圓方餃子粥麵

营业中

休息中

🥟皮薄餡靚湯餃🥟～～～～～～～～～～～～～～～～～～🤪原價本身已經好平，但下午茶會特價$19，價廉物美！🤩🥟魚湯上海雲吞（$27）一碗有八粒白菜豬肉餃，隻隻都有匙羹咁大，個皮真係好薄，D餡比較淡口味啲，如果想濃味啲可以試韭菜豬肉餃，份量適中，豬肉唔會太肥，但魚湯就唔太飲得出。🥟魚湯韭菜餃（$27）一碗有八粒韭菜豬肉餃，隻隻都有匙羹咁大，個皮真係好薄，依個餡會比上海雲吞濃味啲，韭菜味真係好重，份量適中，豬肉唔會太肥，但魚湯就唔太飲得出。~~~~~~~~~~~~~~~~~~~~~~~~~~~~~~

今日肥雞同孖仔去深水埗行街之前嗰排好hit嘅圓方餃子店今日經過肥雞梗係要去試下啦入到去只可以用人山人海嚟形容佢嘅價錢普遍都係20零至30零蚊 所以係一個好抵嘅價錢 絕對係窮人恩物肥雞嗌咗煎韭菜餃肉丸粥 同埋西洋菜餃湯煎韭菜餃大大隻咬落去啲油爆出嚟 入面啲餡好豐富 果然名不虛傳 至於個肉丸粥個粥底好麵 味精唔係好重 肉丸目測有七粒反而肉丸有啲淡味 但係好大壓至於嗰個魚湯西洋菜餃皮超薄魚湯都幾好味但係魚味唔係好濃 西洋菜味好正

今日嚟到深水埗街坊喜歡的餃子店“圓方餃子粥麵”食下午茶時段，嘩，千萬不要說笑，下午茶時段勁多人，張張檯都座無虛席。難得今日抽到時間，梗係要食番個平價下午茶啦～圓方做緊回饋街坊間平日中午3至5時是做19蚊優惠，有墨魚丸河及韮菜餃湯麵或淨餃都係通通19蚊，份量都多，絕冇欺騙街坊成分，真材實料的。今日我就嚟一碗墨魚丸河及煎韮菜餃子，湯河是19蚊，煎餃子是16蚊有3隻。真心說墨魚丸不夠味，而且是暖的，不夠熱，河粉份量都多，河粉是厚身的，但味道就一般。而煎韮菜餃就真係冇得輸，煎得外皮黃金香脆，不油膩，餃子內面都有湯汁，煎餃真係好好食，是會令人掛念的。

I never miss the opportunity to visit  when passing through Sham Shui Po! °Their  is so juicy and full of fresh ingredients and at $15 for 3 pieces - it's an absolute steal! 🙌😋😍 Follow IG @feed_the_piggy for more food reviews

圓方餃子嘅價錢好平民！你諗下，今時今日$27可以食到八粒淨餃，或者要五粒餃配面底，真係仲有幾多地方可以做到呢個價錢？ ！仲要佢嘅水餃雖然唔係我鍾意嘅厚皮，係薄薄嘅皮，但係啲餡食落好有家的味道，就是冇加味精啊，清清地健康嘅感覺。叫水餃，加$7可以要個時菜， $34就搞掂一個有菜有肉有澱粉嘅一餐，抵仲試過佢嘅蘿蔔糕，蒸嘅話要等耐啲嘅。因為我諗大部份人都係會嗌煎嘅，香口啲嘛。蒸嘅應該即叫即蒸吧？！個人喜歡蒸嘅多啲，真係食到一嚿嚿白蘿蔔另外試過個蝦米腸，都可以啊！有一次叫過佢嘅雞粥，雞就唔係好多，但係個粥唔會好油，清清地，清下腸胃都好呀！

圓方餃子粥麵開業超過二十多年，係區內嘅老字號。 2018年4月，我第一次食圓方餃子，作為餃子迷嘅我，點解會咁耐都唔去朝聖呢？！原因就係佢嘅湯餃係用魚湯做底，所以我咁耐都唔嚟試。由細到大個個人都話魚有益，但我個人好奇怪，喺幼稚園畢業之前都勁鐘意食魚，但升上小學後，我估我應該已經用晒唔食魚嘅quota ，所以對食魚好揀擇，基本上係唔食，而魚湯更加係滴水不沾。不過，今年我終於鼓起勇氣去試，仲先後去咗兩次，兩次都有叫招牌嘅魚湯西洋菜餃做膽，之後再拖其他小食。魚湯西洋菜餃最初我都係本住"如果個魚湯真係好重魚味，我就會推晒成碗餃子比隔離果個食，我最多咪食其他野！" 到我食第一啖餃時，發現其實又無我想像中果種魚味，所以可以繼續食，哈哈！講返隻餃子，每隻餃子都係每日新鮮即包，店員包到冇停手。佢唔屬於超級大隻果種，但皮薄軟滑，經過湯煮後個皮無穿之餘仲可以睇到入面嘅餡料。菜肉比例各半，肉質鮮嫩多汁，仲充斥住西洋菜獨有嘅味道！27蚊一碗有8粒，算係相當抵食！魚湯韮菜餃 相比之下，韮菜餃無西洋菜餃咁出色，但都唔差！同樣皮薄餡靚！蝦米腸腸粉皮唔算太薄，食起黎唔夠滑！蒸蘿蔔糕老老實實，我真係冇諗過蒸蘿蔔糕佢都係件

