唐朝火鍋館

呢排涼左小小就好想打邊爐！同男友原本諗住食厚xx，不過full左要等...行行下就去左唐朝!見到門口寫住黑松湯底~未食過就試下啦！入到去...可能閒日關係，好少人，所以坐得好舒服！首先頭盤，一人一隻生蠔，好肥美！正呀！之後個鍋滾埋就開餐！我地仲叫左手打墨魚丸，牛，豚肉，炸松露餃etc.個鍋愈食愈濃！ 入面啲鮮菇好入味呀！超正！食物大致都好味！唯獨炸餃個皮硬左啲，但係佢個餡都幾好食，如果叫湯餃應該會更正…查看更多

由於太遲先揾地方食飯打邊爐，九龍城好多間都爆場，好彩呢間仲有位訂。因為時間訂了晚上八點半後，所以都唔使再等位即刻入座！是晚我們6大2個小朋友，所以叫了2個鍋，杏汁濃湯白肺鍋及鯊魚骨響螺鍋，兩個湯底都幾好。呢度特別係除了火鍋，你可以叫一些特色小食，我們叫了老友鬼鬼，味道不錯。至於火鍋配料，同其他火鍋店一樣，呢度有好多可以選擇，全部都好新鮮。不過可能太夜，所以沒有牛駝峰可以叫，但係點了牛白肉，點知原來即係牛脂肪。整體來説，食物和地方都ok! 不過啤酒籃妹要買成$32支，如果自來紅酒，職員話唔收開瓶費，各位可以考慮下！埋單大約$2200…查看更多

上網見呢間唐朝好似幾好食咁雖然價錢貴D 但都照入環境係令既 但野食其實同出面食個D 差唔多唔會有太大分別但刺身 生蠔就值得一提個日叫左少少刺身同生蠔因為經理推介 本身抱住試下既心情去食點知又真係OK刺身夠肥美 重點唔係大件係厚得泥依然可以一啖食落去個種感覺所以為今餐飯加左好多分雖然我對生蠔一般般 但食落去唔抗拒容易入口 就算唔係太食生蠔既人都可以一試但唔建議點汁 一有汁就破壞左陣味食生蠔 刺身呢D梗係要原汁原味啦火鍋方面其實大體上同出面食既野差唔多所以真係無咩評價如果要讚既話就要提佢係擺得幾令幾好睇而且D牛無黑無梅 真係令牛肉整體泥講只有刺身個方面較出色但佢基本野做得幾好 所以都加左好多分貴少少都抵…查看更多

來唐朝，主要因為這裡的湯底靚，牛肉正，可點即開生蠔及不收開瓶費。Smart bunny 今天點了鴛鴦煱，杏汁白肺配沙爹煱，杏汁白肺可當湯喝，非常好味，沙爹當然比不比方榮記，也湊合可以了。這裡的牛頸脊又軟又有肉味，十分好吃，必點。但招牌黑松露餃有點太齋了，整隻是菇完全無肉，有點怪怪的。其他丸的水準平均，沒有什麼驚喜。也點了這裡的生蠔Gillardeau 及white pearl, 味道不錯，很鮮甜爽脆。這裡的加拿大海膽不錯，不過偏貴。活魚刺身也可以，想多一點選擇也不仿吃。…查看更多

