嘉寶漢堡 (嘉寶大廈)

一直都好想試依間漢堡，每次經過見到都排隊，所以未食到堂食。今次就係公司叫外賣試下佢。叫左菠蘿雞肉漢堡套餐，而同事就叫左牛堡。我地揀左薯條，炸燒賣同普通燒賣做小食。兩款漢堡都好juicy，食得岀無論牛肉同雞肉都係手打個啲肉質，唔係普通雞扒薯條係粗身個種，好食，外賣黎到都無淋左，而燒賣都算份量好足，都一大杯。不過炸燒賣就略嫌乾左少少。整體來講好食，性格比都算高。…查看更多

去咗葵涌嘉寶漢堡店食咗個芝士牛肉漢堡套餐 🍔，真係抵食又滿足！漢堡包一上枱就聞到香味，牛肉扒厚身又多汁，咬落去仲有少少肉汁滲出，配埋濃郁芝士🧀，真係邪惡得嚟好正！麵包鬆軟，唔會太乾，中間仲有大大塊蕃茄同生菜夾住，新鮮爽口，成個配搭平衡返個油膩感！薯條係粗身款式🍟，炸得外脆內軟，唔會太鹹，仲可以加茄汁，食落更惹味。可樂🥤就係經典配搭，冰凍爽口，啱晒解膩。餐廳環境簡約企理，店員好nice，效率高唔使等太耐。以呢個價錢嚟講，份量足、味道好，CP值爆燈💥！嘉寶漢堡真係港式漢堡界嘅平民之選，食完仲想再encore！😋…查看更多

食過好多次，以前返工附近就有就成日食，岀品穩定，堂食就成日要排，全部野都要自助去拎經典漢堡 +薯條汽水set薯條幾脆唔會太咸，粗薯就要讚，真係外脆內軟，個包正正常常，番茄生菜都新鮮，牛肉唔鞋有時會叫炸燒賣，無乜特別，都係粗薯好食啲黑松露個包都好食，個醬幾襯個包…查看更多

在葵興光輝圍無意中見到呢間賣burger的鋪頭，裝修簡約，在門外睇咗餐牌一陣，發覺好簡單，主力賣burger，心想應該唔錯，入去發見原來大致上要自助，買食物，取飲品，取食物，攞餐具、飲管、調味料都係自己動手，後來發覺其他客人應該係熟客，全部自動波。講番食物，原味burger，跟燒賣，burger好香，味道一流，成個餐跟一罐飲品和燒賣都只係$50，非常抵食，最重要係味道絕對比得上百幾二百蚊的burger，燒賣就一般正常，下次會試吓薯條，如果食一個麥記套餐都要差唔多價錢，咁呢個burger好食過麥記好多。…查看更多

果日咁岩行開去湊涌同大窩口中間男朋友介紹話手有間漢堡店，近近地就去試下啦😋一試有驚喜🤩我叫左個芝士牛堡加餐有薯條& +$5 鹹檸七個牛堡好juicy🤤個包又勁軟熟，又有少少煙韌咁👍🏻👍🏻👍🏻薯條係粗薯條，外脆內軟😋I like this另外男朋友個餐要炸燒賣，都幾多粒（～10粒）我地叫左兩個餐再無人加埋錢野飲先$136好抵食又好味👍🏻係個地點有少少偏僻姐去開果頭就食下啦👍🏻💪🏻…查看更多

之前來都是揀豐富餡料堡, 今次試下簡單版: 經典牛堡, 因為想留位試"炸" "炸" "炸".經典牛堡: 牛堡還是厚厚的, 蔬菜仍好新鮮.(初嗜)"炸" "炸" "炸"是煙肉芝士薯波, 薯餅及炸芝士.我初試煙肉芝士薯波, 好好味, 輕輕的芝士沒有搶過煙肉的咸香和薯蓉的香軟, 外面脆脆的, 好味道.(初嗜)薯餅: 自己鍾情, 必食.炸芝士: 都唔錯, 不會太漏. (初嗜)奶茶: 我沒落糖, 都唔錯.個人口味:冠軍: 煙肉芝士薯波 亞軍:薯餅. 季軍: 炸芝士.…查看更多