今日突然好想食餃子，就諗起圓方餃子🤤🤤🥟所以就走過去食，就為咗食圓方嘅餃子，專登去深水埗！圓方餃子嘅餃子主要有兩種，分別🥟韭菜餃及西洋菜餃🥟，另外有提供其他選擇，有腸粉、粥、粉麵、蒸飯🍜🍜🍜🍲🍲🍲餃子可以選擇魚湯或者煎餃，本人就兩個食法都喜愛，所以各叫一份，有韭菜煎餃同魚湯韭菜餃😍😍😍落完餐，等候時間好快，大約5分鐘，魚湯韭菜餃上先，而煎餃會較慢，因為即叫即煎，熱辣辣‼️😆😆建議喜愛食辣者，圓方自家辣椒油就用來配搭煎餃食，湯餃就避免落辣油，因為魚湯好鮮甜，而且飲完湯都唔覺口渴，冇味精👍🏻👍🏻👍🏻

深水埗確實有好多好味道小店，呢間餃子店相信都係其中一間，所以每次黍親深水埗都必定會黍，而次次黍親都係坐滿人。呢間小店除左主打食餃子之外，蒸飯、炒麵、粥、糉、腸粉都有，選擇多多。不過難得黍到當然要食佢嘅餃子。西洋菜，大白菜，韮菜，三款餃我都有食過，不過最愛都係佢個西洋菜餃，可能因為坊間都比較少有。唔係時時食到，而且佢個西洋菜餃確實係皮薄餡多，隻隻咬落去都好有口感，唔會只係食餃子皮，而係啖啖食到西洋菜同豬肉。

呢度嘅水餃好食係人都知，西洋菜餃更加係必食，我仲成日推薦俾身邊嘅朋友，如果去深水埗係一定要食西洋菜餃。西洋菜餃好大隻，而且皮好薄，而且個魚湯好好飲。之前食過佢嘅煎餃都真係好好食... 剛剛煎出嚟，唔乾又多汁... 正今次叫個炒麵諗住試下，講真，炒麵嚟嚟去去都係咁，唔會預有咩特別... 嘩！估唔到真係可以咁難食... 就算加咗醬都攪唔掂.... 唔會再叫...而且服務員嘅態度都唔好，不過去得呢一區，其實都預咗唔會有咩服務可言... 好彩餐廳環境尚算乾淨.... 但下次再嚟要點菜真係要諗清楚... 可能只係食餃會比較好...

講到平民野食我諗深水埗都叫多平民食肆門面係冇乜裝修架喇食物先係重點中午時間都幾多人食要等先有位室內都係不過價錢上就好親民餐牌餐牌廿幾蚊就食到餐仲平過食麥當勞而且又健康啲魚湯上海雲吞拼西洋菜餃魚湯唔咸有少少魚味怕腥嘅朋友都應該會接受到同雲吞比較起黎西洋菜餃食起黎比較結實比較有口感雲吞就鬆散少少個人比較鐘意西洋菜餃煎韭菜餃煎餃比起湯餃大隻所以價錢都貴啲大約大一點五倍左右煎餃嘅餡料都好足不過煎得油左少少要落返啲醋平衡返

之前係深水埗盪失路⋯行黎行去都搵唔到地鐵站🤣搵到既時候，就見到呢間好多人好評既#餃子 店🥟·一場黎到，就買韮菜煎餃外賣🤣（$50/9隻）本身唔知幾錢，因為餐牌係無煎餃既，俾錢時佢話50蚊我以為聽錯😂😂番到屋企可能因為要搭車過左好耐既關係，一打開盒已經出哂水珠🙁不過好彩店員係盒面頭篤左幾個loan!！·有d後悔唔堂食🙊煎餃凍左好油！！！同埋硬左d😵雖然饀料好多，但整體感覺普通🙁我覺得美味餃子店好食好多！！！

This is the best dumpling restaurant in hong kong. This restaurant mainly serve dumpling. Although it is situated in shum shui po, the food is not bad at all. The Pork dumpling is my favourite. I would recommend to all people living in Shum shui po. The waiter is very nice.

深水埗圓方餃子🥟相信唔駛多介紹😎都知有幾多人慕名而去😂但係估唔到佢地下午茶原來只係$19😲仲要有8隻韮菜餃😛而且仲要係魚湯底😋價錢夠貼地，好抵食😉

深水埗美食繁多，本人最支持的就是小店，圓方餃子就是其中一間，他們的水餃都是每天新鮮包製的，材料當然是最新鮮，皮薄餡料又多。他們分別有白菜，韭菜，西洋菜餃。蔬菜是每天最新鮮的！都是$27就有八隻，餃子大大隻，十分便宜又抵食。另外，還可以加麵底。店內還有小食，飯類的餐。蝦米腸的蝦米材料也豐富，腸粉皮又簿，食多了也不怕！

同朋友食咗好耐，終於捨得po😂好耐之前佢已經話想食呢間餃子🥟前兩站掃街食到熱辣辣，終於有得涼下冷氣😍#魚湯西洋菜餃 ($27)😋好味指數：(7/10)如果淨餃就有8隻，跟粉麵底就有5隻😚平時鍾意食煎炸嘢嘅我，去親呢啲地方食餃子一定會帶湯餃😚因為加埋魚湯真係好好味，呢個魚湯飲落去清清地帶小小鮮味(並唔係好濃嘅魚湯呀☝🏻)，又有啲蔥係到🤔不過講到最好味嘅餃子魚湯，我都係鍾意天水圍嗰間餃子店🤔呢度有餃子皮夠薄，雖然肉唔算好多，不過食落去都幾好味😆.⭐溫馨小提示📌餃子加時菜一碟七蚊🥦