囍慶酒家

之前見佢KKday有$108點心放題，買咗嚟試吓，不過每人另外要比$15茶錢同埋正價+1…$21.8，茶錢亦要+1。:)地點真係唔多就腳，有少少山長水遠，不過價錢算幾吸引就試吓啦。去到見到門口寫住成人$128星期日及假日就加$20….. 即係$148。就算地點偏遠同埋假期，入邊都差唔多坐滿晒！服務人員態度非常之好，一坐低就即刻俾個燉湯我哋，出邊有幾款嘢係可以任食嘅，包括鮑魚，海蝦，青口，紅豆沙同埋藥膳豬腳，鮑魚尺寸唔算細，而且肉質都幾腍，海蝦都算新鮮冇霉，青口正正常常，紅豆沙合格，藥膳豬手好味好腍，點心款式其實都唔少嘅，不過我哋都食唔到咁多，全部質素都係中上，我覺得好食嘅係嗰個雪山叉燒包同埋炒麵，呢兩款我哋都有再叫，但係第二次嘅質素就爭咗少少，另外蘿蔔糕我哋嗰個就白雪雪嘅，但我見到有啲人嗰啲就有濃邊嘅，所以佢啲質素係有少少參差嘅，落單啲嘢嚟得都好快，全程都冇漏單，佢所有嘢嘅尺寸都唔算大，細細件比，份量亦唔算多，所以就可以試多幾款。如果地點唔係咁遠，都真係幾值得推介，不過老公幾滿意，佢話下次再約屋企人嚟。…查看更多

科學園「囍慶」最近推出午市點心放題，團購$108一位，要原價加一再加$15茶錢，主打「鮑魚點心任食」，性價比爆燈，但交通硬傷明顯。放題包括十幾款點心，真係成隻藥膳鮑魚任食！雖然鮑魚質素唔算頂級，但以任食來講夠豪氣。其他如蝦餃、流沙包亦屬高質，即叫即蒸無偷工減料。交通扣分， shuttle bus救亡科學園位置吊腳，港鐵大學站轉小巴/的士（約15分鐘），或搭免費穿梭巴士（科學園→沙田新城市），但班次疏落，建議預留時間。結論食物質素對得住價錢，但除非住新界東/自駕，否則交通時間成本高。適合「住附近」或「想豪食平價鮑魚」嘅食客，專程朝聖就未必值。#科學園美食 #點心放題 #鮑魚任食 #交通不便都要食…查看更多

見到kkday特價閒日晚上$178任食片皮鴨，酸菜魚🤤等三十種中菜三小時，手機自動落單好快上菜💡每位送一盅湯，味道還好片皮鴨席前切後任拎，皮肉分開，食幾round👍酸菜魚好食🐟魚好滑，仲有燒賣🥢出奇正，encore两次😂，咕嚕肉及炸蠔都值得推介飲品唔hea，紅白酒🍷，可樂🥤，韓國汽水🧃任飲，又有牛奶公司雪糕🍦🍽🥢飽住走🥂，加一及茶水每位約$230，免費泊車两小時，值得支持留港消費早茶$120幾任食四小時，真係唔知佢點賺，希望頂得住💪…查看更多

有日🐒入咗科學園飲茶，套餐設計幾貼心，每位$128包十款點心，啱晒我呢啲選擇困難症患者，唔使諗破頭都唔知揀咩食。最驚喜係「鮑魚燒賣皇」，燒賣大粒到！（用匙羹對比就知），咬落彈牙唔油膩，面頭嘅迷你鮑魚仔唔係得個樣，鮮味幾出。「原隻鮮蝦餃」同樣足料，蝦肉爽脆，皮薄得嚟又唔易穿，抵讚！ 藥膳控一定要試「藥膳灌湯餃」，湯底濃到似飲緊老火湯，當歸杞子味好突出，灌湯餃皮薄餡多，浸住湯食暖胃又滿足。「椒鹽豆腐粒」都係穩陣之選，豆腐旁邊嘅炸魷魚絲「索索聲」，豆腐粒外脆內滑，送茶一流。 「流沙奶皇包」流心澎湃，甜度剛好，作為收尾夠晒圓滿。整體份量對兩個人嚟講夠飽。由於反應熱烈，本大猴🐒食嘅十大點心套餐已經售罄，鍾意食片皮鴨點心嘅，過嚟挑戰下片皮鴨放題啦！見到有唔少熟客食放題，原來呢度有$128片皮鴨 三小時放題，連45款美食飲品仲有紅白酒飲，真係過癮 咁都得😆🙊…查看更多

