t be able to finish a tappanyaki meal in 10 mins, why not ask the walk-in customers to wait for a few mins before ensuring the 7:45pm booking won’t show up?? It’s just messy. And when I asked the waitress, she replied in ‘complete confidence’ that she’s too busy to think of these because it was a very busy Sunday ! Totally unprofessional ! Maybe too much to ask for from a food court restaurant !??…查看更多

餐廳劃分兩個區域，其中一邊坐鐵板前面。今次被安排坐喺鐵板前面，可以睇住師傅煮嘢食，但係油煙都幾大，幾熱🥵我哋叫咗兩份一人餐（黑椒雞扒，牛肩扒），每個餐都有例湯，蒸蛋，炒菜，白飯，飲品。美中不足嘅係白飯不能轉炒飯，建議餐廳考慮加入炒飯的選擇，讓客人有更多彈性。😔例湯：紫菜蛋花湯冇乜味，感覺用滾水煲，沒有任何調味，失望。😔茶碗蒸：淡而無味，懷疑沒有用高湯或鰹魚粉。鳴門卷味道好假，玉米筍味道也不討好，感覺這個茶碗蒸的成本很低，沒有誠意。👍🏻炒菜：油麥菜炒得唔老，簡單用蒜蓉炒，清清地已經好惹味👍🏻雞扒 ：雞皮煎到有少少起焦，好香口，黑椒冇搶到雞扒味。🆗牛肩扒 ：叫咗五成熟，質地係似五成熟琳琳地，冇乜血水，做得幾好，唯獨冇乜牛味。蒜子都好食。一人餐份量十足，對食量大嘅人嚟講係一個唔錯嘅選擇。綜合味道和環境而言，只能說是中規中矩，對得起這個價錢🆗👌🏻午飯時間都keep住有人流，最好預先訂座。…查看更多

今次叫咗個beef more 全牛餐！廚師對於食材好有信心，在烹調時只用了牛油煎到5成熟，然後用少量鹽及黑椒讓我們自行調味。🔅美國安格斯T骨扒 🔅美國牛仔骨🔅美國牛肩扒果然用料上乘，食落去好香好有牛香牛味👍🏻👍🏻 鐵板黑椒汁牛肉片廚師話呢款汁係特別烹調，仔仔好鐘意呢個味道，食咗唔少👍🏻鐵板炒時蔬呢個幾特別，因為好少會用新鮮沙律菜來炒，味道剛好😋跟餐係白飯，但仔仔就決定+$58 和牛炒飯（廚師好細心幫我地分3碗），都炒得好香口唔會太咸，仔仔食完啲牛扒🥩都仲可以食到1大碗炒飯🤩🤩跟餐仲有汽水🥤/礦泉水很豐富的牛魔餐🥰…查看更多

想食鐵板燒 走咗入奧海城大食代入面覓食🍽️90分鐘鐵板燒豪食派對🎊 有三款鐵板燒套餐 分別係超值、極品、至尊🔥🔥🔥✨至尊豪食套餐$688/位 ✨任點日本宮崎A5和牛🐮澳洲M5牛小排和牛🐮挪威三文魚柳🐟北海道黑毛豬🐷美國精選牛肩扒🐮美國精選牛仔骨🐮美國安格斯肉眼扒🐮美國安格斯牛小排🐮全部都想試😍全部都來一轉試試😛推介🇯🇵 宮崎A5和牛油脂豐腴 令人一試難忘 北海道黑毛豬🐷亦是人氣之選🫰🏻除了肉肉之外 提供一系列鐵板熱食、海鮮冷盤、鐵板炒菜、台式炸物等等。。。。。食得太多肉肉嘅關係😮‍💨只係點了幾款心頭好❣️牛油半殼扇貝、蒜香小元貝、鹽酥雞、蝦卷 整體味道也不錯👍🏿下次一定要試埋其他款式😎…查看更多

第一次去大食代入面食鐵板燒，平時鐵板燒都係單點，呢個set可以任食有小量Bar枱同卡位，用餐紙點餐後可以慢慢等待食物🥩✅90分鐘鐵板燒豪食派對可以食到至尊豪食套餐嘅肉類，另外仲有任食鐵板熱食、海鮮冷盤、鐵板炒菜、台式炸物、飲品同自助餐區，自助餐區主要提供沙律同熱湯我地食咗美國安格斯肉眼扒同日本宮崎A5 和牛，日本宮崎A5和牛口感香甜，肉質Juicy好吸引我🤩冷盤海鮮嘅翡翠螺大隻又彈牙，每款份量2件唔洗擔心浪費問題，可以食完再點台式炸物有我最中意食嘅台灣腸同地瓜條，自己可以食兩份🤣💛好味指數:4.4/5💜回頭指數:4.1/5📍圓鐵板燒 (大角咀)大角咀海庭道18號奧海城2期1樓大食代內…查看更多