有一日，天氣都幾凍，女朋友話想打下边爐咁我就話九龍城有幾間火鍋館都幾出名，去到先在睇下去边間，行下行下，行到去南角道一間叫唐朝嘅火鍋錧，我落去，嘩！咁多明星黎過，我估e間應該唔错，我地二人就坐低，經理就行過嚟照呼，仲話送個皮蛋比我當作頭盤，我女朋友一睇菜單嘅鍋底推荐，你估都估唔到淨係湯底都睇到眼花嘹亂，都唔知要邊个好我睇下睇下，就要个高湯瓜浦，一嚟个賣相十分吸引，滚起经理就千叮万嘱一定要試下啖湯先，个陣時我諗，姐咪又係味精湯，好試下先飲啖湯，我可以話，去咁多間火鍋館重味試過一間D湯咁正，正到唔知點去形容，我同我女朋友係咁飲差唔多飲哂个時，有點失望，唉飲哂仲想繼續飲呀。跟住點左一D火鍋料唔係太多，因為兩個人淨係食個鍋，都有7成飽，我地一面睇電視一面拾下拾下。我個人比较八掛我就望下出入位因為个出口同部電視都幾近，我望望，哎估唔到e間火鍋館個廚房D師傅年輕化，我見到有个红色頭髮嘅小師傅起个爐頭，好似炒緊野，我就起结賬嘅時候口多多問下個經理，我想問下我個高湯瓜浦鍋係咪e個紅色頭髮嘅小師傅整經理好緊張問我。係呀，因為我地個廚房大佬放假所以就係佢負责，唔好意思係味出左咩問题，我就話，唔係，唔錯唔錯好好食，只不過係，估唔到D湯咁好飲，賣相又咁好，原來係小師傅之作。结賬後經理仲送左个芋心丸比我地食。離開後我女朋友同我講我下次一定要黎番e間打邊爐。…查看更多

