喜鳳冰室

朝早去嗰陣本身就係喺openrice見好似幾抵食，又多人收藏同畀好評去到叫左一塊雞扒嘅全日早餐，個早餐同網上啲人影嘅餐牌有唔同冇咗嗰啲扒餐早餐得全日早餐，價錢都有啲出入。之後到塊雞扒送去枱時，嗰一塊雞扒就煎燶到兩邊都好多位已經黑，食落都有陣燶味，其他都係偏中下。最恐怖係食食下嗰陣仲見到對面卡位張凳有隻細曱甴仔喺度爬緊，本身睇落其實都已經覺得都衛生麻麻地🤢到最後覺得真係very not ok，仲要都叫偏貴。真係完全諗唔明點解啲人咁多畀好評，都真係唔好食，又唔係抵食。可能以前好啲呱，但呢次個經歷真係都唔會再黎…查看更多

中午叫咗個肉眼扒配飯，加洋蔥汁。牛扒唔韌，夠大塊。服務都ok, 無迫人搭檯同食幾耐都無人催。野飲叫咗少甜都有跟足。送咗個椰子雞湯，雖然唔太有味但送o既，都要加分。整體唔錯會再幫襯。…查看更多

喺油麻地發掘到依間新開嘅冰室，食物選擇充滿驚喜，環境裝修別緻。最吸引我嘅係「勁蔥烤厚豬扒」，賣相討好不特止，厚厚的豬扒烤得外脆內軟，好入味，肉質軟腍勁juicy~ 配上蔥鹽味道更提升!另一款店家特色菜「豬潤雞酒湯配飯」，唔係好多地方有得食～黃酒香氣撲鼻，但比例又唔會太多，否則會苦，調味啱啱好！雞件嫩滑，豬潤爽口，味道不錯👍🏻「無骨海南雞飯」件件無骨～雞皮爽滑，雞肉嫩滑有雞味，海南雞醬唔會好辣，油飯較油。差啲唔記得讚吓依個椰子雞湯 （隨主菜附送），椰子味香濃而且非常足料！好好飲好滋潤，飲完唔口渴，相信冇添加味精👍🏻另外呢款特飲「話梅柑桔梳打」，本身係溝七喜，不過店員提我可以轉梳打水！感覺清新，又唔會太甜❣️正!餐廳仲提供特色私房秘菜😍睇餐牌好吸引，下次再來試。…查看更多

吃早餐，整體ok ar!我叫咗肉絲米粉，加多士加煎熟蛋。肉絲米粉OK 多士有烘過，顏色nice, 可惜唔夠脆。煎熟蛋真係煎熟個喎。奶茶少甜，但係飲嘅時候又好似唔算少甜⋯⋯Hubby 叫咗薑汁牛肉通粉.佢話個湯底鹹得滯 - 不過佢已經食得好鹹嗰啲人，但係都覺得鹹 - 即係真係好鹹？ 咁我就唔係好敢試啦，鹹得滯就唔啱我。裝修都係OK嘅，光猛嘅。阿姐就正常服務啦。乾淨就正常啦，又係，因為始終茶餐廳好難太高要求。可以再嚟試吓佢嘅lunch啦，因為好似都幾好味。…查看更多

「冰室與茶餐廳有何不同？」每次介紹冰室，總有人這樣問。其實，冰室像是香港的情書💌專注於幾道經典美食；而茶餐廳則像百科全書📚 選擇琳琅滿目今天帶大家探索位於油麻地的喜鳳冰室這間遠離彌敦道的繁榮 藏身後2條街 眼見大多以熟客為主❤️❤️趣事: 有熟客打開門 第一句是叫了 想吃的餐後 就轉身走了 職員依舊下單熟客回來 就已經有套餐送上 這份的人情味 與冷冰冰的先支持後送餐 形成強烈對比 另餐廳的水墨畫作 、現代壁畫 營造獨特氛圍去吃了海南雞腿飯 聽說是聞名的 🙈🍔香煎厚切豬扒包 ▪️ 份量驚人：豬扒比手掌還大！煎至外層微焦，內裡肉質鬆軟多汁香氣撲鼻 🍗 去骨海南雞腿飯（轉雞腿版） ▪️ 雞肉品質極佳：雞皮薄脆無脂肪，師傅手工去毛細緻，連雞胸部位也嫩滑不柴。 ▪️ 精髓搭配： 1️⃣ 油飯：以雞油與斑蘭葉烹煮，粒粒分明且香而不膩。 2️⃣ 特製醬汁：酸辣青檸醬與濃郁黑豉油，為雞肉增添層次風味。 3️⃣ 椰子雞湯：清甜滋潤，湯底還藏有杞子，暖心又養生。 🥤 飲品推薦 ▪️ 咸檸七：使用醃制半年的咸檸檬，氣泡感十足，解膩一流。 …查看更多