去開葵興就會諗起哩間burger😝香辣煙肉蘑菇芝士牛堡係我嘅all-time favourite 😻 有bacon有蘑菇嘅burger好match 好惹味香口😋加埋番茄 同菜又夠fresh唔會漏每次必點！🍔黑松露burger裡面打開幾多黑松露醬👍🏻不過我就覺得額外加多啲料嘅話會口感豐富啲😜本身個burger就唔夠煙肉蘑菇個個咁滿足🤣小食方面蕃薯條超級推薦‼️香甜🍠味食落無咁熱氣我個人就鍾意普通燒賣多過炸燒賣 （兩樣都要！😋粟米炸雞塊都係每次必點 配埋蜜糖芥末醬🥰🥰…查看更多

放假中的活動...最好就係...獨自去偷歡！🤭好好享受自己的一人下午茶，呢日假日時會好多人排隊，平日去嘅就等候時間唔會太耐。而且落單後，都係大約等15分鐘左右就有得食，我選擇左一個“經典牛堡”，個包嘅size需然唔算大，但聞落去...牛味好香濃，食落肉汁唔算多，但唔會覺得乾身...幾好，另外加左一份炸蕃薯條，口感好好，外脆內軟，食到唔停得口🤣，再配埋罐裝汽水，變成完整一個套餐。👍🏻呢個組合絕配！…查看更多

第一次食嘉寶(外賣平台價🐼)泡菜芝士蛋豬堡套餐 $87(burger + 小食 + 飲品)8折完之後$6x有成個set 都算幾抵食Burger好大個好足料 麵包幾鬆軟 成隻咬唔會食到好攰塊肉就正正常常啦 好似無乜特別加咗泡菜辣辣哋 都幾惹味煙肉芝士薯波 +$9好芝士好薯香脆粟米片雞塊 (蛋黃醬) +$19依個幾好食耶~~外層嘅粟米片甜甜哋 加埋雞塊好夾雞翼 (BBQ醬) +$19好多BBQ醬 can’t handle😂…查看更多

ෆ⃛ 嘉寶漢堡 ෆ⃛平均$50就食到高質手工burger🍔必嗌烤菇芝士牛堡套餐 ！♡︎.*▶︎▪︎◀︎.* .*・゜ ♡︎.*▶︎▪︎◀︎.* .:*・゜ ♡︎.*▶︎▪︎◀︎.* .*・゜♡ 烤菇芝士牛堡套餐$77 ♪ 食burger入門一定會叫嘅漢堡🍔，大啡菇烤得夠透水潤多汁，配上牛味十足嘅牛肉漢堡，加上蕃茄生菜🥗同醬汁搭配，濃味嘅同時又有解膩嘅感覺，味道十足之餘又另人一口接一口咁食🤤 ᗦ↞︎◃︎ 值quota指數: ✿✿✿✿.5 / 5 香辣孜然羊堡$64♪ 意想不到會對味蕾有衝擊嘅漢堡🎊，一直都會怕羊騷味會太重🐑，但羊騷味若隱若現，過到想食羊肉嘅癮，配上靈魂辣醬同生菜，估唔到會咁夾，食落味道都好有記憶點🔖，下次會想再叫嚟食嘅感覺！ᗦ↞︎◃︎ 值quota指數: ✿✿✿✿ / 5 蕃薯條$5 （跟餐價）♪粗粗嘅蕃薯條🍠，食落蕃薯香氣撲鼻，炸得夠脆而且份量都好多，比起平時食開嘅薯條我更推薦食蕃薯條‼️ ᗦ↞︎◃︎ 值quota指數: ✿✿✿✿ / 5 香脆粟米片雞塊（6件）配蜜糖芥末醬+蛋黃醬$20♪新奇有趣嘅味道，帶有一半粟米🌽一半雞塊🍗嘅味道，粟米片嘅脆皮非常香口，仲有多2款醬汁可以比我地點其他野食，一試無妨😋！ᗦ↞︎◃︎ 值quota指數: ✿✿✿.5 / 5 煙肉芝士薯波 $7（跟餐價）♪薯仔為主軸搭配芝士同煙肉，炸皮夠薄，芝士煙肉做綠葉🍃嘅角色帶埋薯仔🥔嘅濃郁出嚟，味道互相均衡，恰到好處🤙🏻ᗦ↞︎◃︎ 值quota指數: ✿✿✿ / 5 凍檸樂 $6（跟餐價）♪ᗦ↞︎◃︎ 值quota指數: ✿✿✿✿ / 5 凍檸茶 $2（跟餐價）♪ ᗦ↞︎◃︎ 值quota指數: ✿✿✿✿ / 5✎ 總括：已經食過無數次嘅嘉寶水準保持得好好，每次都回味無窮，而且店員有耐心主動介紹menu，性價比高🆙 係香港食漢堡嘅信心之選‼️✼ 加一服務費✘ෆ̈ 嘉寶漢堡 (和益中心) (尖沙咀)✇ 地址：尖沙咀寶勒巷9-11號和益中心地舖…查看更多

