嚐味館

喺柴灣街頭漫無目的行走，忽然發現咗「嚐·味館」，入到店內先知原來係雞肉控天堂！佢哋嘅雞肉料理選擇真係勁豐富—海南雞、醬油雞、香妃雞、口水雞、芝麻蒜香雞……每款都想試！今次我揀咗，配上店家自家熬製嘅例湯同成套飯套餐，食落超有滿足感。豬頸肉香嫩多汁，醃得入味，沙嗲醬唔太重口但夠香，超適合送飯。例湯溫和暖胃，感覺好似屋企媽媽整咁溫馨，唔加味精令人好安心。另外唔可以不提嘅仲有佢哋，大大隻，酒味香淡，唔會嗆喉，做得恰到好處；尤其適合作為小食中和飯菜味道。食完鹹嘢，點少得甜？我哋仲點咗佢哋每日新鮮自家製嘅，甜度剛好，用3.6牛乳做底，滑得來有奶香，食完成個人都有幸福感。整體嚐·味館係一間小店，但選擇多又值得信賴。環境簡潔，最啱攜家帶眷定係返工落班想快手買返餐外賣嘅時候。人均 HK$50–80 就可以食飽飽又暖肚，cp值超高。總結嚟講，如果你同我一樣鍾意雞肉選擇多又唔想食得麻煩，「嚐·味館」絕對值得你食過一次再回頭，簡單、好味、暖胃又暖心。…查看更多

之前銅鑼灣有分店嘅時候中午食過1次外賣仲好記得佢嘅海南雞非常嫰滑，今次難得嚟到呢邊探完朋友，就突登經過買外賣返屋企食。除左雞之外，小店仲有好多其他選擇，今次去到老闆就話豬頸肉岩岩新鮮出爐，於是決定就試一試。豬頸肉飯<沙嗲汁> - 老闆話係用正宗印尼沙嗲汁，的確食落真係甜甜地，個汁幾好送飯，豬頸肉肉質鮮嫰爽口。例湯 - 湯料十足零味精，完全住家湯嘅感覺。酒槽雞翼 - 大大隻嘅雞翼，食落酒味唔算太濃。牛乳奶凍 - 甜度岩岩好，而且仲係用3.6牛乳整所以特別香滑。…查看更多

🍽️嚐·味館 (柴灣)地址: 柴灣小西灣道23號富怡花園地下36號舖這家小店專售各式雞肉料理，選擇相當豐富。有海南雞、手撕雞、竹鹽香妃雞、醬油雞、香蔥油雞、芝麻蒜香雞、口水雞以及霸王雞，對於喜愛雞肉的我來說真是太合適了！此外，還有肉燥飯、滷水牛腩、豬手、雞翼和甜品等美食，今晚決定買回家好好享用！☺️無骨醬油雞飯賣相極佳，用海南雞的製法，再浸落特製的醬油而成，與普通的豉油雞不同，味道非常出色，雞肉嫩滑入味，啖啖肉，配上濃郁的醬油，讓人忍不住多吃幾口。☺️豬頸肉飯令人驚喜，主角豬頸肉醃製入味，肉質鮮嫩多汁，每一口都散發著香味，十分滋味。☺️最後試了二款這裡每天新鮮自製的甜品，芒果布甸及椰汁西米露，芒果布甸以新鮮的芒果製作，色澤鮮艷，口感滑嫩，甜而不膩，椰汁西米露內有軟糯的芋頭，西米晶瑩剔透，椰奶濃郁而香甜，令人回味無窮。這家街坊店的價格親民，下次一定會再來光顧！…查看更多

自從銅鑼灣店冇做之後一直都好懷念，今朝黎柴灣探朋友，當朋友推薦買外賣返屋企食時，居然發現嚐味館原來開咗黎呢邊！🥹以前試過曬佢啲雞飯，出名無骨嫰滑，不過今次特登試新嘢😗滷水豬手飯🍖 非常入味，啖啖骨膠原😌份量又足！加配例湯🫕住家老火湯，連湯料都比埋你，冇味精，正！桂花糕 + 椰汁糕 各一🍰 兩款甜品一啲都唔甜，細細件食完剛剛好👍🏼如果第日有機會expand做埋堂食就好了🙈－定會再捧場，期待中～…查看更多

