喜喜冰室

营业中

休息中

一年前同少爺食過一次舊店，打算一年後再拜訪一下，當係回味下，點知中大伏。一入舖頭，一班以為自己係澳牛夥記既店員，對住你呼呼喝喝，已經令我地開始燥燥地。食埋佢地啲野，已經可以同大家講，呢間野永遠都唔洗去。等野食期間，我地見到啲侍應好似未瞓醒咁，攞乜跌乜。碗飯跌左成塊燒肉落枱，徒手執完扮冇事再攞比個客... (最重要係上一秒比我見到佢整完眼屎)等左好耐之後終於來同大家介紹翻咸到好似食鹽)美極叉燒炒意粉我地對呢間野已經冇再留戀。 完

有日本朋友黎香港，上openrice 睇到呢間喜喜 好似唔錯。位置隱蔽左少少，但入面都好闊落。係小巷見到呢個牌轉入去就係。門口仲有張乒乓枱可以玩入到去裝修幾特別，4人卡位 係紅van既設計，幾得意。一開始想坐卡位，但冇晒位。之後有位，個伙記都好好人叫我地去坐。D 野食黎得好快，早餐個厚多士同炒蛋都幾好食。其他野食就正正常常，本身見佢餐牌有好多都想試，可惜早餐時間冇咩特別既野食。 有外國朋友黎香港 可以一試，喜喜 個裝修有誠意，用黎影相打卡都幾開心。

昨晚在銅鑼灣，一個人行經百德新街，忽然想一個人浪漫，好耐無食豆腐火腩飯；知道有間懷舊茶餐室 喜喜冰室，入去一試；冰室有外部准抽煙，內部以紅小巴標榜懷舊，不倫不類不舒適，至於員工態度似足小巴司機，制服不整齊，高談闊論；飯用紅雞湯碗裝來，數伴火腩，三件豆腐，伴的九菜蓋住白飯，白飯要挖起才食到；最失敗的是飯卻不太熱；味道一般草草吃過，居然還要收加一服務費，我想他們是想創茶餐室的先河，收費又無服務，希望其他的冰室唔好學啊。😩😩😩

挑戰賓墟什扒，以銅鑼灣區嚟計，百幾蚊有咁既份量真係抵食夾大件，煙肉，司華力腸，豬牛雞扒，牛脷，雞蛋……仲有飯、意粉或薯菜跟+餐包餐湯野飲。未講好唔好食，睇到個份量都嚇親，味道就同價錢成正比例，真係麻麻地，如果係好肚餓要，嚟填飽個肚就一流。渣甸街果邊都有幾間茶餐廳有扒餐，味道同喜喜差唔多。驚喜白汁芝士焗雞皇飯，都幾重芝士味，雞球夠滑x大大粒，白汁個味岩岩好(我個人喜歡濃味)，炒飯底唔會太乾好好食，另加幾多配料蔬菜~正呀。推介~份量又係一個字~勁

12月29日同朋友去工展會血拼前，當然要去滿足下個肚仔先，知道喜喜冰室搬遷了一值沒機會再幫襯，今次決定帶埋朋友仔去食個靚早餐先。價錢一般，裝修有香港味，有特色。你第一次去一定會忍唔住影下相留念的。伙記有禮貌，就算我食完傾多陣都沒有被趕走。門口還有吸煙區。方便不同人士的需要。但位置有點隱蔽要慢慢找。

星洲炒米可說是港式炒粉麵的代表之一，無論在茶餐廳、大牌檔或酒樓都會吃得到。咖哩香氣噗鼻的星洲炒米，有爽口彈身的米粉和豐富的材料，令你垂涎欲滴。今天午飯就点了一碟。這道炒米看似简单，其实好考廚師工夫。首先材料多，包括：义燒，銀芽，蛋丝，洋葱，西椒，蝦仁，韭黄，...炒得要均衡。然后就是考厨師耐性，必须要炒得乾身。今天這碟星洲炒米粉就譲人失望。材料算是足夠，可惜炒出来太湿，完全失去這度菜的基本要求。真的很难了解身為厨師和店主对食物質量的看法！

開心星期五，同事聚餐最開心，之前喜喜搬遷到隔離街，我都未去過食飯，今日難得同事提議去食茶餐，好主意喜喜出名就是茶餐，多士超脆口，用火腿炒蛋超香，叉燒足夠厚度，意粉爽口排骨炆得夠易咬口，薯仔超棉，好適合配飯，包中湯及飲品蛋蒸得好滑溜溜，而又有咬口主要是瑤柱斑腩好多，焗得夠香噴噴豬扒好香口，拼脆皮腸，加入意粉，好滿足叫埋飲品，飲完即飽晒舊式茶餐廳才用方糖環境舒服有得玩有得食

This is a new restaurant. It was moved a year ago. Back then, they served good breakfast (lunch and dinner weren't good). Now, breakfast is so bad. My family and I have decided not to go again. They got an upgrade on interior decorations and hygiene. Yet, I wish the food quality could have never changed.

