唐記包點 (葵涌中心)

唔個有冇人同我一樣想平平地食餐午餐但日日食又會覺得好厭，所以都有好一排冇再食。但到臨近年尾嘅時候手頭都開始有啲緊，就再次食返唐記，點知就發現原來加入左唔少新菜式！無論係包，湯飯定餸飯都有新款式，，而我最想食嘅係鹹蛋肉餅飯！因為佢地肉餅新加入咗馬蹄同冬菇，睇見都好吸引！亦都因為咁樣唔係經常性買得到，都好講彩數，而湯飯多左個番茄薯仔湯飯，都好唔錯！不過薯仔分量太少，如果可以比例多返啲就更加啦！不過整體嚟講都有好大進步。…查看更多

15：00至18：00時段永遠無家常餸，係唔係呢個時段就無人會食飯？夥計永遠都係果句“6點後先有飯”，而呢種情況喺其他分店好少出現。管理層細心諗下，15：00後係好多做體力勞動人群嘅食飯時間，呢個時間唔出飯，咁不如落場算啦。唔好搞錯經營路線啊，希望“唐記”管理層睇到啦…查看更多

走進這家店，頭先嗅到一陣陣暖笠笠嘅包點香氣，肚子即刻唱起歌嚟。🍚🍢🍵 見到啲糯米雞，咁大個，豐富嘅配料咬落去香口得滯，好有飽足感，真係撈飽撈足！呢味我記得到！包子來講，個皮軟綿綿，好似雲儿咁，嚟個大口咬落去，熱騰騰嘅肉餡彈牙得嚟，又唔係太肥膩，兩個字 - 正呀！頭過去掂掂個章魚肉餅飯，嗱嗱聲可以話係今次嘅意外之喜，望住厚實嘅波波肉餅，夾住一層一層嘅菜絲，即刻流口水。食得出嚟啲材料新鮮，飯餅都剛剛好嘅焦香口感，食得出港式嘅地道風味。至於嚟到飲品，始終唔可以錯過港式奶茶，呢杯奶茶香滑得嚟唔係太甜，啱啱好嘅甜度可以喝完之後仲想再來一杯。💖 完食之後，一個字 - 滿意！整體嚟講，呢家餐廳正宗得嚟價錢平易近人，真係啱哂大家食！…查看更多

平時食開唐記包點嘅蒸飯，咁啱今日見到同事食啲新野喎，我又忍唔住試吓先就係佢地嘅碟頭飯，雖然話係碟頭飯，但係佢哋嘅外賣係用碗仔裝，兩個碗，一碗係餸，一碗係飯， 30幾蚊貨仔真係唔知點講😅你話佢難食，佢又未去到難食，我嗌嗰個係魚香茄子，佢啲茄子溶晒，冇乜茄子淨，都冇乜肉淨，我似係用魚香茄子嘅汁水撈飯，多過係魚香茄子撈飯，點解我話係汁水呢，因為好稀，真係好似加咗好多水咁🙈但係其實個味道又唔錯個喎，但真係頹過食頹飯囉，我冇諗過會係咁樣嘅體驗…查看更多

已經有一段好長嘅時間，早餐都係食佢，因為每日返工都會經過，佢嘅包熱辣辣好好味，我每日都係食菜肉包同埋叉燒包，日日食極都唔會厭，買到返公司就啱啱好，飲埋包維他奶就啱啱好。…查看更多

假日口痕想食下點心，諗起早幾日見到佢地有新出炸物點心就去試下去到已經有唔少人等緊幫親 本來諗住要蝦餃同埋鮮竹卷，點知鮮竹卷啱啱買曬， 就要咗燒賣。另外炸物就要咗炸蝦卷同埋泡菜餃子， 點知泡菜餃子又話冇曬😓😓，咁我最後要咸水角啦！其實啲野賣哂可唔可以貼張紙呢？唔好要人去到話買乜先話無拎到返屋企，打開個盒，咸水角變左煎堆😥炸蝦卷變左炸春卷，要乜無乜都算重要比錯哂啲野我😓😓其中中個卷係得層皮入面無餡的，想點？!(利申，相入面食物已經食左少少)…查看更多

