四季煲仔飯

营业中

休息中

天氣超熱, 陽光普照下的黃昏, 忽然想到了煲仔飯, 簡直有些少奇異, 下午五時半, 少客, 座位任坐, 搵個有冷氣風口, 但吹出來的冷氣都有微微暖風, 有些少無奈... 阿姐各有各忙, 未有空招呼我這件蛋散, 唯有等多一陣, 順便出去隔離士多買枝凍茶.都有半年無幫襯, 尚記得上次來時, 只有啤酒可以外帶入來, 汽水或茶都要在店內幫襯, 但今次阿姐叫我自己出去買, 真係... 好生意到.... 飲品都費事出售了... 臘腸排骨飯, 煲仔飯上檯, 我最滿意此店的排骨, 全用一字排切成小件, 差不多件件有骨有肉, 肥瘦各佔三七比例, 肉質未算最好, 但也有六、七十分, 如果不考慮格位和環境, 算滿意了. 還有那件臘腸, 真是又恨又愛, 這般的大排檔店, 真係唔知道入貨來源, 尤其是臘腸這類高風險的食物, 但實在忍不到口, 心諗...半年一次, 死唔去啩... 哈哈哈此店所用的白米, 曾見過店門口有人送貨, 是泰國的金羽紅, 網上查一查, 另一位食家也搵到詳細資料, 屬於最平價貨, 但食落又不太差, 起碼飯粒沒有爛頭爛尾, 但入口偏淋, 煙韌度不足, 網上有食家上載了餐飲入貨米價供參考: 金嘉

油麻地的四季煲仔飯很出名，每晚餐廳外都有很多人排隊等候，一直也想找個機會試試看，慕名而去，卻很失望。 滑雞煲仔飯這次點了一窩滑雞煲仔飯。賣相可以，雞肉滑，份量足。但重點是：飯！白飯又乾又｢鞋」，又無嚼頭。只得不停以豉油撈飯，不然也不知怎麼吞掉這麼劣質的飯。煲仔飯無飯焦，便是失去了靈魂。不是個別例子，一行六位朋友的煲仔飯也無飯焦，而且餐廳服務態度一般，又漏單，很失望。我相信四季煲仔飯曾經好吃，但現在已淪為旅遊書推薦的｢景點」，生意無憂而水準下降，不要得。

11點宵夜 廟街風情 懷舊吓四季煲仔飯 以前來親都見排長龍成條街好靚 今晚就大把位門前坐著個唔多睬人嘅男人 放齊啲飯 餅 就先收費 慣咗阿姐 就 一係唔秋唔睬 聽唔倒一來就問係咁多嗱 叫咁少呀！落單 夏天都照叫 臘腸臘腸排骨飯 (長骨反)~ 排骨飯46+6元臘腸由18元 食到而家要 52元 煲飯得1碗飯分量 比較乾硬排骨雪貨 白曬曬 咸味 豆豉都冇放臘腸有玫瑰露香味 瘦嘅 但扁甜蠔餅~ 即叫即炸 脆口 香 蠔仔 又大又細 大隻嘅未夠熟冇乜薯粉咬口感 似食天婦羅多啲2片6吋 叠上 薄薄嘅 入口即化大80 細40人面依舊 食品全非

叫左蠔餅，通菜，臘腸雞，蛋牛飯- 非常失望。蠔餅少蠔又無味，兩個飯飲普通蒸飯，想食一粒飯焦都無，仲要完全唔入味。只有通菜係正常，完全唔明點解會出名。非常失望！！！

今期想吃煲仔飯，正所謂行到邊吃到邊，油麻地附近平價之選，梗係四季啦！好懷念佢個蠔餅，又酥脆d蠔又大隻，好正！不過，吃完就好內疚（好熱氣～～～～～）另外，叫左煲排骨飯，排骨半肥廋，又有飯焦，加埋佢地既豉油，真係好好味～～～　最正係夠熱！

撞日去左廟街食煲仔飯，諗住搵間多人既就無死啦，點知中大伏。食煲仔飯，識食既一定食飯焦，無奈焦都唔焦😓個飯一黎，店員已吩咐要焗10分鐘，心諗 '嘩，有誠意呀下，教埋你點先最好食' 可惜經本人一「new」，飯係濕既，仲有少少爛，飯焦係有少少咁多多，但係係軟既😒 咁都算喇，但連豉油都唔好食。基本上呢個係將煲好既飯放落個煲燒兩下，攪掂上堂，毫無誠意。結論：可以唔洗幫襯！！