2位老友為小妹慶生, 最近變了食家的R 推介來這裡, 只因這裡除了火鍋配料出色外,每天還供應多款來自不同地方的新鮮生蠔，他們2個蠔癡又怎會錯過呢!接近每年大project的日子，我的工作愈益繁忙，晚飯只能約在加班後，各人到達火鍋店已經接近10時，幸好剛有一個房間騰出，我們幾人可以在房間裡無拘無束地吃和聊。由於這夜小妹是上賓, 點菜的重任就交托予2位老友。我只略為看過點菜紙, 這裡提供的食物種類很豐富, 既有多款生蠔, 亦有不少的刺身類及海鮮類, 特色小食選擇亦多; 火鍋方面, 單是特色湯底已經有20款的選擇, 各款配料選擇更是多得看到有點眼花。 已經成為熟客的R 隨即先點了二款由經理推介的生蠔各半打，分別是法國的Gillardeau($48) 及Speciale Tarbouriech ($48) (又稱為Pinky Oyster)。每年踏入9月至翌年4年左右, 都是歐洲蠔當時得令的季節；隨着天氣轉冷, 生蠔的肉質變得豐滿而結實爽脆, 味道吃出層次感。不過在芸芸歐洲蠔中, 今年仍是法國蠔當道；近幾年歐洲不少地區受到早年紅潮影響, 大部分蠔區的收成都不穩定；當中影響較小的只有法國蠔區, 一來當地水質優良, 二來不少蠔場歷史悠久, 養蠔經驗十足, 在指定範圍內控制蠔苗數目, 生蠔分外優質；加上大部分都經海養和河養階段, 蠔隻吸收各種味道, 味道比較複雜多變。所以法國生蠔向來極受香港的愛蠔人士愛戴。這夜點的兩款生蠔皆是法國出品, Gillardeau是法國的名牌生蠔 , 亦是香港人最熟悉及受歡迎的生蠔之一, 主要是它的品質向來有保證, 海水鹹味與甜味平衡, 入口帶有果仁香氣, 餘韻悠長。而Speciale Tarbouriech, 是法國新進靚蠔, 人稱它作Pinky Oyster,因其蠔殼呈粉紅色及帶點閃亮色澤, 蠔肉肥美爽脆鮮甜, 濃濃的海水味不時在口腔湧現, 鹹味中帶長長的甘甜餘韻。兩者相比之下, 我較喜歡pinky的味道, 入口肉質較Gillardeau豐盈creamy,最後我們再encore了半打Pinky 吃罷生蠔之後, 大家面上都流露著滿足的表情, 接著的 象拔蚌刺身更令人驚喜, 切得厚薄恰好的刺身片鮮甜爽脆, 肉質鮮嫩, 即使不用沾任何醬油亦十分滋味。附隨而來的 三文魚及帶子刺身併盤, 三文魚豐腴肥美, 油脂感恰好, 三文魚含豐富的omega3, 多吃有益。帶子刺身亦鮮甜無比, 新鮮美味, 各人都吃得很開懷。接著的 泰式生蝦...蝦兒體型強壯, 肉質彈牙鮮甜, 沾上特製的香草辣醬來吃, 更添滋味，這時經理再送來兩份小食, 分別是 煎魚餅及 亞婆糖心皮蛋孜薑, 用上了子薑來醃製的酸薑, 薑的辛辣味比醋酸味要強, 皮蛋雖不算是上等貨色, 但亦有糖心感。煎魚餅的魚肉不算結實, 但魚的味道不強, 只是一般。J小姐這時突然說忘記了點一個她至愛的小食-- 煎封火腿餐肉 說是個必叫的美味小吃, 份量不多, 我們每人一條剛剛好, 堆砌得工整的火腿肉煎得十分香口, 達至外脆內暖的效果, 粗條狀的火腿肉吃起來別具嚼勁口感, 讚!!!再來的另一份小食是 冰鎮鮑汁螺片 , 入口冰涼鮮甜, 爽口彈牙, 實在不錯!老友點的鍋底是這裡聞名的 高湯瓜甫魚翅滑雞鍋 , 用上的湯鍋比其他火鍋店的要大,賣相精緻, 冬瓜莆工整地排列好, 看相已經超值, 奶白色的湯底中央放了半開的冬瓜, 冬瓜內盡是鮮嫩的雞件, 素魚翅及火腿片, 湯料十分豐富。我們先喝一碗湯, 味道清甜滋潤, 金華火腿發揮了其油鮮鹹香的精華, 令湯頭更添鮮味, 在這個有點寒意的晚上, 喝一口熱暖甜湯, 確是享受。雞肉嫩滑不欺場，配起高湯瓜甫魚翅份外清新鮮甜。我們喝過湯後, 火鍋才真正的啟動, 先來的 頂級手切肥牛 , 顏色嫩紅,色澤鮮明, 雪花紋路清晰均勻, 光是賣相已教我這個愛牛人士垂涎, 把牛肉片放入湯裡略為滾淥, 待牛肉顏色轉深, 即可進食, 牛肉入口軟綿鬆化, 牛肉味豐腴香郁, 油潤感足夠, 不帶半點渣滓, 絕對是上佳的貨色。吃火鍋又怎能沒有丸子呢....這裡提供的丸類雖不算很多, 但各具特色, 對火鍋食材講究的人士必定能在這裡找到他們所愛,這夜我們點了4款: 第1款是 自家製黑松露手打丸, 咬開肉丸後, 松露獨有菌鮮味隨即湧出來, 味道香濃, 松露均勻地遍佈在丸肉裡, 每口都能感受到那份鮮香味。第2款是 自家製手打芝士鮮蝦丸, 雪白的蝦丸以鮮蝦打成膠而成, 肉質爽彈, 充滿蝦味, 中間的芝士份量不算太多, 咬開後沒有流心的那份澎湃感覺, 但熱熨的芝士仍然充滿奶香, 吃的時候還是要小心把嘴巴熨熟, 要萬分注意呢。第3款是 自家製手打墨魚丸, 新鮮彈牙, 丸子裡還佈滿了鮮墨魚粒, 每口都感覺豐裕兼有嚼勁, 是材料新鮮的元素吧。第4款是R最愛的 芝心丸, 魚肉外皮包著奶香味郁郁的芝士, 份量可比之前的芝士蝦丸多, 配合了它的"芝心"的名稱。吃過了生蠔、刺身、牛肉及很多的丸子後, 我的肚皮已經開始脹滿, 這是J小姐說這裡的黑豚肉很美味, 就是這樣, 我們又多點了一份 日本鹿兒島黑豚梅花肉, 梅花肉片有點像煙肉, 雪白的肉脂和嫩紅的豚肉的分佈很均等的, 每片亦切得厚度恰好, 入口充滿豚肉的軟香, 絕對不會過紉, 雖然肉脂的部份不少, 但吃來亦不覺得油膩, 這可是日本的黑豚肉的特色之處吧。 這時我們極需要些綠色蔬菜來平衡一下, 隨便點了個蔬菜拼盤, 拼盤以芥蘭為主, 爽脆鮮嫩, 可以為這夜的美食平衡一下, 增進了不少纖維素呢飽腹之後...我們按著脹脹的肚皮聊天, 經理把甜品送上, 是店裡自家製的桂花杞子糕及椰汁紅豆糕, 前者清甜爽口, 邊吃邊傳來陣陣桂花的清香氣味, 甜度亦適中。雪白的椰汁紅豆糕, 大大粒的紅豆積存在底部, 粒粒有咬口兼清甜, 椰汁糕入口充斥椰香味, 不會過甜之餘亦能幫助我們解解火鍋的熱氣, 大家聊得忘形之際, 原來已經接近零晨一時, 明天還要上班, 只好結帳回家。這夜實在吃得滿足, 在此, 再次感謝我的2位好友 …查看更多