聽講唐記包點出咗阿華田主題嘅嘢食，今日就同左同事係lunchtime走咗去買。我哋叫咗阿華田奶茶同阿華田包，非常有驚喜！個阿華田包係蒸爐攞出黎熱辣辣嘅，個麵包好鬆軟，入邊超級爆漿，有阿華田味，但係唔會過分嘅甜。至於奶茶就稍為甜左少少，但係奶茶味同阿華田味平衡得好好，唔會有衝突，味道非常豐富。我哋另外仲叫咗其他嘢食，有個章魚肉餅飯啦，有個菜肉包啦，有um春蛋燒賣同埋鮮竹卷，係酒樓以外嘅精選，平得黎又好食，冇得彈。…查看更多

在香港現在差不多每區都有唐記而且食物的質素都是一樣好食想食點心包點隨時都有不像以前要去茶樓才有點心食還可以買凍飽回去要食的時候才加熱這次去到葵興鐵路站旁的唐記A出口一出來過馬路就是唐記雞扎內裡的芋頭很鬆化而且雞肉好嫩滑還有豬肚豬皮在外面的腐皮加一點豉油就很好吃而且2卷也是大大卷的鮮竹卷鮮竹卷是我最愛的中式點心之一自身的醬汁加上卷內的爽脆口感十分好吃秘製金錢肚金錢肚已經煮得很軟嫩和入味而且在金錢肚下的蘿蔔吸收了整個醬汁脆而無渣鳳爪這裡的鳳爪十分入味帶一點辣更加嘢味而在底下的花生也是不錯吃馬拉糕想吃一些甜的包點就會想到蛋味超濃郁的馬拉糕唐記馬拉糕中有很多氣孔吃下彈牙不像傳統的馬拉糕而且新鮮熱的馬拉糕一打開膠就可以聞到超香的蛋香味…查看更多

上星期五放工屋企冇煮飯又冇街去🤔諗黎諗去都唔知食咩好就係呢個時候一出葵興站就見到好耐冇食的"唐記包點"🤩以前會買黎係公司做lunch 貪佢平平地味道又唔錯呀嗎😎咁耐冇食就買幾樣野返去食啦章魚肉餅飯$26🦑26蚊都好大大盒喎而且有好多菜🥬肉餅都好厚身 又有章魚的香味馬拉糕$7.5細個係茶樓最鍾意食的點心之一😋聞起黎好香 又有少少甜味厚身又鬆軟菜肉包$7.5人氣菜肉包❗有時都會買黎做早餐菜肉份量ok 大大個又軟熟奶黃包$7.5好多奶黃好 creamy味道甜甜地😊牛肉球$18去茶樓必叫去唐記都必食的牛肉球一份有3球 配埋喼汁好好味😋眼闊肚窄的關係買左好多🤭樣樣味道都不錯 份量十足而且蒸的食物又健康方便都市繁忙的打工仔💪早午晚都啱食同埋鋪頭d姐姐好有禮貌👩‍🦱…查看更多

身為包點愛好者我首選唐記包點因為四處都有分店間間水準都一樣好每天新鮮熱辣辣出爐款式多 唔怕悶最緊要價錢夠親民今日上班經過葵興地鐵站見到就二話不說 走去ORDER第一次試了唐記的糯米雞材料豐富而且好大份一定夠曬飽都係$26 可以是一個飽飽的早餐真係為全日叉足電後來仲買埋4個包點拎返屋企給家人作後天的早餐每天上學上班包點是我們一家人的首選早餐方便之餘 款式夠多而且價錢很划算不怕上火又健康媽媽都話包點好新鮮而且好足料…查看更多

返工得一條友想飲茶可以點算好？自己一個去茶樓又好過有點兒奇怪，但又為左止止癮，所以走左去唐記買啲一盅兩件止止咳~-☆ 鳳爪排骨飯 HKD$26以26蚊既價錢嚟講絕對合格，份量都算幾多，鳳爪同排骨都算入味，食到有豆椒香味，鳳爪非常腍身，排骨有我至愛既軟骨，食完覺得開心又滿足👍👍-☆ 煎鍋貼 HKD$15/3件香煎風味有好幾種產品推出，例如香煎韮菜包、蔥油餅等。今次食左煎餃子，餃子皮厚薄適中，皮煎得香脆，大隻厚實，內餡係椰菜同豬肉，略嫌少油，但不錯的。-☆ 鵪鶉蛋燒賣 HKD$18估唔到依家無乜酒樓有，唐記哩度都有👍 3粒大大粒，燒賣亦唔多肥肉，味道同以往喺酒樓既差唔多，推介大家可以一試。-☆ 紅豆包 & 叉燒包 各HKD$7.5唐記既紅豆包真係第一次食，平時唔太嗜甜味包既我都好鐘意，搣開入面見到爆多餡，好多紅豆蓉亦有粒粒紅豆，唔會太甜，幾好食嘅！另外仲買左個叉燒包凍包，留嚟下午茶蒸熟佢食，軟綿綿又香噴噴，正🤤👍-☆ 紅豆缽仔糕 HKD$7.5估唔到咁好食，超級多紅豆，多過出面其他舖頭好多！質地夠軟腍，亦唔會太甜，有個膠兜裝住，仲可以用匙羹嗶嚟食，夠哂方便就唔怕整污糟對手啦🤗-☆ 海鹽檸檬柚子蜜 HKD$9依家做緊推廣價算幾抵飲，咸咸地酸酸甜甜，幾醒胃，個樽底仲見到有好多柚子碎，真材實料👍-完全過足點心癮，價錢大眾化，味道又不錯，一個人食lunch以後就唔怕唔知食乜啦~…查看更多

