喜贏茶餐廳

皇牌冰廳結業後，原址搖身一變變成另一家茶餐廳，裝修跟之前九成一樣。最近餐廳推出優惠早餐，$32有豬扒或牛扒或雞扒，半件牛油多士，兩隻煎蛋，一碗湯粉或麵，一杯熱飲。最初對呢個價錢有所懷疑，但食過一次真係出乎意料咁抵。塊豬扒差不多手掌咁大，仲要係厚切，有肉味唔似係殭屍肉；兩隻煎蛋可換庵列或一蛋一腸；碗湯粉可以選擇公仔麵或烏冬或辛辣麵而不另收費。唯一美中不足係冷氣唔係好夠，同埋部份服務員不時聚集水吧，唔知道有客人要落單。整體值得試試，因為真係抵過番大陸食... （利申：自費食評）…查看更多