這家火鍋店朋友一早已推介來食, 今天剛好去九龍城探親友順道五人來吃,一到店門看到好像已沒位（朋友已提醒星期五一定要先電訂座）心想今晚都是無機會食了,點知經理剛好在門口說剛好有一間VIP房已結帳清潔中,我一聽到是VIP房心想最低消費都不少吧,我們只有5人, 點知經理回覆房間都不會設最低消費（大樂）,等左無5分鐘已經可以入房坐, 一入去我們已不好意思的問竟然給我們5人一間超大的房, 經理笑著說由於只剩下這間房沒関係經理介紹了我們吃一個花竹蝦刺身, 好好食, 之後我們點了一個南瓜海底棷鍋底及一些很平常叫的火鍋料,有驚喜, 南瓜湯底好好飲（好彩有聽經理説一定要先飲用個湯底）, 好正,其他配料都好正,牛肉及其他丸餃好味, 由於今次只得5個人吃不多款式, 下一次多d人一定要再來食…查看更多

這間位於九龍城的唐朝火鍋店，其實一早之前已經聽朋友提過，所以今天约埋三五知己，山長水遠， 会一会它。首先點的火鍋食品及所有火鍋材料,其實不值一提,味道十分一般，但價錢比較貴。但需要稱讚的，就是刺身及生蠔。。。 忘記了生蠔來自哪裏，但生蠔肉質鮮味，肥大肉厚，口感十足， 而且好味也十分濃， 其實檸檬汁蕃茄汁也不用加下，只吃蠔的鮮味也足夠吧！！！ 這條活魚刺生，也十分新鮮，魚片的厚度也十分適中，薄得來也帶點口感 ，也十分鮮味，加點日本芥辣及日本豉油，提升鮮味，味道真的一流。…查看更多

