四川菜大平伙

Heard about 大平伙before, first time to try this restaurant. Order spicy chicken 辣子雞 and shared with a friend. Cost $200, but the portion is not enough for two, we only treat it as a 開胃菜😂😂😂but the chicken texture is soft and juicy inside, not super spicy, quite acceptable!…查看更多

同好耐無見嘅朋友相約於中環，同樣對食十分愛好嘅佢就帶我地一齊去左呢間川菜館結合埋藝術元素，平實得嚟有格調～係幾有特色嘅！雖然好似加入左西方畫廊嘅感覺，但食物同一枱一木都相當傳統。枱面仲有餐廳及枱凳嘅介紹，好奇嘅我等上菜時不忘睇一睇。豪氣嘅朋友一坐底見到餐廳有供應女兒紅，即刻興致勃勃有酒意，就叫侍應幫我地熱一壺小酌一番。熱飲再加上侍應貼心為我地預備嘅話梅，飲落好順喉，好香醇！朋友話暢飲點可以唔配美食，就點左多款特色嘅川菜，入面唔少得口水系列～呢款蓉城口水雞去左骨食落好方便，雞肉頗滑，配埋口水汁辣辣地好快比我地清晒！冷盤中蒜泥白肉就深得我心啦，白肉卷住青瓜食落帶點清爽，再蘸上蒜末嘅醬汁一口塞好滿足！之後就到海鮮嘅部分，我個人都好鐘意辣味同海鮮結合，覺得會提鮮同埋過癮啲，而呢度其中嘅招牌就係酸菜桂花魚，辣度有別於麻辣，係偏向溫和嘅，魚肉好嫩加上大量配菜，好多料～唔辣嘅話我就鐘意豉汁蝦球，豉汁炒過特別香～蝦肉好爽彈新鮮，食落好飽嘴！特別啲有茶香排骨，睇到除左辣椒乾之外仲有茶葉伴炒過，而排骨乾身得嚟咬到入面又鎖到少少肉汁確係不錯，係送酒之選！甜品係第二個胃，忍不住點左每人一碗桂花酒釀丸子。糖水底帶少少稠，桂花同酒香好平衡，丸子仲內藏澎湃嘅芝麻餡～…查看更多

來到中上環不止西餐多，還有一啲較有特式嘅中餐廳都係不錯選擇，這間主打四川菜餐廳環境好有藝術感，除牆上畫作外，仲有一些舊香港物品食川菜飲女兒紅都不錯，經熱水壺助熱了，暖飲較順滑易入口先來個冷盤蒜泥白肉當小食，白肉較厚身再捲上青瓜，白肉伴上香辣川式汁醬好惹味，又有青瓜清新～土豆絲用上青紅椒去炒，清新微微爽口本身好鍾意食酸菜魚，呢到仲要係必點招牌菜嚟，湯底同平時食開無咁油，湯奶白色好香噴噴，飲落鮮甜微酸，魚肉超級嫩滑，真係要必試呢個另一菜係豉椒炒蝦球，大蝦超新鮮啖啖肉好爽口彈牙，夾埋個豉椒去爆炒好惹味高麗菜即係椰菜，用咗川式去炒，香辣惹味又脆身最後甜品係桂花酒釀丸子，再配埋芝麻湯圓㗎，清新桂花香又有酒釀香，唔錯喔…查看更多

