嘉麗園潮州粉麵餐廳

营业中

休息中

一個人的晚餐, 今天選擇了嘉麗園。一間又愛又恨的粉麵鋪, 原因是好味但好貴!今天星期一, 7點半不太多人, 自己一個人坐一張枱, 坐低必食牛肚河, 腐乳通菜。牛肚河, 湯底濃郁,偏咸, 河粉好碎, 比較幼身及淋, 牛肚足夠份量, 很入味, 配上蒜蓉及蔥, 整碗牛肚河很出色!食完夠飽..我喜歡吃辣椒渣多過油, 食落去好香, 好辣, 但又未至於食不落口。腐乳通菜, 招牌菜, 價錢貴, 但腐乳與出面一般的不同, 味道很香,但就比較咸, 菜就普通不算嫩口, 加左少少油及豉油, 惹味但就好像好肥!!一個女仔食完牛肚河及菜, 飽到上心口...再望一望餐牌, 原來這裡有特別野食....價錢貴,埋單4x元 , 已經沒有叫飲品, 但份量足而且牛肚入味, 湯底腩汁夠濃, 應該淆了很久...不過不喜歡重口味的人就要考慮食這間粉面鋪了。而我會間唔中再幫襯!!

去到我最愛既嘉麗園，第一時間緊係搵個位坐低叫碗牛腩河，再叫支可樂。吾洗兩分鐘，一碗熱騰騰既牛腩已經放左係我面前，食河前落幾滴秘製辣椒油是常識吧！牛腩柔軟，中間仲有嫩滑既牛根做點綴真係好好食！五香牛腩好有口感，肉嫩多汁！！幼細河粉容易入口，加上有濃郁牛肉味既足料湯底好正！總括尼講繼續保持一貫水平，唯一美中不足係坐得吾太舒適，一碗河粉價錢37元亦比較貴左少少。

成日行過見佢又明星介紹又小巴廣告好似好好食，時常爆滿。下午三點幾行過見佢有幾個位又剛好肚餓入左去。未坐低個哥仔就問我食乜。冇考慮下除便叫左個牛腩河，哥仔仲問我要邊個位置嘅腩。問我梗係食邊腩啦。好奇地再睇睇餐牌係唔係真係可以點唔同部位。一睇個心停左秒。$55碗牛腩河！即時唔敢再睇落去。一碗等於兩碗，點計都唔會好食成咁啊？兩分鐘唔駛碗野就喺我面前（整定？）。飲頭淡湯，鹹！跟住有陣超重八角味喺個口道。第三個喺條脷浮出黎嘅味道？味精！！！碗野五十五蚊，真係唔想再叫野飲送錢比個老細。拿拿聲食完碗粉同啲牛腩埋單過隔離便利店買野飲。五十五蚊買左一整個下午嘅口乾，淨係念到“無良“兩個字。以後唔會再去。

今日見得閒就特登撘車入元朗去嘉麗園食我最鍾意嘅腩什十寶河粉,入到去元朗都差唔多晏晝十二點咁上下,好彩可能午市剛到午飯人潮未到一入去就有位,我哋一行兩人入到去就坐低叫嘢食,一攞個餐牌睇就見全部之前食開的粉麵都加咗3元,而我上次幫襯都係5月尾即暑假前的事了。不過唔緊要!味字當頭,之前一路食開佢味道好而就算通漲加價都無可厚非一定繼續幫襯。好啦叫咗我哋必食的三樣腐乳泰國通菜、紫菜凈墨丸同"賣飛佛"嘅潮州全套腩什十寶河!由落單到食品上枱一貫慣例三樣到齊頭尾都唔洗5分鐘"底讚",侍仔禮貌都OK。入正題啦!我哋叫嗰三樣腐乳泰國通菜($20)、紫菜凈墨丸($38)同埋"潮州全套腩什十寶河"($55)色香味依然保持水準,但唯獨係個腩什十寶河粉D河粉比之前少咗成半,得番普通嗰D$36碗的一個河粉的份量!!心諗,冇來都係幾個月乜D出品差咁遠!之前叫潮州全套腩什十寶河粉賣緊$52嗰陣都係有足兩份河粉!依家要賣成$55但河粉就少咗一半!!三樣嘢埋單盛惠$113~不過依家腩什十寶河粉縮咗一半水,我食完都係得7成飽。以前腩什十寶河粉份量夠食完就好滿足兼10成飽,但依家就差D啦!貴咗又細咗~(T_T)以後我都會照幫襯

