哲平食堂

餐厅位于尖沙咀K11商场外围，位置方便。环境走日式快餐风格，简约干净，除咗可以拣普通寿司饭或者白饭做饭底，仲可以加钱转沙律，或者加配其他配料，可选自己喜欢的口味去搭配。🍚 招牌大盛海鲜丼「大盛海鲜丼」绝对系性价比之选。非常丰富嘅角切鱼生饭，里面有齐吞拿鱼、三文鱼、带子、三文鱼籽、甜虾同八爪鱼等多款海鲜。刺身新鲜，份量十足，捞埋醋饭一齐食，口感同层次都好丰富。仲可以加$12配只温泉蛋，捞匀嚟食更加滑溜满足。如果想食得更丰富，可以考虑加$18升级做套餐，跟埋沙律同面豉汤，咁就更加完整抵食。葱香吞拿鱼蓉饭葱花同吞拿鱼蓉捞到匀循循，饭粒干爽唔黏口，滴两圈日式甜酱油，捞匀一啖放入口——鱼蓉香滑葱花脆，食完仲想舔匙羹！🐟 三文鱼籽三文鱼籽晶莹剔透爆汁，味道同口感都相当唔错。🐙芥辣八爪鱼八爪鱼仔爽脆弹牙，蘸满呛鼻嘅日式芥辣酱，一食醒神冲上脑！呛劲过后系海洋嘅鲜甜，刺激开胃，系绝佳嘅餐前小食，食到眼水出先够过瘾！🦑蒜香墨鱼仔墨鱼仔够饱满，蒜香够浓烈！食落咸香鲜美。…查看更多

中午去尖沙咀整完野，行过见到呢间日本料理几光猛干净，一于入去试吓佢个招牌海鲜丼。招牌海鲜丼卖相唔错，材料铺得满满一碗。鱼生方面，有三文鱼、吞拿鱼、小贝柱、甜虾、八爪鱼同玉子。三文鱼油脂几香，吞拿鱼有咬口，小贝柱同甜虾都算鲜甜。饭嘅温度同醋味都调得啱啱好，唔会太酸，同鱼生好夹。另外加咗份明太子，味道咸香带少少辣，用来送饭，可以提升味道层次。蒜香墨鱼仔系我至爱，墨鱼仔口感爽脆弹牙，蒜味香浓但唔会太呛，食完唔会成口蒜臭味，调味做得几好。今餐食得几满意，食材新鲜，味道搭配得宜，价钱合理，系会想再回头帮衬嘅一间店。…查看更多

尖沙咀河内道隐藏住间抵食到尖叫嘅日本丼饭专门店！人均唔使$100，竟然食到水准超班嘅炙烧三文鱼丼，简直系平民福音！个丼一上枱就香到忍唔住，三文鱼厚切到超有诚意，炙烧后边缘微焦带住牛油香，中间仲保持住粉嫩口感，入口油润鲜甜，完全唔会腥！饭底吸满特调酱汁，粒粒分明唔会黐糊，配埋三文鱼油脂香，一口饭一口鱼简直绝配。铺料好足，满满一层覆盖晒饭面，食到最后都有鱼肉配饭，唔会净系食白饭。铺面仲撒咗芝麻同海苔碎，增添风味层次。店铺虽然细，但干净企理，唔使排长队，快手可以食完继续行街。呢个价钱食到咁新鲜、分量又足嘅炙烧三文鱼丼，性价比真系冇得弹！下次要试埋其他海鲜丼，返工放工、行街经过都值得冲～…查看更多

同细妹去尖沙咀行完街揾嘢食~想食下鱼生但又唔系好肚饿🤔就俾我发现呢间鱼生丼,舖头细细但唔会好局促~选择唔多但基本嘢有齐,啱晒我呢d选择困难症人士,另外特别在可以拣寿司醋饭或者白饭🫢🫢大家行开附近想快食都系一个唔错嘅选择~~💜招牌海鲜丼刺身新鲜好味~一次过有晒(三文鱼/呑拿鱼/带子等等……)刺身唔洗谂唔洗烦恼,good good👍🏻~💜炙烧三文鱼丼轻轻炙烧过带出三文鱼油香,入口小小脆口,口感层次更丰富👍🏻~…查看更多

𝐅𝐫𝐢𝐝𝐚𝐲 𝐍𝐢𝐠𝐡𝐭 · 哲平食堂 🇯🇵星期五晚，最好就系同好朋友揾好西！今次同 嚟到尖沙咀K11 art mall 呢间「哲平食堂」，个环境真系冇得顶，坐得舒服，灯光又啱啱好，最啱我哋呢啲要倾密偈嘅食货。👭🍱 今晚两个胃，叫咗两碗超满足嘅丼饭：✦ 招牌海鲜丼一上枱真系「哗」一声！🐟碗饭舖满哂劲新鲜嘅鱼生，三文鱼肥美，油甘鱼甘甜，只赤虾仲要大只又爽口！将少少Wasabi同酱油捞匀，一啖食落去，鱼生嘅鲜甜同醋饭嘅微酸完美结合，真系幸福到震！✦ 烧三文鱼丼朋友嗌咗呢个，我都忍唔住偷食咗一啖！🔥块三文鱼烧到啱啱好，鱼皮香脆，鱼肉keep到肉汁，食落好香口。个烧汁甜甜哋，捞饭真系一流，成碗饭好快就清晒！加配一客三文鱼粒，淡淡都系海鲜！一路食一路吹水，不知不觉就坐咗成晚。同啱channel嘅朋友一齐，食好西嘅时间永远都过得特别快。呢啲就系简单嘅快乐啦！📝 食后感： 食材新鲜冇得弹，味道正宗，以后嚟开尖沙咀又多个靓地方同朋友饭聚啦！📍哲平食堂 (尖沙咀K11购物艺术馆地下)🕠温馨提示：晚市真系几full，想食就早少少嚟啦！…查看更多