囍慶酒家

見佢海鮮龍蝦餐$1588六位幾吸引就去試下，在魚池旁見海鮮都生猛，問過經理係用呢啲海鮮先落單，點知嚟到啲海鮮又細又唔新鮮，應該唔係魚池見到嗰啲，龍蝦得幾舊亦唔好食，連魚都冇乜味，蜆有沙又細粒，蝦仲衰個頭黑哂，離哂殼，炸生蠔就腥到冇朋友，蟹肉西蘭花如圖一pat嘢咁，只見到少少蟹柳加啲生粉水，炒飯就普通偏差，鮑魚雞煲既鮑魚硬過我條命，全部餸冇碟合格，間酒樓開得喺呢度應該做街坊生意，咁既手法太差，服務態度又差，絕對唔會再去幫襯（加埋一、白飯，汽水，五個人$2000埋單），呢個時勢我比多少少去食Buffet好過ps 隔離兩條邨隆亨、新翠既酒樓普普通通都好過佢成條街…查看更多

食物質素唔洗講，198我係無特別期待，關鍵係佢唔出野食，叫左5樣野，2個鐘先出到4樣，重要現場客人唔多，我覺得係佢地個手法太賤，完全係等你坐到時間走人，咁樣做生意真係第一次見…查看更多

The siu mai is salty and one of the worst tasting ones, other thing like the cheung fan and radish cake are just as normal. One of the best thing they have there is probably the chicken feet and spareribs rice. The service is very below average because  for just asking for a small plate of sauce will take forever and take note i waited for almost 45mins and it didn’t arrive after asking 3 different staff for it. Prices are reasonable. Surrounding is okay we didn’t need to wait too long to get a seat. But because of the service will prefer other place.…查看更多

下午3點鐘去食下午茶大把吉枱 但上至女部長下至執枱都堅持要人搭枱😮‍💨不適合1-2人去食，他們不歡迎你人少，女部長把關把得好，直頭叫你唔想搭枱的話去第間食如果一個人去食 最好加多位茶錢 唔係會被眾職員白眼…查看更多

唔需要太高檔，街坊飯堂都可以食到新鮮海鮮！今次去咗一間叫做「海滋味」嘅小店，隨便一坐，環境係咁樣舒服，得個風扇轉來轉去，但就係呢種平民風格添增晒食物嘅親切感🍲。望住一排排醒目嘅海鮮，忍唔住口水都流晒出嚟。跟手點咗個炒辣椒鮮蝦，蝦仔夠彈牙，辣椒帶勁，起鍋香飄四溢；推薦個石鍋魚頭豆腐，魚頭嘅鮮甜湯底同滑溜溜嘅豆腐配合得就好似天生一對嘅戀人💕。講完湯，話說返個薑蔥炒螺片，味道夠哂醒胃，螺片新鮮無腥味，簡直係食海鮮嘅必試之選👌！啲食物簡單無華麗外表，但絕對做到事半功倍嘅滋味。下次諗緊食咩，記得街坊式嘅「海滋味」，保證你食得開心，又唔使擔心荷包。…查看更多

中秋同朋友去慶祝，俾咗成$288，叫碟龍蝦伊麵，hi! 芝士又要加$30，龍蝦又凍又腥，好似啱啱翻叮出來咁，真係大失所望。之後諗住嗌個甜品食吓，又話冇。貴又難食，叫人下次點樣嚟幫襯呀大佬？結果有個friend，喺隔籬M記叫咗個包…查看更多

勁多吉枱，明明唔爆就逼人搭枱，講左疫症其實唔好搭枱，個女人就話咁一陣爆都要搭一搭，咁都ok呀你做生意，點知佢最後話都係要你搭呀🙄🙄仲要有吉枱一黎就安排係人地枱到，唔係我不滿呀連對面食客都不滿啦，同佢地講話坐低左就唔理，個經理只係問門口點解咁多位都唔比人坐左先，跟住就話唉，唔洗理啦由佢唔坐左啦，咁樣做生意點做呀，正一垃圾酒家。…查看更多

慶㊗️老豆生日飯，我哋去咗屋企附近的囍慶酒樓吃晚飯慶祝。整體每個餸菜都有水準，片皮鴨不會太薄皮，🐟水煮魚也不會太辛辣，老人家都吃到，而🦐黃金蝦炸到卜卜脆很惹味，小朋友最鍾意食，另外、🦞龍蝦伊面的🦞龍蝦很新鮮，份量也算多，當然少不了壽包及生日蛋糕🎂！爸爸媽媽很滿意，下次到媽媽生日，可以再去了！.———————…查看更多