今年3月都仲係好凍，我地就喺回暖前食一次煲仔飯啦冬天食四季煲仔飯就一定要排隊啦，條龍塞住左大廈個入口，見到啲住戶出入好狼狽都有啲唔好意思差唔多入去果陣阿姐就幫我地落定單，本身諗住叫臘味飯點知又賣晒我地叫左雙腸飯同北菇滑雞飯我地大概排左半個鐘就入到去，坐一陣就有得食喇臘腸同潤腸無咩油滲入啲飯，搞到好似食豉油街撈飯咁，一個字: 寡!北菇滑雞飯就正常少少，啲雞幾滑同香口，不過雞同北菇嘅份量都幾少，食晒啲餸又係鼓油撈飯呢個飯都係計雙拼嘅，加幾蚊換幾塊北菇就唔值嚕近幾年呢度係咁加價，一個煲仔飯都要差唔多60蚊，真心覺得唔值得排隊食

如果在油麻地，數到晚上才有得吃的，而又要富有地道特色的當然是大排檔「四季煲仔飯」一到晚上時間，就有很多人在門口排隊，在門口order定食物入座後等一陣就有得吃，大排檔側邊是開放式廚房，師傳都在炭爐前默默埋頭煲飯一個個煲仔飯盛在熊熊火光的炭爐上，都蓄勢待發要送上給客人享用「臘腸排骨煲仔飯」，淋上秘制豉油，飯粒色澤分明，夾着燒香的飯底特別甘香、可口，排骨煮得滑嫩而不韌另一個「皮蛋豆腐芥菜鍋」亦不錯，芥菜煮得夠腍原隻皮蛋、粒粒豆腐喝啖湯，是清甜的，不會喝完就覺得口渴而且一鍋的份量都幾多，可以二至三人用在涼涼的天氣，圍着一起吃煲仔飯，身心都感到溫暖無比呀------------------------------四季煲仔飯地址：油麻地鴉打街46-58號營業時間：星期一至日 16:00~01:00

友人來香港遊玩，想去油麻地感受下夜香港。6點去到見到大部份排檔都未開，就試試出名的四季煲仔飯啦！排隊30多分鐘終於有位！ 三個大人一個小孩叫左臘腸排骨飯、北菇滑雞飯、牛肉飯，大蠔餅和魚球生菜湯。先上蠔餅熱辣辣、香脆！但是油左少少。再來煲仔飯，臘腸一般，排骨好味但份量太少。北茹滑雞香噴噴，雞肉好嫩滑，而且唔會好少肉！但牛肉飯就很普通了。因為有小孩的原因而點既魚球豆腐生菜湯就失望少少。個湯冇味，得四、五粒細細既魚球。不過食完飯當水飲算了，下次應該唔會再幫襯了。

今天天氣特別涷,放工後最好就係去嘆一煲煲仔飯,因時間尚早,所以不用排隊,但鋪內已有8成人了.一坐下,當然叫了一煲排骨煲仔飯,當然唔少得來一個鴨蛋蠔仔餅,還加上一個金銀蛋芥菜肉片湯.我兩叫了一個小的,但足夠兩個人吃了,一口咬下,很鬆化,不會只是得粉漿,每一啖都有蠔仔,加上店內的秘製醬,立即提昇了蠔餅的味道.我倆很快就消滅了.之後上了個湯,嘩....是原煲上的雖然只是47元,但材料十足,有原粒皮蛋及咸蛋,出乎意料,還有很香的芥菜味,足有10碗份量.最後上主角了, 一開飯蓋,滿滿的白飯,但排骨好像少了一點,又可能沒有臘腸的關係,比較乾.所以感覺一般.

來，到四季去! 朋友一聲吆喝聚集，怎麼突然這高級到酒店晚餐？“我說的是廟街四季"，大伙笑了。十一月，等待短暫的秋風仍未到，立冬日二十八度的紀錄。世界變了，這大概是大自然對人類無聲的警告。秋風雖未到，但秋冬的美食早已預備，朋友們早已召集出動覓食。今次聚集食四季煲仔飯。廟街其實很長，由油麻地到佐敦都是它的範圍，裡面可以選的地道美食也有很多。這次到的是比較近油麻地入口，從油麻地站港鐵出口走不到兩分鍾就到。廟街吃煲仔飯通常都要排隊的，從大學時代過來已經是，一行十數人，本來都怕排很久很難排，但本土食店通常都有種豪爽人情味，未入座先幫我們點煲仔飯，再安排了一長排座位於店內最後方，再吵也不怕對別人有太大影響。等了大約三十分鐘，比想像中快一點。人太多，很多食物都是兩、三份上。因為想多吃不同味道，就與幾位朋友分享好了。雖然是煲仔飯店，但其他食物也是好好吃。飯未來先來蠔餅。好好吃!剛送上大家便急不及待起筷，一口酥脆，帶有蛋香，蠔餅乾身而又不會咬得滿口油，配上不辣的類似豆瓣醬的醬汁，好好吃!腐乳通菜。就是菜一碟，朋友點來為了撫平吃得油膩的心靈平衡。主角們上場。白鱔煲仔飯、北菇田雞煲仔飯和排骨飯。熱騰騰煲仔飯

