喜喜冰室 (已結業)

喜喜冰室系一间充满怀旧风格嘅茶餐厅😍，佢里面嘅装修布满咗六七十年代既摆设，仲有一列超旧式嘅小巴座位，而室外仲有一个小型游乐场，包括古董嘅旋转单车😆，我就梗系叫返佢哋嘅经典菜式，同呢度必食嘅嘢啦🧡鸡批浮台 $48 :未食嘅时候睇相已经觉得呢一道菜几特别，所以叫嚟试吓，佢将成个鸡批放咗落去菠菜蓉汤度，食落去味道又几特别㖞同几夹😋，将本身鸡批比较腻嘅味道中和咗，又可以当汤咁饮唔错👍🏻👍🏻🥩铁板洋葱鸳鸯扒配烤蕃薯野菜 $128 :唔知佢哋嘅是日午餐会唔会每一日都唔同，今日其中一款就系铁板鸳鸯扒，佢系牛扒拼鸡扒薯菜方面系烤番薯，呢个配搭比较少有，食落都几饱😌，鸡扒同牛扒都系偏腍身，雪藏味就唔算太觉，同出面食开嘅铁板味道差唔多，价钱适中👍🏻🐟古法蒸原条黄花鱼 $98 :另外一款是日午餐就叫咗原条黄花鱼，蒸出嚟嘅效果唔错，黄花鱼本身比较多骨食落去唔算太觉有腥味，蒸出嚟嘅都系原汁原味，另外再配个白饭就一定够饱啦👏🏻💙型男餐 $68 :另外再叫咗个型男餐，葱花火腿炒蛋，芝士牛油扒多士拼蕃茄牛腩浓汤伊面，仲可以叫埋佢哋怀旧唂咕做餐饮😍，唂咕依家买少见少，有嘅梗系要饮吓啦👍🏻，要赞吓佢个葱花炒蛋，嫩得来都几滑算唔错😋💚喜喜茶餐 $63 :最后叫咗个茶餐火腿炒蛋拼叉烧汤意粉，呢个又系好多冰室嘅餐嚟，叉烧嫌佢有啲干同埋太瘦，食落都有啲老，个意粉同汤底就可以既…查看更多

Lunch hour 餐厅食客小猫三两只，outdoor 餐区环境一般，唔系chill 果只，风机一头一尾共两部，唔多够吹，有d焗，仲不时有d 唔知边度吹嚟嘅厨房油烟味。好喇，揾枱坐，见佢哋枱又唔抹求其清走上手客食完野d 碗碗碟碟就算数，枱上仲残留上手食客食完野嘅痕迹，食完野唔抹枱系咩痕迹唔讲喇，自己想像下啦，咁嘅卫生尺度真系几掂😳。坐低咗，咁我就响袋道攞咗几张私伙纸巾抹干净张埋枱，跟住就有个疑似老板嘅女人走去我隔篱枱清枱，佢见我抹完枱果几张纸巾放响枱面，然后佢就好自然咁帮我拎走果几张纸巾，不过唔系抌落垃圾桶，而系唔好嘥攞咗去循环再用，爱嚟抹隔篱枱🙀。叫个午餐食，炒蛋唔热卖相求其就算，个汤面都唔知识唔识煮，成碗似baby food 咁样，淋到一pat pat，汤就显然d 面煮过咗火干哂水咸到癫果只, 只系同个疑似老板嘅女人comment 吓姐，接受comment 先至可以有改善同进步㗎嘛，唔系咩🤔，内心其实都冇乜期望，之不过佢望一望就话可能水吧煮耐咗小小，淋d好过唔熟，冇咩大问题姐😤我心谂得㗎喇你👍！老实讲如果食野唔系食味道，食品质，厨师嘅煮功…. 纯粹只系要求系食饱，咁咪冇问题啰。不过，又唔系叫你煮鲍参翅肚咁高难度嘅食材，只不过系简单一个汤面都煮成咁，过得自己过得人啫。跟著隔离枱有个男人要落单，就叫碟唔知乜乜炒饭但话明要走青、走青豆、走三色豆….. 又系果个疑似老板嘅女人同佢落单，碟炒饭嚟到唔知系咪冇走到果d 青、豆…..之类嘅嘢，个男人一路食一路响碟饭度系咁撩，系咁摷，俾果个女人发现到佢就同个男人讲咦乜我冇写咩，我好似有写个㖞，仲即刻走入去check 单，出返嚟就同个男人讲系㖞唔记得咗添，唔好意思呀，然之后有个师傅咁啱行咗出嚟，听到之后就当住个男人面问冼唔冼炒过碟俾佢，个女人就同个师傅打眼色，然后笑笑口就同空气讲唔使啦，佢系熟客呀嘛系我唔记得写啫，下次一定记住😤真系厚面皮到一个点好掂👍，呢啲系乜嘢处理态度？自己落漏嘢唔搞返掂佢反而仲喺度恃熟卖熟诈诈谛唔换，为咩啫？可能就系想悭返唔使炒过另外一碟比人呱，都要成本㗎嘛🙄又可能系我谂多咗，个女人出于好意，唔换系唔想个男人再等，一阵𢰸到人哋返工迟到就唔好啦🤔又之不过，人哋个客都冇出声，我呢啲坐响隔离枱唔关事嘅人，睇到听到，纯粹看在眼里姐。眼见周围都咁静，好心就做好d 野，𢰸干净d 地方，比多d 心机煮野，上心d 跟单啦。有咩野出错就要认真处理下，唔系吓吓都谂住自己会有啲乜蚀底咗，是是但但唔理就算㗎，咁做生意，d 客点会有返头吖！有时个塲静唔好生意，都要检讨吓咩问题先得㗎，净系响度嗌冇生意自己都唔反省一下，怪得边个啫，明就明，完。…查看更多