今天朋友為我慶祝生日，他們早前看過我的食評，嚷着要去唐朝火鍋館，老公說反正要去   Tony Wong 取蛋糕，唐朝又有代客泊車，就乘大家之便吧！服務員帶領我們就坐，是自成一角的房間，心情大好，自覺也沒有選錯地方, 食指為之大動…… 頭盤龍蝦魚生拼盤這兩款湯底大家一定要試1)高湯滑雞2)泰式湯底高湯滑雞, 好有份量好有温度的湯底，為免雞肉老火，我們先一輪搶攻，可能大家都餓了，雞肉好清甜幼滑，肉質之間散發着金華火腿的油香！加上有冬瓜作伴，這個雞煲厚而不油膩，一身暖烘烘好滿足！然後再用這個湯底灼莱吃，一灼即起，不用加任何醬料，好有菜味！ 今次我叫了各式丸丸，如圖所示，全部都好新鮮味美，我特別喜歡蛋黃豬肉丸，用泰式湯底煨一煨，嘩！奇味無窮！  最後來一碗高湯烏冬配粟米就相當完美啦！甜品是朋友的祝福和拿破崙蛋糕吃火鍋我喜歡有次有序，何時起乘轉合才能吃出味道來，食物互相之間也有各自特質，一場吃得大滿足的飯局也建於吃的氣氛， 服務員欣勤招待！一打啤酒，幾個好朋友………新鮮食物，創意配搭，人生就如火煱的調味架，各取所好……. 終會找到適合自己的真味！…查看更多

這晚天氣很冷，我們6個俊男美女 去九龍城打邊爐，開頭揀左間有十幾年歷史嘅老字號。但入到去覺得地方很迫，環境又no good 於是在寒冷的天氣行左兩條街，來到呢間新派既「唐朝火鍋」 雖然都等左20min先有位，但入到去感覺很舒服，地方光猛。經理第一時間走埋泥問我地飲什麼。跟著就介紹左支好正嘅冰紅酒..............呢支酒真係好正。但係好超值，口感好有質感。我地揀左嗰雞煲，嘩嘩！真喺有驚喜 同太子，旺角嘅好吾同.........很特別.........d 雞越食越滑食完又可加湯繼續打邊，之後再叫左以下嘅嘢食 克松露餃好正，味道好到很難用文字走達皇帝蟹肉很賣相吸引，日本都食吾到手切牛肉好好味道,...............正呀仲有嗰 師傅自家制嘅牛滑............好味道 但難能可貴喺埋單一d都吾貴，離開時仲好nice咁remind我們要攞齊手機及銀包 仲有嗰 師傅自家制嘅牛滑............好味道…查看更多

