唐坊火鍋私房菜

想靜靜地同班fd圍爐打邊爐🥘？油麻地有間火鍋私房菜咼～睇睇先啦😙環境：7.5/10譽發廣場全是美食，離地鐵站大概2分鐘路程🥰叫得私房菜當然空間感十足！食物：7.5/10😍養生火鍋二人餐 $6781️⃣海鮮拼盤🦐海鮮拼盤有5款海鮮，最愛嘅鮑魚、扇貝都有，新鮮肥美。2️⃣手切封門柳🐮（細）細份都好大份，重牛味，油脂分佈均勻，幾高質。3️⃣三寶丸（手打牛丸、蝦丸、花枝丸）丸類都唔錯，食得出係手打好彈牙同實身，個人最中意蝦丸🫶🏻4️⃣韭菜餃拼蟹肉餃（每款兩件）第一次食蟹肉餃又幾鮮同肉幾夾！皮薄餡多👍🏻5️⃣響鈴（細）6️⃣田園菜籃7️⃣烏冬/出前一丁8️⃣竹蔗茅根水/汽水9️⃣椰汁雪燕糖水重點推介‼️成碗都係燕窩大顛！全清😍😍💰性價比：8/10$350/人，依家隨便打個邊爐都$400-$500，唐坊嘅火鍋套餐都幾低食，值得encore 👐🏻…查看更多

是日拍拖日兼旺角一日遊，上午同老公在Moko睇咗IMAX 版你的名字、下午繼續旺角嘆推油按摩💆‍♀️，晚上便到位於油麻地心臟地帶，樓下交通方便四通八達，仲可以俯瞰着油麻地旺角美景的火鍋店用餐！呢一間火鍋店個名叫做唐坊火鍋私房菜，以港式養生火鍋為賣點，裝潢糅合西式元素，打造環境雅致，而且店內溫度夠舒適、抽風亦非常好👍🏻 平時小妹一邊食飯一邊流汗，在唐坊打緊邊爐嘅時候竟然沒有出現流汗情況😲令成晚用餐過程非常開心🥳，小妹兩公婆在選擇困難症嘅情況下，決定要二人餐！（減少苦惱）唐坊最出名的《唐老鴨湯鍋》，當晚因太受歡迎嘅關係而賣晒嚕🥺，唯有揀另一款主打湯底《煲冬瓜瑤柱美腿鍋》，冬瓜瑤柱金華火腿湯做邊爐湯底真係超級滋補，有住家靚湯嘅味道，鮮甜濃郁超好飲💕二人餐包括以下美食：1️⃣二人海鮮拼盤（鮮蝦、大蜆、鮑魚、扇貝、鮮魚片）～鮑魚4分鐘啱啱好鮮味十足，大蜆肉質大大粒又脹卜卜，海鮮拼盤所有海鮮都非常新鮮甜美。2️⃣手切封門柳（細）～牛味都幾香，牛肉肉質少油脂，可能本身鍾意食肥啲啲的牛肉，所以覺得肉質有少少偏瘦。3️⃣三寶丸（手打牛丸、蝦丸、花枝丸）～三款丸起晒膠咬落超彈牙，調味都非常好👍🏻仲有粒粒花枝肉（小妹平時有煮開飯所以識少少😆）4️⃣韭菜餃拼蟹肉餃（每款兩件）～蟹肉餃都係第一次食，原來咁鮮甜好味🤤而且都幾大粒，肉餡也實心㗎，調味及味道相對唔錯！5️⃣善良響鈴（細）～響鈴新鮮無「油益味」6️⃣田園菜籃（四款蔬菜，超甜粟米）～菜籃有娃娃菜、油麥菜、菜心同超甜粟米🌽，蔬菜們同湯底超夾，一啖菜一啖湯，飲落超舒服😍7️⃣一份出前一丁～二人餐只包一份麵食，因為小妹老公平時唔食烏冬，所以決定要出前一丁，可能冬瓜瑤柱金華火腿湯太出色，所以連平時嘅出前一丁都覺得超正😋8️⃣兩杯無酒精飲品（竹蔗茅根水）～香港人打邊爐梗係要飲竹蔗茅根啦，實在太好飲同唔夠飲，之後仲額外加多咗一「渣」竹蔗茅根，繼續享用！