喵一下 (已結業)

環境清淨，週末上去都唔需要人逼人。在點餐的時候，店員也很細心推薦。並且影相和食嘢嘅地方是分開的，十分符合鍾意打卡嘅女仔，不怕影相時打擾到其他客人。一個餐$100+，質素都符合這個價格…查看更多

官塘工廈小店【喵一下】單看名字以為係猫猫 Cafe。推門入去，別有洞天。沒有猫，整間食店放滿各式各樣的懷舊擺設。有舊電視、停產的收銀機、打字機、古老牙醫櫈……沒有一件重複的舊物件，可以稱得上夜冷店。最搶眼是這個破爛、充滿味道的鋼琴。雖然已經不能發出聲音，但是打咭一流。欣賞完這些懷舊擺設，再走入去就見到 Cafe的模樣。每張枱櫈都獨一無二，見到老闆的心思。二手枱櫈的大小、款式、顏色雖然不均一，但營造出來的效果非常和諧。Cafe 左邊的牆放滿二手書櫃及大量二手書籍，給二手用品一個家。客人可以隨便打咭及睇書，扮下文青。Cafe 右邊窗口位置，店方善用位置擺放不少海報及舊唱片，真係間有味道的古物店，要慢慢欣賞。小編特別挑選舊唱片機旁邊的位置用餐，因為正播放老歌，整個環境都非常舒服又有氣氛。這裏主打多款日式便當及定食，款式豐富！定食價格不貴，但是每款便當都會有三個前菜、湯及甜品，又精緻又豐富，一點也不馬虎。前菜有忌廉菠菜 ~ 球形的菠菜好可愛。柚子蓮藕 ~ 蓮藕爽口配上柚子絲令味道更加豐富。天婦羅雜菜 ~ 細細件不太油膩。最欣賞是這個麵豉湯 ~ 裡面的豆腐細切變成朵花型，非常有心思。【咖哩炸雞定食 $98】炸雞球味道正常沒有大驚喜。咖哩汁另上方便客人按喜好拌飯吃。咖哩汁內有大量蔬菜，因此咖哩味道帶甜不太辛辣。【豬骨濃湯叉燒拉麵 $88】份量超多！豬骨湯頭味道濃味，而且質感比較結身，掛麵效果不俗。叉燒有兩片，每片叉燒超厚，入口夠淋又入味，略嫌表面燒得不夠焦香。就連挑選筷子都一絲不苟，真係非常欣賞店主對每件物品的執著。…查看更多

要係觀塘搵一個地方大家可以坐底食下野、慢慢傾計真係好難，多數都限時限刻/ 一係就好貴，但呢度全程都唔會趕客，仲比你慢慢坐，又不時幫你refill 水，雖然地方有少少難搵，但都不失一個食野傾計既好地方, 我地一係5人，坐左差不多3小時...真係快樂不知時日過...…查看更多

今日中午同朋友嚟到喵一下🤍一入到去比想像過大～而且好懷舊每個角落都係打卡位，仲有好多漫畫加上店入面播嘅音樂令人感覺好relax（係下午茶時間去，唔算多人）坐低每人order左一個主食同一杯野飲🤍🤍豬骨濃湯叉燒拉麵 $88拉麵湯底好濃豬骨味，叉燒係厚身，但略嫌太肥膩 拉麵麵質普通，個人認為唔夠彈牙，偏淋整體味道普通，下次唔會再叫~叫一個主食會配好多配菜🤍(好多細節位做得幾好)有芝士獅子狗配酸蘿蔔菠菜配Wasabi汁🤍味道幾夾有驚喜柚子汁拌蓮藕豆腐花味噌湯🤍豆腐有細節~🤍薑汁燒豚肉飯 $88同樣都係有好多配菜✨豬肉份量大，再加個蛋黃豬肉有點偏硬，難咬斷整體味道普通~都係下次未必會再叫🤍抺茶奶蓋蜂蜜綠茶 $35 🤍🤍🤍作為抺茶同奶蓋嘅愛好者，呢個值得推薦！飲過好多唔同店嘅奶蓋，大部分都係海鹽/芝士味，第一次飲抹茶味嘅奶蓋~有驚喜！奶蓋抹茶味好濃，而且奶蓋都比得幾多🤍like!撈勻之後同綠茶味好夾✨好飲總結🤍我認為主食味道普通，好多配菜好有細節位加分✨餐廳環境同音樂令人放鬆~打卡able 之餘都係約朋友出嚟傾下計嘅好地方…查看更多

