嚐樂

营业中

休息中

我問朋友，點解每次出去食完晚飯，指定動作都要去吔甜品先覺得舒服呢？答案係: 因為好多食肆限時1.5小時，傾計時間真係唔夠，所以要轉場再傾過，咪唯有去吔甜品囉。呢一晚食完韓燒，就轉去九龍城試下未食過既甜品店【嚐樂】。店仔細細坐得唔係特別舒服，不過係okay既，店員服務很好很親切，加上好多figure吸引住視線，唔通係賣點之一 ? (笑)喺門口等位時已鎖定目標要點呢個紅綠花，雖然我唔係抹茶控，但被旁邊既丸子紅豆吸引住，加上底層既滑滑豆花，不會過甜，而且配合跟丸子紅豆起來入份外清新，幸好抹茶雪糕冇我討厭既苦澀味，抹茶味唔算濃，食起上嚟份外開心。另外一款唔記得咩名，係芒果系的 (笑)，芒果西米露加丸子，係啊...我最愛既丸子啊！仲有一球芒果雪糕加芒果肉，略嫌西米露太清唔夠濃口，其他材料算係唔錯，不愛太甜既朋友可能會中意呢款，整體冇乜特別，唔算突出喔！總結店員服務好，甜品做得用心，下次會再幫襯啊！ (笑)

食完泰菜，突然間好想食甜品，於是就搜尋下附近有咩甜品店，一搵見到呢間喺我地食飯附近，食完泰金國轉個彎行到街尾就見到呢間位於轉角位嘅嚐樂啦。店內得幾張枱，地方細細，但都睇得出老細幾用心去佈置，貼落旅遊地方嘅明信片同埋相片，一路食可以一路欣賞各地風景，都不失為一個好主意嘅。甜品方面，主要係雪糕嘅配搭，我不喜歡食雪糕，所以就叫了個楊枝甘露，朋友叫了黑炭頭和金玉滿堂。呢個楊枝甘露又幾清新，原來石榴汁嘅香味配合埋金柚同芒果出嚟嘅效果幾唔錯，唔會甜膩，比起其他食開嘅楊枝甘露味道更為突出。黑炭頭有齊晒朋友喜歡嘅曲奇雪糕，朱古力餅同涼粉，一次過滿足晒3個願望。金玉滿堂，就咁睇落已經七彩繽紛好吸引，裡面有鮮什果，芒果啫喱，椰果同埋小丸子，我試左啖口感也不錯。

"OK篇"兼龍城食記不經不覺已寫到近尾聲, 前幾篇分別介紹了泰菜、食腸粉、飲夜茶、西餐廳、茶餐廳 (潮州菜就較早前寫了南記)...中間又夾雜了去Smile Yogurt及去新開的Highfive 食雪糕, 寫開甜品不得不提兩間心水店食甜品, 就是今篇119嚐樂及120的小方糖.前言:  嚐樂在賈炳達道與打鼓嶺道交界口, 對著城寨公園, 算是龍城最靠邊的外圍區, 雖然店鋪細但因為位置較偏遠, 比其他在中心區的甜品店易搵位, 窗明几淨, 甜品細細杯十零廿幾蚊有交易, 街坊味濃單車友駕著'戰車'幫趁有優惠、幾位店主全部落手落腳做, 在玻璃窗上的告示就可見他們的生活態度, 招呼令人舒服, 幾'街坊feel'唔識點寫點形容, 店子細細但氣氛很好, 遠離繁囂不太嘈吵, 行遠少少又何妨?!  幾年前開始honey就間中帶我去吃一杯, 是我們撐枱腳的心水店之一.  今晚飯後又想吃點什麼, 近來吃得太多聯發的鮮油奶多, honey對我件鮮油開始多多意見, 所以今晚又來了嚐樂.今日: 一坐下, 點了我的例牌 - 金玉滿堂, 咬著啫哩, 椰果及珠珠, 味道純樸賣相一向簡簡單單, 乾淨企理, 感覺良好, 但吃

放工同朋友仔想揾地方坐吓，四點幾，啱啱開門就衝入去！選擇都幾多嫁！不過我係綠茶控，所以就揀咗依個星星茶莊，最底層係綠茶果凍，甜度適中，配埋個綠茶雪糕同蜜糖星星，好清新呀！而我朋友仔就揀咗個藍莓雲呢拿雪糕蜜桃杯，哈哈，我唔記得咗杯野個名lu！杯野入面有啲蛋糕仔，幾得意喎！一定會再去試其他野！

九龍城從來都不乏甜品店，不論身在何處，總能在附近找著一家店。這次都到了街尾一家小店，只有數張桌子，大概廿個座位吧! 這裡有中式也有西式甜點，但愛好綠茶的我很容易便作了決定!我選的是紅綠花，由豆腐花、小丸子、紅豆蓉及綠茶雪糕製成。豆腐花味道偏甜，感覺很像百福呢! 小丸子很有咬口而且煙韌，綠茶雪糕茶味不濃，但配上紅豆就就是無敵了!友人點的是大小球，由綠茶、曲奇及雲呢嗱雪糕組合而成，最後加上了朱古力脆脆，增添了不少口感。品份量真不少，但各種簡單材料配搭起來是不錯的，有空也可在家裡試試弄製!