見倒kkday 有優惠用$158買左一隻片皮鴨，點知就中哂伏片皮鴨皮每塊都大小不一，有大有細，有啲又超級薄，相信師傅唔係好識片:(而且雖然係一隻，但皮既份量同半隻差唔多，另一半已經係連住哂啲鴨肉。如果唔當係片皮鴨咁食，個調味係OK嘅，但真係唔係片皮鴨嗰回事而烤餅都係用現成既，質地有啲膠，無咩麵份味。配料青瓜同樣都係切得好差。加錢$18既花膠燒豆腐就算正常，調味可以再濃啲。總括而言真係無下次。寧願佢認真做片皮鴨$158賣半隻好過。…查看更多

朝早飲茶食點心，明明漏單，叫啲啊嬋經理查單之後又話冇漏單，之後果半粒鐘完全冇黎到一疊野。再同其他男嘅經理查返原來根本冇落到。之後搵返個啊嬋經理來理論，佢直接龜縮返廚房。勁唔gur …查看更多

服務態度都係十分差，冇一個係正常，由部長到傳菜姐姐，都係劣到冇得頂！部長串過碼頭咕哩，樣同態度都好串啲尾音係睇人唔起嘅嗰種，叫其他夥記冇一個一人應，正宗阿崩叫狗越叫越走，傳菜姐姐一路放低碟菜一路喺度呻冇人幫佢喺度呻辛苦，我已經盡量幫佢手拎嘢，除咗咁我諗唔到辦法可以再幫佢。仲有食物品質非常差條魚未蒸熟生嘅，啲菜拎到嚟係凍嘅，啲生炒骨名副其實真係骨，一啲肉都冇味道又淡又冇味，係咪玩健康食品最高境界，冇糖冇鹽冇味道影相就影唔落手啦，一路食一路背脊骨落，都冇乜胃口見到啲餸就唔想食。…查看更多

今日特別想食燒味飯，但又唔想去連鎖式快餐店買，因為佢地既燒味飯mark up都好貴4x up，我今次就見到茶樓有燒味部就買盒黎試試，心諗點都唔會伏到掛🤣一盒單併燒味飯，好抵食，印象中$30都唔使，但記得唔太清楚，總之一定within $35！我今次叫左油雞飯，燒味師傅斬得勁靚，油雞啖啖肉，油雞又唔會太鹹或者太油膩，味道啱啱好，好滿意，仲有勁多姜蓉，扒飯一流，簡直ichiban下次會想試下佢地既燒鴨，睇下掂唔掂#燒味…查看更多

我訂枱食飯，自來洒水，我已詢問過，他說ok，但員工態度不好，我說唔夠冰塊，我問主任，主任叫我問經理，我到咗開茶，大慨6至七人到,員員工比我的感覺，是唔休做，我到柜面埋單，酒樓要收6人茶錢，收我102.5元，我説得3人到，這間洒家有問題，請大家看到信息留意吓，我不再這間集團飲茶和食晚飯，大家思考吓，員工唔休做。…查看更多

我哋每年都有個習慣，就係習齊一班好朋友 #初三 出嚟 #團拜。一如以往，我哋先去飲茶，再上住喺 #大圍 嘅 #朋友仔 屋企 #打麻雀、發吓新年財。呢日我哋嚟到 #顯徑村 嘅 #喜慶酒家，好在一早有人過嚟搵定位，#小秘書 嚟到就有得食。唔係誇張，我班朋友幾乎成張 #點心紙 裡面嘅項目都點齊，源源不絕嘅 #點心 一碟又一碟送到面前😅 真係多到覺得有啲壓力（好彩有人埋單）🤪 #鳳爪排骨飯、#燒腩仔、#炸魷魚鬚... 都係 #小秘書 至愛😋 #蒸飯 吸收哂所有肉汁，好惹味🤤 #燒腩仔、#炸魷魚鬚 都好香脆🤤 不過件 #叉燒酥 就有啲失真，師傅似乎唔記得將佢加熱，咬落去凍嘅🥴 想搵 #服務員 幫手處理啦，又叫極都無人得閒，更何況有人過嚟加水😅 難得屋村酒樓都有唔錯嘅裝修、食物質素都唔並差，如果服務可以加以改善，呢度都算係「飲茶」錯嘅飲選擇😚…查看更多

我經常嚟呢度飲茶原因唔係因為食物而係以茶樓來講，呢間環境係比較好少少嘅，（下便嗰啲茶樓我一定唔會去㗎啦）為咗坐得舒服我會嚟呢一間，食物質素呢，我嗌左熱嘅糖水，其實就係溫嘅，不算太熱⋯⋯點心其實都OK，冇其他人講到咁難食，但是非常好又說不出來，中規中矩啦！…查看更多