「科學園都有一盅兩件！？」小編今次就帶大家黎到沙田，同大家介紹一間位於香港科學園入面既酒樓 一 囍慶 @bridalrest.hk豪華十大點心盛讌 ：🌟藥膳灌湯餃 藥膳湯頭飲落藥材味幾出，加埋肉餡滿滿既灌湯餃 🤤👍🏻👍🏻🌟鮑魚燒賣皇除左有粒鮑魚之外，燒賣本身亦食得出豬肉香🤤👍🏻👍🏻🌟原隻鮮蝦餃蝦餃皮晶瑩剔透，蝦肉食得出鮮味🤤👍🏻👍🏻🌟脆皮炸春卷春卷雖然比較迷你，但炸得金黃香脆🤤👍🏻🌟椒鹽豆腐粒拼魷魚鬚除左點心之外，佢地既炸物亦炸得金黃香脆🤤👍🏻🌟翠綠菜苗餃餃皮晶瑩剔透，菜苗清香🤤👍🏻🌟流沙奶黃包包底紥實，一咬開滿滿流沙奶黃餡🤤👍🏻🌟瑤柱蝦乾珍珠雞用荷葉包住既珍珠雞，有一大舊瑤柱、蝦乾同鹹蛋黃🤤👍🏻🌟養顏紅棗糕口感煙韌，紅棗香十足，作為結尾甜品亦算吾錯🤤👍🏻👍🏻📍囍慶酒家地址：香港科學園1期科技大道西1號核心大樓2座2樓S101-S106號舖#沙田 #囍慶酒家 #科學園 #飲茶 #點心 #蝦餃 #春卷 #奶黃包 #珍珠雞 #紅棗糕 #一盅兩件 #留港消費 #覓食沙田 #食在沙田 #椒鹽豆腐 #炸魷魚鬚 #鮑魚燒賣皇 #沙田食乜好 #為食關注組 #覓食科學園 #食在科學園 #香港美食地圖 #科學園食咩好 #豪華十大點心盛讌 #九十後行到邊食到邊#HKIG #HKIGER #HONGKONGFOODIE…查看更多

估唔到科學園嘅「囍慶」搞搞新意思！✨ 竟然有個「十大點心盛宴」🍵 傳統中帶創意，食完想Encore！💯 🥟藥膳灌湯餃 一啖咬開藥材香氣湧出～當歸、沙參、玉竹嘅味道好溫和✨ 湯汁清甜唔油膩，養生feel即刻出曬嚟！🌿 餡料有雞肉同菇菌，口感超滑溜～ 🍤原隻鮮蝦餃 蝦餃皮薄到透光！🦐 原隻大蝦爽脆彈牙，鮮味爆燈💡 傳統點心嘅基本功滿分，加埋少少金箔點綴，高級感Up！ 🔥鮑魚燒賣王 頂層迷你鮑魚軟嫩入味👑 豬肉餡紮實又多汁，仲有淡淡蟹子提鮮～ 矜貴得嚟唔會過鹹，CP值驚喜！ 🌶️椒鹽豆腐拼椒鹽魷魚鬚 雙拼份量超足！豆腐外脆內嫩似布丁🍮 魷魚鬚炸得乾身唔油，椒鹽香辣惹味～ 送啤酒一流🍻 🥬翠綠菜苗餃 翡翠色外皮好吸睛！💚 菜苗混合蝦肉清香爽口，仲有松子仁增加層次～ 健康之選大推！ 🌯脆皮炸春捲 咬落「咔嚓」聲超治癒🔊 餡料塞滿蘿蔔絲同木耳，脆而不膩～ 蘸少少喼汁更開胃😋 💛流沙奶黃包 一撕開即爆金沙！🌋 鹹蛋黃奶香比例完美，流心質地夠滑～ 記得趁熱食唔好嘥！ 🐚瑤柱蝦乾珍珠雞 打開荷葉香氣撲鼻～🍃 糯米飯軟糯唔黏牙，內藏LL Size元貝鮮甜到震！🦪 蝦乾同臘腸提味，傳統功夫菜大滿足！ 🍰養顏紅棗糕 收尾甜品超驚艷！❤️ 紅棗味濃郁自然，口感Q彈似啫喱～ 微甜唔膩，女仔一定鍾意💃 不過位置都隱蔽，如果唔係上網見到都唔知原來科學園大樓裏面有間咁嘅酒樓…查看更多

