囍運冰室 (鴻祥大廈)

营业中

休息中

今日過來又試下下午茶餐, 望下餐牌, 有d心多😅, 選擇困難添😂, 好多款都想吃, 之後叫左個煙三文魚法包加熱杏霜, 等左ー陣, 熱杏霜送到, 望到都幾濃😆, 再陣多陣送上煙三文魚法包, 用刀切開以為個包係淋, 點知係脆的, 有驚喜, 食一啖味道不錯👍, 入面除左煙三文魚之外, 另外有蕃茄🍅加生菜, 上面有d芝麻醬, 又估唔到夾埋一起, 又幾好食😋, 又想食d野, 又唔想食太多, 依個都係幾好的選擇👍😍有下次😃 另外杯杏霜飲落都幾濃, 好似喉嚨都舒服d, 真係唔想加糖都已經ok了😁

**🔥【旺角囍運宵夜偷工減料】滑蛋飯變「無蛋飯」！** 幫襯咗囍運咁多年，第一次食到咁離譜！宵夜時段嘅滑蛋蝦仁飯，**蛋量比平時少足一半**，薄到遮唔住啲飯，仲稀過茶記早餐炒蛋。收正價$58，但份量得返六成，問阿姐仲要懶淡定話：「不嬲宵夜都係咁架啦！」 問題係：1️⃣ 上個月宵夜仲係正常份量2️⃣ 餐牌完全冇寫「宵夜會縮水」3️⃣ 同一個廚房出品，點解可以差咁遠？**明碼實價我接受，但偷偷減料就唔該摺咗佢！** 各位街坊，幫襯前真係要諗清楚，唔好助長呢啲縮水文化！ #旺角伏店 #偷工減料 #滑蛋變無蛋 #呃秤實錄

垃圾到一個點，一個咖喱牛腩飯同一碟入邊到三條毛。個咖喱牛腩已經係咖喱有咖喱煮，牛腩肉牛腩煮，最後放埋一齊！上菜嘅時候仲見到啲牛係未撈好白烚牛肉咁。成件事已經非常之直白我唔知點樣寫夠80隻字先可以發佈呢個內容浪費時間嘅垃圾機制唯有求其廢up 幾句

今日過來試下佢哋d下午茶😁, 望下餐牌都幾多選擇😆, 最後揀左日本醬油滑蛋🥚🍳叉燒🐽飯, 配熱奶茶😀, 等左一陣送上熱奶茶😚, 再隔一陣送上日本醬油滑蛋🍳🥚叉燒🐽飯😍, 賣相幾靚仔, d豉油唔咸👍撈d飯吃🍚, 幾好味😋😋, 叉燒食落唔係好肥, 雖然唔係燒臘店的味道😀但味道也不錯😋, d滑蛋🥚🍳煮到金黃色, 煮得剛剛好😅, 唔會煮到過濃好老身😚, 食落真係滑蛋🥚🍳, 撈埋叉燒🐽同🍚飯一起食🤩, 真係很不错😍送飯一流, 又唔會好油膩🥰, 奶茶就一般, 奶味比重較多😆但都叫可以啦😁👍

今早過來食早餐😋, 叫左五香肉丁公仔麵😊配3.5牛奶炒蛋🥚有塊火腿🐽同餐包🍞, 要熱奶茶, 等左一陣炒蛋🥚先到, 先食餐包🍞, 好香牛油味😋, 不過個包唔係軟綿綿, 係硬硬的, 依個有d失望😆, 蛋食落好香好滑😍, 又唔油唔錯👍, 火腿正常味道😚, 再來五香肉丁公仔麵🍜, 公仔麵質地唔錯🥰, 份量ok, 肉丁都唔算肥😁都算ok, 奶茶味道麻麻地😅

今晚又來試佢的晚餐🍽️, 叫左一個切厚豬扒🐽拼鰻魚配薯菜🍅🍟, 另外叫一個葡汁雞扒🐔焗意粉🍝, 配二個粟米🌽忌廉湯, 餐茶要左熱西洋菜蜜同凍奶茶少甜, 等左一陣二個湯先到, 濃濃的忌廉湯, 入面有粒粒粟米🌽, 唔會勁結😅幾好味👍等左一陣葡汁雞扒🐔焗意粉送到😋新鮮食落超級熱😆, 葡汁依家好少地方有得食, 多汁又唔會好結身食落好膩😁唔錯🤩入面紅蘿蔔🥕好淋, 意粉份量唔少, 雞扒🐔已經切開一舊舊🐔🔪夠晒貼心🫶, 再來切厚豬扒🐷拼鰻魚, 豬扒也是醃得幾好食💞唔會食落好老, 有肉味也鬆軟👍👍鰻魚正常味道也唔錯😘😍🍟🍟依然好好吃😋😋不過二杯飲品無影到😆

