嗦嗦

营业中

休息中

今晚同屋企人黎到呢度食飯，其實之前食其他越南菜服務都係一般，想要杯水都要問侍應攞，杯水飲哂都唔會有侍應主動加水，但係呢度服務的確好好，有個帶眼鏡嘅女侍應周不時會主動加水同比牙籤，又會主動收走我哋食完嘅碟，細心主動既服務真係唔係咁易遇到，同埋食物都好好味🤤推介菠蘿海鮮炒飯👍🏻👍🏻

冇心煮唔好煮啦！叫咗一份生牛肉河，啲生牛肉碎開一塊塊有豬潤質地，似浸咗勁耐，咁樣都出餐? $108! 味道係$45貨色. 好傷心，諗住貴少少食靚啲嘅牛。。。 是拉差辣椒醬都冇，餐牌扮晒正宗越南菜。個湯又鹹又濁。完全不合格。之前食過稻城，又係勁伏，又貴又難食，睇餐牌原來係同一個集團，永遠blacklist.

餐廳食物質素頗高，而且好多卡位適合家庭聚會，最抵讚係服務非常周到☺️🦐燒大蝦柚子沙律🥢清沅蒸粉卷拼扎肉🥄越式蝦醬炒飯 🥭香芒椰汁三色糯米飯1) 用餐當天下午打去查詢會員同生日優惠，當時職員表示要到店scan會員QR code先確定可否一齊用，我表示理解。隔咗一分鐘後打去訂位，咨客同我講佢已經問咗經理，可以一齊用! 好欣賞職員嘅主動性，亦都好驚喜有雙重優惠😆2) 侍應好主動添水之餘，添水時摸到我家人杯水暖暖哋，即刻走去放低凍水壺，幫佢添熱水🥰3) 結帳時職員見我張信用卡做緊promotion，主動話我知並幫忙使用現金折扣 💳之前都有光顧同集團其他餐廳，服務一樣非常高質，今次光顧再次體現到餐廳唔會覺得俾咗優惠客人就賺少咗而收收埋埋，反而所有員工都細心、用心對客👍🏻

餐廳服務態度好好 服務員時刻有注意到我需求 生牛河很喜歡 感覺午餐套餐其他都好吸引 下次约上朋友一起 在试其他午餐 大餐牌里面的菜式也很合我胃口 新品那个也吸引人 可惜只有晚上才有

極度失望！嗦嗦 Dzo Dzo 嘅越南粉 - 又貴又難食，絕對伏！ 真心冇諗過一間越南餐廳可以難食到咁嘅地步！今日去咗嗦嗦 Dzo Dzo，叫咗嗦嗦火車頭（$168！），點知係我食過最差嘅pho，完全係中伏！ 湯底淡而無味一碗好嘅越南粉，靈魂就係個湯底。但呢度嘅湯完全冇香味，淡茂茂，連少少牛骨味都，自己加咗辣椒醬同魚露都救唔返，真係失望到極點！ 牛𦟌韌到咬唔開，離晒譜 啲牛𦟌硬過皮鞋底，咬極都咬唔爛，最後要吐返出嚟！$168一碗粉，牛肉竟然咁嘅質素，仲衰過茶餐廳嘅牛腩！ 河粉口感差正宗越南粉嘅河粉應該滑溜彈牙，但呢度嘅河粉極為普通，似係煮完擺咗好耐先上枱，完全唔合格！ 性價比極低，明搶錢！ $168一碗粉，份量一般，味道仲要差成咁，同區大把更好選擇！呢個價錢去錦麗或者芽莊食好過，起碼人哋真係似越南粉！ 總結：伏到爆，永不回頭！ 服務普通，環境一般，但最致命係食物難食！如果諗住試吓，真係慳返啦，貼錢買難受！ 推薦指數：0/10 － 絕對唔會再幫襯！ 一句講晒：伏店一間，大家小心！

今次試新嘢，睇吓好不好吃。生牛河不錯，湯底清但有味，不是太咸。芥蘭都炒得不錯，爽脆。咖哩牛腩有點硬，味道ok。炒雞肉飯一般般，沒驚喜。薄餅比較乾身，配咖哩吃好似不太夾。庶蝦都ok.這裏勝在坐得舒服，所以都會再來。