9️⃣椰汁雪燕糖水～飯後糖水，椰汁雪燕糖水凍冰冰超好味😍😍額外再要多碟豬界貴族《橡果豬》，原來係西班牙伊比利亞橡果豬，伊比利亞豬不嬲都係好嘢嚟，豬紋勁靚、豬味夠濃厚、肉質又彈牙，仲唔係豬界貴族👑唐坊服務真係好好呀，老闆會幫手畢起嗰啲泡泡，平時都係小妹自己動手，因此覺得特別窩心☺️，有服務有環境有質素，相對以私房菜嚟講價錢唔算係好貴，二人套餐未加一價格不用$700，下次帶埋老爺奶奶嚟食先😚😚…查看更多

位於旺角與油麻地交界, 在大廈最高那層, 實在有點隱蔽 🙃 下午去探訪更可以看到日落 ☺️ 餐廳有一張長bar枱, 有別於一般火鍋店。現在Openrice預約, 可以以86折訂2人或4人餐!!港式養生火鍋四人晚時套餐 $1,358 (折實價)冬瓜瑤柱美腿鍋湯底可以選擇唐老鴨或我們所選的冬瓜鍋, 冬瓜鍋配料甚多, 除冬瓜外, 還有瑤柱, 冬菇, 金華火腿, 湯頭清甜, 燒暑下火, 由於太多配料, 開頭會有些咸 😌 之後再加湯就剛剛好。手切封門柳伊比利亞像果豬2款肉都很軟腍, 封門柳色澤深紅色, 同跟粉嫩的豬肉呈對比 😀 封門柳每片不算大塊, 但有濃厚牛肉鮮味。豬肉紋理有點像大理石, 入口會感受到油脂香但並不膩。海鮮拼盤份量充足, 入面有鮮蝦, 扇貝, 大蜆, 鮑魚和魚片, 全部都大大隻。鮑魚非常煙韌彈牙, 鮑魚汁已經鎖在鮑魚裡面, 一咬就流出黎 🤩 蝦肉彈牙結實, 蝦頭更有不少蝦膏 (雖然我平時不太吃 😬) 大蜆和扇貝都有獨特的甘甜味, 海鮮比肉類更出色!三寶丸分別是牛丸, 蝦丸, 墨魚丸, 全部都手打製造, 除了口感Q彈外, 味道都比坊間濃厚 😍 牛丸入面有少許牛筋, 而另外2款就加了蟹籽, 會多一份口感。響鈴必點之選!!! 雖然係平價貨, 但最有驚喜 😳 新鮮炸已經加分, 裡面卷了幾個圈, 層次比一般多 😚 滾一陣子就做到外脆內軟效果, 豆腐味亦相當突出!!明顯餐廳嚴選優質食物入貨, 全部食物都非常新鮮! 是被世人遺忘的隱世高質餐廳。…查看更多

一黎到就比個窗景震撼咗，鬧市美景迷人到不得了，用餐環境都非常舒適愜意，食物好出色，一定會再去食。今次我地叫左個2人餐，近排咁熱，揀左冬瓜瑤柱湯底，消暑去水腫。湯底好濃郁，啲菇同元貝仔好好食。海鮮盤❤️有扇貝、大蝦、鮑魚、大蜆、脆肉鯇同蜆，食材新鮮爽口，鮮味十足。三寶丸係自家手打牛丸、花枝丸同蝦丸，花枝丸彈牙又食到粒粒口感，但我最欣賞蝦丸，有腐乳既味道，好特別喎。韭菜餃同蟹肉餃餡料豐富且啖啖肉，大大粒好滿足。手切封門柳👍🏻脂肪含量較少但牛肉味濃郁，唔怕肥。田園菜籃+烏冬有娃娃菜、菜心、油麥菜同粟米，配呢個湯底食多左份清甜味。烏冬就勁彈牙，點煮都唔爛。