哲平食堂

餐廳位於尖沙咀K11商場外圍，位置方便。環境走日式快餐風格，簡約乾淨，除咗可以揀普通壽司飯或者白飯做飯底，仲可以加錢轉沙律，或者加配其他配料，可選自己喜歡的口味去搭配。🍚 招牌大盛海鮮丼「大盛海鮮丼」絕對係性價比之選。非常豐富嘅角切魚生飯，裡面有齊吞拿魚、三文魚、帶子、三文魚籽、甜蝦同八爪魚等多款海鮮。刺身新鮮，份量十足，撈埋醋飯一齊食，口感同層次都好豐富。仲可以加$12配隻溫泉蛋，撈勻嚟食更加滑溜滿足。如果想食得更豐富，可以考慮加$18升級做套餐，跟埋沙律同麵豉湯，咁就更加完整抵食。蔥香吞拿魚蓉飯蔥花同吞拿魚蓉撈到勻循循，飯粒乾爽唔黏口，滴兩圈日式甜醬油，撈勻一啖放入口——魚蓉香滑蔥花脆，食完仲想舔匙羹！🐟 三文魚籽三文魚籽晶瑩剔透爆汁，味道同口感都相當唔錯。🐙芥辣八爪魚八爪魚仔爽脆彈牙，蘸滿嗆鼻嘅日式芥辣醬，一食醒神衝上腦！嗆勁過後係海洋嘅鮮甜，刺激開胃，係絕佳嘅餐前小食，食到眼水出先夠過癮！🦑蒜香墨魚仔墨魚仔夠飽滿，蒜香夠濃烈！食落鹹香鮮美。…查看更多

中午去尖沙咀整完野，行過見到呢間日本料理幾光猛乾淨，一於入去試吓佢個招牌海鮮丼。招牌海鮮丼賣相唔錯，材料鋪得滿滿一碗。魚生方面，有三文魚、吞拿魚、小貝柱、甜蝦、八爪魚同玉子。三文魚油脂幾香，吞拿魚有咬口，小貝柱同甜蝦都算鮮甜。飯嘅溫度同醋味都調得啱啱好，唔會太酸，同魚生好夾。另外加咗份明太子，味道鹹香帶少少辣，用來送飯，可以提升味道層次。蒜香墨魚仔係我至愛，墨魚仔口感爽脆彈牙，蒜味香濃但唔會太嗆，食完唔會成口蒜臭味，調味做得幾好。今餐食得幾滿意，食材新鮮，味道搭配得宜，價錢合理，係會想再回頭幫襯嘅一間店。…查看更多

尖沙咀河內道隱藏住間抵食到尖叫嘅日本丼飯專門店！人均唔使$100，竟然食到水準超班嘅炙燒三文魚丼，簡直係平民福音！個丼一上枱就香到忍唔住，三文魚厚切到超有誠意，炙燒後邊緣微焦帶住牛油香，中間仲保持住粉嫩口感，入口油潤鮮甜，完全唔會腥！飯底吸滿特調醬汁，粒粒分明唔會黐糊，配埋三文魚油脂香，一口飯一口魚簡直絕配。鋪料好足，滿滿一層覆蓋晒飯面，食到最後都有魚肉配飯，唔會淨係食白飯。鋪面仲撒咗芝麻同海苔碎，增添風味層次。店鋪雖然細，但乾淨企理，唔使排長隊，快手可以食完繼續行街。呢個價錢食到咁新鮮、分量又足嘅炙燒三文魚丼，性價比真係冇得彈！下次要試埋其他海鮮丼，返工放工、行街經過都值得沖～…查看更多

同細妹去尖沙咀行完街搵嘢食~想食下魚生但又唔係好肚餓🤔就俾我發現呢間魚生丼,舖頭細細但唔會好局促~選擇唔多但基本嘢有齊,啱晒我呢d選擇困難症人士,另外特別在可以揀壽司醋飯或者白飯🫢🫢大家行開附近想快食都係一個唔錯嘅選擇~~💜招牌海鮮丼刺身新鮮好味~一次過有晒(三文魚/呑拿魚/帶子等等……)刺身唔洗諗唔洗煩惱,good good👍🏻~💜炙燒三文魚丼輕輕炙燒過帶出三文魚油香,入口小小脆口,口感層次更豐富👍🏻~…查看更多