辛苦咗咁耐有個紅日同屋企人過, 梗係想搵間特別少少嘅餐廳食正嘢啦. 於是特登上嚟open rice嘅聖誕特集搵, 而遇上呢間聽落好似幾ok嘅唐朝! 斎睇網上嘅食評, 見佢又蠔吧又火鍋又和牛又刺身, 好似應有盡有, 諗住實冇死! 反正媽咪鍾意食生蠔, 爹地鍾意食中式嘢, 細佬係個牛肉怪, 簡直一次過滿足嗮所有願望咁嘅款, 咪果斷打電話過去Book位囉, 同佢講聖誕夜7:30五個, 佢仲好開心咁話到時見咁, 我咪心滿意足期待囉! 直到聖誕日嘅下午佢打電話嚟確認人數, 我同佢講我有可能加多個位, 佢就支吾咁問我其實有幾大機會會加. 我覺得好奇怪, 於是就話未知住, 你當我加先啦. 咁佢亦答我話冇問題, 會幫我安排. 咁我咪就原定計劃, 7點25分左右到達門口囉. 點知! 去到之後, 當我以防萬一再次同佢哋講我哋而家有六個人, 佢即刻打咗個突, 然後叫人帶我哋上樓上嘅細枱, 話坐住先, 因為我冇同佢講我哋係六位. 我重申之前已經講過, 但係佢話book嗰時已經冇講明,所以都 冇辦法. 好啦, 我哋六個人於是企喺嗰個企直會撞頭嘅二樓, 望住張好幼嘅四人枱, 嘆氣. 事關所謂嘅五人枱原來只係一張幼身長方形四人枱, 然後喺側邊加多個主席位! 我哋同佢講冇可能坐到, 先唔講咁細張枱點擺嘢食, 就算我哋六個人圍住張枱坐喺度都唔夠空間擺凳啦! 於是, 佢哋開始hea我哋, 話會擔凳俾我哋之餘, 又叫我哋嗌住嘢食食住先! 大佬, 點食住先啫, 唔通滾完拎開坐開食, 好似喺屋企咁?  之之助助搞咗勁耐, 我哋六個因為企喺度阻住佢哋嘅唯一通道, 唯有坐低. 喺呢個時候, 先係阿姐, 後係經理之類嘅人物又逐一上嚟叫我哋食住等, 又話已經有人埋單, 到時我哋可以轉房. 擺明就dum波鐘! 終於喺呢個局面維持咗半個鐘之後, 有房埋單, 而我哋亦終於入房用大枱可以嗌嘢食! 本以為風波總算告一段落, 殊不知個堪稱頂級牛肉嘅拼盤一啲都唔吸引. 鋪底嘅有雪花牛冇錯, 但係上面第二層嘅幾塊切得薄薄嘅牛舌, 繼而有五!大!粒!肥牛粒? 有冇搞錯呀, 俾3百幾近乎四百竟然係啲咁嘅份量, 咁嘅貨色?! 咁我做咩要嗌頂級?! 我食番普通手切雪花肥牛都得啦! 仲有個象拔蚌刺身, 佢切得咁厚我都可以話算, 當係有咬口, 但切完出嚟啲象拔蚌已經變得暖身, 感覺好唔衛生之餘, 切出嚟嘅份量亦好唔划算, 根本唔值988! 另外, 其他小食, 火鍋配料真係勁一般, 個所謂出名嘅黑松露餃子一落水就甩皮, 一份粟米根本就係一條乾錚錚嘅粟米一開八, 冇嚟誠意!仲有, 坐落大房之後就發現其實大枱嘅seating一啲都唔合邏輯. 明明係十人大枱, 用嘅爐竟然係細嘅! 於是全世界隻手唔夠長夾餸不得只, 仲整晚喺度玩sit-up, 勁攰! 原本嘅食慾都冇嗮啦! 所以奉勸一句, 若然大家決定一定要試菜, 就必須保持人數於五人或之下, 如果唔係就好似我哋咁勁多問題! 其實如果嘢食上唔up to standard, 我都可以話係自己問題, 當我挑剔. 但最好笑嘅係, 臨尾聲個經理竟然入嚟講"唔好意思, 我哋個信用卡機啱啱壞咗, 介唔介意俾現金". 我想講我明白亦試過好多餐廳每逢佳節都鍾意用呢啲伎倆, 務求喺最短時間攞到cash週轉出貨嘅錢, 但係可唔可以唔好等人嗌嗮嘢食, 食埋先咁樣玩? 若然你要收cash, 大可以一開始入席就講, 咁我哋都仲有時間佢gum定俾你, 唔洗一下子老嘅嫩嘅喺度摷銀包! 就算我當你真係信用卡機壞咗, 通常其他餐廳都會offer折頭當係道歉帶來嘅不便. 唯獨呢間勁有性格, 一隻字都唔提! 咁當然, 你唔提我哋亦唔會問, 話說出得街食飯預咗俾錢, 不過咁樣嘅態度確實令整件事更大打折扣. 另外值得一提嘅係, 去到後尾俾錢check單, 調味費盛惠18蚊一位不特只, 我哋明明嗌咗四支汽水同三揸酸梅汁, 佢通通同我落錯嗮, 想收六枝汽水同三揸唔知咩水 == 最好笑係同阿姐講話張單錯咗, 佢竟然答我"咁呀, 你俾咗錢先, 我再退番你吖!" 喂, 張單明明錯咗, 點解會叫個客俾咗錢先架? 簡直吹到啤一聲! 終於, 我哋六個人食嘅包括一盤頂級肥牛拼盤, 一盤本地手切肥牛, 一碟988嘅象拔蚌刺身, 一盤水準還可但少嘅雜錦魚生刺身, 基本火鍋配料包括丸子餃子西洋菜粟米蘿蔔酸梅湯等等, 一共3278, 一啲都唔抵! 整晚唯一可以讚嘅係佢哋個日本南瓜海底椰鍋, 湯濃之餘細滑而足料, 就算滾完肥牛都不至肥膩, 真可惜其他的事都已經蓋過呢個湯, 未能全心全意品嚐, 飲恨!  …查看更多