星期一去左小西灣嚐味館賣外賣返屋企。店舖主打雞，有各式各樣既雞: 海南雞、醬油雞、香蔥油雞、手撕雞、竹鹽香妃雞、芝麻蒜香雞、口水雞、霸王雞，一定有一款岩。買外賣返屋企食，甚至斬料加送都得。無骨海南雞飯 $51+$3轉香油飯，香油飯香好多，襯海南雞多啲，海南雞肉質嫩滑，下面仲鋪左豆芽同紅蘿蔔絲。例湯個湯好足料，而且飲得出無味精，拎到返屋企都仲係好熱。跟海南雞飯送嘅，有碗湯飲下潤吓喉。芒果布甸 $20有新鮮芒果粒粒，唔單止係面，布甸入面都有，甜度適中，口感軟綿綿。…查看更多

嚐味館😘😘😘快閃海南雞小西灣富怡花園、路過行過、快閃便當海南雞外、仲有甜品、3.6北海道牛乳甜品、yummy yummy 👅👅竹鹽香妃雞飯$46竹鹽香妃雞雞味香濃，雞肉嫩滑淡淡肉，聽佢哋老闆話系用海南雞加上竹鹽來處理嘅，唔怪之得多咗一陣鹹香味、蘸點姜蓉、提升味蕾口感！濃香雞油飯！爽口有嚼口！時日例湯無味精例湯、清甜滋潤！北海道3.6牛乳椰汁西米露香濃軟滑3.6牛奶、煙韌彈牙西米粒、椰味香濃、creamy 😃飯後甜品一流椰汁糕$6龍蝦嘅椰汁味，煙煙韌韌彈牙有嚼口、甜度剛好！桂花糕$6桂花清香、入口甘香軟滑、清甜回甘！嚐味館柴灣小西灣道23號富怡花園地下36號舖…查看更多

銅鑼灣店食過就念念不忘 冇咗真係可惜😫還好比我呢個神探搵到嚟小西灣✔️無骨海南雞香油飯🐓🐥 鍾意呢度嘅香油飯 夠晒香茅味得嚟 煮得都比較乾身 唔會話食到成口 餐廳嘅主打係雞嘅菜式 食雞一定冇得輸 果然雞肉煮到恰到好處 熟度拿捏得好好 食落夠晒嫩滑 而且已經去咗骨 啖啖肉好爽皮 ✔️滷水豬手飯 滷水豬手滷得好入味 唔係超級腍果種 係腍得嚟又有少少咬口果種 正正係我鍾意嘅口感 配埋店家特製嘅豬手汁食一流（唔記得影） 豬手底下仲配有甘筍同埋大豆芽菜 吸晒啲滷水汁超正✔️柚子橙皮蓮藕片 呢味絕對係手工菜 蓮藕切薄片輕輕灼一分鐘 再慢慢磨咗柚子同橙最外層皮屑 真係淨係可以用有顏色嗰層㗎咋 一刨得深啲 白色嗰層就會帶有苦澀味 真係每一啖都係心機嚟㗎 蓮藕藕片食落清新爽脆 熱辣辣食真係好開胃✔️例湯 好值得回味嘅item 唔係話跟餐就做得Hea㗎 湯料有老黃瓜、紅蘿蔔、粟米、雞腳、豬骨 （係呀碗仔細細 但都裝到晒所有湯料） （飲完先知out focus 咗🥲） 飲落好濃郁 有家的味道 我呢啲冇湯水飲嘅人類 絕對要比100個讚👍🏻 ✔️椰汁西米露 用上3.6牛乳 食落好滑溜 西米好彈牙有咬口✔️腐竹糖水 呢碗勁喇 係濃稠到一個食一碗可以飽嘅地步 睇下有超級多嘅薏米同埋白果 成碗已經好杰身餘 我仲見到有腐竹嘅蹤影 食落有唔同嘅口感 重點係店家仲用樹記腐竹 $20碗真係擔心老闆會蝕本 ✔️桂花糕、椰汁糕 桂花糕帶有淡淡嘅桂花香 唔會好甜 係小清新嘅感覺 椰汁糕有濃郁嘅椰子香味 有棉滑嘅感覺 糕點嘅口感都好啱口味 有qq感得嚟唔係得我最怕過多魚膠爽口嗰種重點係放工喺中環過嚟搭巴士都係20幾分鐘到 冇地鐵又洗咩怕？…查看更多