𝐅𝐫𝐢𝐝𝐚𝐲 𝐍𝐢𝐠𝐡𝐭 · 哲平食堂 🇯🇵星期五晚，最好就係同好朋友搵好西！今次同 嚟到尖沙咀K11 art mall 呢間「哲平食堂」，個環境真係冇得頂，坐得舒服，燈光又啱啱好，最啱我哋呢啲要傾密偈嘅食貨。👭🍱 今晚兩個胃，叫咗兩碗超滿足嘅丼飯：✦ 招牌海鮮丼一上枱真係「嘩」一聲！🐟碗飯舖滿哂勁新鮮嘅魚生，三文魚肥美，油甘魚甘甜，隻赤蝦仲要大隻又爽口！將少少Wasabi同醬油撈勻，一啖食落去，魚生嘅鮮甜同醋飯嘅微酸完美結合，真係幸福到震！✦ 燒三文魚丼朋友嗌咗呢個，我都忍唔住偷食咗一啖！🔥塊三文魚燒到啱啱好，魚皮香脆，魚肉keep到肉汁，食落好香口。個燒汁甜甜哋，撈飯真係一流，成碗飯好快就清晒！加配一客三文魚粒，淡淡都係海鮮！一路食一路吹水，不知不覺就坐咗成晚。同啱channel嘅朋友一齊，食好西嘅時間永遠都過得特別快。呢啲就係簡單嘅快樂啦！📝 食後感： 食材新鮮冇得彈，味道正宗，以後嚟開尖沙咀又多個靚地方同朋友飯聚啦！📍哲平食堂 (尖沙咀K11購物藝術館地下)🕠溫馨提示：晚市真係幾full，想食就早少少嚟啦！…查看更多

K11求其fing 想食日本嘢又唔想食咁貴就揀咗呢間丼😛❣️炙燒三文魚明太子丼 $80感覺醋飯豉油比較夾 佢都有沙律揀🥗 醬汁都有蛋黃醬 鰹魚醬油 沙律汁🥴呢個配搭我最鍾意嘅嘢擺埋一齊🔥 三文魚用嘅位冇乜油脂 一大坺明太子配咩都好食🙂‍↕️ 勁快就撈完成碗飯🍚❣️蔥香吞拿魚蓉丼 $68❣️三文魚子 +$24呢個配搭我都好鍾意 蔥吞拿魚係不敗🐟再加啲三文魚增添個鹹鮮味 成碗嘢更豐富✨呢度嘅選擇唔多適合少少人食個快飯~ 質素係OK嘅🙂‍↕️…查看更多

每日放工就係想食個平靚正嘅晚餐 就返屋企休息 跟住第二日又返工🫢🫢今日就經過尖沙咀K11購物藝術館 見到呢間哲平食堂地方唔太大 但係食個快飯都幾啱👍🏻👍🏻選擇唔太多 但有自己啱食嘅先揀主菜款式 再揀主食 （白飯/半飯半菜/壽司醋飯）跟住揀醬汁（刺身醬油/和風沙律汁/香辣蛋黃醬/薑香鰹魚醬汁）🧡三文魚親子丼 配刺身醬油 壽司醋飯- 我揀咗傳統嘅刺身醬油 - 三文魚 同 三文魚籽鮮甜🧡炙燒三文魚明太子丼 配和風沙律汁 壽司醋飯- 片片炙燒過三文魚配明太子醬 係鹹香風味嘅配搭 都幾好- 不嬲都鍾意三文魚籽ge鮮味 所以額外加咗一份…查看更多