𓂃𓂃𓂃 𓈒 𓂃𓂃𓂃 𓈒 𓂃𓂃𓂃 𓈒 𓂃𓂃𓂃 𓈒ෆ 九十分鐘聖誕豪食套餐 ෆ (推～！)來自台北街頭夜市既『圓 ． 鐵板燒』店不走華麗裝潢的路線而係食客圍著鐵板吧枱坐～同時欣賞廚師席前即製既視覺感受快樂愉快輕鬆既體驗同時價格更親民😍。奧海城分店限定12月15開始到1月1日咋～～～～正價時間就係1900 - 2200早鳥時間係 1900 食完離開（價錢會低$60啦）豪食套餐共有三款豐儉由人既選擇以不同等級嘅靚牛及食材來區分價位所有套餐都包括多款前菜、海鮮、炸物、甜品等。❝ 至尊豪食套餐 ❞ | 正價時段 HK$688/位❝ 極品豪食套餐 ❞ | 正價時段 HK$628/位❝ 超值豪食套餐 ❞ | 正價時段 HK$528/位。至尊個款既任食套餐～～～和牛款有「日本宮崎A5」、「澳洲M5」仲有「北海道黑毛豬」！食到回本勁容易（當然跟番自己食量去點就唔怕浪費啦）。其他款式可以睇上圖詳細餐單試左好多款之後～下面係我既私心推薦 !!。肉類🌟🌟精選牛肩扒🌟🌟安格斯肉眼扒🌟🌟蒜香小元貝🌟🌟香煎龍脷魚。鐵板燒海鮮同肉類新鮮熱辣好無敵特別係香煎龍脷魚同小元貝都好出色仲可以襯埋白飯一齊食扒類仲會好細心問你係幾成熟呢。豪食精選滋味🌟🌟紅芹魷魚🌟🌟海鮮冷盤（四款都正！）🌟🌟九層塔煎蛋。鐵板油菜🌟🌟油麥菜🌟🌟 菜心🌟🌟 銀芽。汽水都係任飲～仲有無糖茶品👍🏼。我既小建議係👇預約早鳥時間但食最豪的至尊豪食套餐 咁樣就可以試最靚級數的和牛同黑毛豬價錢有特價之餘食到咁飽仲有多啲時間俾個胃仔消化😗俾埋2771 3375訂座電話你啦～～（其實Openrice訂座仲抵！額外9折優惠）…查看更多

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯突然間凍左咁多，只可以轉戰室內shopping。平時我都好少食商場food court，不過今次朋友介紹奧海城入面原來有間隱藏鐵板燒，个要係任飲任食，即刻試下先。餐廳午市總共有三款唔同吧套餐，差別主要在於肉類嘅選擇。難得放假梗係食豪啲。我就揀左《至尊豪食套餐》。鐵板燒最重要都係肉類，依個至尊套餐就有齊最高級別嘅肉類：美國精選牛肩扒美國精選牛仔骨美國安格斯肉眼扒美國安格斯牛小排北海道黑毛豬挪威三文魚柳澳洲M5牛小排和牛日本宮崎A5和牛我自己就最鍾意油脂分怖平均嘅澳洲M5牛小排和牛和日本宮崎A5和牛，兩面燒一陣就食得。食完肉類，可以留意下海鮮。牛油半殼扇具和蒜香小元貝都係任叫，新鮮整都幾爽口。除此之外仲有好多小食和出面嘅自助區，多到介紹唔哂，有興趣可以試下。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯…查看更多

「 圓鐵板燒」位於大角咀大食代內的最裡處，經過便會看到鐵板燒師傅在鐵板前熟練的烹調美食，鐵板上發出滋滋作響的聲音😚▫️❥$𝟲𝟴𝟴 至尊豪食套餐／ᴘᴇʀ ᴘᴇʀꜱᴏɴ🍽️🥢任食鐵板燒+西式半自助餐+飲品⏰限時90分鐘～～～～～～～～～～～～～～～～◂ ◂ 肉類的款式可真不少，有牛肩扒、牛仔骨、安格斯肉眼扒、安格斯牛小排、北海道黑毛豬、澳洲M5牛小排和牛、日本宮崎A5和牛🤩◂ ◂ 當中最喜歡的便是日本宮崎A5和牛，滿滿的油脂香，好不邪惡🤤◂ ◂ 北海道黑毛豬肉質爽口清新，也深受我跟同行友人的喜愛🫶🏻▫️◂ ◂ 鐵板熟食方面試了牛油扇貝、蒜香小元貝、龍脷魚柳、蔥花蝦仁炒蛋😋▫️◂ ◂ 台式地瓜條和蝦卷也很喜歡💕▫️◂ ◂ 最後再來一份鐵板油麥菜、銀芽，兩款炒得好有鑊氣👍🏻👍🏻…查看更多

