唐宮小聚 (新港中心)

营业中

休息中

嚟到聖誕，Christmas lunch 可唔可以食中餐？Why Not？依家啲中西餐都Fushion到好似混血兒一樣，無分你我他啦。肥牛叉燒用安格斯牛扒製作嘅叉燒，食落係咩味？係軟綿綿嘅厚切牛肉乾味。似足我地去台灣OR星馬泰買嗰啲手信，好有東南亞風味，但又保持港式叉燒嘅特色。黑白無雙呢個表面上貌似清蒸菜肉包，但內裡嘅餡料原來辣到不行。係滿滿胡椒香味，一邊食要一邊飲大啖茶。食得辣嘅朋友會覺得好過癮～火冒三丈(火燒鹽焗蝦)哈！呢個塔好有Surprise，上菜時有少少火焰，原來要堂弄鹽焗蝦，難怪隻隻蝦都濃郁入味。蝦肉大大隻，偏咸惹味，餸飯的確一流。紅粉佳人(紅菜頭蝦餃)輪到啱晒女仔胃口嘅即叫即蒸小點心。金壁輝煌帶點粉紅色嘅蝦餃，我真係第一次食。係好好好大隻嘅蝦餃呀，啖啖Juicy，配紅菜頭份外健康。非常值得Encore！小小楊梅小甜品都係特別為女士而設。酸酸甜甜楊梅，可愛造型，外脆內軟。甜品來說不算過甜，一人一粒Share啱啱好！

今次去咗依間餐廳食。平日食都咁多人。應該無伏。果然無失望。先嚟醉蟹。入晒味囉蟹肉都。好甜。又有膏不能錯過。流沙奶黃包。做到應有嘅水準。配埋依個特別賣相。不錯。五籠嘢。食咗黑色個餃。墨汁蝦餃。食落同正常蝦餃差不多。個皮好煙靭。其他柚子、芋蓉、蜂巢、賽螃蟹由屋企人食晒。無負評。依個係食佢個賣相。腸粉咁樣嘅造型。麻醬抄手。正常抄手同正常麻醬。正正常常。秋葵鮮淮山。滑潺潺。淮山好爽。炒到幾香口。感覺好健康。黑松露鮑魚飯。好有黒松露味。鮑魚爽口彈牙唔會靭。腐乳蜆。好大隻。無沙。唔食腐乳嘅Mingorr都食咗幾隻。估唔到腐乳同蜆都夾。蝦多士。脆卜卜。原隻蝦。有篤黑松露。好正蟹粉煎堆。真係好蟹粉囉。仲要好大舊餡。外面都係脆卜卜。正蟹粥。好有蟹味。都有啲肉喺入面。配埋油條。不錯。炸蠔餅。勁脆。油油哋。但好香口。可以點魚露同食蠔汁。份量最大㗎喇。山竹包。入面係蝦。都係不錯。成件事同山竹無乜關。食賣相。仲叫咗個肉骨茶。就係肉骨茶咁雖然有咁多不錯嘅評價。但都有啲衰嘢。點解瘋狂食到咁多種嘢。咪因爲分量好少囉。同都貴貴哋。大食嘅朋友入去前要諗清楚

其實唐宮都食過好多次, 一路以黎都係比佢D新派菜色吸引今次就試左想試好耐既點來聚聚, 都成功爭取到自己食哂成籠hehe佢係一個大蒸籠入面有5個小蒸籠 每個蒸籠入面都有一個點心1. 墨汁餃- 個樣黑蚊蚊反而幾eye catching, 唔算好重墨汁味, 不過不失2. 柚子餃- 食落會有淡淡清香既柚子味, 感覺幾特別, 原來柚子配餃係match既!3. 賽螃蟹餃- 又一道fusion野, 口感幾特別, 都係清清地唔太油, 唔錯4. 芋蓉流沙包- 本身個人麻麻地芋頭, 但呢個包我又唔太抗拒, 流沙通常都係奶黃, 用芋蓉呢個idea都幾好, 無遺和感5. 蜂巢鬆糕- 呢個我放左最後食因為我覺得應該會似係甜品, 佢切到心形咁打卡最岩, 食落好軟身, 有淡淡蜂蜜味, 唔太甜, 用一件作結岩岩好