善良響鈴😋大推🩷🩷響鈴即叫即炸，配火鍋3秒定律，索汁，但仲保持到少少鬆化脆口，好正！椰汁雪燕食完熱辣辣嘅嘢，食碗冰鎮美顏糖水，椰香味濃，真不錯喔。❤️真係好出色，我地仲另追加左大碟牛頸脊同邪惡響鈴：牛頸脊即霜降，牛頸脊油花分佈平均，肉質細嫩，有彈性，味道豐富，都係必食。🩷邪惡響鈴呢款係小食，唔洗放入火鍋。新鮮即炸響鈴再淋上咸沙蛋黃醬真係第一次食，口感更加細膩又多層次，味道、香味同賣相都夠哂邪惡😋咁特別一定要試！…查看更多

因為有個好朋友喺多倫多回港，梗係要一班好友聚餐慶祝啦！🎉 今次揀咗呢間 超有格調嘅唐坊火鍋私房菜，一入門口，已經被吊住嘅 波波燈同 藍光吧枱吸引住，氣氛超靚，仲有 L 型間隔嘅設計，超適合一班人圍埋開心傾偈～ 最後一題佢哋送咗個椰子汁燕窩做甜品給我們！🍲推介美食：1️⃣ 椰子雞鍋：服務員即場用椰子水倒入雞湯，香味即刻飄滿整間房！雞肉嫩滑，湯底鮮甜，一定要試！ 2️⃣ 海鮮拼盤：料足到爆，包括鮑魚、帶子，仲有啖啖鮮甜嘅蟹肉雲吞！🦀🥟 3️⃣ 牛魔皇拼盤：每件牛肉都切到剛剛好，入口即溶，肉香滿分！🐂 4️⃣ 凍檸賓：飲咗咁多汽水，竟然係佢哋嘅凍檸賓最出色！清新又解膩，強烈推薦！🍋✨ 🌟整體感受：✅服務超貼心，每樣食材都即叫即煮，質素保證！ ✅環境有格調，適合影靚相打卡！📸 ✅性價比高，海鮮同牛肉質素超好，絕對值回票價！ 📝 餐單一覽：前菜醬油＠$15.0 x12 ($180.0)千篇一栗椰子雞鍋（椰子雞鍋） @$268.0 ($536.0)牛魔皇拼一拼（中）@$588.0（$1,176.8）海鮮拼盤 （$498）手切雪花牛肩脊 （大） （$308）白鱔 （$128）鮮淮山（$48）出前一丁 （$18）花雕雞件（半隻）（$138.0）蟹肉雲吞 （$78.0）自制雲吞 （$58.0）菜心苗 （$38.0）鮮冬菇 （$40）鮮粟米 （$38）炸枝竹 （$30）鮮腐竹 （$30）白蘿蔔片 （$30）生根 （$30）響鈴 @$68 （$136）鴨血 （$68）凍檸賓 @$21.0 （$84）可樂 @$15 ($30)藍妹 @$38 ($266)7up ($15)椰子汁燕窩@甜品 （免費）📍唐坊火鍋私房菜地址：油麻地彌敦道560號譽發廣場23樓 🚇交通：港鐵油麻地站 A2 出口，步行約 2 分鐘 …查看更多

朋友帶我食樓上火鍋，店舖有180度高層靚景，最吸引2人和4人火鍋套餐。我們2個人當然選擇2人套餐。menu上有 sashimi，海鮮拼盤，橡果豬、餃子蔬菜、公仔麵還有飲料！刺身厚切新鮮，肉質肥美。 （刺身-有鮭魚希靈魚魷魚等）海鮮拼盤簡直令我嚇一跳，因為每一款都好大件，鮑魚好大個子，還有北寄貝好大又重身，有手掌那麼大好肥厚又新鮮。湯滾了貝殼打開可以吃，入口爽利完全沒有半粒沙。而鮑魚最佳食用時間滾水計時5分鐘便可以吃。火鍋湯四選一，煲冬瓜瑤柱美腿鍋，好多冬瓜瑤柱同火腿味就咁飲清湯都正。而且把部分新鮮蔬菜放埋進煲令到湯更加鮮甜美味。橡果豬紋理均勻，好像肥牛咁烚一陣便可以放入口。好嫩滑。至於飲品揀了椰子水，有椰香味飲落清甜潤口。最後還有是日糖水燕窩西米露。多謝朋友請食飯帶我食好西😋😋…查看更多

