囍慶酒家

之前见佢KKday有$108点心放题，买咗嚟试吓，不过每人另外要比$15茶钱同埋正价+1…$21.8，茶钱亦要+1。:)地点真系唔多就脚，有少少山长水远，不过价钱算几吸引就试吓啦。去到见到门口写住成人$128星期日及假日就加$20….. 即系$148。就算地点偏远同埋假期，入边都差唔多坐满晒！服务人员态度非常之好，一坐低就即刻俾个炖汤我哋，出边有几款嘢系可以任食嘅，包括鲍鱼，海虾，青口，红豆沙同埋药膳猪脚，鲍鱼尺寸唔算细，而且肉质都几腍，海虾都算新鲜冇霉，青口正正常常，红豆沙合格，药膳猪手好味好腍，点心款式其实都唔少嘅，不过我哋都食唔到咁多，全部质素都系中上，我觉得好食嘅系𠮶个雪山叉烧包同埋炒面，呢两款我哋都有再叫，但系第二次嘅质素就争咗少少，另外萝卜糕我哋𠮶个就白雪雪嘅，但我见到有啲人𠮶啲就有浓边嘅，所以佢啲质素系有少少参差嘅，落单啲嘢嚟得都好快，全程都冇漏单，佢所有嘢嘅尺寸都唔算大，细细件比，份量亦唔算多，所以就可以试多几款。如果地点唔系咁远，都真系几值得推介，不过老公几满意，佢话下次再约屋企人嚟。…查看更多

科学园「囍庆」最近推出午市点心放题，团购$108一位，要原价加一再加$15茶钱，主打「鲍鱼点心任食」，性价比爆灯，但交通硬伤明显。放题包括十几款点心，真系成只药膳鲍鱼任食！虽然鲍鱼质素唔算顶级，但以任食来讲够豪气。其他如虾饺、流沙包亦属高质，即叫即蒸无偷工减料。交通扣分， shuttle bus救亡科学园位置吊脚，港铁大学站转小巴/的士（约15分钟），或搭免费穿梭巴士（科学园→沙田新城市），但班次疏落，建议预留时间。结论食物质素对得住价钱，但除非住新界东/自驾，否则交通时间成本高。适合「住附近」或「想豪食平价鲍鱼」嘅食客，专程朝圣就未必值。#科学园美食 #点心放题 #鲍鱼任食 #交通不便都要食…查看更多

见到kkday特价闲日晚上$178任食片皮鸭，酸菜鱼🤤等三十种中菜三小时，手机自动落单好快上菜💡每位送一盅汤，味道还好片皮鸭席前切后任拎，皮肉分开，食几round👍酸菜鱼好食🐟鱼好滑，仲有烧卖🥢出奇正，encore两次😂，咕噜肉及炸蚝都值得推介饮品唔hea，红白酒🍷，可乐🥤，韩国汽水🧃任饮，又有牛奶公司雪糕🍦🍽🥢饱住走🥂，加一及茶水每位约$230，免费泊车两小时，值得支持留港消费早茶$120几任食四小时，真系唔知佢点赚，希望顶得住💪…查看更多

有日🐒入咗科学园饮茶，套餐设计几贴心，每位$128包十款点心，啱晒我呢啲选择困难症患者，唔使谂破头都唔知拣咩食。最惊喜系「鲍鱼烧卖皇」，烧卖大粒到！（用匙羹对比就知），咬落弹牙唔油腻，面头嘅迷你鲍鱼仔唔系得个样，鲜味几出。「原只鲜虾饺」同样足料，虾肉爽脆，皮薄得嚟又唔易穿，抵赞！ 药膳控一定要试「药膳灌汤饺」，汤底浓到似饮紧老火汤，当归杞子味好突出，灌汤饺皮薄馅多，浸住汤食暖胃又满足。「椒盐豆腐粒」都系稳阵之选，豆腐旁边嘅炸鱿鱼丝「索索声」，豆腐粒外脆内滑，送茶一流。 「流沙奶皇包」流心澎湃，甜度刚好，作为收尾够晒圆满。整体份量对两个人嚟讲够饱。由于反应热烈，本大猴🐒食嘅十大点心套餐已经售罄，钟意食片皮鸭点心嘅，过嚟挑战下片皮鸭放题啦！见到有唔少熟客食放题，原来呢度有$128片皮鸭 三小时放题，连45款美食饮品仲有红白酒饮，真系过瘾 咁都得😆🙊…查看更多

「科学园都有一盅两件！？」小编今次就带大家黎到沙田，同大家介绍一间位于香港科学园入面既酒楼 一 囍庆 @bridalrest.hk豪华十大点心盛䜩 ：🌟药膳灌汤饺 药膳汤头饮落药材味几出，加埋肉馅满满既灌汤饺 🤤👍🏻👍🏻🌟鲍鱼烧卖皇除左有粒鲍鱼之外，烧卖本身亦食得出猪肉香🤤👍🏻👍🏻🌟原只鲜虾饺虾饺皮晶莹剔透，虾肉食得出鲜味🤤👍🏻👍🏻🌟脆皮炸春卷春卷虽然比较迷你，但炸得金黄香脆🤤👍🏻🌟椒盐豆腐粒拼鱿鱼须除左点心之外，佢地既炸物亦炸得金黄香脆🤤👍🏻🌟翠绿菜苗饺饺皮晶莹剔透，菜苗清香🤤👍🏻🌟流沙奶黄包包底紥实，一咬开满满流沙奶黄馅🤤👍🏻🌟瑶柱虾干珍珠鸡用荷叶包住既珍珠鸡，有一大旧瑶柱、虾干同咸蛋黄🤤👍🏻🌟养颜红枣糕口感烟韧，红枣香十足，作为结尾甜品亦算吾错🤤👍🏻👍🏻📍囍庆酒家地址：香港科学园1期科技大道西1号核心大楼2座2楼S101-S106号舖#沙田 #囍庆酒家 #科学园 #饮茶 #点心 #虾饺 #春卷 #奶黄包 #珍珠鸡 #红枣糕 #一盅两件 #留港消费 #觅食沙田 #食在沙田 #椒盐豆腐 #炸鱿鱼须 #鲍鱼烧卖皇 #沙田食乜好 #为食关注组 #觅食科学园 #食在科学园 #香港美食地图 #科学园食咩好 #豪华十大点心盛䜩 #九十后行到边食到边#HKIG #HKIGER #HONGKONGFOODIE…查看更多