星期六喺沙田大會堂睇完畫劇後，過隔離新城市廣場填肚。沙田多食肆乃是街知巷聞，平貴任君選擇，周圍人流又大，喺地下嗰層見到一間越南🇻🇳餐廳「嗦嗦」，意思係cheers🥂，幾有趣，我仲以為係形容食越南河粉食到嗦嗦聲🤭雜錦撈檬：內容豐富，有羊架、扎肉、蝦餅、雞絲、熟牛肉，款款美味，總有一款啱你😋法式牛柳粒紅飯手油雞翼：雞肉非常滑又入味，皮脆香口，值得推介烤牛肉越式薄餅：薄脆香口，餐廳為你提供剪刀✂️，按自己喜好分大小手拍紐西蘭牛柳湯河粉：越南菜其中的必吃食品，湯底出色，牛湯濃郁鮮味，河粉滑嫩彈牙，推薦！👍🏻整體食物質素高，用餐環境舒適，餐廳員工服務周到，記得等入位時接待員非常專業有禮的態度安排及通知座位輪候的情況，到我地有位時仍保持熱情的笑容歡迎我們，難得👍🏻

星期六 夜晚七點到達，不需等位就入去。我哋兩個大人一個小朋友，坐單邊梳化位，地方算闊落，裝修走清新路線。我哋睇餐牌見套餐(二人餐)大約由$300幾至$400幾 不等，配合唔同主食，有唔同嘅價錢。我哋決定散嗌，叫咗一杯榴槤奶昔 78蚊， 金菠蘿海鮮炒飯138蚊， 雞絲扎肉湯河98蚊 ，酸辣無骨鳳爪72蚊， 炸春卷係讚好佢facebook或者 ig送嘅。 埋單連加一$425 本人覺得cp值一般，食物中算是最好味係🍹榴槤奶昔，飲到最尾有榴槤肉在杯底，同埋整杯奶昔榴槤味濃鬱，奶昔香滑，另外覺得值得食嘅係金菠蘿海鮮炒飯，有幾隻蝦加上金菠蘿(大約係八分一個菠蘿)， 菠蘿係燒過，多汁香甜。雞絲扎肉湯河完全唔值哩個價，雞絲肉質鞋口，酸辣鳳爪🌶辣度十足，食得辣嘅朋友先至好叫 ，炸春卷十分油膩😒 ，全餐淨係覺得個奶昔加炒飯係叫做ok 其他可以skip。

過開黎沙田，所以約左舊同事食lunch。同事send左2間餐廳黎，見menu都幾多選擇，所以揀左呢間平日12點幾1點去到，2個人，都唔算等好耐就有位我叫左河內生牛肉湯河粉，大大碗，湯鮮甜，牛肉好味好香，另外放埋配料青檸檬提升鮮味店內做緊活動，like左可送春卷，味道正常同事叫左燒豬頸肉撈檬，分了豬頸肉給我試試，烤得香口味道也很好

見佢新開，又好似都幾多人食，路過諗唔到食乜，咁即管試下啦.. 2個人叫咗一碗生牛肉金邊粉 ＋熱檸茶，一碗豬頸肉撈矇 ＋熱咖啡 ，再加個三色芒果糯米飯首先碗牛肉金邊粉，收得人過百蚊但碗粉唔算大碗都算，啲金邊粉佢竟然有能力整到仲淋過烚過龍嘅河粉，牛肉正常啦，但啲香葉/九層塔好貴咩？！ 比得三塊葉仔咁大把！個楷的士咁大粒嘅青檸仲要係乾水唧唔出汁嘅，洋蔥絲同芽菜得個兩條仔，睇黎食材真係非常珍貴！到碗豬頸肉撈矇，個矇粉都係太淋，完全冇食撈矇想要果種爽口。豬頸肉又係怪怪的，個樣望落似係豬頸肉嘅，但食入口個質地唔係平時食個種肥瘦相間爽口嘅感覺，而係好淋煲湯豬肉咁嘅質地 （我希望我食個舊真係豬頸肉啦.. ) 花生碎又係非常珍貴，得個幾粒仔... 而平時食撈矇常見嘅菜絲青瓜絲蘿蔔絲，唔知係唔係處理真係好煩複好花人手，統統欠奉。取而代之嘅係幾粒完全唔夾嘅菠蘿碎.. 到兩杯嘢飲，熱檸茶正常，但果杯明顯係Capsule 機唧出嚟嘅咖啡淡到根本冇味，唔知係咪佢冇人識Set部機或者連Capsule機都唔識用.. 去到食個芒果糯米飯先知，頭先個兩碗粉根本唔算得係啲咩，呢個街知巷聞嘅甜品先係驚典！ 亦係佢令我咁有