其實.... 試過中環的唐宮小聚之後, 尖沙咀這間便沒有驚喜了。以為特價乳鴿只會在中午供應, 原來晚餐時間亦有提供, 這是唯一的驚喜位。蝦多士不過不失, 可能因為晚市關係, D 油有點老, 所以炸出來不好吃!包點同點心都 ok, 只係有 D 普通, 朋友們只說 ok, 因為只係好一般。不知是否中環店做的更好, 才令我們這間失色了?味道似話梅的雪梨水! 苦過 dee dee 嘅手工啤酒! 好彩乳鴿仍然吸引, 好好味呀! 油淋淋蝦多士, D 油好老, 有圖有真相!下次去, 選揀中環店一定會穩陣 D!

Was absolutely craving roasted pidgeons and decided to give this place a go. Was not disappointed at all!!They have their roasted pidgeon special that’s limited to one per head and a must order! The rest included variations of buns, a fois gras spring roll, and a aged wine marinated crab!! Everything was quite good and I would definitely return.

一年一度為十一月之星慶生日，揀左食中菜，圍坐易傾計呀嘛。尖咀最方便大家，於是唐宮成為首選。未食飯就見到碗筷充滿中國文人戲趣，有兩隻pad print小飛飛😂開飯啦，首先梗係食冷盤同點心。冷盤食蒿荀，全部被切絲，青綠爽脆；木耳清新爽口；麻辣田螺最出色，麻而不太辣，麻香令人回味無窮。炒秋葵淮山火喉足，香噴噴 😋點心黑金流沙包，香甜味美。一擘開，熱辣辣嘅流沙奶黃湧出嚟 😍蠔仔餅超鬆脆，仲可以沾醋或辣茄汁食 😋醉蝦充滿清香酒味乳鴿亦一人一隻，外脆肉嫩，油汁香味滿分。炸金菇湯煮豆苗，double 口感，double 享受。麻辣石斑魚簡直係全餐之寶。肉厚質嫩，茴麻辣香配搭，味道剛好而無搶過魚嘅鮮味，不得了，超好食，頂呱呱 👍🏻尾聲嘅甜品，陳皮桂花燉雪梨，令全餐慶生宴完滿結束😋👏🏻👏🏻👏🏻

朋友相約午膳話最近有個黑金流沙包好好食，於是相約在唐宮小聚，午市時段，要人齊先比入，但訂了枱都唔算等得太久。一張點餐紙已有很多選擇，點心、飲品，粥粉麵飯，甚至香港制造手工啤都有齊晒。朋友打開餐牌點餐說，這裡乳鴿和一個點心價錢相約，故此每人一隻乳鴿。碗碟有烏蠅圖案，幾可亂真先來食乳鴿的膠手套、濕紙巾，全套武裝樣子可愛。白肉肉鴿$33:小小五併$99:酸菜班片$99:酸酸辣辣很惹味。脆皮蜂巢$39:威化餅作表層配上黑糖味道很夾檔，相當唔錯。開葱拌麵$49炸過的香葱很吸引，加上大大隻蝦乾，可是蝦乾甜度有些做作，朋友們都覺得像用糖醃製過。辣口水雞$69辣味非常，但以$69價錢，分量太小。松露鮑飯$109:相信這個像拌飯的質感，大家都覺太淋身，唔吸引。黑金流沙$45熱騰騰的黑金，真的是金漆招牌包，那金色油漆會甩色在手，如果你用手食的話。

Came here for lunch not long before it closed. We ordered 7 items from the pigeon, which looked more like the size of quail, the egg shooter and fried chicken thing, the dumpling sampler, the pig thing, the bao and pork belly sliders and the black large bread thing with gold on top and an amazing custard inside. If we returned, if get the dumpling sampler and large bread thing with gold on top!!

