唐人居茶樓

上次搭枱工友推介下午茶，咁啱朋友約我下午茶，啱晒去試啦！平日下午茶時間冇乜人、同上次人山人海對比好大，今次可以坐下邊啦!我哋叫咗粒粒西多士配胡麻醬沙律菜，懷舊蝦多士配薯條，粒粒西多士幾特別，大大粒好味唔太甜，個沙律都幾正，蝦多士就唔係真係細個食嗰啲，但係都幾好食，個薯條炸得好脆，佢啲餐送凍熱飲品，就算汽水都唔使加錢，呢個俾個讚，擺盤幾靚，見人哋食啲炒嘢都幾正，如果唔係地點比較吊腳要特登坐輕鐵嚟，都會試多幾次。…查看更多

老公睇電視見「美食X X報告」，介紹嗰個叉燒好正，今日特登踩單車過嚟試吓。嘩！食飯時間人山人海，因為附近冇乜食肆，而且好多地盤，所以好多工友喺度開餐，冇位咁滯。下邊有個位做多餸飯，好多款餸全部都幾吸引，我哋揀咗碟三餸飯另外叫咗個煎蛋叉燒飯，送冷熱飲品、汽水都可以，例湯任舀。不過你想飲都未必有，因為佢可能太多人啲碗都洗唔切，我咁好彩有一隻碗先有得飲。三餸叫咗燒肉、南瓜肉片同埋薯仔牛肉粒，味道唔差，正正常常而且抵食，不過最期待嗰個叉燒煎蛋飯，個叉燒真係有啲難食，完全唔係電視嗰回事，我老公話口感似香口膠非常之失望，千祈唔好試，費事中伏，不過隻煎蛋就整得好靚嘅，但見前邊食評有人夜晚食叫一碟例牌個樣又好靚喎。同枱工友話下午茶幾正同特別，下次可以試吓，午餐都會再試嘅，不過呢個叉燒我就唔敢再搏。，…查看更多

同家人食飯慶祝小朋友生日，整個過程非常滿意！ 裝修：懷舊港式打冷風格，有上下兩層，上層更有龍鳳裝修小舞台給客人聽歌唱歌，很有情調！我們坐在下層，環境闊落舒服，很有大排檔感覺，餐具和環境都是非常乾淨，場內冷氣充足！ 服務：全部侍應都非常友善，很照顧我小朋友，逗他玩笑，安排兒童座椅，還主動用濕紙巾幫我抹兒童椅（這一點是從來沒有其他餐廳會做到，太細心了！） 食物：拼盤：適合一家大小，餐前開胃小食！味道方面不錯蠔仔粥： 是我今晚的最愛，材料非常充足，熱辣辣惹味粥底，蠔仔新鮮，芫荽夠多。一定要趁熱食，放耐了就無咁正。 乳鴿：皮脆肉滑，味道夠鹹適中，非常之好味，一隻有四件唔夠分，可以再叫多一隻！ 叉燒：餐廳侍應推介，即管試試，我覺得可以切薄一些，肉質可以軟一些，汁可以再Juicy，有改善空間，不過都好食，可以一試。炒花甲：大排檔風味，小炒海鮮及配菜材料充足，味道很惹味，可以多啲汁，賣相很好👍🏻我本身不食辣 ，食到！喜歡辣嘅人，會覺得唔夠辣。驚喜：待廳送上我們自己帶來的生日蛋糕，還驚喜地安排駐場年輕歌手和琴手，專登走到我們檯前，彈奏演唱生日歌，這是我們事前不知情，十分感謝他們的驚喜安排！ 我們是剛從外區搬來元朗居住，感受到元朗人的友善，支持及推介這間小店！…查看更多

唐人居鄰近屏山輕鐵站唐檔輕鐵站，附近有單車徑或坐小巴31號直達。揸車最方便🚘。全新裝修後環境雅致大廳位置開陽光猛坐位寬敞，冷氣充足,樓上開陽願景茶時段，還有傳統荼客人大堂飼養雀仔觀賞。早上西式早餐大件及抵食又可以飲早茶食點心，午餐😄大廚有熱誠菜單偶然有驚喜，炒粉麵飯有鑊氣唔錯，值得推介日式蒜香雞扒炒烏冬、瑤柱蛋白炒飯😘。出品快食物水準穩定。唯一美中不足只接受現金支付及沒有晚市，要幫襯就要留意啦，避免白花油😅及留意鑊氣大廚出沒時間😂…查看更多

服務態度非常好有問題會有人即刻解決唔會淨係企喺到傾計玩電話冷氣充足 唔會好熱泊車喺側邊可以睇到車食物質素中上👍🏻全部都新鮮即整 味道岩岩好 有時會爆場價錢方面平靚正$54就有個Lunch 下午茶都好抵食有閒要來試吓👍🏻好過元朗好多有貴又難食嘅餐廳…查看更多

發現呢間隱世餐廳 環境一流豬扒包超好食 食完再外賣一份被屋企人食 超讚👍 老闆超好人 欣賞裝修都超有品味 下次再來 味道有華嫂級數 但收下午6點 再冇補充 但食評必須最少80宇才可發表 終於夠宇數了 拜拜…查看更多

唐人居新裝修後見到有冷氣及乾淨咗，所以今日去試下食早餐，款式算多價錢唔貴，叫咗五香肉丁麵及豬扒麵，麵質彈性ok，唔會太淋或太硬，豬扒雖然大塊但唔好食，早餐跟厚多士，多士唔脆，係淋嘅... 見到餐牌有生炸雞髀，立即叫嚟試試，3分鐘左右就到，雞髀皮係淋嘅；此外，點心可能係另一賣點，因為上午11點左右已經賣晒，所以未能評論。相信唐人居老闆係有心做好，因為見裝修及擺設都係用心諗過，希望老闆能夠試下自己嘅出品，起碼多士及炸物要夠鬆脆。最後，希望洗手間都能夠裝修翻新，非常污糟😅…查看更多

估唔到屏山咁遠既地方都有開06既餐廳。餐廳可以食正常茶餐廳嘅飯麵，又可以飲早茶。茶餐廳塊面就不設套餐，單叫一個豬扒出前一丁要$29。再叫多咗一籠蝦餃一籠燒賣。不過要另外收茶錢。所以咁樣叫唔係好抵，不過由佢啦一次半次。蝦餃同燒賣都係一籠四件，味道唔錯。豬扒出前一丁幾好食，豬扒香脆，不過啲麵好林。…查看更多