家人 精心挑選了唐坊火鍋私房菜作為慶祝生日的地方店名註明是私房菜 見到網絡上對這間店只有好評, 大家都滿有期待今晚可以好好享受高質的火鍋可惜事如願違 ,  先不討論食物質素和味道, 部份送來的食物跟菜單上的圖片都巳經有點不符,  這點巳經令我們很失望！ 不會再幫襯了！先講優惠套餐 凡以$338 叫手切肥牛或 $198 橡果豬 可以用1元優惠價叫指定湯底我哋見圖片展示的肥牛都幾靚仔, 毫不考慮馬上下單實物上場了 : 上菜時, 家人們各自都互望大家幾眼 . 是否店員送錯單 ? 跟店員碓認這就是我們以$338 選購的手切肥牛第一 牛的外觀質素比連鎖的快餐店火鍋肥牛還要差第二  註明是大size,  份量可其少第三 註明是手切肥牛, 似機切多過手切第四 重點是牛的味道淡而無味, 大家都討論緊食緊豬肉多過牛肉， 以$338一份 手切肥牛來說， 十分不值再來海鮮拼盤, 圖片上有 蝦, 元貝, 鮑魚, 蠔和貝殼類  餐單沒有註明拼盤只會提供當日時令海鮮下單時, 店員亦沒有向我們說明 有什麼海鮮日今天是不會提供, 我們滿心等待跟圖片一樣的海鮮出現在我們眼前, 可惜.......海鮮拼盤上場了 :元貝和蠔為什麼不見了, 但出現了三片又薄又細件的魚片, 又再跟店員碓定 是否送錯單店員說 今日元貝和蠔缺貨不會提供在拼盤上, 會用三片魚片頂上, 大家又互相對望幾眼, 有冇攪錯, 幾佰元一個海鮮拼盤, 只提供 蝦,  鮑魚, 貝殼類和三片超薄魚片,  睇到都無言三片超薄魚片可以頂替蠔和元貝， 以這個價錢來說十分不值其後我們發現隔離枱出現了蠔, 再三向店員查問原因, 答案是....美國桶蠔 成本高, 不會包在拼盤上, 他們稍後會修改菜單內海鮮拼盤的圖片 ，既然店家明知圖片 跟真身不附, 為何店員不在下單前向顧客說清楚, 消費者都有選擇權利， 但今次我哋連選擇和知情的權利都沒有， 簡直係硬食 又係無言！雖然食到一肚氣,  但有三點我都認為有抵讚的地方第一 , 其中一位男店員對客人十分有禮, 我們有疑問向他查詢時, 他都會幫我們向老闆跟進, 抵讚第二. 我們亦叫了活魚刺身, 雖然份量比想像中少, 但質素係新鮮第三, 至於海鮮拼盤跟圖文有少許不附, 但海鮮質素是新鮮的活魚刺身進場: 整體用餐體驗是不愉快， 不會再幫襯了！亦希望店家快點更改餐牌圖片 令每位幫襯的食客可以享受到高質的火煱私房菜…查看更多