日日返工都經過唐記包點，今日中午見人龍無咁長，就買個🥙 🍴 lunch同同事share黎食😋包點同點心出名平靚嘅，呢排仲有埋凍包及精選蒸飯，難得仲要係平得黎多選擇又有質數，真心唔錯😋👍🏻抵食呢😋🍴今次order 左飯、燒賣、馬拉糕，奶黃包同埋芝麻包😋夠飽肚又經濟💕🔸鶉蛋燒賣 $18三粒大大粒好足料，入面豬肉半肥瘦好食還有蝦係入面幾香口，好味😋鶉蛋大大粒👍🏻🔸奶黃包 $7.5奶黃含料份量多，奶黃味幾突出，要熱食👍🏻🔸黑芝麻麻蓉包 $7.5黑芝麻好多好香，份量係多到好像會流出來的，甜甜地好好味，難怪常常早上巳賣光呢！！🔸章魚肉餅飯 $26材料都幾多，章魚肉餅好夠味亦都好香，加入左香菇而章魚夠彈牙幾有口感，加左小量菜係蒸飯入面！很不錯呢😋🔸馬拉糕小時候很愛吃的，夠鬆軟又帶小小甜😋…查看更多

小編大學時期既時候成日食唐記，因為對於窮學生黎講，真係又抵又飽肚。見甘耐冇食，今日小編就專登落去買翻屋企同屋企人一齊食早餐。🐷叉燒飽 - $7.5飽新鮮軟熟，餡係瘦叉燒，肉質吾乾。🔴紅豆飽 - $7.5紅豆蓉都係滿滿的，吾會太甜，紅豆冇打得太爛，有少少粒粒的口感。🍚鳳爪排骨飯 - $26啲蒸飯真係好抵，飯夠曬多，餸都吾差，仲送埋椰菜。🐔雞扎 - $18🐷燒賣 - $18雞扎入面有雞肉，芋頭，魚肚。燒賣粒粒入面都有蝦，不過就有少少咸。但點心都新鮮，可能係朝早既關係。吾想岀街飲茶，買唐記翻屋企食都未嘗不可。…查看更多

依個星期要去到葵興返工, 由於未係好熟地方所以係簡單地鐵站一出就見到既唐記做早餐, 朝早能夠食個熱喇喇既包再加奶茶一定係good morning ! 今日簡左菜肉包, 奶黃包 , 一個早餐一個留到下午茶, 菜肉包餡料非常足, 而且肉質都流住肉汁, 再配上蔬菜減少油膩感, 奶茶細細枝$12有少少貴不過飲完後覺得都值, 奶味偏濃岩哂我, 入口都算滑, 嘆完個凍奶茶配埋熱包又要好好工作既一天！順帶一提唐記包點仲有凍包賣, 買唻weekend朝早蒸返當早餐都係一個健康既選擇！…查看更多

六月新既一個月開始, 但銀包就一樣乾過溏！所以依排早餐我都簡左唐記, 價錢優惠, 又有凍包買, 朝早趕既話又可以order熱喇喇既包返公司食！今日我同班同事又團購買左五個包, 仲另外買左個鵪蛋燒賣話下午加餸咁話, 基本上唐記既包大部份我都食過, 但食完又食食極唔厭既就係菜肉包, 有時lunch唔太餓我都會就咁一個包搞掂, 菜肉份量十足, 完全冇雪味, 仲非常juicy! 有時愈簡單既野就愈難整到好味, 但依個包就做到啦！我同事今日仲order 左奶茶話要試下, 我有分左少少飲, 唔會太死甜！唔錯！…查看更多