閒遊科學園，順便搵個朋友食lunch😋，佢話請我去一間好味嘅酒樓飲茶🫖。豪華十大點心盛讌(2位)🥢鮑魚燒賣皇燒賣口感彈牙爽口，配合鹹香Q彈嘅鮑魚，味道指數倍增。🥢藥膳灌湯餃濃郁當歸湯頭，餃內有大量雜菌及肉碎，湯汁與湯餃混埋一齊，入口豐富。🥢原隻鮮蝦餃 煙靭餃皮內藏鮮甜多汁嘅蝦肉，如果可以食多粒就好喇😆。🥢椒鹽豆腐粒炸皮香脆，內裡豆腐腍滑👍。🥢七味魷魚鬚 辣辣脆卜卜嘅炸皮包裹住Q彈口感嘅魷魚鬚，非常好咬口😋。🥢翡翠菜苗餃 有菠菜又有鮮蝦嘅餡料，juicy味美。🥢脆皮炸春卷蝦春卷食得多，用上豬肉及芋頭餡料等所做成嘅傳統春卷反而少見，更覺滋味，餡料仲非常充實添。🥢流沙奶黃包包質柔軟，奶黃爆漿流心，甜香濃郁。🥢瑤柱蝦乾珍珠雞 有大大粒瑤柱、大大條蝦乾，仲有成半隻鹹蛋黃添，超足料，配合軟綿糯米，超正。🥢養顏紅棗糕質地軟滑並帶着濃香嘅紅棗味。…查看更多

📍 囍慶酒家｛沙田科學園｝ 一大朝早就已經過嚟沙田科學園度飲早茶🫖11:00到場本身係冇咩人，一到12點就已經開始人潮洶湧，啲點心都幾高質，食材亦都冇咩味精，唔會食到好口乾，最欣賞係灌湯餃，個湯底係真材實料，仲有鮑魚燒賣，即刻升Lv 🥢✨藥膳灌湯餃湯底係以當歸，杞子藥材做清湯，湯頭好濃郁，完全可以飲晒，都唔會覺得口渴，反而覺得好滋潤！大大隻灌湯餃，餡料豐富飽滿🥢✨鮑魚燒賣皇燒賣皇上面有一隻原粒鮑魚喺頂，即刻upgrade咗～✨原隻鮮蝦餃晶瑩剔透的外皮，藏著豐富的鮮蝦餡料。勁大粒，蝦肉爽口鮮甜又夠彈牙！✨椒鹽豆腐粒拼魷魚嚟到細細粒，外表精緻，香脆可口！超大隻的魷魚裏上薄薄的粉 現點現炸 外皮很酥香🦑魷魚口感Q彈新鮮好吃🦑✨翠綠菜苗餃餃子皮薄餡靚，豆苗脆嫩新鮮，絕對有驚喜🩷✨脆皮炸春卷新鮮炸起嘅春卷冇得輸，好脆口！✨流沙奶皇包包柔軟 奶皇沒到超流沙 但這份香而不甜的～可以一口吃進去 爽啦～✨瑤柱蝦乾珍珠雞唔會好細隻，配料食到冬菇、肉碎同鹹蛋黃重點係有原粒瑤柱、大大隻蝦乾🦐已經係一個賣點🩷口感軟綿綿，整體味道唔錯👍✨養顏紅棗糕補血之選，仲可以當甜品🤩…查看更多

話說早排去白石角探朋友，朋友就話附近嘅囍慶酒家有得任食片皮鴨，咁過癮就叫埋老公一齊嚟試下佢！.一入座緊係落咗頭盤定食先啦～分別有茄汁煎虎蝦、蠔皇椎茸5頭鮑魚、雲南野菌燉日本元貝，豬太郎好鐘意呢個燉湯，足料又夠味！.見到有人排隊，即刻睇下咩事先！原來重頭戲嚟啦，已經開始片緊鴨肉，即刻夾返幾件返去慢慢食先！有客人問侍應會唔會無晒，侍應就話一定有足夠份量畀大家食！豬太郎就見到Keep住都有烤好嘅鴨同蒸好嘅膜膜皮出餐，咁開心，緊係要食多幾件過下癮啦！.除咗片皮鴨，仲有好多嘢都係自助餐咁點，手機App落單，不過要留意下有啲食物係件數計嘅，想樣樣都試下嘅朋友可以叫住小小先，鐘意再加碼～豬太郎兩公婆當然食唔到咁多，但都好飽肚㗎！.除咗海鮮、小菜，其實都仲有啲點心，不過當晚就太多人，就試唔到啦～..…查看更多

