喬居酒屋 (已結業)

今日谂住一家人到太子食父亲节饭，本身想食个间居酒屋无开，于是试下行过巷仔时见到既乔。间铺细细间，好有feel, 但我哋家人只可以选择坐吧枱，对住个炉好热，仲要间居酒屋个冷气唔冻，本身真系谂住走，但见到个师傅煮嘢好有心机，食物不错，都系食完餐饭走。我老公好欣赏个烧鳝及牛脷，不过间铺咁热，下次都系食返原本𠮶间…查看更多

之前社交平台睇过谷导介绍乔居酒屋钟意捐窿捐罅嘅我记咗入脑长假期经过太子酒吧街静英英忽然醒起转角有惊喜21:00-24:00 深宵串烧套餐抵食㖞！Asahi + 7串 $228私心推介头3位🌟烧鸡心㗋管：系我钟意嘅爽脆口感❤️🌟烧吞拿鱼下巴：外脆内油·滑·香！🌟阿波美手羽先（烧鸡全翼）：大大只！鸡肉好滑！大厨同经理热情好客叫客人点歌我哋同隔篱枱熟客生客都极易搭讪😂互请sake斟吓干吓乜都倾吓10几座位嘅巷仔小店就系咁轻松好气氛…查看更多

朋友介绍，有日放工去咗呢间太子嘅隐世小店隐世系因为佢系一个好唔起眼嘅街入边嘅一条巷仔入边一间好细嘅舖，室内好似10个位左右，室外好似有一至两张枱。当日去嘅时候有四台客，有啲食食吓都出咗去食，店员会同大家饮酒吹水，气氛唔错。空间系有啲迫，但系都有样好，食物唔会一次过上晒，一路食一路上一路可以慢慢倾偈，所以啲食物新鲜热辣更加好味。因为只系两个人去，所以坐咗喺枱仔冇坐喺Bar枱 。我哋嚟到嘅时候叫咗个小食，同埋一个刺身拼盘。个小食系炸虾仔，鲜味送走一流。刺身拼盘新鲜，佢哋都系拣时令海鲜，拼盘有白子有惊喜 。跟住再嚟咗个萤光墨鱼，个墨鱼如果就咁食会有少少咸，但系送走就啱啱好跟住嚟咗一啲串烧，推介鸡翼同埋一个店主介绍嘅鸡肉，系特别位置，好爽脆好好食在下面啲串，连埋鸡皮烧好好食，即刻加多一串仲有个串烧鳗鱼都好肥美非常满足的一个晚上 。注：唯一美中不足系本身点咗个梳打水，店员误解咗系要有味嘅Cocktail，因为𠮶杯太甜有少少影响咗整体感觉…查看更多

星期日同朋友相约喺太子一间居酒屋小店食吓串烧倾吓偈🏮小店位于小巷内，可以坐室内或者室外，店小但坐得舒适。酒盗芝士 $48————————————酒盗系一种腌渍物，主要成份来自海产，入口非常浓郁咸香，配芝士好夹🧀再配上清爽嘅青瓜中和酒盗芝士嘅浓郁感🥒鸡胸脆骨 $34————————————除咗非常爽脆嘅软骨部分，仲烧埋软骨连住嘅肉，又系好有咬口，非常香口。鸡肾 $34————————————口感脆弹有嚼劲嘅鸡肾，唔会过韧，韧度刚刚好。鸡颈肉 $38————————————鸡只经常转动颈部，令肉质具弹性又有嚼劲，烤过后保持到原有嘅肉汁。鸡心 $34————————————因为心脏嘅肌肉组织不断活动，形成鸡心嘅弹性，咀嚼嘅时候感受到特有嘅爽弹口感。烟熏五花腩 $68————————————熏到表皮有少许焦香，腩肉油脂同筋嘅部份口感少许弹牙，非常香口。荔枝豚肉卷 $48————————————烧过嘅豚肉片外皮香脆，配上整粒清甜嘅荔枝，真系好夹，减低豚肉嘅腻感，令味道层次同卖相都更加丰富。烧酱油饭团 $38————————————外层烧得好均匀咁脆脆哋形成饭焦，加上紫菜，香口又满足🍙黑糖烧菠萝 $38————————————菠萝劲出色🍍每一粒都烤上焦糖面，咬落去爆汁劲juicy又甜，解腻一流🫶🏾…查看更多

#20250330 📝📍 乔居酒屋 @kyou_izakaya 太子花园街239号嘉庆苑地下C号舖➖➖➖➖➖➖➖➖➖➖➖➖➖➖➖➖➖#烟熏五花腩 $68#黑毛豚肉五花腩 $42💭 估唔到五花腩都可以有咁唔同既整法，唔讲真系食唔出系同一个部位，烟熏版有啲似厚身版既烟肉，阵咸香味比较浓🥓至于黑毛猪个版本就口感爽弹，完全食唔出有肥肉既质感🐷.#荔枝豚肉卷 $48💭 见到餐牌其实系得苹果同士多啤梨版，师傅应该系会因应果排啲生果拣最合适果款，今次就有幸试到荔枝🤩一咬荔枝系咇汁咁juicy，再加上佢受热过后非常之甜，好味道👅.#鸡肩 $48💭 今次尼食认识左好多鸡既部位，鸡心、鸡尾都已经唔特别，第一次见有鸡胸脆骨、鸡心喉管，试左鸡肩肉质好滑好淋身，而且啖啖肉好似食紧鸡髀肉咁🍗.#阿波尾手羽先 $42💭 食串烧唔系唔食鸡翼呀😏佢个鸡翼系连埋个鸡翼尖，最正系佢应该系烧之前有先风干过只鸡，所以食落个鸡皮又薄又脆，咬开入面又keep到juicy唔鞋，好惹味🐔.#牛舌心 $78💭 牛舌心唔系牛舌咁简单，佢系牛舌最中间既位置，所以食落去系好淋一啲都唔会韧，不过面头又有少少脆口，简单用盐调味已经够好味🐮.#鹅肝牛肉卷 $138💭 鹅肝配牛肉算系个几特别既食法，外面既牛肉用烧汁调味，烧到有微微既脆口，包住左湿润香滑既鹅肝，一啖咬落去既食到牛肉既牛香味，又食到鹅肝既油脂香气🪿.#烧翠肉瓜 $26💭 食到最后都系想叫返样蔬果类食，唔好睇呢个个样普普通通咁，估唔到佢系最有惊喜🤩翠肉瓜系用牛油去烧，劲香🧈然后咬每一啖都会流晒汁咁juicy，亦食到蔬果既清甜，劲正😋.#太子美食 #🐷在太子 #🐷_食 …查看更多