芸芸中式粉麵當中，最愛的始終是潮州粉麵。濃濃的湯底，灑上蒜粒香菜，也許會有一點點味精，美味難以取代。由於本人獨愛重口味，故此極愛重口味的嘉麗園。遊南生圍後，又來嘉麗園了，例牌牛什墨丸河+凍奶茶。奶茶就是一貫茶餐廳水準，湯底色底濃重，味道濃郁(也有味精)河粉是我很愛的，幼身滑溜。墨丸不會大大粒，但打得實淨彈牙，很有墨魚香。牛什當中最愛肥美的豬腸，這兒給的多為豬小腸，不怕肥的人會很喜歡的。此外牛膀也十分美味。嘉麗園始終是重口味人士之不二之選。

難得陪加拿大朋友入元朗一日遊~~ 忽然落大雨返唔到hk island.. 我哋就留喺元朗食dinner.我幾年前朋友帶過我嚟呢間食牛腩河.... 一食難忘今次朋友叫了個十寶河. 可以試晒全部丸 !! 碗粉極之大碗  女仔2 個應該可以 +個小食來share湯底不油~味道鮮~ 所有丸也好 QQ 好好食! 個人最愛豬肉丸!! 朋友愛墨魚丸仲有 佢地d  辣椒油 number 1!!! 大愛 !!最好係食完唔覺口渴. 應該無乜 MSG! 讚讚讚

今天已是我過去兩個月內第二次去食牛什了，今天下午二時多到達，生意一如以往旺場，叫了坑腩牛粉腸湯米＋淨牛丸，味道沒有上個月來吃時的美味，鹵水味淡了和不夠入味，服務員現在會問：牛坑腩要35元、45元或55元的？因為35元的不是本地新鮮牛了，如果像我一樣有要求的人當然會像我一様叫45元的本地牛坑腩了，這就等同變相加價十元，前題是食物貴了但沒那麼好吃了。

經表姐介紹話呢度D牛腩河全元朗最正,今日心血來潮,3號風球既情況下都黎一試,叫咗碗新鮮牛坑腩河,$45,唔使2分鐘就到,效率其快!先試吓個湯,牛骨味好濃郁,有味精但唔係好重手,讚!再食牛腩,本人感覺上炆得有D過咗火,肉質淋咗D,又比較有些"孩"口的感覺,只算是不過不失,未致於全元朗最正囉!全元朗最貴就應該係!要讚既係個河粉,彈牙得嚟又晶瑩通透總括來說,呢個價錢唔值,如果包埋杯豆漿或者凍飲都可以接受

年紀大又怕肥，幾年前已經戒了粉麵中最高危的河粉(嘉麗園除外XD)...真的只會到嘉麗園才會破戒，原因好簡單，好食囉！之前得朋友襄助解決了一些煩事，其中一個更是上了嘉麗園癮的九龍人，大餐就請不起，嘉麗園還afford到，於是就破戒同兩個朋友來幫襯。報定案先，舊式粉麵店都是坐得比較迫，態度就比較飄忽。嘉麗園另一特色就是將自家製產物當牆紙，的確試過一兩款都幾不錯。少不得特別好飲的玻璃樽裝汽水，還有有幾可食粉麵會出現的樽裝鮮奶，門口還有五花茶及豆漿以供選擇。而且一直沿用舊式雪櫃，總覺得用這類雪櫃更覺冰凍。友人的魚皮餃米 HK$33, 魚皮餃是屬於比較厚身大隻，而且咬落入面充滿魚油香，但不腥的，友人愛好嗜辣就最鍾意這裡的秘製辣油，好香。另一就是三寶紫菜河 HK$35，身為潮州人好明白家鄉紫菜是不可缺的，平時家中滾紫菜湯多，反而甚少放湯同粉麵一齊食呢，索上湯底都不錯呢！另外三寶就是豬肉丸，扎肉及魚皮餃，友人話似是新鮮打的，幾彈牙。最後就是我的墨丸牛腸河 HK$41，首先墨丸同牛什都是嘉麗園的招牌之一，有些比較雕轉的部位亦有售。先說墨丸，咬開就知道跟平常溝粉的有大不同，足料彈牙還有少許碎粒在入面。牛