餐廳最近有在做團購優惠，性價比真的挺高的，而且餐點選擇比想像中的要多，難怪晚上也有不少的客人來訪。而且有３間分店可選，選擇方便自己的就可以了。超值春日滋補片皮鴨任食 3 小時放題（２３８元）頭盤定食茄汁煎虎蝦挺大隻的，口感非常彈牙，酸甜開胃。蠔皇椎茸５頭鮑魚鮑魚非常彈牙，鮑汁鮮甜。雲南野菌燉日本元貝大大粒的元貝，湯喝起來特別鮮，挺潤喉的，挺值得喝。主角片皮鴨就在外面一直有人在片的，基本上不怕吃不到，而且都是新鮮出爐，皮非常香脆，吃起來不油膩。而且很好的是分開了兩種，有連肉的，有淨皮的，個人喜歡淨皮的，口感會香脆一點，油香更足。另外還有還有好幾款點心包點可以自取，其中必拿的一定是燒賣和蝦餃，質素都不錯，都有蝦肉，而且挺彈牙的。其地的小菜全部都要下單的，有３—４０款小菜可以任食，很多常見的小菜都有，如麻辣雞煲，酸菜魚，椒鹽骨，椒鹽鮮魷，灼海蝦，咕嚕肉，欖角骨，叉燒，豉油雞，豉油皇炒麵，乾燒伊麵，炸蠔等等，全部的份量都小小的一份，可以輕鬆吃到很多種類，一次吃過癮，質素也都不錯，其中豉油皇炒麵和乾燒伊麵都有驚喜。飲的還有大量汽水和啤酒，紅油白酒也有，挺有驚喜的。雪糕也有任吃的。…查看更多

講真我都係第一次去到科學園食晚飯，原來環境好大好舒服，都好新淨。片皮鴨任食都係我聞所未聞，第一次食。頭盆有茄汁大虎蝦，仲有蠔皇鮑魚，鮑魚好大隻炆得好腍。仲有個燉湯，真係超級好味！片皮鴨係以自助形式自己出去拎，會不停refill，仲會見到職員即場喺度片。我地兩個人去食，小菜唔係試咗好多：竹笙燴上素、脆皮炸鮮奶、乾燒伊麵。最緊要係有海鮮食🥹白灼海生蝦、酥炸廣島蠔、潮式浸花甲、仲有鮮魷同魷魚鬚。點心都有好多，都係自助形式去拎，我哋就拎咗燒賣同蝦餃。其實佢仲有好多燒味可以嗌，例如係口水雞燒腩仔，但係我哋已經食到唔得了。飲品都係一個我好驚嘆嘅地方，就係佢嘅紅白酒係任飲，亦都有橙汁同埋唔同嘅汽水，連鴨屎檸檬茶都有。最後最後，要食埋個甜品，就係桂花糕，出面都仲有杯裝雪糕任拎。我覺得呢度性價比極高，最好叫多啲朋友一齊嚟咁就可以試晒唔同嘅餸。中菜放題，我都係第一次，我覺得好滿足。…查看更多

上網睇到介紹有中式放題，即刻去試吓，冇諗過夜晚都可以食到熱辣辣嘅點心，酒樓位於科學園，住喺白石角嘅朋友或者喺科學園返工嘅朋友一定要去試吓，性價比都超高，一個價錢已經包齊晒所有嘅食品，種類都好多，前菜，湯，點心，小菜，燒味，炒飯，炒麵，甜品都有，飲品方面，除咗熱茶，汽水，啤酒仲有紅白酒添，最後仲有經典嘅雀巢雪糕每位客人都會有包鮑魚同花菇各一份+是日中式燉湯另外，酒樓會不斷供應片皮鴨，師傅會係咁片，仲有熱辣辣嘅蝦餃同燒賣，好新鮮呀，小編都食一籠燒賣同蝦餃，蝦餃皮都好薄，裏面嘅蝦肉餡都好多至於燒味方面，小編就極力推介佢哋嘅燒肉同埋叉燒，好有口感最後呢甜品，小編就推介杞子桂花糕+薑汁紅棗糕，一定要食呢兩款嘅糕點，超好味至於酒樓方面呢，其實佢枱同枱之間都揀得好遠，唔會有好大壓迫感，不過有興趣嘅朋友仔， 都要早啲去book位…查看更多

