嘉豪酒家

今次再嚟就係想試其他菜式，不過最主要係椒鹽豆腐鮮魷呢個，上次到我地叫就賣晒，而且人地上枱熱辣辣又大大碟椒鹽豆腐鮮魷 $ 98真係大碟頭，熱辣辣，非常香，炸漿薄雖然鮮魷唔算多，但係性價比高，豆腐外脆內軟又滑甜梅菜扣肉煲 $ 88煲上或者可以保存温度，食起上嚟好味啲，不過呢道菜建議轉碟上。本身扣肉雖夠肥，但係肉位過熟偏柴，再煲上更似瘦肉。。。味道方面係正嘅，入晒味，煲底墊咗少量菜，等大家食得平衡健康啲，而且個汁浸住特別惹味今次再去客量更少，真係個個都北上/自己煮。。。雖然環境一般，食物未見特別高質，但都希望未來仲有呢類平民價錢街坊酒樓撐住🙏🙏🙏…查看更多

免開瓶費長沙灣至深水埗之間，一間開咗好耐嘅街坊酒樓，食物收費合理，環境乾淨，服務亦唔差，只係人流唔多白雲鳳爪上枱發現有骨。。。要改善！另外鳳爪醃味唔夠時間，汁還汁唔夠入味北京片皮鴨 $ 98優惠價，皮量應該有至少半隻份量，有13片，雖然片皮鴨只係凍上，但鴨肉開濃，皮仲微微脆，唔輸其他餐廳酒家！鹹肉茄子四季豆 $ 88鹹肉香脆，四季豆同茄子有鑊氣，已經熟透又淋，調味到位酒樓仲有無限時任食火鍋，$200有找！雖然食材質素唔會高，但係無限時加$1xx價位無得輸！…查看更多

今日是10月14日(星期六)，很開心又去了長沙灣天悅廣場2樓的嘉豪酒家喝下午茶，這間酒家是一間舊式老式的酒家，經理，部長，待應什至傳菜的阿姐也是有一把年紀了，很濃厚的80年代的味道，坐下來，看一下點心紙，哇！好震撼吖，價錢超級便宜，由$15.8-$30.8，於是我叫了9樣的點心吃，點心好夠味道十分熱騰騰，超正，一邊吃一邊回到阿公阿婆帶我去喝茶的年代，太好味了，我叫了煮茄子，粉果，蝦餃，炸雲吞，蒸鯪魚球，香芋排骨，北菇豬肚燒賣，流沙包很流心，白灼時菜心，菜心很甜美，每一樣點心簡直無得壇，我邊吃邊讚，今次吃得歡喜沒失望，各位你們不用懷疑我是做馬，我的確是一個顧客，講真心話，這間嘉豪酒家真是便宜，好吃，經濟實惠，粉絲們有空去喝一下茶吧，點心超好，我會再來幫襯的，忘記講這間酒家還有即叫即煲的煲仔飯的，你們去試試吧！…查看更多

🎉農曆新年，到嘉豪酒家歡聚一堂，🏮環境燈飾襯托節日氣氛，🍽️餐桌上滿滿的美食讓人心花怒放。👨‍🍳清蒸大魚、咕嚕肉、蝦仁炒飯，👍每一道菜都充滿驚喜，🤤入口即化的魚肉、口感酥脆的鯉魚，😍都讓我們大呼過癮，回味無窮。👨‍💼服務員熱情有禮，👍不斷為客人倒茶送水，🤩讓人感受到節日和家人的溫暖。👪總的來說，嘉豪酒家是一個值得推薦的好餐廳，🍻在這裡享受美食、感受節日的氣氛，👍讓你的新年之夜充滿歡笑和溫馨！🎊如果你想和家人一起過一個難忘的晚餐，👍那麼嘉豪酒家一定是你的不二之選！…查看更多