喜歡食生牛河, 覺得錦麗及西環近屈地街有一間都好好吃, 有一次去大圍站附近地鋪的一間吃, 嘩........河粉鞋過沙紙, 但勁多人排隊. 發生什么事情? 今次見新開這間, 又去試下, 嘩嘩嘩.....除了河粉更加鞋外, 生牛是咬不開, 最後要用交剪處理.....超過100元一碗, 那來的自信 ? 我可話這是全港最難吃的一碗生牛河....不信? 大家不妨去試下, 吃完請留言給我.......看到有些食評讚到天上有地下無........大家知咩事.

讚-魚露調製得相當好 醬汁係唔錯-粉包都足料既 同埋香草味都落得足彈-嘢食真係有改進空間 席蝦係油到一個點 但蝦肉味淡得出奇 炒芥蘭係烚完再放啲香蒜落去 無味都算 仲要唔爽 海南雞既肉有一半都好嚡 -張檯真係好細張

見新開試吓叫外賣三個午餐加38蚊要蝦餃兩件屋企人落去拎外賣返嚟結果無比蝦餅打去一開始話我無叫我請佢望一望訂單先發現有另一個職員打返嚟話忙得滯執漏咗無所謂啦住得近，屋企人落去拎返上嚟發現得一件（切開4片）再打落去問佢話係咁樣係兩件，已經切開咗我話唔係喎咁叫一件喎依舊堅持係咁講唔過就話餐單已經改咗我請佢睇返Keeta、foodpanda、OpenRice都係寫兩件請佢update返餐單唔好誤導顧客味道、賣相都係ok個扎肉雞絲湯檬份量相對少

overall 還可以，不過有點唔值個價錢，如果量同埋味道再改善就差唔多啦- 法式牛柳粒紅飯 $138 9/10 好鍾意嗰醬汁同埋炒得幾好食😋- 蒜蓉炒高麗菜 $78 6/10 我作為後生女都覺得太鹹，下次要嗌佢哋少油少鹽😥- 嗦嗦火車頭湯河粉 $158 6/10 我覺得OK啲肉冇想像中咁多，但唔值- 三色芒果糯米飯 $82 7/10 糯米飯得三團，每嚿細個本個拳頭唔係好夠- 芒果青檸冰茶 $38 8/10 覺得幾好飲，下次要嗌少甜

嗦嗦火車頭湯河粉 $158好豐富既一碗湯河 入面有手拍牛柳 牛丸 牛栢葉 牛筋 牛展 基本上各部位都有啲 黎到都幾大碗 不過價錢偏高 湯底清甜 另外有提供越南辣椒醋同魚露甜酸汁2種調味料 加左之後湯底會多左啲層次感 酸酸甜甜都幾過癮 越式燒腩仔 $178完全比佢張相吸引左 黎到同相都無咩差別 嗰皮真係燒得好靚 仲要夠脆卜卜 肥瘦都恰度好處 比起中式既燒腩仔 味道無咁鹹 再加上附上既醬汁 少少辣 超開胃 完全無平時食燒腩仔既油膩感 值得一試香芒椰汁三色糯米飯 $82呢度既糯米飯比較特別 除左平時食間既原味外 仲有蝶豆花同斑斕2種特別口味 不過因為加左椰汁關係 基本上都唔係好食到有咩分別😝 但糯米唔痴牙質感煙靭 特別一讚係佢嗰芒果 超甜超大！