片皮鴨放題🦆放題6點開始供應，大家一開始嘅目標非常清晰，片皮鴨最為搶手，但係好彩供應都源源不絕，片完一隻就有另一隻，分為淨鴨皮同埋連皮鴨肉兩碟，鴨肉估唔到係好嫩好濕潤～茄汁煎虎蝦、蠔皇5頭鮑魚、雲南野菌日本元貝燉湯係按人頭畀，鮑魚既大隻又炆得腍，依個燉湯同任飲嘅老火湯都超足湯料🥣海鮮有白灼蝦、酸菜魚、潮式浸花蜆等，有平時酒樓嘅水準，酸菜魚嘅份量稍大，有好幾塊魚片而且夠嫩滑🐟廚房小菜嘅款式都幾多，基本嘅菜式都會有，例如咕嚕肉、欖角骨、滑蛋炒蝦仁，仲有炸鮮奶新鮮炸起都唔錯🥢點心係自己出去攞，可以成籠拎或者夾一兩件都得，蝦餃、燒賣、薑汁糕都幾好👌整體嚟講，任食3個鐘好足夠，野食選擇好多，有啲點心、小菜、燒味、炒粉炒麵都未試到，另外出菜好快，侍應都有不時收碟換碟，感覺良好～…查看更多

星期六去左囍慶科學園食3小時超值春日進補片皮鴨放題破低價低至$158一位起，連無限暢飲，真係超值！ 🔘頭盆定食: 茄汁煎焗大虎蝦每位1隻雲南野菌燉日本元貝每位1盅蠔皇5頭鮮鮑魚伴椎茸(每位1隻) 🍽無限任叫45款美食飲品: 片皮鴨、紅/白餐酒、酸甜黑豚肉、蜜餞欖角骨、 珍菌牛柳粒、惹味椒鹽骨、滑蛋炒蝦仁、魚香炆茄子、豉蒜虎皮尖椒、潮式鹹菜煮豬肚、蒜茸炒雜菜、竹笙燴上素、椒鹽脆皮豆腐粒、脆皮炸鮮奶、生炒廚皇炒飯、豉油皇炒麵、乾燒伊麵 🦐海鮮:老壇酸菜魚、白灼海生蝦、酥脆廣島蠔、潮式浸花甲 🥢點心:原隻鮮蝦餃、蟹籽燒賣皇、奶皇千層糕、千層薑汁糕、養顏紅棗糕、金絲脆麻花、杞子桂花糕 🥓燒味:脆皮燒腩仔、沙薑雞腳、蓬萊素鵝、青瓜雲耳、 煙燻鴨胸、瑤池香妃雞、沙薑鹽水雞、麻辣口水雞 🍷飲品:各式汽水、橙汁、生力啤酒、紅/白餐酒 講真呢度超出我預期，性價比極高，簡直無一樣嘢係唔好食，侍應服務禮貌，上菜快亦無漏單，非常推薦約埋一家人來Book枱試試 🔅推介：片皮鴨、老火燉湯、蝦餃、燒賣、黃金炸魚皮、酥炸廣島蠔、酸菜魚和豉蒜虎皮尖椒 📍囍慶科學園沙田香港科學園科技大道西一號一樓…查看更多

其實呢一間酒樓已經做過好幾次嘅片皮鴨放題，終於班鄰居話我想試，咁就一行11人去試吓佢個片皮鴨放題。一入到門口嘅話左手邊已經係自助吧，紅白酒汽水雪糕可以隨意攞，另外亦都有啲點心，片皮鴨係不停咁樣出又轉人喺度片望落去都係幾好。點心款式雖然唔多不過蝦餃、燒賣同埋紅棗糕係幾好食。等齊人就經理開咗個QR code俾我哋點樣食另外就想跟餐冇得refill嘅三道菜，蠔皇鮑魚花菇，隻鮑魚幾彈牙，但係西蘭花就唔係人頭，唔夠分。個茄汁煎蝦啲蟹肉夠實淨，亦都好爽口浸唔算多啱啱好包住個蝦殼幾好食，仲有個燉湯，濃濃嘅菇味係幾好又有瑤柱。不過其他無限encore嘅食物就強差人意，如果以返我哋11個人嘅份量，其實佢可以比大碟啲，但係就好似啲日式放題咁樣隻幾隻，有啲寒酸。同埋個Apps裏面明明話係咁浸花甲，無論字同埋圖都係。但係嚟到嘅時候就係一啲沙白蜆仔嗰類嘅貝類。如果覺得成本達高嘅，就不如改一改個菜單，唔好話俾人聽係花甲，避免客人投訴。如果無限refill嚟講酸菜魚，豬腳，炸魚皮可以encore。不過都係嗰句留肚食多啲片皮鴨會開心啲。…查看更多