📌 嘉豪酒家 - 長沙灣青山道155-181號天悅廣場二樓B室🗓(22/10) 星期六 ⏰ 晚上6點 🌐網址: https://s.openrice.com/QrbS0BGK000~ueeoDBA 💈特式：多年前香港好興呢d酒樓任飲任食火鍋，但近年都轉左興日式/台式火鍋，所以呢d酒樓火鍋都買少見少，呢d酒樓火鍋一大賣點就係「平」，好似我今日去食呢間，只需$168(假期加10蚊)全包價任飲任食，仲要無限你時間，如果你鐘意打邊爐又大食嘅話，呢個價錢一定可以滿足你，但質素/環境要求就一定唔可以太高。🥩🍔🌭🌮🥗🥯🥘🍲🍝🍣🥟🍤🍱食物：收你咁嘅價錢，所以湯底選擇就唔多，但食物選擇都有返咁上下，雖然都係大路野，但等我都同大家講下味道先......湯底 - 佢有芫荽皮蛋/胡椒豬肚/粟米豬骨/滋補醉雞/鴛鴦鍋底之類揀，打呢d麻甩邊爐就一定係叫鴛鴦，等佢食食下溝埋變成一個混合湯底是常識吧。火鍋料🍲 - 火鍋料有大約50種以上選擇，我推介以下幾款：肥牛 - 普通雪藏肥牛質素，起碼好過佳X $6~70蚊磅個d質數。生海蝦 - 雖然d蝦唔係好大隻，但竟然係新鮮蝦，食落都有甜味，仲要都係任食之一。鮮蝦雲吞 - 平時我去食任食火鍋通常都唔會叫呢d飽肚野，但佢個鮮蝦雲吞又真係唔錯，仲好過一般麵檔個d。脆鯇片 - 都切得好厚身，亦都新鮮，不過好飛骨。牛柏葉/鮮肥鵝腸 - 一般普通酒樓火鍋級數。☕️🍵🥤🧋🍺🍷🥃🍹🧉🍾🍶🥛飲品 - 佢地包罐裝汽水/啤酒任飲，如果幾個麻甩佬想啤啤佢都係一個幾好嘅選擇。🍽環境：餐廳環境就一定係麻麻，普通酒樓咁，都係比較舊同衛生欠奉，但唯有自己用熱水洗多幾次d餐具，都唔要求得咁多。🤵🏻🤵🏻‍♀️🤵🏻‍♂️服務：店員服務態度就麻麻架喇，d男樓面粗聲粗氣咁，反而d樓面阿姐就幾好態度，會同你有傾有講咁。💰💸價錢：今時今日仲有$168(假期加10蚊)一口價任飲任食，食物質素最起碼入到口，已經算係好抵食架喇。🐲💬總結：餐廳環境就一定係唔合格，員工態度亦都只係中規中矩，食物質素又只係普通正常，但只係收你$168~178仲唔限時間，所以約埋幾個麻甩佬上嚟飲啤酒都抵。推薦指數：❤️❤️❤️🤍🤍…查看更多

昨晚同親戚一齊食飯，在長沙灣天悅廣場內的一間平民酒樓。因為是地區食肆，所以可以坐12人，人多食飯，當然10分高興。花膠雞湯呢個湯係全場最好食嘅，雞湯味很濃郁，亦都有不少花膠。羊腩煲羊腩煲，味道調較得唔錯，羊腩也炆得很冧，加埋枝竹和馬蹄，真係食到舔舔脷。因為掛住食，所以忘記拍照。🐦 其實呢度啲乳鴿真係煮得唔錯，夠熱夠味。🦐 白灼蝦都新鮮，分量合理🐟 條魚新鮮，煮得啱啱好，啲肉好滑西芹腰果雞丁 $78西芹很爽口，腰果亦都查得好趣，只是肉丁欠缺味道。芋頭炆腩肉芋頭炆得好冧，但調味方面欠缺，芋頭冇乜味。服務方面也不錯，肥佬哥哥幫我們換碟，亦一早幫我們留起甜品，當晚的甜品是紅豆沙。紅豆沙味道都OK，但略嫌杰得滯。…查看更多

好多曱甴！！四個人食晚餐打邊爐任食平均消費160蚊,有肥牛豬丸。張枱係凹落去嘅電磁爐位。好多曱甴！大概有五隻手指尾甲大細嘅曱甴收埋喺張枱下面嘅鬼鼠位，同經理講換咗張枱，又見到兩隻又係喺啲鬼鼠位度嘅小強。最後換咗去將gas爐，唔係電磁爐嘅枱後面張枱一家三口都喺度搵緊小強，個頭不斷鼠落枱底望。食物質素非常一般，肥牛還可以，魚蛋感覺唔新鮮好林，最好食係雲吞同同粟米。汽水方面有一般嘅可樂同雪碧童芬達，還可以啦，唯一賣點真係平,但應該唔會再食，都唔推薦。…查看更多

可能是全港最平嘅中式火鍋,中式酒樓火鍋任食放題, 星期一至日都只是$148全包（不用加一）任飲汽水啤酒,👍🏻是百事可樂、忌廉、芬達橙汁、啤酒任飲,不用加一.冇限時間（6-10pm)座位枱寬敞環境舒服,火煱枱打邊爐👍🏻食物種類數十種肥牛質素性價比高有牛味,黃油雞和滑雞片也必食另必食推介：生猛鮮蝦,脆肉鯇魚片及脆鯇腩,新鮮彈牙,云吞比麵店還好食侍應服務態度好,好有禮貌.值得推介朋友不妨一試,抵食火鍋之選…查看更多