尖沙咀星期日都難搵位。 一行五人都有啲頭痛。但見呢到唔太多人排就決定㩒票。大約等十五分鐘就到我地。我最愛流沙飽，入面可堅流，少少蛋黃加多多奶黄，好味有水準👍自製雲吞，重蝦子未，粒粒易入口同有蝦粉墨登場 (墨魚汁飯） 外相唔吸引，但入味同米飯粒粒分明。火焰菠蘿 (入面辣牛肉粒） ，一上菜侍應幫我地點火燒菠蘿。令成個菜保持溫暖同一打開蓋有燒過嘅菠蘿香。 入面都擺滿牛肉粒，足料👍入面，最近病唔食得辣，所以冇食到呢個菜，但我見朋友們都食得津津有味😋入面都坐得舒服，雖然有限時個半鐘，但冇咩人等位都唔會趕我地走👍👍👍可以encore 再黎👍👍

I love Social Place and this is not my first visit because the dimsum is delish as well as instaworthy.On this visit, we ordered stuff which is also worth sharing.To start with we had the non conventional charsiu which is made with beef instead of pork.As well as beef, you can get lamb charsiu elsewhere which also tastes good but beef is trending as lots of restaurants are doing it. Here, they have used Wagyu beef which is soft and tender great with rice.Another great dish with rice is the salt

唐宮既大名就聽得多啦，唐宮小聚係香港都開左一段日子今次就同同事去左尖沙咀分店食晚飯佢既門面同普通茶樓好大分別，感覺好young好新派而佢都係要收茶錢同加一，佢廚房係開放式令人感覺好新奇，想睇下師父究竟係到做咩~個日我地叫左幾樣野，不過上菜速度好似有啲慢佢個碗都好有特色，有幾隻螞蟻 (我覺得係因為好食到吸引佢地黎食埋一份)頭盤叫左陳釀醉蟹，首先啲酒香味好重，而且啲膏係超多同好香濃差不多cover曬成個蟹身，一人一件都夠食不過唔似平時食開既蟹膏金黃色，因為熟蟹關係都變左淡黃色白玉黃鴿，好抵食，每個人只限一隻仲有堂食先有優惠價但佢係啱啱新鮮炸出黎，個皮好香脆而肉好嫩，調味調得剛剛好，不過似乎就有啲細隻脆蝦雲吞，齊菜煎餃我比較鍾意炸雲吞，因為佢入面係有芝士同蝦芝士味濃加上蝦既爽口，感覺係好match，一啖一粒但我唔鍾意煎餃，因為陣草味太多，唔係個個頂得順叫左松露香菇同黑金流沙，好surprise！因為同平常酒樓既太唔同，食得出真手工做 而且奶黃流沙好香既咸蛋味，另外，松露味都好出，唔會比香菇搶左個包亦都好鬆軟，性價比好高！！最後，唔多飽叫左松露鮑飯有一隻似係素鮑既鮑魚係上面不過呢個飯太濕，我唔

今天趁老闆不在辦公室，我和另一名同事決定去吃個長時間一點的午餐😆我們兩個人來到這間位於新港中心3樓的唐宮小聚撐枱腳。我們點了以下這些菜式：白玉王鴿2隻（ $33 ×2）、點來聚聚（$69）、麻辣燒賣（ $39 ）金菇翠苗（$69）、蝦多士（ $79 ）、酒埕醉雞（$69）。這裏的乳鴿好吃其實應該是眾所周知了。乳鴿皮烤得非常香脆，肉質鮮嫩多汁，每次跟朋友到來，我們也會一人一隻不缺少😋。點來聚聚包含了五款「蒸」緻點心：墨汁蝦餃、柚子蝦餃、賽螃蟹餃、蜂巢鬆糕及芋蓉流沙包。每款也很創新，味道獨特，不是在一般傳統茶樓可以吃到的。裏面是糯米做的麻辣燒賣吃起來挺開胃的🤤（但明明糯米是很飽肚的🤣)比較少見有餐廳會把金菇炸來吃，但炸金菇配上清淡的豆苗卻又有另一種風味。蝦多士一定要趁熱吃！多士香脆可口，配上熱騰騰的海蝦，口感極佳，蝦上面少量的黑松露令味道昇華😍雞肉肉質鮮嫩，酒味不算濃烈，不錯。這天我們2個人吃了一個超豐富的午餐，很滿足！☺️