之前都係來食早餐較多, 今晚過來不如試下佢d晚餐, 都有幾個選擇😀, 70多元有埋湯有埋飲品都算抵食, 我揀左個焗菠蘿🍍厚🐽豬扒🍝意粉, 友人要左蘑菇汁🍄‍🟫煎A級🐮肉眼扒配🍟薯菜, 唔要羅宋湯, 要左蘑菇忌廉湯🍄‍🟫, 等左一陣湯送來, 好香好滑唔算好結, 幾好飲😘👍, 之後送來兩份主角, 兩份的賣相好美, 份量都唔少, 茶餐廳有這樣質素算係好高分😍😁, 試下d意粉🍝先, 有d蕃茄醬加芝士🧀, 食落酸酸地幾好味, 又唔會真係好濃好結的醬汁👍, 菠蘿🍍酸酸甜甜好開胃😃, 豬扒🐽醃得好味😀質感食落鬆軟, 唔會好大陣雪味同好硬好老, 真係有驚喜, 亦試左友人一條薯條🍟, 少少鹽味食落有熱, 超好食🫶, 最後我要左杯熱杏霜, 友人要左特濃朱古力, 杏霜d水食滾, 飲到好香杏仁味, 但唔算飲落好濃, 不過也不錯😄😍下次再來食過😋

之前住喺大角咀，都會去囍冰室，近太子嗰間，今日喺旺角行街，油麻地都有間喜運冰室，平時去太子間囍運冰室，都係食常餐沙嗲牛肉麵，炒蛋，丹麥多士，呢間氣運冰室佢個常餐多咗一個麻辣豬頸肉米粉，配搭方便都係炒蛋配丹麥多士，今次入去試吓呢個新款嘅常餐。你到個豬頸肉麻辣米粉，豬頸肉炸得香脆，一大劈麻辣醬喺個米粉度，米粉份量不少，夠晒麻辣味，炒蛋份量甚多，丹麥是烘得香脆，飲品要咗椰汁紅豆冰，椰汁份量夠多紅豆煲得夠綿，呢個常餐簡直係一百分😌

突如其來的八號風球, 上午不需要上班, 唔係好多舖頭有開, 今日又過來幫襯佢的早餐🍳雖然望餐牌有許多選擇, 不過還是早餐A比較啱我食, 牛油餐包🍞今日配腸, 要左反旦🍳忌廉湯火腿通粉🐽配熱央☕, 等左一陣先來牛油餐包🍞腸仔加煎旦🍳, 個包有d硬😄不過入面都軟熟😋條腸唔係一般香腸, 食落唔咸, 入面好似有d菜定香草之類, 食落又幾好食😙, 旦叫左反旦🍳正正常常, 之後再來忌廉湯火腿通粉🐽上面加左d香草碎, 賣相幾靚仔, 第一啖食落仍然係好熱🥰, d通粉煮到啱啱好, 唔會過淋🫶d通粉浸住忌廉湯, 真係好好味又好夾😘👍火腿🐽正正常常又唔會太咸, 碗粉份量都好多🤩, 再飲埋杯央, 奶茶同咖啡, 都係咖啡比重多左少少, 所以飲到d苦味, 但可以接受😁姐姐侍應招呼唔錯😙, 多謝前👍多謝🫶後, 卡位坐得舒服🤩等下次試下佢d晚餐😆

是日途經旺角，未食午飯嘅我決定來個快閃下午茶，醫飽個肚再繼續行程。下午茶餐～～肉絲炒麵 $52日本醬油炒滑蛋叉燒飯 $48跟餐熱檸檬茶整體食物中規中矩，份量適中，不過不失。

囍運冰室地址：旺角煙廠街1-3號鴻洋大廈地下A-C號舖港鐵旺角站E2出口，步行約6分鐘電話：64881010/54885388堂食1鐵板 香草雞扒 $94.00-薯菜-蒜蓉汁-紅湯-熱柚子蜜1鐵板 美式雜扒 ＄100.00-意粉- 黑椒汁- 七成熟-紅湯-熱檸水1鐵板 美式雜扒 ＄100.00-飯-洋蔥汁- 全熟-白湯-熱華田*多奶服務費＄44.10總金額 ＄338.00這店鐵板餐份量好多、好抵食，雞扒好大塊、蒜蓉汁好好食、時菜好好食、紅湯好飲不酸、熱柚子蜜好甜，雜扒餐啲扒好好食、好鬆軟、腸仔好好味、啲飯好鬆軟、意粉煮得林好好食、白湯好好飲，好甜，熱檸水吾酸，阿華田好甜，價錢實惠好抵，好值得推介嘅良心店舖