睇到間野最近有咁多好評於是今日心血來潮約咗成班fd去食點知真係伏到爆首先 間野我覺得野食都幾貴下但距地d野食好多都整定曬出泥放咗係出面勁耐 然後都照比客食如果冇客話5定仲會留到聽日然後最痴線既應該係d碗碟全部都係崩既！！！大佬成百蚊一個餐，d餐具仲壞過大家樂而且呢間野好似人手不足咁D員工忙到死 搞到我好5係幾好意思問比杯水我同追加order之煩唉⋯總知勁5開心相都廢事影 d餐具崩到死 點就角度都影5到張靚相…查看更多

一星期內兩次去喵一下。可想而知有幾鍾意。第一次朋友帶去，一踏入店內，嘩～～好靚呀，環境好舒服，有好多綠色植物，裝修及擺設好明顯係店主悉心設計。今次專程帶家人去，試多幾款食物。愛上喵一下的原因好多。。。。環境舒服，食物好，價錢合理，無加一，老板好好人，會同客人傾計，員工勤快，可帶寵物，重有最重要一點，任坐唔限時。你話，點會唔鍾意喵一下呢！提提各位，最緊要訂位，好會有一張好靚嘅貓咪postcard送返比你。…查看更多

係一個工廈林立既地方，估唔到仲有一個小綠洲，一入門口，就感受到果陣植物既清新，再打開個門，先發覺原來係內有乾坤。左手邊有唔同既漫畫，書籍，真係可以坐係到一日都冇問題。環境方面，做到上世紀既懷舊感覺，而周圍既裝修，會令到人好似番左去果一個年代咁。講番野食先鰻魚滑蛋便丼鰻魚都幾大份下，食落去啖啖鰻魚肉，一個字，正。另外個配菜幾好味。咖喱吉列豬扒便丼日式咖喱同平時食開既咖喱會唔同，而且佢呢個咖喱汁有D偏辣，整體上都唔錯。雲朵熱情果沙冰好大舊既棉花糖，用黎打卡真係好一流，再加上熱情果果種既酸度，配埋棉花糖，味道岩岩好…查看更多

依家先發現觀塘有間咁出色嘅餐廳 已經開張一年老闆留低左上手嘅裝修 再轉做日式料理真係太出色 價錢仲要合理抵食重點可以帶埋毛孩一齊坐低嘆冷氣 實在太難得 🤩🥳✨天婦羅冷麵 $98包三前菜一湯一甜品當中包括芥末醬嘅菠菜球 幾特別仲有芝士獅子狗 蕨餅天婦羅嘅份量多得驚人 包括蕃薯、南瓜、炸蝦、蓮藕各2塊 仲有冬菇 秋葵口感香脆 炸粉唔會太多當然唔少得夏天必選冷烏冬 🥰✨燒鯖魚便當 $88條魚大大條冇乜骨 啖啖肉 配埋沙律醬👍豆腐麵豉湯勁出色 豆腐𠝹到百頁豆腐咁 勁吸精🤩✨明太子魚餅 $48魚餅好厚 咬落去滿滿嘅明太子 正呀😋✨炸海苔魷魚 $58外層好薄嘅炸粉 裡面係香口嘅紫菜魷魚值得一試🙌🏻✨岩鹽焦糖拿鐵 $42呢間餐廳實在太優秀 好多打卡位無論食物 環境 服務都好好老闆唔怕麻煩 好願意解答客人嘅問題仲要免切餅費 播埋生日歌🥳有興趣就試下啦❤️希望香港有更多寵物友善餐廳 帶埋毛孩嘆冷氣🐶…查看更多

觀塘工業區工廠大廈隱文青cafe——喵一下🏭 到達目的地，已經感受到餐廳充滿濃厚既復古風味，以懷舊玩具、擺設佈局，花草植物等為賣點，周圍都搵到打卡位🪟 而且佔地面積充裕，座位之間空間十足～ 食物方面，以日式料理為主，每款定食都配有三款前菜、湯、甜品；首先咖喱吉列豬扒，炸得尚算合格，配上偏向微辣既咖哩醬，幾香口惹味，令人好開胃～ 而天婦羅冷麵，炸物即叫即炸，口感香脆亦唔會過於油膩，而冷麵好適合夏日炎炎點選🥢 總結餐廳食物質素幾唔錯，環境佈置帶比人穿越時空嘅感覺，但地理位置比較偏遠，有機食經過可以一試～ …查看更多