好友約食飯提議既中環川菜, 有點意外係中環SOHO區竟然有間咁中式既中菜。「四川菜大平伙」係蘇豪食肆核心中央, 拜訪前先要通過斜路試煉先可以一嚐辣風🔥 餐廳入口都係斜路上,  招牌唔太突出, 今日唔係特登過黎可能都會MISS 咗。12點左右黎到, 餐廳內部都未有人, 而且仲有少許裝修味, 原來係剛剛搬過黎無耐🆕 內部有兩張大圓枱, 同幾張方枱, 合計坐到40人左右。燈光係室外陽光對比下比較暗, 呢個亦係斜路舖既缺失❌作為藝術私房菜館, 室內既佈置有番咁上下, 一面牆身上有一排長畫, 講緊香港電影故事。另一面有幾張華人男女親密主題既掛畫, 切合番中菜主題。枱櫈方面較簡單, 都係四方木櫈加咕咰, 淨色枱布✔️餐具亦係白色瓷碗碟。做得藝術私房菜, 其實不妨玩得大膽啲😋中餐菜牌散叫多樣, 留意川菜特色係「辣」🌶 好多道菜都有隻辣椒樣係隔離。另外亦有套餐, 一個湯羹加個菜同白飯。留意, 茶水飲品係要額外計錢💵 湯係雞茸粟米羮, 入口有點過鹹, 唯一好處係佢唔係辣❌麻婆豆腐紅白色上枱, 🍲不過燈光昏暗下影唔出佢色彩。肉碎稍嫌少咗啲, 而辣味個濃度對我啱啱好, 入口之後既麻味發出黎, 啲汗線開啟咗✔️回鍋肉個辣度又提昇一個層級, 可能因菜去吸到辣汁, 啲汗開始係額頭滲出黎✔️後加既清炒萵筍絲終於唔係紅色, 可以比條脷同個胃小休一下👌然而, 宮保雞丁, 係一大盤辣椒中穿插住炸雞柳粒, 睇樣好似好驚嚇, 但咬落唔太辣👌兩個人中午飯, 四道菜, 差唔多700蚊。就算係中環都有啲OVERPRICE, 當然都係叫左太多嘢同兩枝冰水❄ 論味道, 唔算食得好辣既我, 覺得辣味啱啱好, 但就僅此而以🙄搵唔到佢味道上既突出👌 環境係幾舒適, 但進步位有好多, 可能會比較適合夜晚私竇食飯形式。…查看更多

是夜公司招待了從國內來港的客人一同晚膳，特意找來了四川菜大平伙。這家接近Soho的四川菜，原來大有名堂，而且也有10多年歷史。   它是結合藝術的一家餐廳，內裏的一台一櫈一畫，都是藝術品，一來作裝飾，也可以給人買回去。         待客之道怎能没有酒，所以甫坐下，先開了一瓶女兒紅。我們以熱飲品嚐這瓶紹興女兒紅。侍應為我們把酒座熱，加入話梅，令酒入口更香更純。  先來的青椒土豆絲，顏色淡黃，一絲絲也均勻有致，加了紅椒青椒絲，畫龍點精。   蒜泥白肉和平常吃到的不一樣，它的做法是把白肉捲着青瓜來吃，再沾上特製的辣椒醬將，令每件入口都有有滿滿的辣油香，好食！    蓉城口水雞肉十分嫩滑，上枱時已去骨，方便入口。它的辣椒醬和蒜泥白肉的是一樣的，雖然辣椒醬看似紅火火一片鋪面，然而辣度不重，入口只是刺激味蕾的微辣且帶芝麻香。   豉椒蝦球這做法十分港式，很有鑊氣，重點是蝦球肥大爽脆，脆得令人驚喜。   酸菜桂花魚據聞是這裏的招牌菜。單看樣子比平常見到的平實。然而入口卻不平凡。湯底微酸，桂花魚滑得令人驚奇，湯沒一點辣油也沒有，每啖都能食出魚的鮮味。    茶香排骨是滿滿的乾炒紅辣椒和茶葉鋪面，辣椒粒粒乾身，排骨醃得入味，而且盡吸辣椒香和茶香。食入口一點都不辣，但卻是滿滿的鑊氣。用來送女兒紅，十分搭配。     甜品的桂花酒釀丸子軟糯可口，湯丸是芝麻餡的，有淡淡桂花香。食完一輪重口味食物以它去清味蕾，為口腔帶來一陣清新香甜。    這裏的食物和餐廳格局一樣是平實不奢華的，但味道和環境卻令人有親切地道的四川感覺。它是憑其實力在中環屹立了這麼多年。 …查看更多

