四季軒

幾十年的老同學相聚，中式晚飯讓大家可圍坐在一起邊吃邊談最適合。餐廳設於某會所內，空間開闊，佈置明亮。菜館有很多優惠菜式，菜、魚、肉均包含其中。💢明爐燒鵝燒鵝十分有看頭，剛斬好的燒鵝香氣徐徐飄來，鵝皮仍帶微脆，鵝肉厚實多汁，鵝味直接滲透骨頭。特價孖寶中，選了一雞一魚的組合。💢啫焗黃魚黃花魚本就軟滑，以薑蔥等香味調料焗熟，更添風味。💢西檸煎軟雞簡單煎熟的雞排仍帶有肉汁，囗感軟嫩，附上的檸檬醬汁則不甚討好，味道過於甜膩，不蘸也罷。💢士多啤梨骨排骨的外層脆漿很薄而且炸得微脆，排骨的肉質亦不柴，只是咕嚕醬汁太甜，若加多一點酸香，則更加開胃。💢梅菜蒸肉餅梅菜蒸肉餅本是下飯佳品，可惜肉餅口感鬆散，即使味道可以，但仍剩下不少肉餅，無人問津。💢魚腐粉絲雜菜煲雜菜煲材料十分豐富，有多款蔬菜、粉絲和魚腐，脹卜卜的魚腐吸滿湯汁，咸香且不肥膩。…查看更多

這間中餐館的菜式非常地道，特別是他們的點心，鮮蝦餃皮薄餡多，味道一流。炒飯粒粒分明，香氣撲鼻，配料新鮮。服務態度友善，環境舒適，適合與朋友聚餐。總體來說，無論是味道還是服務，這裡都值得一試，讓人回味無窮。下次一定會再來！…查看更多

疫情完結，終於可以約埋幾家人一齊飲茶。星期日中午喺度訂到張18人大枱，齊齊整整好熱鬧。點心维持一貫水準，價錢合理，燒鵝皮脆肉厚。必食嘅係懷舊蛋散，做得非常鬆脆，甜度啱啱好。…查看更多

放飯時段，區區都人多，食晏又要限時。今天朋友帶我們去這間位置較隱蔽的酒樓飲茶，這裡不會催你交檯，可以慢慢歎。酒樓位於紀律部隊康樂會內，沒有朋友帶路真不知內裏有間酒樓。酒樓空間大，沒有什麼花巧裝修，只鋪上紅地毯，簡潔的檯椅整齊擺放，碗筷食具衛生乾淨，待應有禮。看看點心紙，點心都有很多款式。又有燒味，小菜，小食，飯麵等，價格不貴。BB鴿38元一隻，要了兩隻。鴿身燒得色澤均衡，醬汁入味，肉質嫩滑。一口脆豆腐，這個稍為遜色，外層未夠脆，香蒜份量也不多，較淡口，但內層豆腐就保持滑滑。叉燒腸，腸皮有點厚度，包裹著滿滿的叉燒，叉燒質感正常。炸春卷，皮脆炸得剛好。迷你鮑魚雞粒石窩飯，用石窩上，保溫度大大提升，舀出來的每一碗飯都保持熱騰騰，飯內的鮑魚雞粒也不少，飯香可口，粒粒分明，雖是迷你飯但份量十足，我們四人都可吃上一碗。蟹子燒賣，肉質彈牙。香滑流沙包，包身軟熟，流沙餡料充滿包內，入口軟綿綿，有濃郁蛋香味。我們邊吃邊聊，一坐就兩個多小時，沒人催你離座，來這間酒樓飲茶確實不錯。…查看更多

公眾假期想飲茶，市區酒樓一位難求。會所重開，來到紀律人員俱樂部，位於大球場附近，旺中帶靜，望住一大片草地，仲唔使等位。座位寬敞、明亮、舒適，價錢也合理。芝麻抹茶餅：不太甜，小朋友喜歡。椒鹽鮮魷：太乾，不合格乾炒牛河：幾好味，不太油。牛肉餃：汁太濃，不喜歡。叉燒腸，菜苗餃，鮮竹卷正常味道，不過不失。整體食物質素中上，但服務不錯，員工有禮，更免收加一服務費。會員消費滿$200有1小時免費泊車，$400有2小時。一個城市裹的綠洲，食完係俱樂部打吓波，焗吓桑拿，渡過一個愉快的假期。…查看更多