芝士牛堡 $36 （套餐+$17）個包望落唔係好大，但係入面塊牛係好厚。唔係好食到有芝士味。生菜同蕃茄都好新鮮。套餐揀咗薯條同可樂，薯條係比較粗，炸到好脆。份量都好多。食成個餐都幾飽。之前都食過其他款，都好好食。個人比較鍾意香辣煙肉磨菇芝士牛堡 ，覺得呢個包juicy 好多，同埋有煙肉係入面香口啲。套餐小食都好多選擇，有薯餅、燒賣、番薯條 、薯條、炸燒賣、凱撒沙律。推薦食炸燒賣，因為出面都好少見。所以間唔中都會去食呢間。…查看更多

今日用外賣平台order 左二人餐送到家。甜辣菠蘿脆雞堡- 應該用左新鮮嘅菠蘿配上香脆嘅雞塊再加上番茄🍅生菜🥬，好fresh,好夾孜然香辣羊堡- 好Juicy 嘅羊一點都沒有蘇味，孜然味唔會太濃，汁量剛剛好，一樣加上新鮮番茄生菜香脆粟米片雞塊- 麥樂雞塊外面加上粟米片，脆，好味煙肉芝士薯波- 好芝士味嘅芝士波，但煙肉味就唔多覺薯餅- 比麥記薄一點，一點都唔油薯條- 粗薯條🍟黎到仍然感覺到暖，仍然很脆總括：漢堡包軟，肉嫩juicy,配菜新鮮。所有炸物雖然經過運送但仍然保持乾身，脆口唔油膩…查看更多

1）黑松露芝士牛堡黑松露浓郁的香气与芝士浓郁的风味，搭配鲜美牛肉汉堡，香氣一直刺激我嘅感官。第一啖咬落去，黑松露嘅香氣迅速充滿我嘅口腔既中，隨後半溶嘅芝士湧入口腔，最後牛肉漢堡嘅肉汁係個口腔入邊出晒黎。最重要一點，就是要趁熱食，唔好掛住打卡，避免錯過最佳品賞時間2）泰式蝦堡泰式蝦堡最令人吸引係中間夾著一塊又酸又甜嘅菠蘿，蝦堡炸得出色，恰到好處，再加上輕微烤過嘅漢堡包，三者結合非常匹配。3）薯條薯條新鮮即炸，又大條又熱辣辣，咬落去好正，漢堡包配薯仔真係完美配合，無得輸…查看更多

嘉寶漢堡有三間分店，葵興呢間位置唔係好方便，地鐵站行過嚟要八至十分鐘，但絕對值得一試。葵興呢間嘉寶永遠座無虛席，好多人買外賣，試過見到一架消防車停喺門口，消防員哥哥落車攞咗十幾代外賣，可想而知嘉寶係幾咁受歡迎。我每次都係食烤菇芝牛漢堡，厚實的牛肉食得出係靚嘢，係人手打，入口即化,肉質鮮嫩多汁，配上大啡菇質感豐富，與牛肉完美融合。最後加上半溶的車打芝士,令整個漢堡瞬間升華到另一個層次,視覺與味覺的極致享受。套餐加碼選擇凱撒沙律,清新爽口的沙律配上獨特的凱撒醬,為這個重口味的漢堡帶來清新平衡,一口漢堡,一口沙律,簡直妙不可言。雖然分店位置稍偏,但這絕對不能阻擋我再次回訪的決心。嘉寶漢堡的烤菇芝牛漢堡,無疑是我的心頭好,值得一嚐的美食體驗。…查看更多

呢間漢堡店我諗好多人都認識，今日專程嚟到總店朝聖，品嚐美味又抵食嘅漢堡包！今日我哋分別叫咗三個餐，配上炸燒賣同埋炸薯條，另外再嗌多份小食雞翼，重點推介佢嘅雙層芝士牛堡，滿滿嘅芝士配上非常多汁嘅牛肉漢堡，大個到真係一啖都咬唔晒，而且佢嘅蕃茄同埋菜一啲都唔Hea，十分新鮮👍🏻冇草青味，本身唔係好食鮮蕃茄嘅我都接受到！另外佢嘅炸燒賣都係我嘅最愛，令到唔食薯條嘅人士都可以多個選擇🤩此外，佢嘅套餐可以追加小食，原味雞翼或者BBQ雞翼都好出色，一定要試👍🏻…查看更多