今日經過油麻地，諗起朋友之前強烈推介佢屋企附近呢間冰室。公司三文治外層的麵包酥脆，內餡十分豐富，有厚厚嘅滑蛋、鮮嫩嘅雞肉同埋清甜嘅蕃茄，帶有多重口感。無骨海南雞飯雞肉鮮美嫩滑，油飯香軟，吸收了雞汁和香料的味道，好好味。咖喱蝦球飯本身想食咖喱牛腩飯，不過太好買已經一早沽清，所以就試吓呢個咖喱雞球。蝦球彈牙，最正就係個咖喱汁，濃稠滑順，香味濃烈，用嚟送飯一流！紅豆冰紅豆甜而不膩，好飲！而且仲有兒時回憶！…查看更多

呢日做完運動又去揾食，好餓所以睇呢間午餐menu幾順眼就坐低咗，價錢其實都唔貴，60上下就有個lunch set包埋飲品，想講本身menu好似係寫湯/飲品，但上枱又俾晒湯+飲品，好扺XDD個湯都幾好味，唔會淡朋友要咗慢煮咖哩牛筋腩飯，我喉嚨仲有啲唔舒服，唯有食清啲要個海南雞飯。咖喱飯上到黎好澎湃，大大條筋同埋都多腩，仲要啲腩都煮到好淋，唔會話咬唔開or好柴之後到我個海南雞飯，啲飯被遮住咗睇落好白，但翻開啲雞食落口試下，真係油飯嚟嘅😂 雞嘅份量都幾多，特別一提佢個汁有驚喜，睇落有啲紅色我本身都驚佢係辣，但食落以酸酸哋開胃為主，唔辣可以放心食~做完運動特別餓，趁有啲quota我哋又加咗個公司三文治。好彩有叫，我第一次見有雞扒咁足料，仲要真係厚實juicy嘅雞扒，另外仲有炒得啱啱好嘅滑蛋，超滿足❤️…查看更多

今日去咗油麻地喜鳳冰室醫肚，呢間傳統茶餐廳真係好有香港情懷！叫咗兩份套餐加一個下午茶，份量足又抵食。先講套餐，一份係勁蔥厚豬扒飯，豬扒切得厚實又juicy，蔥油香到不得了，撈飯食一流；另一份係海南雞飯，雞肉嫩滑，飯粒油香，配嗰碟醬真係正！套餐仲包咗例湯—椰子雞湯，清甜又滋潤，飲完暖晒胃。下午茶就叫咗咖吔多士，多士烘得香脆，咖吔醬濃郁又唔會太甜，啖啖都係回憶嘅味道。飲品方面，點咗兩杯經典冰室款：紅豆冰同奶茶紅豆冰。紅豆冰甜度剛好，紅豆煮得軟綿，加冰超refreshing；奶茶紅豆冰就係奶茶控嘅福音，茶味濃滑配紅豆，層次感好豐富。整體嚟講，喜鳳冰室嘅價錢親民，環境又有舊香港嘅味道，係食地道美食嘅好去處！下次要試佢哋其他招牌，下次再同大家分享啦～…查看更多

要數代表著香港飲食文化的話，茶餐廳必定佔很重要的位置，今天到訪位於油麻地的「喜鳳冰室」享用午膳-🔹鮮豬膶雞酒湯飯 $62奉送例湯及飲品，例湯足料鮮甜豬膶爽滑軟嫩無腥羶味，加入煎生熟荷包蛋及鮮雞件，雞肉緊實細緻；高湯飲到濃香的黃酒及鮮雞味道，油膩感低-🔹海南雞半隻 $108附麻醬沙律菜及甜碌醬汁；雞皮爽滑，雞肉緊緻嫩滑，肉香不俗，蘸上醬汁有提鮮作用-🔹紅燒牛展手工麵 $65奉送例湯及飲品3 大件牛展配上紅蘿蔔及白蘿蔔；牛展煮至軟腍嫩滑，夾雜著牛展的筋膜，蘿蔔腍甜，手工麵細滑帶韌性，湯底微辣醒胃…查看更多

跟媽媽到油麻地果欄買水果後，就到附近喜鳳冰室食下野先慢煮咖喱牛筋腩飯⭐️爽滑牛筋腩，煮得腍軟入味，牛腩份量多，咖喱辣中帶香，非常惹味鮮豬潤雞酒湯麵⭐️⭐️大量豬潤，雞件、蔬菜，仲有一隻雞蛋，先飲湯，湯甜超香酒香及淡淡薑味，豬潤有驚喜，厚身但彈牙嫩滑，不乾不柴。雞肉易脫骨，吃後超溫暖西多士⭐️蛋漿再加上羊煎炸，口感酥脆，加上煉奶邪惡，份外好味奶茶紅豆冰⭐️⭐️滿滿紅豆，香滑奶茶同紅豆味，甜度剛剛好，必叫整體滿意。人情味滿滿，店員殷勤…查看更多