樓面態度極差, 眼看下午茶時段三位女士坐下叫咖啡/面包，點餐樓面眼神態度極差大大聲講$25位最低消費, 門口貼住，人哋都係想坐低飲杯嘢係咪唔歡迎？我有出去睇過，你係有寫住繁忙時間每位$25，下晝3:30下午茶時間唔係繁忙時間，你咁樣令入嚟消費嘅食客好尷尬成間餐廳啲人望住佢哋以為佢冇錢俾，其中有位男士都有為三位女士發聲，反而比其他樓面鬧，另一單又係人哋叫菠蘿包唔好理係落錯單定係送錯嘢，人哋都係想叫個菠蘿包啫，另一個阿姐又大大聲又話要單點又話要幾多錢又話唔係咁嘅價錢，又係講到好似人哋貪佢小便宜冇錢俾，入嚟坐低食嘢都係想舒舒服服，唔係受你哋啲阿姐氣，希望餐廳改善樓面服務質素，我經常幫襯見到咁嘅場面，我食嘢都食得唔舒服，我都唔會再嚟，唔好到時冇生意就話全部港人北上消費，其實係你哋自己服務態度差整成，希望老闆見到改善一下樓面，佢哋冇資格覺得入嚟食客冇錢比，我親眼見嗰幾個阿姐樓面眼光態度聲音語氣係用惡劣嚟形容。佢哋D咁嘅part-time阿姐返part-time冇得做做下一間，老闆，你冇生意就要關門大吉。注意我淨係坐喺度食個下午茶，半個鐘頭已經見到兩個咁嘅情況食物再好 咁差嘅服務態度質素 都唔會再

琴日朝早來幫襯下佢d早餐, 叫左早餐A, 忌廉湯火腿通粉配餐包反蛋熱奶茶, 等左一陣來左餐包反蛋, 賣相都ok, 不過餐包有少少硬, 反蛋正常. 煎得唔油算幾好👍但無乜蛋味, 再來通粉, 忌廉湯火腿通粉比較少有😅通常係鮑魚火腿絲通粉, 有少少忌廉湯的味道, 唔係好咸, 都幾好食😋再飲杯熱奶茶, 雖然凍左但味道都可以, 偏奶味多d😘不過不失的早餐🥳

早幾日嗌咗外賣，拎到返屋企嘅時候都仲係熱嘅。嗌咗全日早餐同埋火腿忌廉湯通粉，睇落都正正常常，全日早餐都好大份。點知一食真係好鬼鹹，通粉食咗幾啖直頭食唔落。然後嘢飲都係超級甜

人生從來未試過咁嬲、呢間咁嘅茶餐廳不知所謂到一個極點，請埋啲大陸人服務態度差到咁有冇搞錯啊？、話說我今日返學諗住去探同事去佢哋嘅煙廠街分店囍運冰室買葡撻俾同事食、首先排隊好耐都冇人、然後有人啦我買 6 個葡撻、諗住快啲、比八達通、點知同事仔又唔識撳嘢又好慢就叫咗另一位同事過嚟、我就同佢講麻煩你快少少我已經等咗好耐啦，係咪俾現金快啲？、然後佢就話我咁多嘢講嘅我唔做你生意丟返啲錢俾我、我即時着咗有冇搞錯啊？咁嘅態度仲要丟返啲錢俾我，跟住我話要投訴佢話佢係最大嘅鍾意投訴就投訴唔好阻住我做生意快啲走。、如果俾你你嬲唔嬲。我準備影低餐廳同佢嘅照片返佢餐廳投訴佢仲好笑話要報警拉攏咁我話你報啦。、就算係你幾十蚊生意都唔應該咁樣繁忙時間都唔應該咁樣。、我同你講叫你快少少我趕時間你竟然掉錢俾我叫我走請問係乜嘢服務態度啊？、所以大家唔好去幫襯佢一齊杯葛要比全世界知道佢哋服務態度咁差，我真係好撚嬲🤬🤬🤬🤬🤬🤬🤬😡😡🤬雖然我投訴佢都係冇、但係真係太嬲唔話俾大家聽唔得