喜悅皇宮 (已結業)

服務態度差不在話下，越做越衰，永不幫襯..晚飯得幾檯客，員工當你透明，屋村酒樓都係做街坊生意，收錢仲要受氣，千其咪去，幫襯出面好過，食物水準奇差，唔知換左師傅定咩，總之好差嘅一次飯局，簡直一肚火。…查看更多

食物其實唔錯，但侍應態度越嚟越差，永遠見唔到你交單、沖茶，你走埋去比單佢，佢可以好似發脾氣咁掉張係枱面，真係令人好火滾！唔做就返屋企啦！比錢飲茶仲要受氣，佢老細真係多得佢唔少！唔係一個半個態度唔好，係大部份都唔好！其他分店唔知，翠林呢間真係好唔掂！…查看更多

今日難得同屋企人撐枱腳，由於屋企人想去飲茶 所以就決定左去喜悅皇宮。平時都有食開，點心味道都可以、唔太差。一路都有幫襯開，都知屋村茶樓無咩服務可言，但今日一遇，無服務之餘仲要睇啲員工面色。其實我都唔係期望有服務😹，只不過想問姐姐拎碟辣椒油，佢點心車下面有，但係佢話：你等下一個比你（語氣仲要幾惡）。同佢講你車下面有。佢：我都話唔得閒，你叫下一個比你。😰佢答我唔得閒叫我自己拎我都可以，但唔需要咁惡，屋村生意，唔洗下下都黑口黑面掛？🤔另外有碟百花釀魚肚等左大半個鐘都未有，打算搵經理講取消張單，明明個男經理已經同我對到眼神，仍然都可以視而不見，當我透明........一間餐廳除左食物味道，其實服務態度都好重要😓😓唔係得熟客先要好好對待，情願去集團式酒樓都唔會黎呢度，真係好失望，食左一肚氣。…查看更多

翠林間喜悅皇宮都算有保證 之前飲茶都覺得點心唔錯 今次就過嚟食下晚飯見到有孖寶套餐就試下 叫咗條沙巴龍躉仔再加陳皮蒸鮑魚 食完飯仲有糖水送條魚都夠我哋四個人食 蒸得啱啱好 好滑啲鮑魚就普普通通 好似蒸得過火咗有啲硬同埋真係同屋企嗰啲好大分別 睇落好似完全冇洗過咁 嗰邊黑蚊蚊 意大利黑醋骨個味酸酸甜甜咁 好開胃 個餐牌好似係 一字骨咁 但係哩都就好似肉排咁 啖啖肉都好嘅鮑汁花膠珍菌豆腐都幾足料大大煲總括嚟講下次叫孖寶就唔會再叫鮑魚 可以試下其他 喜悅個廚房煮嘢都幾好食 可以再試其他菜式…查看更多

大大話話飲咗咁多年茶 今次哩到將軍澳喜悅皇宮 真係抵讚 點心好味 價錢親民 位置多 地方大 就喺翠林新城6樓虎皮釀尖椒大點麻辣牛展 $48海蜇鮑魚片 $32脆皮燒腩仔$48蟹籽燒賣皇 大點蟹子沙律盞 特點鮮竹牛肉球 中點喜悅蝦餃皇 特點醬皇蒸鳳爪 大點北菇棉花雞 特點香煎蘿蔔糕 中點總括黎講 全部點心都好正…查看更多

上星期第一次踏足呢個比較偏僻嘅商場時一抬高頭見到有間酒樓，外牆嘅皇宮設計好觸目，忍唔住望多兩眼，走嗰陣留意到入面貼嘅廣告，見價錢都都幾街坊，所以今次同朋友嚟飲下午茶。一到去見酒樓都幾大，人唔算多，好多位，職員叫我哋隨便揀位，好快沖好茶，我哋兩個人叫咗六個點心，一碟炒河，埋單$200有找。點心味道可以，下午茶又唔使同人逼，職員有笑容有禮貌，價錢合理，感覺唔錯:)。蜜汁叉燒腸，每件都脹卜卜，幾足料，皮都幾滑。鮮竹牛肉球，唔係好有牛肉味，但又唔會醃到好鬆無晒肉嘅口感，口感唔錯。蜂蜜蛋散，每次見到都必點，唔係好多酒樓有，可以再鬆化啲。蘿蔔絲酥，食嘅時候係暖，可能係炸定烘住保溫，外面稍為有少少乾，無入口即溶嘅酥，餡嘅味唔錯，整體都可以。奶黃流沙包，流沙做得好好，唔會太稀，餡甜咗少少，奶皇味重。喜悅蝦餃皇，呢個麻麻，皮同餡好易分開，蝦肉亦唔爽口。乾炒牛肉河，少油，味唔重。…查看更多

今日同老公同個仔嘆番下一盅兩件呢間酒樓幾年就會轉一次手 但係永遠食物質素都保持到 應該班 廚房 夥記係冇轉個手 尤其是燒味部 川味沙薑 豬腳粒 我連飲茶都會叫佢 大家如果唔嫌遠 真係可以入嚟試下呢間酒樓啲嘢食…查看更多

屋邨酒樓其實好惡做，如果好似我呢度咁就仲難，位處將軍澳半山，只得一條邨幾幢居屋，人口有限，唯有諗吓噱頭，最近酒樓就推出家常便飯套餐，298蚊有一個湯或者羹，灼海蝦，燒味拼盤，兩個小菜，一家四、五口都夠食，而且味道仲唔差，當然另外仲要收茶芥同加一服務費啦…查看更多