最近聖誕節去睇下燈飾就嚟咗尖沙咀呢間唐宮小聚屋企人話呢間好出名成日都好多人排隊而我又未聽過未試過咁所以就黎食下啦佢哋嘅卡片都好精緻都幾靚㗎門口仲有萬樂珠比等緊嘅人可以食添一嚟到就比佢嘅碗具吸引左有幾隻蟻仔係上邊 遠睇仲以為係真嘅添我哋叫咗一個醉雞 雞肉好嫩滑酒味唔算太重呢個係荷葉飯 一邊有啲蝦同雞肉同埋冬菇飯都幾入味 同埋份量好夠呢個係佢哋最出名嘅炸乳鴿出邊好脆入面啲肉質仲好多汁添因為係BB鴿 所以肉質好滑唔會鞋口仲有呢個係豆腐蝦餅佢比一般嘅蝦餅冇咁彈牙但係就多咗份蝦餅冇嘅質感呢個係肉鬆蔥油餅 呢個就普普通通啦冇乜特別全晚我覺得最好食嘅就係呢個流沙奶黃包我敢講我從來未食過咁好食嘅奶皇包一搣開個包啲奶黃沙就流晒出嚟鹹鹹甜甜咁 好好味呢個係炸魷魚鬚炸得好脆同埋魷魚唔硬 唔錯！呢個係雞絲粉皮其實而家好少餐廳嘅雞絲粉皮做得好食呢間算係做得唔錯麻醬味道調到啱啱好唔會太濃郁食到好膩而雞絲亦都唔會太硬整體來講我覺得呢間野質素真係好唔錯雖然對我來講有少少貴但係唔緊要啦間唔時先一次下次會再嚟試埋佢其他嘅菜式

今日同友人係尖沙咀行下街，行到肚餓就決定係度食個Tea先😋估唔到平日都咁多人排隊，不過好彩只係排咗15分鐘就入得去食啦🍴入面都好闊落，而且裝修得好Grand✨呢個山竹做得好精緻好得意，本來以為呢一個係鹹點，點知食落去甜甜地，而且個皮有d厚，所以我同友人都食咗一兩啖之後就放棄左啦。乳鴿烤得金黃色又脆卜卜，仲好juicy添，同一般酒樓貨色完全冇得比啊！如果嚟食一定要叫返隻啊！(PS. 每人只可以叫一隻)蟹粥好鮮甜，而且都好多蟹肉，另外油炸鬼粒都炸得好脆，撈埋一齊食簡直一級棒！不過建議叫侍應比少少椒鹽粉黎調下味會更加好食。蝦多士係我最推介嘅一個點心，炸到金黃色好香脆，每咬一口都有陣油香，但係一啲都唔會膩㗎！加埋黑松露簡直冇得頂！必點之選👍🏻👍🏻其實呢個係我見到餐牌好似好吸引，好得意，所以先點嘅！覺得冇乜特別，只係橙色嘅蝦餃食落有啲清新既感覺，有柚子香本身鍾意食辣嘅我見到有麻辣燒賣就二話不說咁點左，結果係10分失望嘅，覺得只有麻但係唔辣。而且餡料同皮既味道好似分開咁，唔太夾。

每個月都搵地方同朋友聚一聚。今次食中菜，見餐廳簡介環境舒適同食物健康。於是試試。特別在個包係竹炭，冇咩特別味。鹹蛋黃味不太濃。一定要趁熱食。正正常常。豬手沒有沙薑味而且份量太少。幼身麵條，醬汁惹味。