今日約左朋友去大館，所以要係附近搵食，其實有時好怕去呢頭附近，因為路窄又勁斜路，人又多，啲遊客不停係度影壁畫，阻礙行人，但又因為咁我就發現左四川大平伏，說實在餐廳嘅裝修好似畫廊，有好多藝術品，如果你唔細心留意你根本唔知佢係餐廳，所以令人不敢內進，但當你入到去就發覺裝修好特別，座位闊落坐得舒服，週圍都係一些可售嘅作品，可以一路用餐一路欣賞畫作，好特別，相信都係香港第一間融入藝術品嘅餐廳。我地入座時間係午市，所以有午餐供應，四川應該食辣嘢，但我朋友不想太辣，店長都會同廚房講盡量唔辣，呢方面好細心同有彈性抵讚。講返食物我地揀左宮保雞丁，上枱已經賣相精緻，唔似得其他食肆般好油膩，食落仲驚喜，腰果菜脯好惹味，雖然佢做到唔辣，但又出奇地好惹味令到會不停食，有驚喜。魚香茄子做法幾特別，甜甜地，料又足夠，比起其他食肆特別及好食。…查看更多

今日同朋友係中環睇完戲之後去左這一間四川菜館吃午飯。餐廳的內部裝修得好有藝術感，但餐牌上的食物卻充滿居家感。同埋餐廳的川菜唔係平時食開好多油嗰種。我地點左兩份中午午餐，每人都有一碗雞茸粟米羹，個人認為栗米味好濃，但可能落多左鹽。小菜方面，我地叫左四川回鍋肉同埋麻婆豆腐，啲醬汁非常惹味，非常岩送飯，而且豆腐極滑，好有驚喜。蒸出來的白飯偏硬，但配上醬汁後，飯的硬度略減，變得岩岩好。我地仲叫左一份藤椒木耳，以辣度來講，係所有食物之冠，而且較為多油，個人覺得最濃味。…查看更多

今日女友又去中環上堂，等佢落堂後同佢行去原創坊行吓街，之後再行吓附近睇吓有乜餐廳食午餐，附近都好像西餐廳比較多，行到嘉咸街，見到一間四川菜館，我們被內𥚃的裝修吸引行進去。可能尚早。店內不太多人，侍應先給我們茶和、前菜花生和菜牌！好喜歡牆上的一幅長長香港景色加人物的畫，先看看餐牌，簡簡單單叫個兩人套餐，天氣熱，女友想食D清涼的前菜，所以多叫了一個手拍青瓜。餐廳好舒服，而且播著柔和嘅音樂（好像是鄧麗君）。手拍青瓜先到，靑瓜冰涼爽甜，而且醬汁調味到好處蒜香，醋味調配得好好～！消暑一流！跟著其他餸菜亦送上，二人餐可自選兩款小菜，我們點了回鍋肉同埋魚香茄子，回鍋肉鑊氣十足，惹味非常，魚香茄子，淡淡醋香，味道平均，兩款小菜都非常好送飯！最後來的是雞蓉粟米羹，淡淡的粟米香，甜甜的，非常滿足！另外一讚一下服務👌🏻細心，亦非常周到，…查看更多

之前有同事食過四川菜大平伙話正，所以今日行soho之前就嚟呢度食lunch. 男朋友同我叫左兩個set meal：有粟米雞粒湯羮，主菜同埋白飯。我地order 宮保雞丁同埋回鍋肉。熱心嘅姐姐服務員送上冰水解渴後，我地眼睛忙住欣賞呢度嘅畫。原來呢度係一名畫家王亥wang hai 有份做老闆，我亦相信佢可能對香港有一啲情義結呢，因為從佢嘅畫我感覺到佢喜愛呢個城市。講返主菜，回鍋肉非常可口美味，豬肉肥瘦厚薄適中，椰菜新鮮，醬汁非常惹味，伴飯一流。宮保雞丁亦出色，雞丁嫩滑，唔會過辣過麻，伴上花生，口感一軟一脆，十分美味！…查看更多

三個菜，水煮牛肉，干煸四季豆，宮保雞丁，味道雖然都不錯，但份量很少很少，白飯18蚊一碗，這很難接受，關鍵白飯水準很差！不會再去第二次，雖然理解在中環開餐廳租很貴不容易，但，性價比太低太低。…查看更多

