唐記包點 (港鐵葵芳站)

今日專登去咗屋企樓下間唐記，試吓個新出嘅麻薯花生蓉包。一拎上手，個包都幾大隻，蒸得熱辣辣，手感軟熟。急不及待咬一啖，嘩！個包皮好軟熟，入面首先食到嘅係一層煙煙韌韌嘅麻薯，真係好Q彈，咬開嘅時候仲有少少拉絲效果，口感一流！再食深啲，啖啖濃香嘅花生蓉就湧出嚟。佢個花生蓉真係要讚一讚，磨得好幼滑，又唔會太甜，個種香味同質感，同我細個食開嘅花生湯圓餡簡直係一模一樣，充滿住懷舊嘅風味。麻薯嘅煙韌同花生蓉嘅軟滑夾埋一齊，一軟一韌，味道同口感都非常之夾。食完一整個都唔會覺得膩，反而令人想encore。如果你係鍾意食煙韌嘢同花生嘅話，呢個麻薯花生蓉包絕對係必試之選，誠意推薦！…查看更多

唐記包點的鳳爪排骨飯鳳爪排骨飯果然名不虛傳, 它並不是頽飯, 而是好吃的蒸飯, 這裡這個飯完美結合了軟嫩嘅鳳爪和鮮味的排骨，再搭配香噴噴嘅白飯，味道非常好。鳳爪製作一點也不容易, 炸鳳爪時可以很危險, 所以很欣賞店家提供這款製作難度如此高的美食, 要做得好吃殊不簡單, 亦得來不易。非骨醃得很夠味, 肉質相當嫩, 沒有渣, 味道很鮮, 吃得出材料很新鮮。熱食的鳳爪排骨飯明顯吃到飯香, 再配上一口大小的排骨和軟嫩的鳳爪, 味道真的非常好, 超出預期。…查看更多

唐記，香港街頭巷尾常見的平價美食代表，以其快速、實惠和多樣化的選擇，成為許多香港人的日常餐飲之選。其中，最受歡迎的莫過於其咖喱牛筋腩飯，以僅僅港幣40元的價格，提供大份量且美味的享受，甚至被許多食客譽為超越餐廳水準。這款咖喱牛筋腩飯的精髓在於其濃郁香醇的咖喱汁，以及燉煮入味的牛筋腩。牛筋腩軟爛Q彈，入口即化，與香糯的米飯完美融合，每一口都充滿了咖喱的香氣和牛筋腩的鮮美。咖喱汁的辛辣程度恰到好處，既能刺激味蕾，又不會過於刺激，讓人食慾大開。除了咖喱牛筋腩飯，唐記的湯品也備受推崇。例如五指毛桃雞腳湯，以其清甜滋潤的口感和豐富的營養價值，深受顧客喜愛。湯頭清澈，帶有淡淡的草藥香氣，雞腳燉煮得軟爛脫骨，入口即化，五指毛桃的獨特風味與雞腳的鮮味相互輝映，帶來獨特的味覺體驗。唐記的陳皮鴨腿冬瓜湯飯也是一個不錯的選擇，湯頭充滿了濃郁的陳皮香氣，鴨腿肉質鮮嫩，冬瓜清甜爽口。然而，相較之下，五指毛桃雞腳湯的風味更勝一籌。總而言之，唐記以其親民的價格、豐富的選擇和不俗的口味，成為香港人日常餐飲的理想之選。無論是想要快速解決一餐，還是想要品嚐地道的香港風味，唐記都能滿足你的需求。下次來到香港，不妨走進一家唐記，體驗一下這家平民美食的魅力。…查看更多

呢件大熱唐記包點湯飯，本身都會成日買包埋蒸飯，原來佢嘅湯飯大家咁推薦琴日午餐即刻試佢嗰個大熱金湯淮山栗子雞肉湯飯，個湯真係好大碗，入面真係冇講笑，好足料雞肉都幾舊兩嚿粟米，仲有我最鍾意嘅栗子湯底好濃郁，但係唔鹹，真係唔覺有味精，飲晒一碗都已經好飽，盒飯都食唔晒👍👍呢個價錢真係好抵，又有湯飲又夠健康好岩而家凍凍地嘅天氣唔怪得呢排大熱，佢仲有個冬瓜鴨腿湯飯，同事都有叫你食，但冇影到相我見佢個碗真係有一隻鴨腿，同事都表示好清甜，值得推介…查看更多

唐記包點的包真是抵食！外皮薄韌，內餡鮮美，特別是菜肉包，肉質多汁，香氣四溢。饅頭也不錯，清新健康，口感佳。價格實惠，分量足，讓人吃得過癮。無論是早餐還是下午茶，都是不錯的選擇，讓人一試成主顧！…查看更多

麥皮饅頭真係好好食！饅頭入口軟綿，麥皮嘅香氣彌漫。饅頭裡面嘅麵糰鬆軟有彈性，口感豐富。佢嘅味道香濃而且帶嚟一份獨特嘅麥麩風味。每一口都帶嚟滿滿嘅滿足感同嚼勁。呢個麥皮饅頭絕對係早餐好選擇。…查看更多

今朝早諗住買盒飯晏畫食, 一比完錢見到盒飯 我就知中伏啦 盒飯細到得個拳頭咁大, 你雖然係平賣28蚊 但講真一個成年男人 呢盒咁嘅飯無可能食得飽,後尾我都要同個姐姐講加多個包先至得.個飯丁屎咁細盒我都唔知你搏乜, 搏找人買多個點心或者個包?咁倒不如你賣貴少少 整返大啲盒飯啦好無, 真係食到我一肚氣呀…查看更多