落車見到呢間新開外賣店，有海南雞、霸王雞、醬油雞等等，同時有滷水小食、串燒、雞腳等，方便加料做餸，買完老闆話佢地最近出左糕品同糖水，唔算好貴就試埋🙈🌟無骨海南雞飯轉香油飯｜$54油飯勁大兜，2-3個人食都得，海南雞約有7-8件，雞皮爽得黎有d彈性，肉質幾嫩滑，墊底仲有芽菜，整體質素唔錯👍🏻🌟檸檬蒜香雞腳｜$35幾開胃前菜小食，味道除左有檸檬酸味，仲有少少辣，雞腳入味，口感爽口唔會腍啤啤，仲有青瓜、紅蘿蔔醃菜🌟腐竹糖水｜$20原本覺得$20有少少貴😂但見話係用樹記腐竹就試試，糖水係凍上，食到一片片腐竹，有點咬口，不過唔算多料🌟糕點｜$6/件有椰汁糕同桂花糕，味道比較淡，如果椰汁糕可以加埋西米會更加開心🤣…查看更多

嚐味館 🍃位置超方便嘅外賣店🥡 對正巴士站，街坊最like🚏門面貼滿Menu相片，主打唔同口味嘅雞，另外亦有肉燥飯同滷水牛𦟌、豬手、雞翼同腐皮📸全部都係雞系列，總共8款🐔 雞、配菜同飯樣樣份量夠多！雞肉肉質嫩滑，同樣係無骨，雞皮有彈性🧽無骨海南雞飯🏖️海南雞配上薑蔥，再搭上油而不膩嘅油飯，係大滿足😋無骨醤油雞飯🟫上色嘅醬油雞色澤吸引，甜甜地嘅醬油香，送飯一流🍚雞肉下面仲收埋咗索晒雞精華嘅紅蘿蔔絲同豆芽菜🥕例湯係粉葛赤小豆扁豆🫘 喺天氣潮濕嘅夏季嘅必備湯水🧑🏻‍🍳 健脾祛濕💦 要煲到碗靚湯，豐富材料當然唔少得，一碗仲有齊豬骨同雞腳🦶🏽🦴天氣熱辣辣，食返兩碟冷盤小食降降溫先🌡️酒糟雞翼🍶爽口大隻嘅雞翼，加上粒粒杞子📍 酒味清香，意外地係甜甜地🧊柚子橙皮蓮藕片🍊白雪雪嘅蓮藕切片，清脆完全冇澀味🧂 配搭柚子同橙，係款酸酸甜甜開胃前菜🥶…查看更多

勁有heart嘅抵食好味外賣小店😍手撕雞冷麵🧊 $40天氣熱想食冷麵，有手撕雞，芽菜，青瓜，蘿蔔，加芝麻蘋果醬，個醬有蘋果蓉同好多芝麻，所以食落好refreshing，蕎麥麵爽口，啱曬夏天食☀️竹鹽香妃雞飯🐔 $46雞雞應該係依到招牌菜，雞肉嫩滑有雞味，加咗$3轉海南雞油飯，香口又唔會太油膩。個例湯超正！無味精又勁多料👏🏻沙嗲炭燒雞肉串🥘 $36個沙嗲汁勁正，惹味有花生香。全部食物都高質又抵，無煮飯嘅外賣好選擇😗…查看更多

 今日天氣好熱，不想入廚房煮飯，就去屋企附近新開的外賣店❤️嚐味館買飯🥰店員好有禮貌，會同客人介紹食品。店舖提供很多款式，其中以雞菜式拿手，有各種口味，適合喜歡吃雞的我😘🥩滷水牛展飯$55加5蚊有加秘製肉燥 肉燥瘦肉為主，健康些，飯量多，抵食👍牛展好淋，好入味，好喜歡🥰🐔口水雞（例) $55  個汁好開胃，酸酸辣辣，令人胃口大開。雞肉好滑，皮下仲有層啫喱狀，高質。 滷水腐皮＄22街坊店價錢親民☺️下次會再幫襯。…查看更多