之前同朋友慶祝生日, 去咗四季軒食中菜, 聽講嘢食唔錯, 性價比都幾高<迷你海皇冬瓜盅>期間限定嘅迷你海皇冬瓜盅大家一定要試試清甜好飲, 而且足料, 但每晚都係限量發售, 有嘅話一定要嗌返個<翡翠炒龍躉球>翡翠炒龍躉球唔算特別有鑊氣, 但食材新鮮西蘭花清脆, 龍躉球亦好彈牙<金銀蒜蒸斑頭腩>金銀蒜蒸斑頭腩會比較重口味, 下面鋪咗一層粉絲, 配搭滑滑嘅斑頭腩同金銀蒜, 亦都唔錯<京都焗肉排>京都焗肉排味道酸酸地好開胃送飯食一流<脆皮燒雞>脆皮燒雞相對冇海鮮咁好食, 大食妹覺得外皮唔夠脆, 而且廚師嘅刀工都一般<金柱珍菌雜菜煲>食咗咁多肉, 當然要嗌啲蔬菜金柱珍菌雜菜煲味道比較清淡, 中和左之前菜式嘅重口味, 但鍾唔鍾意食真係見仁見智<金獅脆麻花>估唔到呢度竟然有經典甜品金獅脆麻花大食妹已經好多年冇食過啦熱辣辣嘅脆麻花配上甜絲絲嘅糖漿, 幸福原來咁簡單…查看更多

作戰前🀄️⋯⋯當然首先要醫下肚先，在會所入面打麻將，當然在會所裏面醫肚是最好。在銅鑼灣地鐵站行大約五至八分鍾，近大球塲附近，靜中帶旺........紀律部隊。遠離塵囂。由於系政府部門，所以如打麻將和其他活動就要有証件才可以約，但食館就不需要。有分中餐部和西餐部。地方濶落，枱與枱之間的有距離。點心不錯，價錢合理，聴聞早一陣子還有阿拉斯加蟹套餐和蛇宴套餐。價錢亦大眾化。中餐部點心唔錯，即叫即蒸，腸粉皮簿，豉油👍👍⋯⋯最值得提肉絲二面黃，四面煎到好香口，中間軟身，功夫一流，肉絲稠汁就沒有過多，好味。夠火喉😋😋⋯⋯茶靚，甘香。口水雞，雖然賣相一般，但那個麻辣味，又愛又恨☺️⋯⋯又系時侯去作戰🀄️啦💪🏻💪🏻…查看更多

四季軒雖然位於銅鑼灣，但始終位置和地鐵站有些距離，如果不是朋友帶路，第一次應該要花些時間才找得到呢。我們一行4人大概11點到達，環境有點像華僑餐廳，茶客不算多，比外面酒樓靜，很適合聊天。部長向我們介紹新點心紙，便和朋友試試吧。白菜素餃的造型精美，餃的頂部真的有點菜葉的感覺另外脆皮箭豬仔包也很特別，朋友吃前還笑說不知會否被刺刺到口呢？布拉蔥花腸有點失望，腸粉不算太滑，而且蔥的數量較少，同樣價錢的話吃有餡的比較化算。我們也嘗試了XO醬海鮮炒檬粉，因為外面吃越式湯檬和撈檬就多了，炒的還比較少。看見朋友吃得津津有味，本身不好辣的我試了一小口，但馬上感覺到辣味，奉勸受不得的人要小心食物水準整體不錯，下次有機會再來的話，會點一籠紫薯冬菇包試試。…查看更多

團年飯每年一次，今年選址銅鑼灣紀律部隊人員中菜廳，裝潢並不美輪美奐，勝在夠平民化，水準中規中矩也不錯。乳豬伴海蜇頭乳豬雖然脆但太多肥膏。海蜇頭有嚼口。墨魚籽原隻鮑魚盞底層酥皮一層一層非常酥香，鮑魚軟腍，中層原來是吞拿魚沙律，再加添了墨魚籽，層次豐富，好味！千島百花醸蟹鉗幾彈牙有質感。花膠海皇羮材料算多、漿粉水過多。蕃茄豆根泡娃娃菜好清新的一道菜，適合素食人仕。生炒糯米飯炒得乾身，粒粒分明，煙煙韌韌，香口惹味。朱古力泡芙甜而不膩，ok喎。金元寶桂花糕應節的甜品，睇到都開心。…查看更多

朋友升職, 帶我們去這間會所晚宴, 位置在棉花路， 住香港咁耐, 都唔知有呢條街, 真係慚愧!地點較僻， 近聖保祿醫院，沒有什麼車可以直達， 無論坐巴士或者地鐵都要行一段路才到。入口升降機有會所 logo，好似世運個標誌門口大堂寛敞，環境比一些高級食肆並不遜色，樓底高，無柱位，視覺上更為遼闊。3餸一湯，4個人食例湯沙參玉竹山班魚, 差不多忘記了山班魚，自己無煲，外出飯局少有這湯，印象中只飲過幾次， 山斑魚味較其他魚鮮甜更有營養價值， 加沙參玉竹煲， 這個天氣飲最適宜。翡翠蛋花會蝦仁 用蜜糖豆圍邊， 貌似個花環，有心思，食物除了色香味要求， 靚嘅賣相都係吸引的條件之一。做法似上海賽螃蟹， 用蛋白炒 ，大蝦仁新鮮爽口。栗子炆排骨風栗是秋冬天食材， 排骨炆到好冧， 栗子肉厚，有咬口感，用蠔油煮， 味道非常配合。鬆子魚塊唔得， 菠蘿好酸，芡汁唔夠甜， 材料是用廉價鯰魚，唔好食 ！有免費甜品，香草綠豆沙送多謝朋友升職宴!…查看更多