呢間小店，叫做「街邊味」，就嗰種隨處可見、任何時候路過都想返轉頭再食多次嘅好地方。試咗啲咸魚雞粒炒飯，咁既平民價錢，竟然可以做到粒粒分明，雞粒又嫩滑，咸魚味夠哂咸香，我食得咁開心，真係頂級享受！🍚再嚟，佢哋啲豉油皇炒麵就真係绝咗，面條夠彈牙，每條都裹住豉油既香，同埋有咁少少嚿「鑊氣」，食落好有層次。🍜 而佢哋啲酥皮蛋撻，半溫半熱嘅撻皮脆得咁剛好，入口即溶，蛋漿香滑得來唔腻口，攞黎做下午茶真係啱晒！🥧你問我真係有無咩唔掂？嘛，其實啲甜品可能唔係特別出彩，但係呢啲小瑕疵都係可以原諒嘅，因為其他嘢真係做得好出色。試食完之後，覺得真係可以介紹畀身邊嘅朋友一齊黎享受一番！總之，「街邊味」呢間小店，真係要大推，肯花心思做好每樣小食嘅小店，我哋當然要撐住佢啦！😋👍💯…查看更多

大食代入面有鐵板燒放題，真係之前諗都無諗過，究竟得唔得？等我今日帶埋阿仔去食下先。圓 鐵板燒 位於奧海城大食代最深處，但係如果由戲院方向入，一入門口就見到。餐廳設有吧枱位，因地方關係，大約有一半可以望到師傅表演，有一半就唔倒，如果大家想坐得舒服啲，都有少量梳化位可以坐。90分鐘鐵板燒豪食派對共有3款選擇，正價價錢由$528~$688不等，有早鳥優惠，1.3米以下小童和65歲以上長者就任何套餐都一律$208，真心係抵。今日叫咗個最貴嘅至尊豪食套餐(C餐)，正價$688，但由於我地1900前離座，所以每人只需$628。至尊豪食套餐 $628(早鳥時段)肉類方面，有美國肉眼、牛小排等，仲有北海道黑毛豬和澳洲M5和牛牛小排；和B餐最大分別就係多咗日本宮崎A5和牛，價錢相差$60，只係多咗呢個究竟抵唔抵？轉頭話俾大家知。鐵板菜式除咗肉類之外當然唔少得有海鮮，半殼扇貝、小元貝、龍脷柳、魷魚、蝦仁等；炒菜方面就選擇唔多，油墨菜、旺菜、菜心和銀芽。冷盤由於鐵板製作需時，所以我先點咗海鮮冷盤嚟食，蜆肉和青口好新鮮，青口就略嫌細隻咗少少；白蝦和翡翠螺就有驚喜，爽口彈牙，媲美酒店水準。台式炸物嚟自台北街頭夜市嘅鐵板店，當然唔少得台式美食，我地只係試咗府城蝦卷，師傅炸得幾好，唔會油淋淋，十分惹味。見其他食客叫咗鹽酥雞、香腸和臭豆腐，樣樣都好吸引，雖然我地好想試下，但係要留力。鐵板話咁快，M5牛小排和A5和牛就到咗；M5牛小排肉質軟嫩，口感極佳。好彩Duck哥食咗M5先試A5，唔係真係返唔到轉頭。A5和牛煎香後逼出油花，雖未至入口即化，但肉質非常軟嫩，相差$60可以任食，抵俾。Duck哥和阿仔都唔知掃咗幾多碟。鐵板海鮮方面，扇貝大大隻，燒得剛剛好；小元貝同埋魷魚，夠哂香口惹味。如果食食下覺得有啲膩，餐廳設有自助區，有沙律菜可以選擇；另外仲有南瓜湯和蘑菇湯，當然唔少得飲品任飲啦。臨走前記得食埋佢地嘅軟雪糕，真心唔錯，連唔太好雪糕嘅阿仔都食咗兩杯。總括而言，無論鐵板或台灣小食，都烹調得非常之有水準，冷盤海鮮亦夠新鮮。至於90分鐘趕唔趕？Duck哥可以話俾大家聽，只要時間管理得好，係一啲都唔趕。大家留意，咁高質素嘅任食鐵板燒，只係大角咀分店這期間限定，其他分店冇嘅，要食就快手啦。…查看更多