偷得浮生半日閒，怡東軒嘆完茶，轉個角來到下一站喜喜冰室，好耐之前已想試試呢度嘅signature dish雞批浮台。可惜雞批係凍嘅，餡料火腿多過雞，調味也略嫌單調，外皮也𣎴見得鬆化，沒有牛油香。如果單論雞批是𣎴合格的。至於豆蓉湯夠熱，但只係單純的打爛青豆蓉，冇乜特別香料調味，顯得味道也有點單調。𣎴過好欣賞餐廳嘅創意，無論是菜式名還是裝潢，都有花心思，貪新鮮的我，$33當作只吃創意，也總算值回票價了

今次特登嚟食呢一間有懷舊feel嘅冰室⋯⋯門外已有懷舊的感覺，仲放左一張大乒乓球枱比客人玩樂！洗手間內貼了懷舊明星照片⋯⋯而座位亦模仿十四座小巴，像置身小巴上用餐，頗有特色我點了這款茶餐，配B仔鴛鴦！义燒湯意粉，超正杯熱飲原來係’好立克+阿華田’面頭加粒棉花糖！甜味剛好，不用落糖！脆皮菠蘿包$18，好脆、夠熱、重牛油！正呀鮮茄牛肉燴意粉，好掂現在已怎小見到嘅‘方糖’門外有幅大海報總括來講，我本人非常滿意這間冰室嘅食物，食物味道、環境都不錯

趁星期日早上冇咁多人，嚟食過簡單既早餐影下相不亦樂乎。沙爹牛肉，叉燒公仔麵，沙爹汁好夠味偏甜，叉燒都算淋身，份量多既，個人而言銅鑼灣區既早餐價，真係算抵食夾大件。熱咖啡香滑濃郁，亦算水準以內。嚟得呢度食野真係相機行先，環境裝修都好靜，價得一試，另外見到餐牌上有鴛鴦太極炒飯、奔墟什扒等等亦非常吸引，下次一定會嚟試下。

小編至愛港式茶餐廳🤤近期寵愛既喜喜冰室😍出面一個乒乓球檯 入面就裝修到80年代既樣咁 感覺上好懷舊 小編發現好多位都可以影下相菠蘿油做到內脆外軟 未食已經陣陣牛油香 一定要趁啱啱出爐好食啦👍唔係會唔脆常餐 嗌左健康少少既叉燒米粉 叉燒偏瘦 不過好欣賞個米粉爽口索囇d湯汁 味道還好炒蛋偏熟 牛油味唔太突出 整體上炒得d料唔太油 👏🏻多士烘脆脆但唔乾 抵讚✨另外講下d服務 真心覺得好好 首先任影唔嬲 📸之後加單催單冇怨 呢點確實難得😤

Was excited to have cha chaan teng classics as I haven’t been in HK for many years. Sadly, this was our first stop. Overall, not the cleanest place: bowls and dishes with caked on stuff, leftover napkins on the floor etc. Food wise: The baked pork chop rice was goopy, macaroni soup bland, the milk tea and toast were fine. Service: As expected the service was surly and impatient (I struggled with ordering in Cantonese). The cashier was pleasant.

尋日(19-11-2017 Sun)同老公去灣仔捐完衫再行一陣後,就走o黎食上次食唔到o既雞批浮台,我o地2:00pm o黎到,由於擔心好快賣晒,o係門口我o地已經問個侍應有冇雞批浮台?佢返入去,我o地都去搵位,佢行返出o黎答我o地有.真好,好快有位喇,我o地坐低後,唔等2:30pm下午茶餐,就即叫個雞批浮台,$33.00.之後研究重要咩o野, 下午茶餐原來有帶子批咁奇特,而老公發現有樣好得意o既o野,就係燴菠蘿火腿克戟,$58.00,而由於個位太熱,我o地就決定叫杯凍o野飲,就叫$29.00o既黑牛,咁就加單.雞批浮台終於到o黎,我之前睇o左EL呢篇食評https://www.openrice.com/zh/hongkong/review/%E9%9B%9E%E6%89%B9%E6%B5%AE%E5%8F%B0%E5%A4%9A%E9%BA%BD%E8%A9%AD%E7%95%B0%E7%9A%84%E8%A8%AD%E8%A8%88-e2871922,話個綠色o既湯係酸酸辣辣,我同我老公講,佢話唔係喎.今次終於食到,而佢o既menu都寫明係綠豆蓉湯,我先試吓啖湯,完全冇酸辣味,綠豆

老實說，一直也有幫襯開這間餐室，食物質素和環境自覺尚算可以，但估不到今天的經歷，令我想短期內也不會再光顧這餐室了！今天我和太太一起來吃東西，我點了一個茶餐，而我太太點了蕃茄牛肉燴意粉，我太太的意粉來了以後，吃了幾囗，後來我太太忽然有些作嘔，我問她甚麼事，她給我看她吃的意粉內，竟然有隻‘小昆蟲’！（我和太太也不知道是什麼小昆蟲！）之後當然找餐室內的職員，告知他們有這樣的事情！怎知道那職員回應：‘哦！那換過一碟給你吧！’然後就走了！後來我再叫他回來並向他說我不要了，他說那幫你取消吧，之後就離開了！（其間一句對不起也沒說）後來我怱怱吃完我的茶餐後便埋單走人，在埋單前我太太再去找該餐室的經理告知剛才的事情，經理才向我們道歉和給了我們九折！而我太太向經理投訢該員工，那員工才向我們說對不起！整件事情來說，令我不滿的只是該員工的態度，經理的處理還是可以的！