今日約咗朋友中午去行果欄 行果欄之前要醫醫個肚仔 見附近有間餐廳叫做#喜鳳冰室 見到個蔥油豬扒好吸引 所以同朋友入去試一試 我哋兩個坐低叫咗個餐我就叫咗個🌸蔥油豬扒飯配柚子蜜🌸朋友叫咗個海南雞飯配鹹檸七個蔥蔥油豬扒飯塊豬扒大過個手掌 加上個豬扒一啲都唔韌軟軟腍腍咁樣好有豬香味 另外再配埋去秘製蔥油爆多蔥配埋啲飯剛剛好 朋友嗰個海南雞飯去骨嘅有好有雞香味 配埋油飯一絕 餐廳環境唔係太大 勝在光猛 餐牌果度見到咖央厚切鮮油多油好吸引 下次試一試先😋😋…查看更多

呢間冰室都幾有特色，牆上面有啲graphic，同時亦掛有水墨畫，小小的冰室竟然咁有心思冰室當然會有常餐、炒粉麵、扒餐，但呢度有鮮豬潤雞酒湯飯，真係唔簡單喎，要試試去「鮮豬潤雞酒湯飯」個雞湯好鮮甜濃郁，黃酒味好香，仲有啲薑味，頓時覺得好暖身❤️豬潤食得出好新鮮，完全係腥味，口感好爽嫩，估唔到係冰室可以食到咁嘅質素而且仲有幾舊好濃雞味嘅雞，雞肉一啲都唔鞋喎，成碗湯+飯都比我清哂「無骨海南雞」呢個海南雞很不錯喎雞皮上嘅毛清得好乾淨，加上完全無皮下脂肪，所以食哂半隻都無肥膩感‼️雞肉係嫩滑的，就算雞胸位置都唔會好鞋最後食埋我最愛嘅茶記飯後甜品 — 西多士🍞…查看更多

很多人都不明白冰室和茶餐廳的分別，冰室就以數款特色食品為主，茶餐廳着重多元化。今天便來了位於油麻地內一間以港式為主打的冰室。勁蔥厚豬扒飯$60，口豬扒肉質鬆軟，蔥油味道香濃，兩者配合得恰到好處。海南雞飯$60，雞皮爽脆，雞肉軟滑可口，加點自家製的海南雞汁，層次感豐富。凍鴛鴦紅豆冰，跟餐$15。甜度適中，咖啡和奶茶的比例剛剛好，加上軟綿綿的紅豆沙，是港式冰室的特色。油菜，表面加上點蔥油，令到爽脆的油菜多了一種層次感。熱鴛鴦，咖啡是即磨咖啡，因此咖啡味道特別濃郁，加上奶茶的濃度頗高，這杯熱鴛鴦的質素確是不錯。例湯：眉豆粉葛煲豬骨，店主強調沒有添加味精，因此例湯的鮮甜味道不是因為味精，是因為材料豐富。…查看更多

這間喜鳳冰室地方不大，入到餐廳才知道他們除了是一間冰室，夜晚更可以是一間私房菜。是日推介都有幾多選擇，價錢大眾化。更附送例湯及餐飲。今日是粉葛豬骨湯，清潤不油膩。勁爆香蔥厚切豬扒飯，大大碟都係$60, 真係勁多香蔥舖面，沒有一般蔥油的油膩感，有好香的蔥香味，很好送飯。大大件厚切豬扒不柴不韌，有肉汁，食得出沒有添加鬆肉粉。紅燒牛展手工麵，有三大件厚切牛展，整得淋身入味，手工麵跟上海麵相似，但多了一份煙韌，湯底有牛肉香，清甜而不油膩。…查看更多

週未放假，約了朋友出旺角逛下商埸，想買一些特色精品回家做擺設，到了旺角，找間餐廳吃下飯先，行了一會見這間餐廳門口餐牌食物款式吸引，就入了去，環境懷舊餐廳感，看了一會叫了公司三文治  (下午茶餐)  烘得麵包面好脆，入面饀料有厚身蛋，厚底豬扒，薄片火腿，蕃茄，蛋滑身，好香蛋味，豬扒細塊，彈滑，好鮮香肉味，火腿同蕃茄軟霖身，有火腿香味，有鮮蕃茄味餐飲-凍柚子蜜  清新柚子香味，甜度適中黄袍叉燒蛋飯  特色，滿滿蛋同叉燒蓋在飯面上，蛋連同飯一起入口，蛋好嫩滑，濃香鮮蛋味，飯香味再多一種蛋香味，叉燒大塊，爽嫩彈滑，好鮮叉燒香味，層次味道感勁蔥燒厚豬扒飯  真係好多蔥舖在豬扒上，豬扒有厚度，好軟霖身，一切已切開，濃郁豬香味同蔥香味，另一種口感餐飲-咖啡紅豆冰  少見，杯入面滿紅豆，獨特咖啡同紅豆香味，甜度剛剛好餐飲-凍柚子七喜  清香柚子加七喜，另類味道，好搭配，適中甜度…查看更多