奧海城大食代有不同的美食。今日與朋友一起到「圓鐵板燒」，他們設有聖誕節限定的套餐。豪食套餐分為以下3個。【至尊豪食套餐】早鳥時段HK$628/位；正價時段：HK$688/位【極品豪食套餐】早鳥時段HK$568/位；正價時段：HK$628/位【超值豪食套餐】早鳥時段HK$468/位；正價時段：HK$528/位分別有不同等級的靚牛肉選擇。這一次我和朋友叫了至尊豪食套餐。內有「日本宮崎A5和牛」、「澳洲M5和牛」、「北海道黑毛豬」等高質的牛肉。 據我所知只限奧海城分店限定。並只設以下嘅日期：12月15-17日（五至日）12月22-25日（五至一）12月29-31日及1月1日（五至一）供應時段：早鳥：19:00前離座正價：19:00 - 22:00在這一次的任食當中，我們叫了以下食物。➰肉類➰北海道黑毛豬：肉質幼嫩，且具有彈性，脂肪清爽不膩，油花分布平均。挪威三文魚柳：煎得皮脆，肉質鮮嫩，油脂豐富。。澳洲M5 牛小排和牛：牛小排位於牛隻辣脊骨，油花分布高尚，肉質細嫩且香濃日本宮崎A5和牛：肉質細緻，油脂豐富，啖啖肉香令人流晒口水➰鐵板熱食➰牛油半殼扇貝：扇貝鮮嫩多汁，且有大量的牛油同蒜香味。蒜香小元貝：小圓貝爽口彈牙，配上蒜香非常濃郁香煎龍脷魚柳：龍脷魚柳，新鮮茄肉質細緻，煎得香口。➰海鮮冷盤➰他們的海鮮冷盤分別有南美白蝦，藍青口，翡翠螺，熟蜆肉都非常新鮮，且彈牙。➰台式炸物➰台式的鐵板燒，但當然不能錯過台式的小吃。他們分別有地瓜條、香酥臭豆腐、鹽酥雞、台式原味香腸。味道媲美得全台灣的味道。➰鐵板炒菜➰新鮮蔬菜分別由菜心，芽菜，油麥菜等。炒出嚟的菜，不會太油膩。➰自助吧台➰他們還設有自助吧枱，有肉燥飯，有兩款不同的湯品，有新鮮的沙律菜吧和台式飲品區，更設有雪糕任食。…查看更多

行商場時間好快就過，唔經唔覺又到晚飯時間，路過呢間鐵板燒餐廳，估唔到有任食套餐，咁就腳…當然要試下喇😋90分鐘嘅鐵板燒套餐有3個grade可以選擇，每個grade嘅套餐都包咗👇✔️剔紙仔嘅有鐵板肉類、鐵板熱食、鐵板油菜、海鮮冷盤及台式炸物🚶‍♀️自助餐區有沙律吧、餐湯、肉燥飯、甜品及罐裝飲品我哋就揀咗個最貴嘅至尊豪食套餐$688😍🥢肉類有8款，包括有美國牛肩扒、牛仔骨、安格斯肉眼扒、安格斯牛小排、北海道黑毛豬、挪威三文魚柳、澳洲M5牛小排和牛及日本宮崎A5和牛🔸️食得呢個grade 就緊係勁食日本宮崎A5和牛，外面煎得夠焦香，但內裡仍然juicy，牛味香濃😋🔸️澳洲M5牛小排和牛亦都係不斷添食之選，肉味濃，夠juicy，質地好😋🔸️安格斯牛小排，牛味香濃，有咬口🔸️安格斯肉眼扒軟腍juicy🔸️北海道黑毛豬有肉汁爽口彈牙又juicy，肉味濃又夠甜香，煎得好靚仔淨係食呢啲矜貴牛扒都已經回本🤑，不過其他嘢當然都唔會放過，樣樣試下😋🥢鐵板熟食有8款，試咗：🔸️蒜蓉小元貝雖然細細粒，但係都好鮮味，而且蒜蓉味非常濃郁🔸️紅芹魷魚質地Q彈爽口🔸️九層塔煎蛋香味獨特🥢海鮮冷盤有4款，白蝦、翡翠螺、 藍青口及熟蜆，全部都幾鮮甜🥢台式炸物有5款，試咗鹽酥雞、地瓜條及臭豆腐，全部都新鮮炸起熱辣辣🥢鐵板油菜有4款，試咗芽菜及油麥菜，煎嘅油菜原來都非常 juicy及清甜自助區🥗沙律吧蔬菜新鮮，食咁多肉食番啲蔬菜可以減低罪惡感🤣🥣餐湯當日有南瓜湯及蘑菇湯本來想試下佢啲肉燥飯不過太飽食唔落😅🧃罐裝飲品我哋鍾意食鐵板燒飲無糖綠茶及烏龍茶可以消滯解膩🍦甜品自己可以唧軟雪糕實在太正…查看更多