是日拍拖日兼旺角一日游，上午同老公在Moko睇咗IMAX 版你的名字、下午继续旺角叹推油按摩💆♀️，晚上便到位于油麻地心脏地带，楼下交通方便四通八达，仲可以俯瞰着油麻地旺角美景的火锅店用餐！呢一间火锅店个名叫做唐坊火锅私房菜，以港式养生火锅为卖点，装潢糅合西式元素，打造环境雅致，而且店内温度够舒适、抽风亦非常好👍🏻 平时小妹一边食饭一边流汗，在唐坊打紧边炉嘅时候竟然没有出现流汗情况😲令成晚用餐过程非常开心🥳，小妹两公婆在选择困难症嘅情况下，决定要二人餐！（减少苦恼）唐坊最出名的《唐老鸭汤锅》，当晚因太受欢迎嘅关系而卖晒噜🥺，唯有拣另一款主打汤底《煲冬瓜瑶柱美腿锅》，冬瓜瑶柱金华火腿汤做边炉汤底真系超级滋补，有住家靓汤嘅味道，鲜甜浓郁超好饮💕二人餐包括以下美食：1️⃣二人海鲜拼盘（鲜虾、大蚬、鲍鱼、扇贝、鲜鱼片）～鲍鱼4分钟啱啱好鲜味十足，大蚬肉质大大粒又胀卜卜，海鲜拼盘所有海鲜都非常新鲜甜美。2️⃣手切封门柳（细）～牛味都几香，牛肉肉质少油脂，可能本身钟意食肥啲啲的牛肉，所以觉得肉质有少少偏瘦。3️⃣三宝丸（手打牛丸、虾丸、花枝丸）～三款丸起晒胶咬落超弹牙，调味都非常好👍🏻仲有粒粒花枝肉（小妹平时有煮开饭所以识少少😆）4️⃣韭菜饺拼蟹肉饺（每款两件）～蟹肉饺都系第一次食，原来咁鲜甜好味🤤而且都几大粒，肉馅也实心㗎，调味及味道相对唔错！5️⃣善良响铃（细）～响铃新鲜无「油益味」6️⃣田园菜篮（四款蔬菜，超甜粟米）～菜篮有娃娃菜、油麦菜、菜心同超甜粟米🌽，蔬菜们同汤底超夹，一啖菜一啖汤，饮落超舒服😍7️⃣一份出前一丁～二人餐只包一份面食，因为小妹老公平时唔食乌冬，所以决定要出前一丁，可能冬瓜瑶柱金华火腿汤太出色，所以连平时嘅出前一丁都觉得超正😋8️⃣两杯无酒精饮品（竹蔗茅根水）～香港人打边炉梗系要饮竹蔗茅根啦，实在太好饮同唔够饮，之后仲额外加多咗一「渣」竹蔗茅根，继续享用！9️⃣椰汁雪燕糖水～饭后糖水，椰汁雪燕糖水冻冰冰超好味😍😍额外再要多碟猪界贵族《橡果猪》，原来系西班牙伊比利亚橡果猪，伊比利亚猪不嬲都系好嘢嚟，猪纹劲靓、猪味够浓厚、肉质又弹牙，仲唔系猪界贵族👑唐坊服务真系好好呀，老板会帮手毕起𠮶啲泡泡，平时都系小妹自己动手，因此觉得特别窝心☺️，有服务有环境有质素，相对以私房菜嚟讲价钱唔算系好贵，二人套餐未加一价格不用$700，下次带埋老爷奶奶嚟食先😚😚…查看更多
