喜牛蘭州牛肉麵 (MONTEREY Place)

同女友经开呢头，揾野食果时见到佢门口大大只字写住免费续面，望下价钱见性价比系高既，咁吸引就入去帮衬下啦，舖头好近将军澳Ｄｏｎｋｉ，店内装修朴实舒适，有啲小菜18蚊以为佢好细份啦，黎到先发现比想像中大份好多，无论面底定小菜都一样大大碟上比你，唔只份量，味道一样好，我几欣赏呢间野！蕃茄牛肉面$68蕃茄味汤底够鲜甜够开胃引诱到我大大啖咁食啲面，浓茄汤永远都系开胃必选，而面底我特登嗌左二细较为粗身既面，依然保持到弹性，牛腱入口即化好细腻，赞！佢仲可以拣细面或刀削面，岩哂唔同人唔同口味，喜牛凉面$60同牛肉面一样好大份，正！菜同花生比例岩岩好，女友赞不绝口，份炖牛既味道出色充满牛味，感觉上比汤面更厚身，喜欢凉面既朋友仲可以嗌佢加辣入去凉拌木耳$18如果喜欢清淡鲜味既就要嗌呢个喇，清清地小菜爽口惹味柠檬无骨凤爪$28极之开胃，如果只可以拣一个前菜，我首选呢款，淡淡柠檬清香融入成只摆到入口既鸡脚，筋腱补下脚都好脆爽鱼皮$38微辣既鱼皮，比外边食开既鱼皮更厚身但保持到弹牙，好味红枣枸杞蜜$18杞子明目，红棘岩女士饮，热饮竟然系用冻饮杯装，比较少见，话梅金橘蜜$18超级润喉，有嫲嫲既味道，如果唔钟意太甜，可以嗌店家减甜tim…查看更多

想食碗热辣辣又足料嘅面？等我话你知，「喜牛」碗牛肚刀削面真系坚得！唔系普通货色，食过一次就知返唔到转头！只碗大到呢，汤汁满泻咁滞，仲要见到啲刀削面条条都唔同样，粗幼不一，一睇就知系师傅手工削出嚟，唔系机制货色！阵阵卤水香味扑鼻而来，未食个肚已经打晒鼓！个汤底真系灵魂所在，饮一啖，卤水味香浓得嚟好醇和，一啲都唔死咸，仲带少少药材回甘，饮完成个身暖笠笠！主角牛肚份量绝对唔孤寒，炆到超级淋滑入味，咬落去又爽又弹牙，完全冇内脏嘅膻味，正到痺！最惊喜系啲刀削面！口感真系无得顶，食落烟烟韧韧，超级有咬口，因为每条面厚度唔同，索汤能力一流，每啖都系汤同面嘅完美结合，口感丰富到爆炸！成碗面由汤底、牛肚到面身，样样都配合得啱啱好，食完成碗真系大满足！如果你同我一样系牛肚同嚼劲面条嘅粉丝，咁呢碗「牛肚刀削面」绝对系你嘅将军澳必食之选！…查看更多

今日同屋企人行开将军澳MONTEREY Place，试咗呢间喜牛兰州牛肉面，果然有惊喜！两款主打菜式真心想推介俾大家～首先系柠檬无骨鸡爪～ 一上枱就闻到好清新嘅柠檬香！鸡爪处理得超干净，去晒骨食落啖啖肉，口感爽脆弹牙，腌得好入味。酸酸甜甜带少少辣，仲有微微嘅蒜香，超级开胃！食完一只接一只，真系停唔到口，绝对系夏日必点前菜！主角喜牛牛肉面都冇令人失望～ 汤底系用牛骨熬制，饮落好浓郁但唔会过咸，仲有淡淡嘅药材香。面条拣咗幼面，口感够弹牙，挂汤能力一流！牛肉份量十足，有牛𦟌同牛腩，炆得好淋好入味，仲有啲萝卜索晒汤汁精华，清甜到不得了！呢度环境干净舒服，价钱合理，食物质素对得住个价钱～ 特别系个无骨鸡爪，真系会令人念念不忘！如果想喺将军澳食碗靓牛肉面，呢度绝对系不错嘅选择！…查看更多

味道正常，价钱合理。难得一间适合一家大细去食嘅面档。虽然现时市道唔好，希望佢可以长做，我可以继续有好嘢食。将南价钱平民嘅餐厅真系好少，推，大家一齐分享。88一餐包饱😅…查看更多

星期日系将南闲逛，经过旺角呢间兰州牛肉面，身为面痴嘅我紧系要入去会一会佢！今日试酸菜牛肉面（$68） 一上枱个卖相都几得！饮啖汤先。有惊喜！牛骨香气够醇厚，饮到淡淡香料味但唔会过咸，饮完成个口唔会渴。但系！重点嘅面条就出事啦——叫咗细面，咬落明显偏硬，欠缺兰州拉面应有嘅弹牙感。可能煮嘅时间掌握得唔够准，食到最后仲有种「未煮透」嘅粉感，扣分!牛肉方面用咗牛腱肉，切得薄片，证明师傅刀工唔错，肉质算系松化，不过香气就争啲。辣椒油反而系亮点，香而不燥，加咗两勺即刻提升成碗面嘅层次。叫左几款小食，荤菜做得唔错，鸡翼可能煮好较耐, 又干又实。一碗分量已经好足够，唔需要加面，大胃王可以挑战下。…查看更多