喜牛蘭州牛肉麵 (MONTEREY Place)

同女友经开呢头，揾野食果时见到佢门口大大只字写住免费续面，望下价钱见性价比系高既，咁吸引就入去帮衬下啦，舖头好近将军澳Ｄｏｎｋｉ，店内装修朴实舒适，有啲小菜18蚊以为佢好细份啦，黎到先发现比想像中大份好多，无论面底定小菜都一样大大碟上比你，唔只份量，味道一样好，我几欣赏呢间野！蕃茄牛肉面$68蕃茄味汤底够鲜甜够开胃引诱到我大大啖咁食啲面，浓茄汤永远都系开胃必选，而面底我特登嗌左二细较为粗身既面，依然保持到弹性，牛腱入口即化好细腻，赞！佢仲可以拣细面或刀削面，岩哂唔同人唔同口味，喜牛凉面$60同牛肉面一样好大份，正！菜同花生比例岩岩好，女友赞不绝口，份炖牛既味道出色充满牛味，感觉上比汤面更厚身，喜欢凉面既朋友仲可以嗌佢加辣入去凉拌木耳$18如果喜欢清淡鲜味既就要嗌呢个喇，清清地小菜爽口惹味柠檬无骨凤爪$28极之开胃，如果只可以拣一个前菜，我首选呢款，淡淡柠檬清香融入成只摆到入口既鸡脚，筋腱补下脚都好脆爽鱼皮$38微辣既鱼皮，比外边食开既鱼皮更厚身但保持到弹牙，好味红枣枸杞蜜$18杞子明目，红棘岩女士饮，热饮竟然系用冻饮杯装，比较少见，话梅金橘蜜$18超级润喉，有嫲嫲既味道，如果唔钟意太甜，可以嗌店家减甜tim…查看更多

星期日系将南闲逛，经过旺角呢间兰州牛肉面，身为面痴嘅我紧系要入去会一会佢！今日试酸菜牛肉面（$68） 一上枱个卖相都几得！饮啖汤先。有惊喜！牛骨香气够醇厚，饮到淡淡香料味但唔会过咸，饮完成个口唔会渴。但系！重点嘅面条就出事啦——叫咗细面，咬落明显偏硬，欠缺兰州拉面应有嘅弹牙感。可能煮嘅时间掌握得唔够准，食到最后仲有种「未煮透」嘅粉感，扣分!牛肉方面用咗牛腱肉，切得薄片，证明师傅刀工唔错，肉质算系松化，不过香气就争啲。辣椒油反而系亮点，香而不燥，加咗两勺即刻提升成碗面嘅层次。叫左几款小食，荤菜做得唔错，鸡翼可能煮好较耐, 又干又实。一碗分量已经好足够，唔需要加面，大胃王可以挑战下。…查看更多

行开将军澳PopCorn，肚饿想食碗暖嘢，「喜牛」碗红烧牛肉面真系救命级好食！一上枱就知值回票价——牛𦟌多到叠成小山，仲要系厚切骰子粒，咬落腍到离谱，筋肉间啖啖卤香！重点系佢个牛骨汤底，饮第一啖双眼即刻瞪大：浓到似羹汤嘅质地，匙羹舀起嚟会挂汁，甜香攻鼻之余完全唔口渴（肯定冇落味精！）。面条拣咗粗身刀削面，吸汤力爆灯，嗦嗦声食到停唔口～神来之笔系溏心蛋同酸菜！蛋黄流心捞汤超邪恶，自家腌酸菜爽脆解腻，夹埋牛肉食简直升华！食完成碗嘴唇黏住晒胶质，忍唔住「啜」干净先舍得放低匙羹⋯⋯将军澳友食牛肉面首选呢碗，份量够大胃王都饱到捧肚走。温馨提示：晏昼12点半前／晚市6点前到，避开人龙唔使等位！…查看更多

讲开将军澳食兰州牛肉面，十个有九个都会谂起「喜牛」啦！佢哋个汤底同面质系几得，呢点唔使多讲。但系呀，今次我真系要 大力推介佢哋杯「话梅柠檬茶」！饮完真系有惊喜，绝对系成餐饭嘅点睛之笔！讲真，出面柠檬茶周街都系，但加咗话梅落去，成件事即刻升呢！喜牛呢杯，一上枱就见到粒 大大粒、饱满嘅话梅浸喺底，仲有几片厚切新鲜柠檬，个卖相已经够哂吸引。一啖饮落去，哇！个味道层次即刻出晒嚟！首先系 柠檬嘅天然清香同微酸，好fresh，唔系死甜𠮶种。跟住， 话梅嘅咸咸甜甜 慢慢渗出嚟，唔会好霸道，系好温柔咁同柠檬味捞埋一齐。最正系𠮶种 「咸甜酸」嘅微妙平衡，超级开胃！食紧碗热辣辣、带少少油香嘅牛肉面，间中饮一啖呢杯冰冻嘅话梅柠檬茶，真系 爽到震，劲解腻、劲解辣！ 成个口腔即刻refresh哂，食欲都返晒嚟，可以继续战斗！我谂佢哋真系落足料，粒话梅浸耐啲，味道会愈出愈浓，杯野饮到尾都仲keep到风味，唔会淡茂茂。而且甜度我觉得调得啱啱好，唔会饮完成口糖浆咁滞。大热天时或者食到身水身汗，呢杯真系 透心凉嘅救星！ 总结嚟讲，去喜牛将军澳食面， 千祈千祈唔好skip咗呢杯「话梅柠檬茶」！佢唔系普通配角，绝对系 提升成个用餐体验嘅秘密武器！三十蚊左右一杯（价钱可能微调，以餐厅为准），饮到咁有特色又夹到个面嘅饮品，真心抵！试过你就知，真系会心思思想encore！下次去开，记住点呀！包你唔会后悔！…查看更多

上星期日同屋企人去将军澳Donki𠮶边行，见到有间响电梯后面， 十分隐蔽嘅面店！喜牛牛肉面！🐮🐮🍜🥣舖头海报写住四只大字：免费续面！非常吸睛！本身都冇咩兴趣，以为系另一个大陆品牌进驻。就响我哋在门口前犹豫不决时，店员上前介绍他们的面店，本身就系面痴嘅我，最后决定就入咗去试吓～餐牌上有好多唔同嘅款式选择，酸菜牛肉面，蕃茄牛肉面，不过第一次食，就想试吓佢哋最经典嘅喜牛牛肉面！店员介绍佢哋嘅小食，例如卤蛋系每日新鲜整，不过惊食唔晒就冇试到😂佢啲面系新鲜制作，可以拣唔同嘅粗幼度✌🏻✌🏻🍜🍜面来了！哗！超！大！碗！手打嘅拉面，非常之弹牙新鲜👍🏼👍🏼汤底有淡淡嘅牛味，但佢本身唔系台湾牛肉面嘅路线，唔系红烧，所以唔深色！佢嘅牛腱好滑，近乎入口即溶，冇臊味👍🏼👍🏼👍🏼👍🏼👍🏼我拣咗小辣，不过觉得唔够辣。佢有个自助吧可以自助斟水，加辣椒油，加醋。食完之后，胆粗粗问系咪可以免费续面！😂😂真系得！拣咗两个细碗，份量都超多！真系抵到不得了，面嘅质素非常高！仲要免费续面，即系一个价钱食咗两碗🤣🤣🤣🤣埋单嘅时候忍唔住向店员大赞：你哋啲面真系好好食！牛好滑！❤️💪🏼简直就系沧海遗珠！屋企人都话下次再嚟要试埋佢哋啲小食～…查看更多