四川菜以辣聞名天下，而香港亦有不少川菜館，今次呢間就主打藝術畫廊主題，店內最吸引人的是一幅描繪香港特色的作品！非常有香港味道。另外店中有一條長走廊掛住不同作品以供欣賞及售賣，客人可以隨意參觀，作品充滿藝術氣息及懷舊風情至於餐廳食物水準也很不錯，川菜而言味道不是很辣，餐廳老闆把辣度調較成迎合大部分香港人的口味，所以也很適合香港人對川菜的需求個人認為最令人滿意的是口水雞，雞皮雞肉很嫩滑，而皮上的辣椒籽及油也配合得相當出色，食落口感豐富麻婆豆腐及回鍋肉的味道也令人滿意，整體而言食物質素令人感到很滿意！另外特別的是餐廳定期會舉辦不同的活動，客人有興趣就可以成為會員參加活動，幾有意義…查看更多

今日尼到蘇豪呢邊，但想食中餐，但中環太多西餐。見到呢間四川菜，第一次試下。佢有個lunch set，百幾蚊，有湯有小菜同飯。就同朋友一人一個set，小菜share食。我同朋友都唔食得太辣，好在d送尼到都係小辣。先講個粟米湯，粒粒粟米都好足料。麻婆豆腐送飯就一流，不日唔係好中意食飯都食左好多飯。仲有個宮保雞丁，味道都剛好。可能閒日關係，人唔算多，啲位都坐得舒服。中環想食中菜嘅話，呢到都ok ，真心可以試下。…查看更多

中環蘇豪區嘉咸街，有一間藝術與四川菜結合的四川菜館：四川菜大平伙。自從人越大，越來越吃得辣，所以四川菜都係我外出吃飯的選擇之一。餐廳內有好多藝術作品，藝術風濃厚，同時亦令環境非常舒適。呢度有$148/位的午間套餐。當然主餐牌亦有其他選擇，例如前菜部分。餐前花生好香脆。麻辣藕片（$68）麻得來亦帶辣，蓮藕片夠爽脆。涼伴萵筍絲（$68）剛才的濃，與這一味的清淡，一濃一淡互相交替。午餐部分的雞茸粟米羹，好香滑，雖然不是辣菜，但我都好鍾意。四款小菜選二，其中一味係麻婆豆腐，豆腐的滑，與濃濃香香的醬汁味道，非常搭配。另外一味小菜：四川回鍋肉，味道不算太辣，豬肉炒得爽口不肥膩。…查看更多

今日同老公去行大館，中午亦都係中環搵食，本人一向鍾意食辣野，OpenRice見到呢間川菜餐廳，就行過來睇下😁係門口見到有二人餐就決定一試👍🏼一入去，環境舒適，座位擺得好鬆動，一間餐廳都只放了六七張枱左右，好有私人空間，同一般食中菜嘈吵的感覺捷然不同😊裝條以白色為主，加上黃色的吊燈，感覺很柔和，再配上六七十年代的音樂，好似夜上海果種，感覺好懷舊，細心一睇，牆上掛的畫原來是可以出售的🤩我地點了二人餐加兩個小食一來就有兩小碟前菜，花生同蘿蔔，兩個都好好味，花生好香脆，蘿蔔帶點麻辣😋😋再來是雞茸粟米羹，都好好味👍🏼好足料我地點左手拍青系同麻辣藕片，一清一濃味，青瓜好青脆主菜揀左回鍋肉同宮保雞丁, 食得出傳統四川風味☺️☺️來這家餐廳食飯，仿如置身藝術館中，氣質也提升了🤣🤣…查看更多

早於四川太平伙是私房菜時，已經開始光顧，直至最近看到它搬了新鋪，今天下午便趁著路過，重溫當年的味道。店內的裝修跟以前的不一樣，不過還是很有書卷氣息。我們選中午二人套餐，每位$148。雞茸粟米羹，看起來很清淡，不過喝到粟米的清甜味道。魚香茄子🍆的味道不是傳統的，帶點微酸和辣，而茄子、木耳和荀絲的配搭又是一道新的嘗試。四川回鍋肉，鑊氣十足，上枱時，香氣撲鼻，用上了腩肉部分，脂肪比例多而香，椰菜、紅椒和青椒，雖是正常的配方，不過醎淡適中，卻是令人回味的味道。絲苗白飯，由於川菜味濃，所以配上白飯，就是佐膳的最佳選擇。…查看更多