晚市六點鐘唔洗等位就入得，人唔太多，入到去先發現價錢貴左好多，上次黎食果時係個飯三四十蚊，蠔餅20蚊咁。落完單睇緊人地食咩之際，有個女人係個飯度拎左幾條毛出黎，拎完一條又一條，攪到我好鬼死想知條毛係唔係攣既個女人O晒咀咁舉手，佢一路舉手就一路搵仲有冇毛，一路搵毛就一路同佢男朋友complain,舉左2分鐘都冇人理佢，佢由怒髮衝冠舉手舉到開始加豉油，我直情笑左出黎，原來香港人既接受能力咁高！到我等左三四個字，舉手問下有冇走單先，从我對面既人係度對住我笑，我問：「唔好意思，等左三四個字，可唔可以幫我追一追？」侍應話：「三四個字？！冇五個字你都唔好問喎，你知唔知d飯係由生米煮成熟飯？」，我諗我知點解果兩個人笑等左半個鐘，有另一個侍應問係唔係食完，想叫我走，先發現我未有野食，我再追佢一次，等多五分鐘終於有人幫手追單終於有飯到！餓到暈唔理有冇毛想食之際，佢同我收錢，但個菜都未到就收錢，算～ 個雞都ok幾滑，但有d少，同個飯都好濕，我都加唔多豉油，飯焦得正中間有，而且係黑既，周圍既都唔焦呢個時間，身邊既人係度舉手追單，話等左五個字，我對住佢地笑一笑，呢個時候出面排左三四十人，其實香港人都幾好忍

最近天氣又凍返, 岩哂去食煲仔飯, 呢間名氣幾大既又長人龍既煲仔飯. 已經揀左早少少既6pm去, 都要等20-25分鐘.原來店內都好大好多位, 估唔到長期坐滿人. 主要食雙拼煲仔飯, 最後我地揀多個湯.潤腸牛肉煲仔飯:潤腸係豬內臟整成, 食落甘香過臘腸好多, 原條上先有風味, 一啖啖咬黎食.估唔到牛肉片可以好嫩滑易咬, 份量男仔食都覺得岩岩好飽.不過個D飯就唔得啦 中間既飯心太淋太爛. 底部焦黑哂, 唔係飯焦金黃. 周邊既飯冇飯焦, 只係普遍米飯質感. 臘腸排骨煲仔飯:臘腸帶鮮甜肉味, 同樣原條上好好咬. 排骨份量算多, 而且肉質唔鞋好滑, 唔痴骨易食.不過D 飯同樣做得唔好. 應該燒得唔平衡, 所以個底太焦黑啦, 食唔到D飯, 浪費左.金銀蛋芥菜肉片湯:咸蛋, 皮蛋各一隻. 咸蛋食時整爛搞勻, 個湯立即咸香左好多.皮蛋切件一同煲, 味道正常. 芥菜甘甘地, 唔會好苦, 已滾入味.估唔到好多肉片, 怪唔得個湯甘肉鮮好飲.

每次行過四季煲仔飯間鋪頭，都會聞到好香好香噶煲仔飯噶香味，每次都想嚟食，但因為各種原因都miss左，今日終於可以嚟試下啦 排骨滑雞煲仔飯，煲仔飯上面加左少少豉油，令成個煲仔飯同埋啲排骨滑雞更加入味，而且食到最後仲有我最鐘意噶飯焦 魚球豆腐湯，好解渴。食完咁乾噶煲仔飯，肯定要搵啲湯水濕下個口啦，湯噶味道比較普通，勝在無落好多油，比較健康 臘味飯竟然淨係得兩條臘腸，個人覺得唔係好抵食。而且啲飯焦有啲太窿啦，都黑曬，食唔到 不過細蠔餅中稀煎得唔錯，好香脆，而且入面好似落左雞蛋一齊煎，口感豐富

上網睇到四季的人話好好食！！禁就同果日同女朋友去食！ 當日落住大雨都見好多人排隊！我唸都吾會差！點知入到去食真係中曬伏！ 個煲仔飯的飯爛既！ 一pat pat 禁！ 唯獨事的雞都算滑！煲仔飯又爛又冇飯蕉！都吾可以見煲仔飯！ 呢個蠔餅！蠔極小！粉極多！完全失敗！ 覺得自己食粉餅多！