間唔中都會過來食下甜品,其實呢度點甜品都幾好食, 唔明點解次次來到都咁少人。平時都係食開佢的中式糖水, 覺得味道都唔錯。但話晒而家榴槤當造, 今次就心郁郁試左個菓皇水晶豆付花 個甜品主要係豆付花底, 上面有點榴槤肉同榴槤漿。以前都有食過呢度的菓皇甜品, 覺得榴槤好夠味, 但今次雖然都好食, 但覺得榴槤味就淡左點, 唔夠濃同香, 有點失望。相反芒果達人係老公至愛, 次次來到都會order, 風雨不改。有芒果雪糕, 鮮芒果肉, 西米露同芒果布甸, 甜度適中, 不會太膩, 值得推介。

味道，是不錯的, 綠荼雪糕味道不錯, 豬古力雪糕味道不錯, 果凍就還OK, 不萛太甜. 其中一杯那些丸子太凍了, 硬晒份量，不是太滿意, 很小杯, 食完很空虛誠意，很一般，70%果凍（唔凍），一球雪糕，適量蜜糖星星，沒有特別設計, 令我想起許字頭,that all杯不凍，來到時雪糕已溶了不小價錢，萛是還可以的，對我來說是不值的，沒誠意的產品就是不值.排隊時間: 0分鐘.回頭率: 10%眼見多數外賣都是渣渣, 可能會比較好

年初參加了西貢團年飯活動，吃了一頓豐富的海鮮餐後，回家途中有朋友提議吃甜品，找了一會就選了這裡。其實已知這家店有一段時間，經過幾次都沒吃到，是日就一行五人來，一口氣多試幾款口味。甜品店門口貼了幾張有趣的貼紙，如營業時間寫著"瞓醒先開，賺夠即收"。另外凡帶可愛寵物、駕單車、電單車和穿校服者也可享九折優惠。除了供應傳統中式甜品，還有一系列自家創製的甜品杯，看起來挺吸引，我們就各自選擇自己喜歡的，然後再一起分享。星星茶莊。有一顆顆星型的蜜糖粟米片做裝飾，賣相可愛，配以綠茶雪糕和綠茶果凍，果凍味道清新帶淡淡的茶味，又不會過甜，味道不錯。藍水晶。整個甜品都是藍紫色的很漂亮，不過覺得藍莓雪糕與牛奶布甸的味道不太搭，另外食友們都覺得藍莓水晶珠不夠爽，口感較像西米。菓皇水晶甘露。除了聰嫂外，比較少在別的店吃榴櫣甜品，但這個水晶甘露做得不錯，啖啖榴櫣肉，又不會過甜，配搭這裡的水晶珠一同吃也很好。黑糖奶茶王。雲呢拿雪糕配奶茶果凍，加上曲奇碎和黑糖漿，聽起上來好像很吸引，但選這個甜品的食友有點失望，一來奶茶果凍的口感麻麻，雖然有濃郁奶茶味，但毫無果凍口感，而且味道也偏甜，整體的配搭一般。黃金島。應該是楊枝甘

每次同朋友去親九龍城都會去食嚐樂食甜品，必叫黑咕嚕同奶茶皇，另加其他甜品!! 通常黑咕嚕同奶茶皇就會好快就俾朋友瓜分哂!!雖然天氣凍,但冬天食凍野別有一番風味!!