朋友生日, 話事黎呢度食飯, 估唔到佢呢度book房完全唔使minimum charge, 岩晒一班朋友喂喂喂啦! (特色小食) 冰鎮鮑汁螺片 - 鮑魚汁好濃好香, 螺片夠晒爽!  (特色小食) 酥炸黑松露餃 - 呢度係出名既, 一咬落去, 成陣黑松露味出晒, 而且佢炸得唔油!  (火鍋湯底) 日本南瓜海底椰鍋 - 香濃惹味, 仲要係成個南瓜上, 足晒料! (火鍋配料) 招牌既新鮮靚坑腩 - 名不虛傳, 夠晒新鮮!  (火鍋配料) 美國安格斯手切肥牛 - 肥瘦適中, 並非薄切, 厚厚地, 好有口感!仲有一樣野, 真係值得一讚! 侍應服務態度一流!…查看更多

是夜同行朋友不多，但所吃的菜式都不錯一來就見多款醬料，有辣油、甜醬酒等，像色彩的圖畫，令人加添信心享用晚餐! 作為調味味道適合!黑松露餃子矜貴且足料，肉味濃而不膩，啖啖都正北海道牛乳花膠火鍋湯底夠特別，款式創新，滋補，奶味濃，滑不流口芝士丸是本人最愛，最開心當然不像有些火鍋店供應的假貨! 流心極正，芝士味香其他菜也新鮮，感到絕不吝嗇，我們吃了最安全的生菜，好味自家梅子茶超吸引，不酸又解渴，清新提神，誠意十足！火鍋館乾淨，驚喜的還有贈送的中式糕點桂花糕等賣相精緻，味道清甜，聽說平時有雪糕，可惜當晚冇貨呢！美食確為飯聚生色不少呢！I like this hotpot restaurant!不愧為眾星勝地呢！…查看更多

今天老友極力推介宴請我和老公到九龍城唐朝火鍋館。我愛吃火煱，由上環英記，新東、方榮、名城、大邊爐、至尊豬骨等、間間都各有特色也出色，也吃到我舌尖都寵壞了，要在火鍋館子裏再找到驚喜，不可能吧？老友向來是沉實低調之人，說話不多勝在無廢話，所以都瞞有信心又期待的心情前去！地方優雅空氣清新，厨窗清爽通透，第一眼合格了，胃口也來了！…查看更多

同家人一齊過父親節,有朋友介紹這間新派的火鍋館,所以一試: (加上門口有代客拍車,好方便~)一開始ORDER了亞爸最LIKE的生蠔,有法國、澳洲和美國生蠔，好新鮮好味過D大酒店!! 忍唔住口再order多兩打!!靚仔老闆介紹活魚刺新同象拔蚌,見价錢都唔係好貴未試吓LOO~ 真係好鮮味好新鮮~加上我們帶2支酒去佢地唔收開瓶費,及幫我們開酒及提供酒杯給我們.服務好好..當日全塲爆滿,但D伙計及老闆都勁LIKE~湯底我地叫左老細推介的魚翅雞湯底！！好正，可以當湯飲真係好清甜～～　ORDER了:BB羊肩片+鮮黑松露餃,鮮黑松露餃味道好特別,有一陣好香的松露留在口內.估唔到D西式配料可以同火鍋好夾~再問老板叫那種肥牛好呢!! 於是他又介紹好野我地吃~~精選牛駝峰片"嘩....大件事啦!!!一食入口即溶...亞爸亞媽勁.開心...連我唔食牛都忍唔住食2片... 今次全家都好滿意， 下次一定再同班FRIEND一齊再食過！…查看更多