第一次嚟呢度飲茶同事介紹話依度平靚正地理位置唔算方便，要特登搭車嚟環境麻麻地枱布重用唔知幾耐先換，大部份都係污糟既，要睇清楚先好坐低食物方面，質素都唔錯叉燒腸非常足料而且叉燒好味～我哋叫咗個叉燒瀨粉添～瀨粉係比較幼身的煎薄撐都幾好食唔會太油而且亦唔係超級薄，有啲咬口啲蔥仲好香～雞扎大大個芋頭超級好味🤤🤤🤤好粉！另外魷魚鬚都正佢係切短左先炸 比較方便食每一條都好脆，又唔會太厚粉但以$42嘅價錢來講份量可以多番少少值得一試不過茶錢要$11 一位就太貴喇…查看更多

依間酒樓 嚟過起碼五、六十次主打街坊生意 但一啲感情都冇想搵個人加水 個個就掛住吹水搵到個加啦 點知就黑口黑面 口upup話依邊吾係佢負責我明白酒樓運作模式 但至於要咁咩？不過平心而論 食物係冇問題淨係個米粉 上面整整齊齊靚靚仔仔下面就陰陰森森碎碎濕濕但其他 好似奶皇包 叉燒包 炸兩都吾錯不過街坊生意 吾好咁黑面好服務分有冇得俾負？…查看更多

放假乖乖女陪老爸飲個早茶，由於唔係位於大商場入面，酒樓地方又大，基本上每次來飲早茶都唔係好洗等位！11:30前來到落單都有優惠點心添！酒樓點心款式超多，唔似大集團酒樓黎黎去去都係果幾樣，例如尼到有嘅糯米包(用燒賣皮包果隻)同芋角真係唔係到到都食到！芋角外面鬆脆，內裏餡料味到十足，就算怕肥都忍唔住食左2個鳳爪排骨煲仔飯，尼到有盎仔飯定煲仔飯你揀，個人覺得煲仔飯係香啲，飯粒無咁乾的，而且一煲都分到4碗，先$48，飽肚抵食流沙奶黃包，尼個個流沙奶黃包堅係得堅係流沙，唔係出面果啲得個名潮州粉果，個皮略嫌有啲厚。山竹牛肉，軟淋淋好好味！…查看更多

雖然這間在屋村內，這裡的點心沒特別，是一般的款式，但味道真好吃，尤其炸物，椒鹽魷魚、蒜蓉春卷和黃金豆腐👍👍👍，胡椒咸菜豬肚非常好吃，還吃了很久沒吃熱騰騰的雞包仔，蝦餃燒賣比開張時差了一點，但平均每樣食物都好味…查看更多

難得放假過開黎呢個屋村探朋友，咁岩就到下午茶時間，俾朋友帶左去樓下酒樓tea一tea。平日關係，唔駛等位就有位坐，兩個人，唔敢叫得太多，叫左4個點心。野食黎得唔算快，但都幾好食。燒賣: 雖然無原隻大蝦，但都算足料好食。鳳爪排骨飯: 鳳爪我唔食既，排骨略嫌肥左d，反而個飯幾好食，粒粒分明油潤，加埋甜豉油，正！糯米包: 見有餐牌有，唔駛諗即點，最愛連埋裏面既花生一齊食！椰汁馬豆糕: 夠凍夠滑，同普通甜品店食既差唔多水準。成餐2個人食左$85，我覺得都算抵食喎，可以有下次。…查看更多

星期一至日都提供下午茶時段當然要早點去攞位啦環境舒適、而且抵食、味道質素也不錯雖然身處酒樓、但沒有嘈吵的感覺可以安安靜靜地食點心、嘆茶、好寫意呢！最喜歡這裡的炸雞軟骨好食過日式放題、夠新鮮又熱炸脆口不油不膩、最重要係沒有硬過石頭的感覺而且、粒粒夠大、真係要比個讚可惜今次沒點:(唯有post住其他相先啦…查看更多

預早慶中秋節，揀了將軍澳爸媽怕我找不到，於是傳來以下相片(字大隻我就會知位置？😂😂)爺爺食齋，臨時加了兩道菜可還是椒鹽受歡迎(有炸蒜還是齋嗎？？！)肥美的燒鵝，味道夠！芝士焗龍蝦定必加配伊麵底家人吃光伊麵剩下幾件龍蝦，說伊麵才是精髓(我覺得只要有芝士，就是精髓)蒸帶子的蒜大概不是生的或是後加的，因粉絲沒甚麼味道找不到燕窩羹的燕窩羹🙄大家多番細嚐，只是找到蛋白絲，味道不錯鮑魚略韌蒸魚酒席最常見的菜，蒸魚可是數一數二可不是每間都做得好，不是過時，就是太生這尾魚做得很好，是最快吃光光的一道]蔬菜到來時大家已停住手腳連同炒飯置之不理🙈可憐極了惜食的我們當然包走]差點忘了這道，“青bb”原來有一半人都不愛芥末，為何不將汁另上？！！]補充一下：有位職員態度可差透了(這才是重點)起菜時已在旁嘰嘰喳喳，似是批評某同事我們結賬後要求外賣盒，她：要兩蚊個架喎(大概這般)，生怕我們不願付然後老闆會要她代付的如果這天不是做節要一家人開開心心，我定…查看更多