星期六6：30話想打邊爐，仲邊度有位吖。竟然搵到呢間街坊酒樓。一字記之曰平，$148星期一至日全包。汽水啤酒任飲，無限時。呢個價，材料當然係一般啦！但除咗牛肉，其他嘢嘅水準，同出面啲日式火鍋店差唔多，不外乎都係啲丸丸金菇菜呀咁樣，但呢度有蝦有魚，蝦同脆肉鯇都係任食。我唔食魚，唔知質素。但起碼我見到啲菜係有洗過嘅，上次去過一間，擺响出面任你拎嗰啲日式連鎖火鍋店嘅小唐菜係有泥嘅，$148，無敵價，大家支持下啦！由於無考慮過寫食評，所以無相片提供。呃哂都係$148,飲啤酒吹水四粒鐘都唔止啦！…查看更多

想食北京片皮鴨，唔使左搵右搵啦，緊係黎呢間酒家啦。一流既服務，加上食物份量好多，兩個人食已經飽到行唔到，非常脆口，食完真係想再黎食過，而且價錢又唔貴。值得一試呀。…查看更多

復活節假唔使返工，同左屋企人飲下午茶。 呢間茶樓價錢都算平，過時過節又唔會坐地起價。 臨近茶市完結時，會推出特價點心，那就更抵。Order了幾款點心，上枱時熱騰騰，除了牛肉腸是凍冰冰的，可能忙得滯蒸漏左。 奶黃包最好食，咬落去時，裡面的黃漿流漏出來，係流心效果，正呀！…查看更多

昨天有事經過長沙灣，咁啱見到呢間酒家，就即管試吓啦見到個價單，是否好吸引呢？淨係茶錢每人只是六個半，已經畀好多酒家平一半啦。呢個係炸芋角，熱辣辣香噴噴芋頭排骨，也是滋味無窮。…查看更多

入夜之後呢頭都好靜, 哈哈,其實唔好話入夜,平時日頭呢一頭都比較靜。但我估都估唔到原來有一間乾淨企理,坐得舒服,燈火通明嘅酒家可以畀我哋打邊爐雖然都坐得唔係好夜, 但總算一個唔錯嘅落腳點菜單選擇唔算話非常之多 ,但係勝在樣樣夠大分夠新鮮!仲有鴛鴦湯底可以揀一邊係清湯一邊係沙爹,果晚有少少喉嚨痛,所以成晚都食咗清湯,但只要加上豉油同埋其他調味料,都夠味唔會好齋個腐皮卷唔知點解有少少硬,但 餃子,貢丸,墨魚丸,雞子,都 係高度推介 ,全部都好新鮮,無雪藏味! 其他蔬菜都一樣全部都清bb, 唔會有發黃同埋唔夠爽脆嘅情況出現 ,所有食材都非常之新鮮!最頂癮嘅當然係男人最愛啤酒呢度唔需要額外加錢,啤酒都可以任飲,真係抵到不得了, 我都唔執輸飲返一罐先!不過我覺得可以加返水同茶畀客人選擇 ,只係得汽水 ,啤酒, 涼茶,橙汁好似唔係好夠解渴😒!調味料都可以自己配搭,新鮮蒜蓉 ,乾蒜 ,辣椒, 蔥等等都有得比你自己選擇!140蚊嚟講真係超值!…查看更多

去深水埗探一個好耐都冇見嘅朋友, 去到佢屋企坐左一陣, 就一齊去附近搵間酒樓飲下午茶繼續傾, 經過長沙灣天悅廣場見到嘉豪酒樓, 還掂未試過, 即管入去試吓, 雖然系下午茶時間, 都唔使等位,  就入去搵位坐低, 枱擺得比較密, 伙記愛理不理, 招呼麻麻, 睇吓個餐牌價錢唔系貴, 經商量後叫左碗燒鴨瀨粉同一碟豉椒牛河 燒鴨瀨粉睇落好靚同好大碗, 但食落冇味, 只得個樣$14.5豉椒牛河好大碟, 足夠兩三個人食, 好夠味, 咁嘅價錢好抵 $32.8…查看更多

簡簡單單一家人去打邊爐，平價打邊爐一定揀嘉豪其實呢到都有好多美食嫁！！ 我地揀左豬肚湯底，但我都係覺得醉雞好吃點呢~有我最愛既芝士丸💓💓💓 食左10粒 點既食物都會到，份量都好足夠。食材新鮮😘😘😘牛肉唔會太硬，普通冇特別，正正常常蝦一定要讚 夠新鮮😏💓大大隻蝦，好好味。平時簡簡單單諗唔到食咩，係嘉豪食一餐都已經非常好 ，讚阿！~…查看更多