影片
港铁上环站 A2 出口
继续阅读
电话号码
21569963
营业时间
今日营业
10:30 - 19:00
星期一至六
10:30 - 19:00
星期日
全日休息
公众假期
全日休息
以上资料只供参考，请与餐厅确认详情
半年前喺网上见人推介呢间，听讲话老板师傅以前系大集团烧味部总厨出身，之后开小菜馆，再转型返佢最杀食嘅烧味。 啱啱最近有机会去上环熟食中心，终于试到，果然冇令我失望！烧味饭餐$43起，双拼加油菜都系$58，仲包例汤，价钱真系佛心。我哋叫咗原只鹅脾、烧腩仔例牌，仲有一人套餐嘅叉烧＋切鸡饭（半肥瘦比例啱啱好）。鹅脾皮脆肉嫩，啖啖肉厚 juicy；烧腩仔皮香脆到出声，肥瘦分明；叉烧带蜜香又唔会死甜，鸡肉滑到好似啫喱咁。最惊喜系例汤，啲料足到见到都开心，味道啱啱好，唔会太淡亦唔会咸到抢戏，显到店家嘅诚意。用唔使$50就有靓烧味＋汤或饮品，食饱又食好，CP值爆灯，下次一定再帮衬！
继续阅读
周末嚟咗呢间喺上环嘅烧味店食个港式下午茶兼 very early dinner 🤣$118「黑鬃烧鹅例牌」：烧鹅皮烧到脆脆哋，烧鹅皮底下有层薄薄哋嘅脂肪好香口，烧鹅肉好好鹅味，呢个「例牌烧鹅」仲竟然有只烧鹅髀，令我感觉幸福🤣$18「上汤浸菜」：浸菜系菜心，菜心新鲜，够爽脆，简单上汤浸已经好食🤣$12「无糖可乐」：依家天气咁热饮可口可乐就梗系正啦🤣 食得非常满足嘅一餐🤣，食完之后我仲成口都系鹅油嘅香味🤣
继续阅读
友人介绍了上环熟食中心内一间烧味店，今日刚好经过，一于上去试吓。烧鹅，叉烧汤濑粉烧鹅皮脆、肉嫩、多汁，且没有腥味。 烧鹅皮脆口，带有诱人的光泽。 咬落会有清脆的声音，油脂丰富，香气扑鼻。 鹅肉肉质鲜嫩多汁，富弹性，不干柴，口感极佳。 搭配上酸梅酱，能提升风味，解腻开胃。叉烧肉质软嫩多汁，肥瘦均匀，吃起来香气四溢。
汤底非常鲜美，采用猪骨，鹅头……..肴制而成，难怪多饮不渴喉。
奶茶也不错，茶味浓厚，十分滑溜。
继续阅读
早几日突然黑雨都系到担心会唔会又无餐厅开食午餐，好彩熟食中心都仲有餐厅开紧，趁无咁大雨就去食个lunch。烧味店虽然系熟食中心入面，不过地方好干净。价钱经济够抵食，如果斩料净买烧味都唔贵。食个一人烧味套餐好似比单叫仲抵食，有饭又有菜仲有饮品。加左$10要左个油鸡烧鹅饭，油鸡色水好靓有光泽，个豉油同玫瑰露个香味入晒味。烧鹅都几好肉烧得唔错，个皮系脆嘅，而且唔太肥。另外叫左难得出黎食饭，叫多左半斤叉烧食。钟意佢地上台嘅时候连个碟都系热嘅，叉烧㶶边好正劲香。个麦芽比一般出面食到更加香更加浓，师傅出黎倾计话每日都会自己煮D麦芽再另外加D底味入去，唔怪知个味道香好多。师傅见我食得咁滋味，仲私人醒左两细旧烧腩肉比我食，我决定下次再黎会系叫烧腩肉食，因为实在太好食
继续阅读
四溢烧味店上环熟食中心的四溢烧味店一直系老饕心头好，虽然大雨，但系难得与同事嚟到上环做嘢，点都要去食一餐啦烧鹅油鸡双髀饭，真系份量爆表，油鸡髀皮滑肉嫩，烧鹅髀油香四溢，外皮微脆内里 juicy，每啖都好满足。饭粒吸晒鹅汁，香口唔会死咸。配埋一杯冻奶茶，香浓滑顺又唔太甜，啱晒中午急速充电。烧鹅髀饭加合掌瓜瘦肉例汤，呢个搭配真系好贴心。烧鹅髀依然保持水准，肉味浓郁；例汤清甜暖胃，合掌瓜爽脆，瘦肉入味，一冷一热，感觉好平衡。最后嘅鹅汁油菜，简单但好重要，菜心爽口不苦，鹅汁咸香入味，平衡咗整餐肉类嘅油腻感。整体而言，四溢烧味唔止食物够味、价钱亲民，仲有地道人情味。喺上环熟食中心呢个充满怀旧风味嘅环境下，食完真系有种「返屋企食饭」嘅感觉。
继续阅读