四季‧悅 日本餐廳 (Manhattan Place )

营业中

休息中

非一般日式放題，環境乾淨闊落，除左甜品，樣樣種類都多選擇,剌身新鮮• 除左刺身必叫之外，必食軟殼蟹，鵝肝，燒牛柳，大蔥雞肉串，蒜蓉焗蝦，兩款焗蠔……仲有三送一優惠，絕對物超所值

喺呢度附近返工留意到有呢間放題食適逢父親節就同父親大人試吓仲買三送一🎉再送條活魚刺身由於呢就係商業區 星期六晚上都比較靜我入到去大約有20台左右 地方好寬躺唔同一般嘅放題店枱與枱之間好迫🤢嘢食方便其實同一般放題都差唔多最令我意外嘅係有燒鵝肝/焗蠔/軟殼蟹飲品方面有粒粒橙汽水可樂仲有燒酒同梅酒另外每人入座仲有一杯mock tail🍸送嘅活魚刺身本身我都不抱期望但係出到嚟又好似幾靚其他嘢食 唔係影咗好多相不過老人家都食得好開心總括今次嘅放題體驗都好好好似去咗高級餐廳度食嘢咁有象拔蚌壽司唔係咁多放題店有墨魚咀食 最後就係服務方面由於呢個場唔係太多客人所以啲侍應都留意到我哋嘅需要唯一美中不足嘅就係甜品嘅種類唔夠多因為我倒瀉咗豉油喺條裙度一個好似經理嘅人 主動拎左幾張濕紙巾俾我抹

心血來潮想食放題，於是上網搵下九龍區邊度有任飲任食😋見到呢間有晚市優惠三人同行一人免費 ，二話不說book咗去食😋。呢間食物質素向來一直都唔錯  ，《四季悅》點餐方式都方便👍🏻只需要用手機掃描QR code即可下單，我鍾意環保之餘 仲可以減少人與人嘅接觸🤗令我食得安心又放心。我覺得要回本 😎當然係瘋狂食「刺身拼盤」同埋「油甘🐟刺身」 ，仲有 狂飲「清酒/梅酒/燒酒」。另外【必食系列】😋有－燒左口魚邊🍣，銀鱈🐟、燒鵝肝、清酒煮蜆✌🏻日式蒸蛋。 👧🏻👦🏻至愛嘅牛奶紅豆雪條+雪米糍。如果可以有停車場優惠就更加好👍🏻方便我帶家中長者一齊嚟食，呢度環境都坐得舒服😊又唔使同人迫

任点任食買3送1，加埋不用$4O0,上菜快，食材新鮮，可以訂VIP房，又靜地方夠大，感覺高級，职員有礼，鄰近九龍灣MTR站，方便各方好友光臨，厚切三文魚食到唔痴牙，雪糕雪條夠獨特，不可不吃。

「四季。悅」日式放題好抵食👍魚生好新鮮！炸物夠多款式又好味！食得出廚師用心製作！侍應非常有禮貌！環境唔錯，好有日本feel😊而家無得去日本食嘢，嚟這裡食補返數

今晚收工三五知己去咗一間叫四季悦食日式放題，餐廳裝修好靚好特別地方又乾淨。食物新鮮，上枱效率又快，員工解釋食物分類好清楚，水準也一流，我最喜歡吃牛舌，樣樣食品合我和朋友味道我們亦有同經理讚賞，感覺好舒服，我同朋友也表明會再去幫襯㗎喇😋😋

環境ok , 做足防疫距離，但食物款式比較少，壽司飯 及牛肉鍋，質素尚可，但九龍灣地段，金鐘價錢，性價比有就......如果價錢可以貼地一些及食物種類多一些，會更加好

員工服務態度非常不友善與顧客零對話入座上菜收碟埋單都唔會講一句說話最基本的禮貌都無員工帶住口罩都完全可以感受到佢地的黑面唔想做唔願做買一送一優惠選擇不多（午市）但試無妨唔會再去中伏

食物太少種類，唔好食，海膽還算可以⋯刺身唔好食⋯買一送一。炸物都麻麻⋯可以講冇野好食，失望失望燒蝦還可以.........唔值來食。唯一好處，食物好快到，環境舒服⋯

非常之失望，諗住慶祝父親節，openrice上嘅餐牌點菜紙非常誤導人，以為海膽嘅類別好多，仲諗住專攻海膽，點知只係得海膽魷魚軍艦同海膽軍艦，上到嚟賣相仲要好差，雖然佢唔算孤寒份量都正常，其餘嘅熟食溫度唔夠熱不單止質素仲要非常差，未試過食一間日式放題刺生係可以咁差，最基本嘅刺生都可以滿滿雪藏味，雪水味重，只可以話一定唔會再去食，除咗座位係比較舒適，其他嘢都唔值得我再去多次，圍翻起其實就算買一送一都要成$300一位去其他放題好過，選擇又唔多，質素也非常差，都夠膽收498一位再加一🤨

這個月第二次吃買一送一放題，先前在金鐘吃，金鐘間full咗今次試吓九龍灣呢間，呢間環境大啲又新啲！食物水準依舊同金鍾間一樣好味道！荔枝煙肉卷好清新，牛油露荀超好味佢加了蒜容去炒夠火侯，還有各種刺身，海膽壽司....！以買一送一價錢超值！抗疫期間他們做足安全措施，吃得放心！

今日黎呢到食自助餐，位置比較偏，交通唔多方便，唔睇真d都可能搵唔到大門，因為要上層電梯，去到入去發現都唔係好多人，地方大，但坐唔滿，坐低就可以開始叫野食，一開始一定係，每樣都叫黎試下，睇下好唔好食，但有d失望食物種類唔多，好快就試食完，食物有d失望，有想像中咁好食，送既海膽，有d新鮮，有d唔新鮮，魚生就好新鮮甜美，但個蛋就有d失望上面印左字，好似有陣燒焦左既味咁，但鰻魚同鍋就好好食，值得一試。甜味選擇小，都係選大圍野，糯米池，都唔錯。

試過晒公司附近餐廳，除咗呢間，因為全面一面倒負評！呢個星期唔憤氣，一於去試吓食lunch!一行入去。。。無人。。一枱都無，依家疫情下好多人叫外賣，所以餐飲業真係好慘。。我地叫咗二份午餐，選擇比較少，但價錢比其他日本餐廳高。先試小食。。幾好味😋之後到午餐，我地叫二份都係炸豬扒，不過一個喺素肉呢份炸豬扒，好好味，不太油，好脆好味呢份素肉都唔錯，最好食喺個香菇飯，好香好好食，食晒全碗非常飽。總括黎講食物質素唔差，侍應服務好有禮貌，所以並唔係好似其他食評咁一面例負評。希望今次疫情快d好轉，多d人出嚟消費，幫下餐廳食肆。

之前去過金鐘食海膽放題覺得都幾好食早幾日去食九龍灣分店既和牛放題 雖然價錢比較貴 但和牛既質素依然不錯 同金鐘唔同既 唔係手寫落單 而係掃描QR code落單 好新穎呀 即使唔識用 亦可以問吓啲侍應 佢地都會慢慢教你架！其中一個帶眼鏡既男侍應 比我地煩左好多次都好有耐心咁教我地點用 服務態度非常好 值得一試！

海胆係幾好食，不過其他食物就好一般。海胆跟嗰d紫菜係四洲紫菜。其實除咗送嗰板海膽以外，大部份都係出事。無後悔既，不過一定無下次。飲品方面，正常可樂，coke zero同四洲飲品