今朝喺這家店嘗咗幾款令人目不暇給嘅美食，仲要每樣都係香噴噴咁送上黎咁啱哋食。第一彈係嗰碗鳳爪排骨飯，鳳爪腍滑得嚟又冇柴味，每隻足足夠晒味，真係爽口到喊！排骨亦都掂到一個不得了，肉質鮮嫩，一啖咬落去肉汁四濺，真係食得我停唔到口。再來講講燒賣同牛肉球，燒賣個皮薄肉嫩，咬落去啲瘦肉突然咁爆漿，一啖一個剛剛好。牛肉球呢，彈牙又唔會太過韌，嗰汁醬拌哂全球，食落去完全唔膩口。食完咁多嘢，可能會怕肚脹，但喺單飲呢款新出嘅阿華田奶茶，瞬間給佢平衡返！奶味同阿華田嘅濃郁夾埋，香得嚟又不失滑溜，真喺係消化完美幫手！總括，今日嘅街邊美食之旅實在滿意！得閑一定要再嚟探探，下次可以早啲，唔使怕心儀嘅美食又賣晒喇～🍚🥟🥤…查看更多

前日(30-9-2023 Sat)追月傍晚,同老公帶亞姨喺港島行完返到葵芳搵嘢後,搵完就要買嘢返屋企食晚飯,去邊喥買?老公見到唐記,就提議呢間,好吖.行到嚟,我哋決定要:3. $34.00嘅魚香茄子飯原本要涼瓜腩肉,但賣晒,就要呢個,呢個亞姨一食就大讚好味,好少茄子可以煮得咁好食.我都食吓,佢唔係好辣,我覺得正常ok.味道:3分1. $34.00嘅咖哩雞飯咖哩味道夠濃,對我嚟講辣少少,但好味,雞肉又好滑,薯仔同紅蘿蔔都好夠腍.我哋係咁食多咗飯.味道:5分 $29.00嘅梅菜肉餅飯我覺得梅菜唔多,肉餅好鬆,鹹度啱啱好.味道:4分…查看更多

✨香芋蒸包💜最鍾意唐記呢個口味嘅包💜因為佢係芋泥嚟，甜甜地，有時早上特別鍾意食甜嘢多過食有油嘅嘢🙈🙈呢一種芋泥係相對creamy啲嘅，冇一舊舊嘅香芋粒，而麵包唔會太乾身，都幾好食。…查看更多

我一開始買左叉燒包同燒賣收銀個姐姐一向都好串嘴當啲客係狗咁明明有陣時已經講得好大聲 佢都可以聽錯同佢講番落錯左 佢就勁炆咁呼喝你好似係你做錯咁上一次去買 見到前面啲客比佢鬧話綠色貼住啲野冇真心痴線 佢貼既牌真係淨係for佢睇 出面個大牌都冇貼出黎 啲客鬼睇到咩 個客問一下又唔鍾意咁款趕人走都算我都係求食物啫點知到拎野食就慘喇第一次就比漏左燒賣我 好彩我有睇下個袋第二次拎到番公司一開妖 佢比左饅頭我 差好遠喎大佬好心佢快啲請多個人番黎做啦班嬸嬸做得辛苦 啲客又要受苦唉…查看更多

北菇雞飯🐥$29叫嘅時候可以揀要唔要菜同豉油，菜亦都可以揀多菜，好貼心。雞同飯嘅份量適中，飯面有一粒冬菇同姜絲。味道適中唔會太鹹，雞嘅肉質都算滑。唔錯！👍🏻黑芝麻包 $8.5嗌完之後店員會喺蒸爐入邊拎出嚟，熱騰騰。面包部分都落左芝麻，搣開見到佢有芝麻蓉同一粒粒嘅黑白芝麻。芝麻餡嘅份量非常多🤩，餡同包嘅比例係接近一比一。咬落去每一啖都有豐富嘅芝麻蓉，而且唔係好甜，好味👍🏻👍🏻…查看更多

唐記包點太趕時間所以經過見到咁多人排隊就打算一試，估唔到味道都OK喎，幾特別嘅快餐。首先講下個北菇雞飯先，好耐冇試過食$29嘅飯！相等於中學生lunch嘅價錢🤣🤣🤣好懷念啊啊啊啊～～雖然係平，但係質素唔差，對得住呢個價錢，$29但係D雞唔少，個飯keep住咁熱因為係叫餐之後姨姨先會係蒸爐拎出黎，所以唔需要擔心會凍嘅問題！比錢個時叫我試埋芝麻包，以為會得少少餡，結果切開一半D餡佔咗9成😭😭好香又唔乾仲要得$8.5！抵食！！！…查看更多

唐記蒸飯永遠都唔會失望，大大盒之餘，一盒仲唔洗$30。今次買咗鳳爪排骨飯，鳳爪好淋，排骨都好入味，仲有好多椰菜。啱晒鍾意食菜嘅我！食量細嘅，一盒真係可以兩個人分。…查看更多

返工嘅早餐一定會買唐記包點，佢款式多，熱辣辣，好過焗嘅麵包好多好多🥯最緊要係好足料，餡唔會得小小，仲會時不時推新包😍我自己最中意食紫薯包，紫薯味好香，又唔會好乾，早上食完感覺腸胃都會更暢通🙈🙈不過唔同地區嘅價錢都會有唔同，咁樣好似有啲唔公平🥲…查看更多