每當想起飲茶，要靜又不用等位，紀律部隊人員俱樂部是我嘅首選！會所是提供給會員使用，但N次見到其他人或自己進入時，門口查證都係是是但但，求求其其，講幾句就入得😳講番食，酒樓所提供點心款式不多，做得較出色而每次必點有春卷、豆腐花，其他點心沒有大驚喜，今日先知道，茶錢$9一位，不過就免收加一收費！通常到會所飲茶，時間會選擇10:00後，這時段較寧靜，不過就算是午市時段，人都不是太嘈雜！會所超過十多年，很多地方已殘舊過時，是時裝修下啦本人評分：食物：B環境：B服務：B…查看更多

今日與10位朋友聚會，在友人的介紹下，order了很多精彩菜式，包括豬肺湯，琵琶鴨，豬手，欖菜炒飯，各有各精彩，可以參考照片。今天星期一，客人比較少，所以服務招呼也很集中。…查看更多

如果在這裏飲茶，是不用會員證都能用餐的好地方。這裡地方很大，枱與枱的空間很多，有四人枱至十六人枱的選擇。大路的點心都有：腸粉、燒賣、蝦餃、春卷等⋯炒粉面飯的選擇也多，味道不過不失，價錢也不貴。揸車的朋友很方便，中菜廳的下便就是停車場，二十五蚊一小時，在銅鑼灣區，算合理。有小朋友的就很透便，下雨都不怕濕身，一停車泊好就開餐，食完就跳上車回家去。…查看更多

我有位朋友在警察部門工作！ 當晚，他帶我們好幾個去銅鑼灣 <紀律部隊人員體育及康樂會中菜廳> 食飯呀！初次踏足，我覺得很好奇又新奇！ 聽朋友說，要有職員証才可進入！我有幸成其中一份子被帶入去！這裡設施齊備，包括：燒烤場、保齡球場、羽毛球場、壁球場、泳池…等！至於，餐廳方面，則有中菜廳及咖啡室！他帶我們到中菜廳，這裡地方算大，寛敞舒適！ 而且由 4人至16人枱也有！ 適合三代知己及家庭聚會！還有電視播放！這裡寧靜清幽，比較太子警察會的 <怡逸軒> 衛生更勝一籌！ 他們發現地毯既新又整潔，就連廚房也是井井有條，地方乾淨整潔！我跟 3位男士一行4人，各自選出心水美食！龍井茶他們認為龍井茶質素不錯！由於當時我仍然咳未好番，有很多食物要戒口，素菜是我必點之選！甜豆木耳炒藕片 $78屬三少之選，以麻油炒，零舍添上一份香氣！ 甜豆、木耳、蓮藕片的組合，既清新又高纖！ 我食得最多的一款！ 醬燒琵琶鴨 (半隻) $158當我們一入座，侍應便推介琵琶鴨，亦提醒我們，即叫即烤的關係，要等上半小時！琵琶鴨送上來，外皮色澤金黃，肉香洋溢！惹人垂涎！火候恰到好處，鴨皮甘香鬆化！肉質鮮嫩多汁！ 令人食完一件接一件！蘸上酸甜有致的醬汁更有風味及不同口味！脆皮德國鹹豬手 $108侍應即席為我們切開，豬手不是死鹹，鹹度很合我們的胃口！ 溫熱的肉質好鬆軟入味！松子糖醋魚 $88醬汁酸香醒胃！ 糖脆魚外層鬆脆可口，內裡白滑鮮美！紅豆沙 紅豆沙剛剛夠甜，還夾雜粉粉地的蓮子！很適合我們食呢？！…查看更多

近公司嘅原因，一個月總會有幾日都會去飲茶，除非撞岩特別日子，其他時候去都一定會即刻有位，就算人多，野食都上得快，之前食過煎饟茄子，真心好食，茄子仲係好軟好淋，外邊脆起上泥，完全無硬繃繃嘅感覺，近來好似換左借香煎魚餅，都推薦大家食，其他點心好似金錢袋，牛肉球，蝦餃燒賣都唔差，5個人食左差唔多三百蚊，唔算貴。…查看更多