老字號了, 現在香港很難找到可以吃牛什面的地方很久沒有去嘉麗園,今天去了吃一次.父親節嘉麗園沒有加價,吃了牛什面, 豆漿. 水準仍然很高, 湯底很夠味, 面很彈牙, 牛什做得很入味.沒有拍照, 但強烈推介不錯的選擇!

每次來嘉麗園都係Order牛什麵一直都無變過，牛什麵的味道都保持好可能係湯底夠濃，而另1樣腐乳通菜就麻麻可能係d汁都好油下如果唔比咁好多油會好些會無咁溜，元朗雖然係舊區不過發現有些食市包括這裡的嘉麗園一直都能夠做到現在，這裡環境也衛生，我自己個人想法佢地的食物出品一直保持水凖吧所以可以做到現在 

今日宵夜時間，試下比較出名既餐廳，慕名而來，當然只可以揀牛，我選擇左最普通既牛雜河，通菜加腐乳。不消一會兒，所有的落單已到齊，我先攞起湯匙，試試湯味，感覺香味非常濃厚，而且無一般潮洲粉麫既油立立既感覺。之後試河粉同牛雜，河粉唔算特別，牛雜內牛膀比較要讃，入口無粉既感覺，其他都不俗，總括黎講係好食既。

是日陪媽媽吃下午茶，她說很久沒吃這裡的粉麵，就來吃了吧！屹立在元朗也數十年的店鋪，紅通通的，一眼就能看見。不知它們的餐牌放到如此高⋯太不方便著名的什麼潮州三寶四寶，甚至十寶也有，價錢多由三十幾起，不包飲品。但媽媽不愛吃牛，只會點那樣⋯就是魚蛋河（$33），份量不多，只有魚片、魚蛋，不值票價，如果是我，價錢差不多，也寧願點三寶那些，配料較豐富嘛先說回魚蛋河，河粉幼身滑溜，魚蛋、魚片沒想像中的好吃，水準一般，不過也頗脆的，湯底較油，味精很重，吃完立刻覺得口渴就算店內怎推薦手打牛丸、魚蛋，但湯底這一項真的有待改善！食客只是吃它的人氣吧⋯店員的服務態度算不過不失了～

環境真係好迫,好多人,令人唔舒服!!不過食物質素好,補番數~!河粉真係好滑, 金錢肚好味又足料~!個湯底都冇得頂,另外連佢個辣椒油都特別香!值得一試~包你食過番尋味

這家在元朗出名的牛雜專門店午餐，它出名在於出售差不多牛的每個部位，其中包括’敏感’部位，如牛歡喜，牛春袋等。我當日只嘗了他們另一款招牌菜：十寶，包括牛腩，牛孖筋，牛雜。首先申明因我坐得真係唔舒服，基本上是同鄰枱陌生人背貼背，地下濕濕滑滑，位置仲對著勁大風冷氣出口位，真係無心情，周身唔舒服，影響食慾。至於他們的牛雜牛腩，我認為尚算好吃，夠味，炆得夠腍，湯底唔差，切工比較粗糙，不是我吃過最好的。 但是他們通菜值得一讚，用的是泰國通菜，非常細嫩爽口。腐乳有酸鹹辣椒味，調味相當細心。