位於旺角商廈高層嘅«唐坊火鍋私房菜»有落地大玻璃裝修，可以食飯之餘欣賞日落美景🌇或者鬧市夜景🌃餐廳主打活鮮魚刺身、豐富嘅水產海鮮、好多款式選擇嘅超好飲足料湯底！老闆每日親自去挑選新鮮海鮮同活魚食材，確保當日惠顧嘅食客都食倒最優質嘅食物。‼️逢星期五晚惠顧都可以參加現場舉行嘅「新鮮海鮮拍賣」！每口價20蚊咋，分分鐘極抵價bid中大龍蝦或活魚做刺身😍———.+:｡(〃ω〃)ﾟ.+:｡ ｷｬｧ♪❀勁豐富4人套餐 $1588✰是日刺身魚一條✰鍋底（6選1）（ 煲冬瓜瑤柱美腿鍋 / 唐泰北蝦冬陰公湯鍋 / 極濃蝦鍋 / 酸菜三文魚骨腩鍋 / 3.6牛乳豬骨鍋 / 蕃茄薯仔牛牛鍋）✰4人海鮮拼盤✰手切特級牛(大)或 橡果豬(大)✰韭菜餃及蟹肉餃✰手打三寶丸✰田園雜菜籃✰手打烏冬或公仔麵 (2份) ✰四杯無酒精飲品 （可樂/ 無糖可樂/ 忌廉/ 椰子水/ 低糖果汁）💕追加優惠：- 無限追加$50一碟手切特級牛(細)原價$248- $100一碟手切特級牛(大)原價$308- $60邪惡響鈴(大)原價$78🌟呢個套餐即將會推出！我哋有幸當日去到老闆喺度可以食倒🤩 超豐富，4個人食一定好夠食😋🌟我哋揀咗〖3.6牛乳豬骨鍋〗奶滑湯底好有胡椒味，未開始打邊爐之前每人飲咗兩碗🤣 兩大舊勁多肉嘅豬骨充滿骨膠原，煲到最尾食埋啲肉超淋超好味😋🌟我哋嗰日好夜去又冇book位，是日活魚刺身已售罄🥲 老闆話幫我哋轉4人刺身拼盤，所以想食嘅朋友記得一定要book位！佢哋都幾爆場😂刺身拼盤有齊晒餐牌上面所有日式刺身嘅款式，非常抵食！就算散叫都只係$288😋🌟 4人海鮮拼盤不得了😱當日有勁大隻勁厚肉嘅鮑魚同北寄貝！北寄貝係鮮甜到不得了🤭仲有大大隻虎蝦、脆肉鯇，每款各4隻。卜卜蜆都好大隻，有8隻🤤🌟牛或豬二選一，有朋友唔食牛，就叫咗橡果豬，估唔到仲好食過出面嘅肥牛😂 嚟到嘅時候一度猜測係咪嚟錯咗？🤭油花咁靚嘅？想兩樣都試到嘅話可以揀豬，另外再以優惠價追加手切牛😍🌟餃子好大隻而且好多餡，煮熟咗之後仲係充滿肉汁；三寶手打丸有蝦丸、墨魚丸同埋牛丸，非常爽口彈牙，手打牛丸係一試難忘！🌟全部嘢食都非常高質！另外佢哋仲會有個二人套餐，大家記得留意😋🐮唐坊生牛肉刺身（小）$208 /（大）$298🌟為食嘅我哋睇到有生牛肉刺身，點可以唔叫埋？？😂呢個生牛肉刺身非常之好食！切得夠薄牛味濃厚而且好軟嫩，老闆教我哋包住薑碎、洋蔥碎、木魚再點埋佢哋嘅特製醋汁🤩 真係好好食！下次嚟都要再encore！🍺1664啤酒 $88/杯🌟打邊爐真係好想啤啤佢🤣 呢度有1664生啤，如果成班人share仲可以叫個Tower（$308）。💵4人食👩🏻‍🤝‍👩🏼👩🏼‍🤝‍👩🏻人均$470餐廳仲有推廣其他優惠，例如生日去慶祝都有優惠㗎！🎂🥳 …查看更多