讲起呢间茶记，真系明点解香港饮食业难做！我哋居然去咗，系三次都伏！你问点解仲去？咪就系唔信邪啰！首先，等餐等到天荒地老。我心谂：可能即叫即煮，质素有保证吖嘛？唉，原来我太天真。最经典系个海南鸡饭：零酱汁！ 真系一啲都冇！问伙记，佢反问：「你想要咩酱？」我哋：「跟咩酱咪咩酱啰。」佢：「豉油？」我哋：「...求其俾啲啦唔该！」(成个市场都知海南鸡饭跟咩酱㗎下话？)「油饭」奇观：我哋特登叫「油饭」，嚟到碗白雪雪嘅白饭！问伙记：「呢个系油饭？我哋叫油饭㖞。」个伙记自己都要擘大眼睇真啲，拎走咗，转头捧返同一碗饭返嚟话：「系油饭嚟㗎，啲油淋咗喺面咋！」(各位观众，请评论呢个神回覆！)间舖有位好friendly嘅女士（似经理/老板娘）周围巡，但明显控唔住班伙记。隔离枱叫肉饼饭，嚟错咗！伙记又系「睇两睇」，拎走再捧返同一碟出嚟话：「我哋系咁整㗎！」老板娘听到走过嚟，一睇就知唔对路，但佢笑骑骑同客讲：「俾错咗你啫，因为你系熟客嘛！」出品求其过求其，伙记hea做扮晒嘢，管理混乱仲要死撑。你问我会唔会去第四次？我谂...会嘅！支持香港经济 ,有冇人想听第四集？哈哈哈！…查看更多

最近我来到铜锣湾的冰室-喜喜，因为朋友要吸烟，所以拣左呢间，有室外可以坐 。我地一人一碗 新出嘅「🦞龙虾餐蛋出前一丁」唔包野饮$138，再叫多奶茶$25 。龙虾餐蛋出前一丁 真系大癫，未试过咁奢侈龙虾配公仔面🤣🤣 但系有一个弊病就系刷完个龙虾啲面会腍晒，所以我建议要同侍应讲话硬面，都拆完个龙虾个都就应该啱啱好🤣讲真，嗌个餐蛋面都60几，挨个牛面都好似70几80咁，相对地叫个龙虾好似感觉抵啲，始终唔系到到有，同埋打卡都型啲🤣🤣🤣然后最估唔到嘅系，我喺度撞到任达华拍摄！！！侍应哥哥仲好Nice帮我问华哥可唔可以影合照，即刻成个面抵晒🥹🥹🥹…查看更多

冇谂过可以咁难食！好几年冇帮衬喜喜冰室，搬咗去一个很隐蔽嘅位置，谂住去试试，结果十分后悔！去到只有两三台客，叫咗个鲜茄焗牛脷饭等咗30分钟嚟到个饭只系暖，最差系个汁过酸仲落咗青椒黄椒同洋葱，不知所谓！ 这个系我食过最难食嘅鲜茄焗牛脷饭，服务差，落咗单冇耐个饭都未到收银员催我埋单，枱面啲刀叉十分污糟拣嚟拣去只只差同都都有污渍！不推介以后都唔会去！全港最差有可能就系呢间茶餐厅 ！食物非常难食庆幸冇肚痛 😤😤…查看更多