今晚同朋友敘舊，大家都係鍾意食日本嘢，K11又十分方便所以選左依度。🍣 三文魚親子丼配薑香鰹魚汁 + 明太子醬這款丼飯可謂是三文魚控的夢幻之選。厚切三文魚刺身油脂豐富，入口即化，配上爆汁的三文魚籽（親子組合），鮮味層次分明。薑香鰹魚汁帶來微微辛香，提升整體鮮味而不搶味，明太子醬則為味道添上一抹鹹香與濃郁，令每一口都充滿驚喜。整體平衡度高，既有清新感又不失濃郁。---🔥 炙燒三文魚明太子丼炙燒後的三文魚表面微焦，香氣撲鼻，油脂經炙燒釋放得更徹底，入口更香滑。明太子醬在炙燒後略帶焦香，鹹香濃郁，與三文魚完美融合。飯底吸收了醬汁的精華，每一口都令人回味。這款丼飯適合喜歡熟食但又不想錯過三文魚鮮味的人。---🐟 大盛海鮮丼這碗是海鮮愛好者的終極選擇。多款刺身如吞拿魚、三文魚、魷魚、甜蝦、玉子等鋪滿整個飯面，色彩繽紛，視覺與味覺同時滿足。每款刺身都新鮮爽口，切割得宜，配上壽司飯的微酸，令整體味道更有層次。---整體而言，哲平食堂的丼飯不但食材新鮮，醬汁搭配亦見心思，無論是喜歡刺身、炙燒或海鮮拼盤的你，都能找到心頭好。…查看更多

難得去一次K11竟然俾我搵到唔使$100就食到性價比超高嘅地道日式海鮮丼 Menu都算有幾多選擇基本上唔加配料人均唔會超過100招牌大盛海鮮丼加大份量都只係$88 真係超誇張有吞拿魚、玉子、蝦、三文魚籽、鰻魚、三文魚、八爪魚、小貝柱同青瓜🥒用料絕對唔孤寒 係平時食到都覺得好食嘅食材而且可以自選自己鍾意嘅醬汁配上日本米完美！蔥香吞拿魚蓉丼食親丼飯我一定要點我至愛吞拿魚另外加咗三文魚籽 吞拿魚蓉份量超多 真係做到一啖白飯一啖魚蓉食到底 呢點超讚！…查看更多

係尖沙咀食左間刺身丼，細細間過下口癮都唔錯🥰價錢都唔算太貴既😌果日無帶子，所以同朋友揀左大盛刺身海鮮丼及招牌刺身海鮮丼，可以揀沙律/白飯/醋飯，亦都可以飯或沙律各一半🍣大盛刺身海鮮丼 $88/招牌刺身海鮮丼$78醬油我地揀返刺身醬油，兩兜都係勁多料，只係大盛會多少少飯。配料有三文魚粒、吞拿魚粒、三文魚籽，八爪魚粒、小元貝粒、蝦粒、青瓜粒及鰻魚粒等。食材都好新鮮好大粒🥰佢地仲可以另外加配料，包括味噌湯、三文魚粒、溫泉蛋及雞胸等🤩經開舊K11都可以試下🥰哲平食堂 (尖沙咀)📍尖沙咀河內道18號K11購物藝術館地下G21及G22號舖…查看更多

喺尖沙咀行過K11，見到一間丼飯店，望落唔算大間，上網搵下發現，呢間丼飯店係來自新加坡嘅人氣品牌，由曾喺日本必比登餐廳掌廚嘅師傅創立，主打用優質食材做出親民價錢嘅日式丼飯，即刻入去試吓佢。🐟 今次試咗佢哋嘅大盛海鮮丼，真係名副其實「大盛」，三文魚、吞拿魚、鰻魚、蝦、小貝柱鋪滿成個飯面，魚生切得厚身，入口鮮甜，配埋微酸嘅醋飯，加小小醬油都夠味。每啖都食到唔同口感，真係幾滿足。🧅 蔥香吞拿魚蓉丼就係另一種風味，吞拿魚蓉混合咗蔥香，味道清爽唔膩，食落有啲似日式家常味，好適合唔太鍾意重口味嘅人。🦑 小食方面，芥辣八爪魚夠爽口，芥辣唔會太搶味，啱晒配飯；小貝柱就鮮甜彈牙，簡單調味已經好出色。整體嚟講，呢度價錢親民，食材新鮮，仲可以自由揀飯底，啱晒鍾意自訂口味嘅人。喺尖沙咀呢個地段，食到咁質素嘅丼飯，真係抵食又開心。📝哲平食堂 @teppeisyokudo_hk 📍尖沙咀K11購物藝術館地下G21及G22號舖…查看更多