路經九龍城此地，飯後入去食些甜品，眼看店內都不是好大，又不是好多座位，不過起初我都俾個甜品Menu 吸引了我入去，「嚐樂精選」都是雪糕為主，只是有一兩款是冇雪糕，幸好店內都有其他傳統的糖水、涼粉、豆腐花、貴妃金露系列.....讓客人都可有其他糖水食。一場來到當然都是試招牌甜品，人氣甜品之一黑糖奶茶王30元令我最失望，材料有黑糖漿、雲呢拿雪糕、奶茶果凍及曲奇餅碎，一眼望已經太過水汪汪，餅碎都浸腍晒，奶茶果凍雖是好有甘香濃郁的奶茶味，但是為何是變成一pat pat又不彈牙可口?我以為食緊BB的糊仔?!賣相已經晤討好。只靠黑糖漿散發黑糖的香味始終晤夠搶。其實似焦糖多過似黑糖！冇黑糖味道？ 

吃過數次，黑咕嚕，大小球，藍水晶，糖不甩都曾嘗樂，不過最好吃及特別可算是奶茶王，奶茶味香濃而不甜膩，帶有奶茶凍，雪糕附上焦糖漿，不會過甜大小球則只滿足吃雪糕的欲望，黑咕嚕則有香濃朱奶，布甸，像兒時吃的可可米，重拾朱奶的懷抱

是日晚飯後朋友提議吃甜品, 到九龍城後發現幾家甜品店都大排長龍, 最後決定排這家"嚐樂"等了20分鐘才有位。這甜品店款式不多, 但配搭比較新穎及有心思。黑咕嚕=朱古力雪糕 + 咖啡果凍 + 朱古力脆脆咖啡果凍好香, 軟硬適中。雪糕香滑, 加上朱古力漿, 真不錯。曲奇雪糕涼粉:好味雪糕木糠豆腐布甸及朱古力雪糕豆腐布甸;豆腐布甸夠滑=]好味！下次帶阿囡來食！

七點鐘，九龍城的餐廳都坐滿人，甜品店仍在等晚飯後的人潮。我趁這空檔靜靜吃甜點。店子小小，門口很濶，橙色牆身，感覺寛敞。簡明的menu看得心花怒放。我選了黃金屋，老公選了口爽爽。黃金屋用了貴妃金露加柚子果凍及西米露，好清新的配合。貴妃金露是石榴汁版本的楊枝甘露，我真的好喜歡這組合，沒了一般花奶的膩。柚子果凍很足料，比上星期於另一甜品店吃的要美味十倍，不論是柚子皊問題，或是彈牙的質感。老公的口爽爽，是涼粉，紅豆，及西米露。也美味，但黃金屋更出色。

已經不是第一次來到這店，第一次是大肥無意之間找到這店帶我去，初初沒有抱太大期望﹐但嚐過後方覺得名字沒有改錯，的確使人嚐樂。 這次和朋友們在九龍城吃過泰國菜後，時間尚早，便想轉戰糖水舖，可是嚐樂地處較偏僻，初時真的想不起，還差點想試試較新的小方糖，但閒日的小方糖竟都聚滿了人，當下便想起這一小店。 我們一行七人來到店前，店員即時幫我們砌好桌椅，服務加分。之前吃過它中式也吃過西式的，始終忘不了它的腐竹白果糖水，這道糖水做法雖簡單但要做得好也不是易事，腐竹的質素尢其重要。這次再看餐牌才發現此註明了使用深水步的樹記腐竹，實在不得不點，並加多一客糖不甩。友人都有選擇困難，所以大夥子都叫腐竹白果糖水。 事隔半年再試，水準依然！腐竹白果糖水大家都讚好，腐竹又香又甜，作為飯後甜品令人感覺清新又滿足。而糖不甩則是另一驚喜，此店的花生有別其他店，有大粒有細粒，再加點芝麻，甜度適中。而糖不甩本身不會太黏，吃後不會有濟的感覺，使人喜出望外。 總括而言，此店的甜品普遍水準都不俗，值得走多兩步過來嚐樂。

一大班人約我慶祝生日，吃過晚飯後，雖然已吃了飯後甜品(生日蛋糕)，但來到九龍城，當然要食埋甜品先走啦! 行行下來到這間，有人介紹說這間好吃，便坐下了看著餐牌，心多多，全都好吸引，芒果和奶茶那個都是人氣的，但我不想吃芒果，又不喜歡奶茶最後我選了金玉滿堂，貪其名字好聽(正值新年期間)，色彩繽彩，又有小丸子 但有點傻，只有水果，加些煉奶和小丸子，就廿幾蚊，其他較特別的，都是差不多價錢我沒有試光其他人的甜品，但所有甜品的賣相都十分討好，可能因為我們點的都是用杯盛著，可以看到層次我最喜歡有層次的食品，好像每一啖都是新鮮的，愈食愈驚喜這一間的甜品與其他鋪不同，有人氣的都是自創，而不是楊枝金露或什麼黑珍珠等度度都食到既野，十分欣賞此外，侍應雖然於十時多仍要工作，但仍談笑風生呢! 這，讓我留下了美好回憶