已經係第二次嚟食啦！！餐廳裝修以懷舊風為主好多擺設枱枱等等或者書本都係六七十年代古物加上好多唔同植物嘅配搭 🌿成個環境非常舒服🤳🏼打卡影相一流👍🏻今次叫咗天婦羅冷麵成個擺盤非常靚咬落去脆卜卜新鮮滾熱辣即叫即炸而且份量仲好大份添有前菜小食 麵豉湯同埋甜品非常有心機另外仲好鍾意佢嘅菠菜 有Wasabi味道特別服務方面老闆親切有善☺️食嘢途中周不時過嚟同我哋打招呼不過唔戴口罩周圍行都有啲驚驚希望疫情大家都係小心啲好啲🥺…查看更多

薑汁燒豚肉便丼 個汁香甜 上面有隻生雞蛋 撈飯食一流 而且豚肉份量都幾多 底下又有椰菜係到 個餐仲跟埋幾個配菜 配菜質素幾高 特別喜歡個菠菜 另外叫左杯櫻花白桃soda 飲品方面差小小 飲唔到白桃味 只有soda嘅味道…查看更多

估唔到觀塘工廈都一間好有文青feel嘅日式cafe。有書、古琴、擴音器、收音機等等，好有強烈復古風格。還可以帶狗，貓入餐廳。簡直係超正嘅打卡位。沖繩餃子，餃子內有Wasabi、很特別。燒汁牛肩胛金菇便當，有前菜、有湯、有甜品，燒汁配呢個牛肩胛簡直就係絕配，金菇係我最愛。咖哩吉列蝦烏冬，炸蝦外脆內暖，日式咖哩烏冬都係比較甜。泡菜牛肉烏冬，啱曬啲牛魔王和食辛辣味人。燒汁玉子豚肉丼，一般有水準。雲朵紅白火龍果蜂蜜檸檬，賣相好靚，用棉花糖一個雲朵放在杯上，火龍果加蜂蜜檸檬，賣相好靚。約朋友食飯、詳談，係唔錯嘅地方嚟嘅。…查看更多

植物主題餐廳1️⃣鰻魚滑蛋便當鰻魚好大塊,汁好多,撈飯一流.滑蛋都整得幾好,唔會太熟. 湯入面d豆腐切得好靚係花形,味道都濃. 前菜係菠菜,蓮藕,獅子狗,都係正常味道.💰HKD$1082️⃣燒汁牛肩胛金茹便當牛都算淋,金茹係好大舊好多,個汁都好濃👍🏻👍🏻💰HKD$983️⃣抺茶奶蓋綠茶及奶蓋水蜜桃綠茶奶蓋都多,夠味. 個茶就較淡💰HKD$38餐廳面積大,放左好多植物，懷舊野,書,幾有特色. 但位於舊式工業大廈,環境有D恐怖,又唔太多人。雖然叫喵一下，但係冇貓的…查看更多

文青日系風格 舊式收藏品眾多一進入就被懷舊鋼琴吸引🎹巨型時鐘下 在復古梳發上回味舊時光全店被綠植包圍 可以在小森林中尋寶相信有很多舊式事物新發現🎰提供日式定食 拉麵 小食 咖啡 梳打☀️雲朵荔枝蝶豆花梳打 $48夢幻紫色漸層 顏值超高 打卡必備少女心棉花糖點綴 甜絲絲的☀️八爪魚丸 $48絕不普通 日式串串賣相🍢紫菜芥末醬搭配 味道有層次店舖外就見到店名🔍喵一下圖書館店內有大量圖書 更可閲讀漫畫坐上一下午 靜靜感受慢活生活🪴下午到訪人流不多每個角落都超適合影相用鏡頭紀錄着小時光🕰店舖位置比較隱蔽 要花時間找一下環境: 💗💗💗💗美味度:💗💗💗💗推薦度: 💗💗💗💗…查看更多

已經食過4-5次，第一次寫食評。通常你揀任何食品都會有前菜，湯，甜品。作為好鍾意食前菜嘅我簡直係為我而設。今次我叫咗天婦羅冷麵。前菜有wasabi菠菜，柚子蓮藕同埋芝士竹輪。全部都好好食！另外有個好靚嘅麵豉湯，裡面有切得好有心思嘅豆腐🤤來到主菜，天婦羅！呢度嘅天婦羅好好食，好足料，有冬菇，蓮藕，秋葵，蝦，蕃薯，印象中每樣都有兩舊，所以係超級足夠！夠晒飽🤤冷面就正常冷面，好味嘅！甜品每次都唔同，今次係厥餅，都唔錯的，未去到超好食。跟住野飲，雖然有時啲人鍾意叫一款雲朵嘅野飲，係有一舊棉花糖，但個人覺得無咩特別唔太實際，亦好甜無咩興趣食。所以我每次去都係叫奶蓋類嘅野飲，綠茶同水蜜桃奶蓋都係好好飲，個人推薦要試！…查看更多