地點方便，位於K11商場外圍，環境雖小，但簡約乾淨，走日式快餐風格，還可以坐窗邊望住尖沙咀人來人往街景，適合快閃午餐或一兩個人輕鬆晚餐。三文魚親子丼 - 三文魚切片厚身，而且新鮮，入口滑嫩。三文魚籽晶瑩剔透爆汁，飯底可選白飯或醋飯，擺盤整齊，口感滑嫩。招牌海鮮丼 - 性價比之選，約$78就可以享受到多款海鮮，包括三文魚、吞拿魚、鰻魚、蝦、八爪魚、小貝柱、玉子和三文魚籽等。刺身切粒混合醋飯，不同口感，層次豐富，味道一流。價錢合理，食材新鮮，配搭自由度高，有些可選大盛或迷你丼飯，亦可加錢轉沙律或加配其他配料，可選升級套餐，自由選擇。…查看更多

如果你熱愛丼飯，一定要去尖沙咀的這間丼飯店試試他們的招牌菜！這裡的丼飯不單止好味，還充滿了新鮮的海味，讓每一口都令人陶醉。😍🔸『炙燒三文魚太子丼』這道丼飯的主角是炙燒三文魚，外焦內嫩，魚肉的鮮香與炙燒的香氣完美結合。每一口都能感受到三文魚的油脂在口中化開，搭配上清新的紫菜和香滑的米飯，真是讓人驚喜！撒上少許的海鹽，味道更加提升，簡直是享受！❤️🔸『招牌海鮮丼』這款海鮮丼則是另一番風味，鮮蝦、扇貝和鮮魚片等海鮮新鮮無比，口感多層次。每一種海鮮都保持著原汁原味，搭配上特製醬汁，讓人忍不住一口接一口。米飯的Q彈和海鮮的鮮甜相得益彰，仿佛置身於海洋的懷抱中，令人心滿意足！✨無論是獨自享用還是與朋友分享，這間丼飯店的選擇都能滿足你的味蕾。快來尖沙咀，一起享受這份美味的丼飯吧！🤪iHungry開心指數：7.5/10分 …查看更多

尖沙咀K11商場lunch time到處都是排隊人龍，自己有幸可以late lunch，避得開人潮唔使等位🤭今日嘅目標係呢間「哲平食堂」～餐廳面積唔大，全部單丁位，單邊大玻璃窗自然光照晒成間餐廳。主打海鮮丼，唔食生野嘅有燒牛肉丼👌🏿全部丼飯都係$100有找，唔會肉赤。可選配白飯/壽司醋飯/半白飯半菜/加$5轉沙律，幾彈性。叫碗「招牌海鮮丼」大盛，有三文魚籽、鰻魚、三文魚、小貝柱、八爪魚、吞拿魚、蝦、玉子同青瓜。刺身出手唔孤寒，新鮮唔會有雪味，日本米口感對板。醬汁4選1，愛重口味揀咗”香辣蛋黃醬”，記得落少少就夠，唔係就會遮晒刺身味同鹹得濟🤭大盛個份量啱啱好，我清晒一粒飯都冇剩。額外加錢加topping加咗溫泉蛋同明太子📣…查看更多

今次喺K11試左哲平食堂兩款丼飯，快靚正之餘又夠滿足。大盛海鮮丼（$88）三文魚粒油香柔滑、三文魚子鮮香，小貝柱清甜、吞拿魚粒結實帶咬口，八爪魚粒爽脆，鰻魚嫩滑，玉子微甜、青瓜清新解膩，層次感好豐富。炙燒三文魚明太子丼（$80）三文魚厚身微炙後更散發油脂香；明太子鹹度拿捏得宜，帶點甘香，與魚脂相當合襯😋我哋兩款都加咗溫泉蛋🥚，拌開後滑溜包住飯同刺身，令鮮味更突出、口感更柔和。一碗行海鮮澎湃感，一碗行炙香細膩，整體嘅感覺都唔錯！…查看更多